[᭖᭗ 67B]
᭖᭗
ᬩ᭄ᬮᬕᭂᬩ᭄ᬮᬸᬕ᭄ᬓᬓ᭄ᬢᭂᬕ᭄ᬱᬫ᭄ᬩᬄᬗᬸᬬᬃᬢ᭄ᬯᬭᬮᬾᬦᬦ᭄ᬜᬼᬕ᭄ᬫᬓᬾᬲᬶᬦᬶᬂᬓᬬᬸᬦ᭄ᬳᬭᬄᬢᭀᬂᬤᬤᬶᬲᬭᬸᬯᬂᬤᬤᬶᬫᬫᬸᬜᬶᬗᬸᬢᬶᬧᬶᬢ᭄᭟ᬫᬾᬄᬭᬢᬸᬪᬝᬵᬭᬦ᭄ᬢᬶᬢ᭄ᬬᬂᬲᬂᬲᬗ᭄ᬓᬦᬶᬂᬮᬭᬵᬗᬯᬾᬄᬧ᭄ᬭᬶᬬᬦ᭄ᬢᬶᬤᬶᬚᬳᬮᬶᬄᬢᬶᬢ᭄ᬬᬂᬓᬕᬸᬂᬢᭀᬗᭀᬲᬾᬫᬤᬸᬃᬕᬫᬵᬳᬮ
ᬫ᭄ᬳᬮᬫ᭄ᬢ᭄ᬬᬂᬗᭂᬦᭀᬢ᭄ᬳᬦᬓᬕᬸᬂᬳᬭᬄᬕ᭄ᬮᬸᬮᬶᬦ᭄ᬢᬂᬓᭂᬲ᭄ᬬᬩ᭄ᬫ᭄ᬭᬲᬵᬫᬧᬲ᭄ᬯᬶᬤ᭄ᬬᬤᬭᬶ᭟ᬤᬾᬯᬢᬶᬳᬜᬮᬦ᭄ᬢᬭᬳᬫᬶᬦ᭄ᬤᬾᬂᬭᬵᬢ᭄ᬫᬯᬓ᭄ᬧ᭄ᬭᬮᬶᬡ᭄ᬦᬵᬚᬢᬶᬦᬄᬗ᭄ᬕᬶᬄᬳᬾᬗ᭄ᬕᬮ᭄ᬳᬦᬓᬕᬸᬂᬳᬸᬭᬶᬧ᭄ᬢ᭄ᬬᬗᬾᬚ᭄ᬯᬂᬳᭂᬦ᭄ᬢᭂᬦ᭄ᬫᬫ᭄ᬧᬸᬄᬢ᭄ᬬᬂᬳᬶᬤᬸᬧ᭄ᬦᬦ᭄ᬤᬂᬓ᭄ᬩᬸᬲ᭄ᬳᬶᬤᬭᬢᬸᬫᬜᬂᬲᬭᬵᬓᬾ
ᬢᭀᬦᬾᬓᬯ᭄ᬥᬃᬗᬶᬮᬶᬲ᭄᭟ᬳᬶᬫᬃᬬᬸᬦ᭄ᬳᬶᬚᬶᬯᬵᬭᬕᬵᬩᬸᬦ᭄ᬤᬶᬗᭂᬳᬂᬕ᭄ᬮᬸᬦ᭄ᬜᬦᬾᬢᬦ᭄ᬱᬶᬧᬶᬫᬯᬗ᭄ᬱᬶᬢ᭄ᬦᬸᬦ᭄ᬤᬾᬦᬂᬫᬢᬸᬃᬳᬶᬲᬤᬵᬍᬲᭂᬄᬩ᭄ᬘᬢ᭄ᬫᬦ᭄ᬤᭂᬲᭂᬓᬂᬜᬫᬓ᭄ᬘᭀᬓᭀᬃᬫᬢᬸᬃᬳᬮᬸᬲ᭄ᬤᬾᬯᬕᬸᬂᬩᬄᬲᬋᬧᬶᬲᬦ᭄ᬫᬯᬶᬦᬦ᭄ᬳᬶᬧᬶᬢ᭄ᬦᬮᬶᬤᬶ᭟ᬳᬶᬓᭂᬲ᭄ᬬᭂᬕ᭄ᬳᬤᬾᬂᬗᬦ᭄ᬤᬶᬓᬵᬳ
ᬭᬄᬫᬳᬸᬓ᭄ᬗᭀᬭᬳᬂᬳᬦᬓ᭄ᬳᬶᬧᬶᬢ᭄ᬳᬶᬲᬤᬵᬍᬲᬄᬫᬳᬢᬸᬃᬩᬳᬸᬦᬧᬶᬯᬲᬦ᭄ᬢᬦᬵᬢ᭄ᬓᬗ᭄ᬭᬸᬫ᭄ᬭᬸᬫ᭄ᬤᬢ᭄ᬣᬤᬢ᭄ᬣᬲᬫ᭄ᬩᬢ᭄ᬩᬸᬤᬸᬄᬳᬶᬓᭂᬲᭂᬬ᭄ᬕ᭄ᬓ᭄ᬥᬾᬓ᭄ᬫᬦᬶᬫ᭄ᬩᬮ᭄ᬳᬦᬓ᭄ᬢᬸᬲᬶᬂᬫ᭄ᬭᬰᬵᬳᬶᬧᬶᬢ᭄᭟ᬦᬄᬓᬗ᭄ᬕᭀᬜᬲᬸᬩᬳᬶᬩᬳᬦᬓ᭄ᬢ᭄ᬯᬭᬧᬸᬍᬲ᭄ᬳᬶᬭᬳᬂᬳᬶᬧᬶᬢ᭄ᬳᬶᬲ
[᭖᭘ 68A]
