[᭗᭕ 75B]
᭗᭕
᭟ᬳᬶᬓᭂᬲ᭄ᬬᭂᬕ᭄ᬩᬶᬦ᭄ᬫᬶᬋᬗᬂᬢᬦ᭄ᬱᬄᬳᬬᬸᬅᬓᬳᬋᬧᬶᬦ᭄ᬳᬦᬓᬕᬸᬂᬳᬬᬸᬗᬸᬭᬄᬕ᭄ᬢᬃᬢᬦ᭄ᬫᬢᬦ᭄ᬫᬢ᭄ᬭᬓᬩᬶᬮ᭄ᬩᬶᬮ᭄ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄ᬧᬧᭂᬲᭀᬦᬾᬫᬦᬶᬲᬺᬫ᭄ᬧᬸᬄᬮ᭄ᬯᬶᬃᬫᬢ᭄ᬭᬸᬄᬕᬸᬮᬤ᭄ᬭᬯᬵᬓ᭄ᬫᬶᬓᬦ᭄ᬮᬫ᭄ᬩᬾᬦᬾᬫᬦᬶᬲ᭄ᬫᬫ᭄ᬩᬄᬫᬤᬸᬤᬾᬯᬕᬸᬂᬲᬫ᭄ᬧᬸᬭᬧᬶᬲᬦ᭄᭟ᬫᬲᬵᬢᬦ᭄ᬭᬶᬂ
ᬧᬓᬬᬸᬦᬦ᭄ᬢᬶᬢ᭄ᬬᬂᬢᬫ᭄ᬩᭂᬢ᭄ᬮᬶᬦ᭄ᬢᬂᬓᬶᬜ᭄ᬘᬶᬢ᭄ᬲᬓᬾᬫᬳᭀᬦ᭄ᬓᬗ᭄ᬕᬾᬦ᭄ᬫᬦᬄᬳᬦ᭄ᬢᬸᬓ᭄ᬳᬸᬦᬶᬂᬧᬸᬧᬸᬕᭂᬦ᭄ᬤᬶᬂᬳᬸᬯ᭄ᬯᬵᬦ᭄ᬥᬫᬜᬳᬸᬭᬶᬦ᭄ᬲ᭄ᬯᬩᬯᬵᬫᬢ᭄ᬭᬸᬄᬫᬤᬸᬯ᭄ᬯᬵᬘᬸᬫ᭄ᬧᬸᬲ᭄ᬭᬶᬬᬸᬢ᭄ᬧᬶᬲᬦ᭄ᬗᬸᬤᬗᬍᬫ᭄ᬳᬯᬓ᭄ᬭᬶᬭᬶᬄᬢᬸᬃᬫᬗᬓ᭄ᬱᬶᬳᬦᬓ᭄ᬥᬵᬳᬶᬤ᭄ᬯᬕᬸᬂᬧᬸᬢ᭄ᬭ᭟ᬭᬚᬧᬸᬢ᭄ᬭᬶᬓᬕᬕ
ᬳᭀᬓᬦ᭄ᬩᬳᬦᬾᬢᬸᬫ᭄ᬩᬾᬦ᭄ᬓᬧᬗ᭄ᬕᬶᬄᬳᬶᬤᬳᬶᬤᬾᬯᬕᬸᬂᬧᬸᬢ᭄ᬭᬩᬕᬸᬲᬾᬢᬦ᭄ᬱᬶᬧᬶᬲᬶᬧᬶᬮᬸᬫ᭄ᬩ᭄ᬭᬾᬂᬓᬲᬸᬦ᭄ᬢᬭᬶᬦᬾᬫᬤᬦ᭄ᬩᬕᬸᬲ᭄ᬳᬦᬸᬮᬸᬲ᭄ᬢ᭄ᬯᬭᬳᬤᬘᬾᬤᬜᭂᬲᬯᬯ᭄ᬯᭂᬓᬾᬦ᭄ᬳᬶᬩᬸᬅᬤᬶᬦᬶᬢ᭄ᬓᬳᬦᬸᬢ᭄ᬢ᭄ᬯᬶᬳᬦᬓ᭄ᬫᬶᬫᬶᬲᬦᬦ᭄᭟ᬳᬦᬓ᭄ᬥᬵᬧᬸᬧᬸᬢᬸᬃᬲᭂᬫ᭄ᬩᬄᬭᬕᬭ
ᬕᬦᬾᬢᬦ᭄ᬱᬶᬧᬶᬮᬶᬦᬶᬍᬮᬶᬮᬾᬂᬋᬤᬬᬵᬲᬃᬯ᭄ᬯᬶᬳᬫᬮᬾᬦᬶᬮᬶᬭᬶᬂᬧᬦ᭄ᬳᬦᬓ᭄ᬯᬬᬵᬯᬕ᭄ᬫᬶᬩᬶᬲᬜᬶᬮᬶᬩ᭄ᬫᬗ᭄ᬤᬾᬲᬭᬸᬲᬓ᭄ᬱᬦᬩᬕᬯᬦ᭄ᬩᬶᬲᬗᬼᬕᬦᬶᬦ᭄ᬕᬸᬫᬶᬤᬸᬓᬾᬗᬸᬦᬶᬦ᭄ᬲ᭄ᬯᬢ᭄ᬯᬭᬶᬂᬭᬢ᭄ᬦᭂᬦ᭄ᬕᬸᬦ᭄ᬦᬵ᭟ᬳᬓᬾᬢᭀᬩᬦ᭄ᬳᬶᬤᬜᭀᬮᬳᬂᬢ᭄ᬯᬭᬤᬩᬶᬦᬦᬂᬓᬶᬓᬶᬢ᭄ᬤ
[᭗᭖ 76A]
