Kaca:Bali-lontar-gaguritan-dang-hyang-nirartha-450ppi.pdf/21

[᭒᭐ 20B]
᭒᭐
᭞ᬪᬝᬵᬳᬭᬰᬓ᭄ᬢᬶᬫᬦ᭄ᬯᬪᬵ᭞ᬳᬶᬤᬵᬪᬝᬵᬭᬫ᭄ᬮᬦ᭄ᬢᬶᬂ᭞ᬢᬶᬕᬂᬮᬸᬗ᭄ᬕᬸᬄ᭞ᬫᬲᬋᬗᬦ᭄ᬧᬢᬶᬃᬢ᭄ᬢᬬᬦ᭄᭟ᬬᬦᬶᬂᬤᬶᬦᬦ᭄ᬧᬢᬶᬃᬢ᭄ᬢᬬᬦ᭄᭞ᬯ᭄ᬭᬲ᭄ᬧᬢᬶᬧᬳᬶᬂᬓᬸᬭ
ᬦ᭄ᬢᬶᬮ᭄᭞ᬳᬯᬶᬦᬦ᭄ᬳᬶᬤᬵᬩ᭄ᬭᬳ᭄ᬫᬵᬡ᭞ᬧᬭᬳᬕᬸᬗᬾᬭᬶᬂᬩᬗ᭄ᬮᬶ᭞ᬫᬜᬸᬗ᭄ᬲᬸᬂᬲᬋᬂᬲᬫᬶ᭞ᬲᬓᬶᬂᬚᬕᬓᬸᬢ᭄ᬣᬭᬯᬸᬄ᭞ᬲᬳᬦᬦᬶᬂᬩ᭄ᬭᬳ᭄ᬫᬵᬡ᭞ᬫᬗ᭄ᬯ
ᬧᭀᬮᬶᬄᬫᬦᬗ᭄ᬓᬶᬮ᭄᭞ᬳᬦ᭄ᬢᬸᬓᬸᬫ᭄ᬧᬸᬮ᭄᭞ᬧᬮᬶᬗ᭄ᬕᬶᬄᬳᬶᬤᬵᬪᬝᬵᬭ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬶᬦᬸᬘᬧ᭄᭞ᬓᬭᬶᬓᬧᭂᬃᬦᬄᬫᬶᬗ᭄ᬲᬶᬓᬶ᭞ᬳᬦ᭄ᬢᬸᬓ᭄ᬪᬝᬵᬭ
ᬩᬚᬗᬦ᭄᭞ᬧᬸᬢ᭄ᬭᬦ᭄ᬪᬝᬵᬭᬭᬶᬂᬧᬾᬮᬶᬂ᭞ᬳᬶᬤᬵᬲᬂᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬓᬳᬸᬘᬧ᭄ᬲᬓᬢᭀᬦ᭄ᬕᬸᬦᬸᬂ᭞ᬳᬯᬶᬦᬦ᭄ᬓᬸᬫᬗ᭄ᬕᭂᬳᬂ᭞ᬪᬝᬵᬭᬲ
[᭒᭑ 21A]
ᬓᬢᭀᬦ᭄ᬫᬗ᭄ᬓᬶᬦ᭄᭞ᬲᬂᬓᬲᬸᬫ᭄ᬩᬸᬂ᭞ᬫᬧᬶᬓᬢ᭄ᬓᬾᬓᬾᬃᬲᬢᬢ᭟ᬳᬶᬤᬵᬧᭀᬮᬶᬄᬦ᭄ᬤᬾᬯᬰ᭄ᬭᬬᬵ᭞ᬫᬦᬓ᭄ᬢᬶᬭᬶᬂᬤᬍᬫ᭄ᬧᬸᬭᬶ᭞ᬯᬦ᭄ᬢᬄᬫᬶᬲᬤ᭄ᬬᬦᬸᬦᬲᬂ᭞ᬧᬓᬳ
ᬤ᭄ᬫᬭᬦᬶᬂᬧᬓ᭄ᬱᬶ᭞ᬓᬾᬓᬾᬭᬾᬲᬦᬾᬘ᭄ᬮᬶᬄ᭞ᬪᬝᬵᬭᬮᬸᬕ᭄ᬭᬧᬶᬢᬸᬤᬸᬄ᭞ᬫᬮᬶᬄᬓᬳᬶᬘᬾᬦ᭄ᬧᬦᬯᬃ᭞ᬲᬮ᭄ᬯᬶᬭᬶᬂᬳᬸᬧᬲ᭄ᬫᬦ᭄ᬤᬶ᭞ᬲᬶᬤ᭄ᬥᬭᬯᬸᬄ᭞ᬲᬚᬯᬶᬦᬶᬂ
ᬳᬸᬮᬕᬮᬸᬕ᭟ᬭᬭᬶᬲ᭄ᬳᬶᬤᬵᬗ᭄ᬯᬗᬸᬦ᭄ᬧᬹᬭᬵ᭞ᬭᬶᬂᬲᬓᬢᭀᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬓᬓᬸᬳᬸᬩ᭄ᬚᬕᬢ᭄ᬲᬶᬗᬃᬱᬵ᭞ᬭᬶᬓᬵᬮᬦᬶᬂᬧᬹᬚᬯᬮᬶ᭞ᬲᬓᬶᬂᬚᬡ
ᬓᬸᬣᬦᬗ᭄ᬓᬶᬮ᭄᭞ᬫᬶᬲᬤ᭄ᬬᬦᬸᬦᬲ᭄ᬭᬳᬬᬸ᭞ᬫᬸᬗ᭄ᬕ᭄ᬯᬶᬂᬤᬶᬦᬦ᭄ᬧᬢᬶᬃᬢ᭄ᬣᬬᬦ᭄᭞ᬯᬦ᭄ᬢᬄᬫᬗ᭄ᬕᭂᬄᬭᬯᬸᬄᬫᬗ᭄ᬓᬶᬦ᭄᭞ᬲᬓᬶᬂᬲᬵᬫ᭄ᬧᬸᬦ᭄᭞ᬭᬶᬓᬵᬮᬧᬹᬃᬡ᭄ᬦ