[᭓᭖ 36 B]
᭓᭖
ᬩᬧ᭞ᬩᬦᬾᬫ᭄ᬩᬳᬦ᭄ᬫᬧᬳᬶᬩᬸᬓ᭄᭞ᬲᬮᬶᬂᬯᬂᬯᬂᬲᬮᬶᬂᬩᬢ᭄ᬩᬢ᭄᭞ᬧᬥᬫᬶᬲᬸᬄᬲᬮᬶᬂᬩᬸᬃᬩᬸᬭᬂ᭟ᬢᭀᬓ᭄ᬭᬡᬤᬾᬫᬮᬡ᭄ᬥᬂᬚᬦᬶᬫᬫ᭄ᬭᬸᬤ᭄᭞ᬫᬜᬶᬮᬶᬄᬤᬾᬯᬾᬓᬾ᭞ᬓᬾᬦ᭄ᬓᬾᬦᬂᬚᬦᬶᬫ
ᬢᬗ᭄ᬓᬶᬲ᭄᭞ᬳᬧᬂᬫᬗ᭄ᬤᬾᬦ᭄ᬜᬦᬾᬩᬸᬯᬸᬂ᭞ᬳᬧᬚᬦᬶᬳᬗ᭄ᬕᬾᬦ᭄ᬲᬶᬮᬸᬃ᭞ᬤᬾᬯᬾᬓᬾᬧᬲ᭄ᬮᬂ᭞ᬢᭀᬂᬤᬤᬶᬩᬳᬦ᭄ᬗᬍᬚᬸᬄᬯᬶᬭᬾᬄᬩᬜᬫᬓᬸᬭᬸᬗᬦ᭄᭞ᬦᬄᬕᬦ᭄ᬢᬶᬦᬾᬲᬭᬦ᭄ᬜ᭟ᬬᬾ
ᬦᬶᬂᬢᬶᬢᬄᬢᬦ᭄ᬧᬧᬸᬧᬸᬢ᭄᭞ᬪᬝᬭᬦᬾᬳᬶᬘ᭄ᬘ᭞ᬗᬫᬗ᭄ᬕᭂᬳᬂᬲᬂᬳ᭄ᬬᬂᬳᬸᬭᬶᬧ᭄᭞ᬬᬾᬦ᭄ᬢᬶᬢᬄᬧᬘᬂᬮᬫ᭄ᬧᬸᬲ᭄᭞ᬪᬝᬭᬦᬾᬫᬶᬮᬸᬩᭂᬟ᭄ᬥᬸ᭞ᬫᬜ᭄ᬚᬩᬸᬤ᭄ᬲᬂᬳ᭄ᬬᬂᬳᬢ᭄ᬫ᭞ᬢᬶᬢᬄᬗᬫᭂᬮ᭄ᬳᬶᬯᬂᬧᬢᬸ
ᬢ᭄᭞ᬲᬫᬶᬳᬶᬤᬗᬯᬾᬯ᭄ᬦᬂ᭞ᬲᬳᬶᬲᬦᬶᬓᬂᬪᬸᬯᬦ᭟ᬪᬸᬯᬦᬳᬮᬶᬢ᭄ᬫᬸᬯᬄᬪᬸᬯᬦᬳᬕᬸᬂ᭞ᬲᬤᬕᬶᬗᬶᬂᬳᬗ᭄ᬕ᭞ᬪᬝᬭᬳᬶᬤᬗᬮᬶᬗ᭄ᬕᬦᬶᬦ᭄᭞ᬳᬶᬤᬗ᭄ᬕᬫᭂᬮᬳᬬᬸ᭞ᬳᬕᭂᬂᬳ
[᭓᭗ 37 A]
ᬮᬶᬢ᭄ᬳᬶᬯᬂᬧᬢᬸᬢ᭄᭞ᬓᬾᬢᭀᬓ᭄ᬜᭂᬢ᭄ᬳᬶᬘᬸᬭᬶᬓᬾ᭞ᬫᬦᬲ᭄ᬢᬯᬵᬭᬶᬂᬳ᭄ᬬᬂᬮᬸᬳᬸᬃ᭞ᬗᬘᭂᬧ᭄ᬤᬾᬯᬚ᭄ᬭᭀᬦᬶᬂᬦᬮ᭞ᬧᬦ᭄ᬫᬮᬡ᭄ᬥᬂᬬᬫᬗᬸᬘᬧ᭄᭟ᬦᬄᬓᬾᬤᬶᬦᬶᬯᬬᬦ᭄ᬩᬧᬵᬫᬦ᭄ᬢᬸᬓ᭄᭞ᬤᬾᬄ
ᬓᬾᬘᬸᬭᬶᬓᬾ᭞ᬳᬶᬩᭀᬢᭀᬄᬮᬭᬫᬗᭂᬜ᭄ᬚᬸᬳᬶᬦ᭄᭞ᬫᬢ᭄ᬯᬦᬾᬦᬫ᭄ᬧᬶᬲᬫ᭄ᬧᬸᬦ᭄᭞ᬢᬸᬮᬸᬮᬶᬭᬭᬶᬲ᭄ᬬᬵᬧᭂᬲᬸ᭞ᬳᬶᬩᭀᬢᭀᬄᬮᬭᬗᬶᬭᬶᬗᬂ᭞ᬧᬦ᭄ᬫᬮᬡ᭄ᬥᬂᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬳᬶ
ᬩᭀᬢᭀᬄᬮᬭᬫᬢᬸᬮᬓ᭄᭞ᬤᬾᬫᬮᬡ᭄ᬥᬂᬕ᭄ᬮᬶᬲ᭄ᬢ᭄ᬓᭂᬤ᭄ᬭᬶᬂᬳᬸᬫᬄ᭟ᬲᬢ᭄ᬓᬦᬾᬧᬦ᭄ᬫᬮᬡ᭄ᬥᬂᬬᬕᬸᬧᬸᬄ᭞ᬫᬜᭂᬫᬓ᭄ᬘᬸᬭᬶᬓᬾ᭞ᬲᬫ᭄ᬦᬶᬮᬗᬬᬫᬫᬸᬜᬶ᭞ᬳᬧᬂᬚᬦᬶᬮ᭄ᬬᬸᬯᬸᬯᬸᬲ᭄᭞ᬳᬶ
ᬘᬸᬭᬶᬓ᭄ᬭᬭᬶᬲ᭄ᬓᬩᬸᬢ᭄ᬩᬸᬢ᭄᭞ᬩᬸᬮᬸᬓᬫ᭄ᬧᬶᬤ᭄ᬜᬦᬾᬓ᭄ᬤᬲ᭄᭞ᬳᬶᬘᬸᬭᬶᬓ᭄ᬬᬵᬕ᭄ᬮᬃᬕ᭄ᬮᬸᬃ᭞ᬳᬤᬸᬄᬲᬓᬶᬢ᭄ᬳᬯᬓ᭄ᬢᬶᬢ᭄ᬬᬂ᭞ᬦᬧᬶᬋᬓᬾᬲᬮᬄᬢᬶᬢ᭄ᬬᬂᬧᬦ᭄ᬫᬮᬡ᭄ᬥᬂᬰᬩ᭄ᬥᬦᬾᬲᬤᬋᬗᬸ᭠
Kaca:Bali-lontar-gaguritan-curik-300ppi.pdf/37
Kaca puniki sampun kauji-wacén