ᬤᬶᬦᬯᬂᬘᬶᬗᬓ᭄ᬳᬶᬤ᭄ᬯᬕᬸᬂᬫᬦᬓᬾᬦᬶᬦ᭄ᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬩᬸᬓᬫᭂᬫ᭄ᬩᬄᬫᬤᬸᬚᬸᬭᬸᬄᬮᬸᬢᭂᬦ᭄ᬤᬶᬦᬶᬫᭂᬮᬚᬄᬳᬧᬂᬦᬯᬂᬢᬩᬸᬄᬕᭂᬦ᭄ᬤᬶᬂᬚᬓ᭄ᬫᭂᬓ᭄ᬚᬂᬫᬳᬸᬭᬸᬓ᭄ᬫᬢᬢᬩᬸᬳᬦ᭄᭟ᬳᬭᬶᬦ᭄ᬥᬵᬫ᭄ᬧᭂᬲ᭄ᬢᬸᬃᬲᭂᬫ᭄ᬩᬄᬲ᭄ᬯᬩᬯ᭄ᬯᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬘᬭᬫ᭄ᬩᭀᬬᬵᬫᬜᬶᬤᬬᬂᬢᬫ᭄ᬩᭂᬢ᭄ᬦᬾ
ᬦ᭄ᬢᭂᬦ᭄ᬳᬸᬦᬶᬂᬳᬶᬦ᭄ᬤᬶᬓ᭄ᬧ᭄ᬭᬧᬸᬢ᭄ᬭᬲᬳᬸᬃᬧᬓ᭄ᬱᬶᬕᬶᬫᬶᬰᬺᬗᬂᬫᬳᬸᬭᬸᬓ᭄ᬭᬫᬾᬧᬲᬮᬶᬂᬢᬶᬫ᭄ᬩᬮ᭄ᬳᬶᬩᬸᬦ᭄ᬥᬵᬮᬾᬤᬂᬢᬦ᭄ᬱᬶᬧᬶᬲᬕᬾᬢ᭄ᬭᬳᬸᬄᬓᭀᬭᬢᬸᬲ᭄ᬩᭂᬗᬾᬋᬱ᭄ᬝᬄ᭟ᬘᬭᬫᭂᬦ᭄ᬤᬓ᭄ᬩᬜ᭄ᬘᬘᬶᬗᬓ᭄ᬳᬶᬤ᭄ᬯᬕᬸᬂᬩ᭄ᬬᬂᬫᬓᬤᬶᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬫᬳᬶᬓᬾᬧᬳᭂᬓᬂᬤᬶᬦᬶ
ᬓᭀᬭᬢᬸᬦᬫ᭄ᬧᭂᬓᬂᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬮᬸᬫᬸᬗ᭄ᬕᬸᬄᬫᬧᬶᬦᬯᬂᬦᬯᬂᬳᬸᬮᬢ᭄ᬜᬭᬸᬜᬭᬸᬫᬧᬶᬫᬧᬶᬫᬸᬮᬵᬓᬾᬢᭀᬤᬾᬦᬶᬂᬧᬯᬶᬮᬗᬦ᭄ᬭᬸᬲᬓ᭄᭟ᬘᭀᬓᭀᬭᬢᬸᬫ᭄ᬧᭂᬲᬗ᭄ᬕᬵᬳᬶᬤ᭄ᬯᬕᬸᬂᬧᬸᬢ᭄ᬭᬓᬋᬧᬶᬦ᭄ᬭᬢᬸᬯᬯᬸᬯᬾᬦ᭄ᬢᭂᬦ᭄ᬓᬩᬃᬗᬶᬂᬤᬸᬭᬸᬂᬫᬓᬦ᭄ᬢᭂᬜ᭄ᬚᬢᬶᬫᬯᬶᬦᬦ᭄ᬢᬶᬢ᭄ᬬᬂ
ᬯ᭄ᬬᬓ᭄ᬢᬶᬳᬶᬤᬾᬯᬕᬸᬂᬧᬸᬢ᭄ᬭᬫᬲᬳᬸᬃᬚ᭄ᬦᭂᬂᬳᬤᬩᬸᬯᬢ᭄ᬓ᭄ᬫᬢ᭄ᬯᬭᬵᬗᬦ᭄ᬫᬯᬗ᭄ᬱᬶᬢ᭄ᬘᭀᬓᭀᬃᬭᬢᬸᬫᬢᬸᬃᬬᬦ᭄ᬭᬶᬂᬫᬦᬄᬢᬶᬢ᭄ᬬᬂ᭟ᬳᬦ᭄ᬢᬸᬓ᭄ᬬᬸᬤᬦᬾᬳᬶᬧᬶᬤᬦ᭄ᬯᬶᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬫᬶᬬᬸᬦᬶᬂᬫᬦᬳᬂᬢᬶᬢ᭄ᬬᬂᬧᬸᬦᬶᬓᬫᬯᬶᬦᬦ᭄ᬭᬳᬸᬳᬾᬫᬗ᭄ᬓᬶᬦ᭄ᬧ᭄ᬭᬧᬸᬢ᭄ᬭᬲᬳᬸᬃ
Kaca:Bali-lontar-gaguritan-cokoratu-05-250ppi.pdf/76
Kaca puniki sampun kauji-wacén