ᬤᬵᬍᬲᬄᬫᬢᬸᬃᬗ᭄ᬕᬶᬄᬦᬾᬦ᭄ᬢᭂᬦᬯᬶᬢᬶᬢ᭄ᬬᬂᬓᬧᬸᬧᬸᬗᭂᬦ᭄ᬳᭂᬗ᭄ᬕᬶᬄᬓᬾᬲᬶᬋᬧ᭄ᬤᬾᬯᬕᬸᬂᬳᬶᬓᭂᬲ᭄ᬬᭂᬕ᭄ᬳᬤᬾᬂᬫᬦ᭄ᬤᬶᬫᬮ᭄ᬫᬳᬶᬓᬾᬤᭂᬲᭂᬓᬶᬦ᭄ᬓᬳᬶ᭟ᬢᬦ᭄ᬓᭀᬘᬧ᭄ᬳᬶᬲᬤᬵᬍᬲᬳᬦᬓᬕᬸᬂᬩᬕᬸᬲ᭄ᬓᬭᬂᬤᬶᬮᭀᬚᬶᬫ᭄ᬭᬄᬗᬓᬸᬧᬸᬭᬸᬄᬩᬦ᭄ᬳᬶᬩᬸᬓᬾᬫᬫ᭄ᬭᬢ᭄ᬫᬫᬸ
ᬮᬶᬲᬄᬧ᭄ᬮᬸᬄᬫᭂᬫ᭄ᬩᬄᬩᬸᬓᬵᬳᬸᬘᬸᬃᬳᬶᬤᬵᬗᬮᬶᬄᬧᬗᭂᬗ᭄ᬓᬄᬗᬤᬾᬦᬂᬢᬶᬯᬂᬩᬾᬚᬸᬮᬶᬢ᭄᭟ᬳᬶᬤ᭄ᬯᬕᬸᬂᬧᬸᬢ᭄ᬭᬢᬦ᭄ᬯᬶᬓᬦ᭄ᬤᬾᬦᬶᬂᬓᬸᬫ᭄ᬧᬸᬮ᭄ᬥᬶᬲ᭄ᬫᬭᬮᬬᬵᬲᬫᬶᬮᬾᬤᬂᬓᬬᬸᬦᬾᬓᬤᬸᬭᬸᬲ᭄ᬳᬭᬶᬦ᭄ᬥᬵᬳᬸᬲ᭄ᬓᬾᬦᬓᬦ᭄ᬓ᭄ᬭᬡ᭄ᬦᬳᬸᬫ᭄ᬬᬂᬓᭀᬭᬢᬸᬗ᭄ᬮᬾᬤᬗᬶᬦ᭄ᬥᬶᬢᬸ
ᬯᬶᬤᬵᬕ᭄ᬥᬵᬗ᭄ᬮᬕᬦᬶᬦ᭄ᬧᬭᬦ᭄ᬫᬓᬤᬶᬧᬤᬡ᭄ᬥᬓᬮᬶᬄ᭟ᬮᬾᬦ᭄ᬩ᭄ᬯᬶᬦ᭄ᬧᬋᬓᬦ᭄ᬭᭀᬩᬦ᭄ᬧᬤᬵᬩᬶᬦ᭄ᬤᬃᬍᬕᬦ᭄ᬜᬦᬾᬢᬶᬦ᭄ᬱᬶᬧᬶᬲᬳᬶᬫᬜᬶᬮᬶᬩ᭄ᬫᬜᬶᬦᬸᬢ᭄ᬗᬸᬤᭂᬓ᭄ᬗᬮᬶᬄᬓᬍᬕᬦ᭄ᬳᬶᬤᬾᬯᬕᬸᬂᬓᭀᬭᬢᬸᬫᬧᬶᬢᬦ᭄ᬢᬳᬸᬳᬦᬓ᭄ᬥᬸᬯᭂᬕ᭄ᬫᬜᬶᬫ᭄ᬧᬶᬭᬂᬗᬸᬮᬸᬭᬶ
ᬦ᭄ᬫᬸᬂᬧᬸᬂᬦᬸᬤᬶᬦᬶ᭟ᬦᬾᬤᬶᬫᬬᬸᬭᬵᬳᬸᬘᬧᬂᬲᬬᬦ᭄ᬩᬸᬗ᭄ᬱᬂᬦᬓᬕᬸᬂᬩᬕᬸᬲ᭄ᬚ᭄ᬮᬓ᭄ᬢᬶᬓ᭄ᬩᬶᬫ᭄ᬩᬂᬓᬬᬸᬦᬾᬓᬤᬸᬭᬸᬲ᭄ᬢᬦ᭄ᬱᬄᬤᬶᬩᬮᬾᬤᬦ᭄ᬢᬲᬸᬦ᭄ᬬᬵᬲ᭄ᬧᬶᬓᬮᬫ᭄ᬩᬸᬭᬧᭂᬢ᭄ᬮᬗᬸᬤᬶᬢᬸᬳᬶᬤᬫᬗᬸᬗ᭄ᬕᬳᬂᬧᬗᬭᬂᬫᬸᬗ᭄ᬕ᭄ᬯᬂᬧᬗᬯᬶ᭟ᬭᬢᬸᬲᬂᬫᬸᬃᬢᬶᬦᬶᬂᬭᬭᬵᬲ᭄ᬲᬳ᭄ᬬᬂ
Kaca:Bali-lontar-gaguritan-cokoratu-05-250ppi.pdf/68
Kaca puniki sampun kauji-wacén
