[᭖᭕ 65B]
᭖᭕
ᬲ᭄ᬩᬕᬸᬲᬫᬶᬧ᭄ᬭᬢᬫᬾᬂᬭᬭᬲ᭄ᬢᬗ᭄ᬓᭂᬧᬤᬘᬮᬶᬭᬶᬂ᭟ᬲᬫᬶᬋᬓᬾᬫᬓᬸᬫ᭄ᬧᬸᬮ᭄ᬭᬶᬂᬓᬫᬦ᭄ᬢ᭄ᬭᬶᬬᬦ᭄ᬯᬶᬭᬾᬄᬚᬕᬶᬲᬸᬫᭂᬦ᭄ᬤᬶᬧ᭄ᬭᬧᬸᬢ᭄ᬭᬦᬾᬧᬢ᭄ᬧᬢ᭄ᬧᬶᬓᬦ᭄ᬤᭂᬮᬶᬂᬩᬸᬯᬦᬵᬓᬤᬤᬫᬲᬓᬶᬂᬳᬮᬶᬢ᭄ᬫᬓᬧᬗ᭄ᬮᬶᬍᬮᬭᬩᬭᬧ᭄ᬭᬶᬬᬢᬶ᭟ᬦᬾᬦᬾᬧᬮᬶᬂᬤᬸᬳᬸᬃᬧᬸᬦᬶ
ᬓᬵᬳᬶᬦᬸᬘᬧ᭄ᬳᬶᬫᬸᬭᬸᬂᬩ᭄ᬓᬂᬧᭂᬧᬲᬶᬄᬓᬮᬸᬫ᭄ᬩ᭄ᬭᬄᬭᬶᬂᬚᬕᬢ᭄ᬦᬓᬕᬸᬂᬗᬸᬭᬄᬫᬤᬾᬧᬸᬢ᭄ᬭᬦ᭄ᬤᬵᬘᭀᬓᭀᬃᬤ᭄ᬥᬵᬭᬳᬶᬧᬸᬭᬶᬓᬗᬶᬦᬦ᭄ᬦᬾᬲᬓᬶᬂᬍᬗ᭄ᬓᬲᬭᬶ᭟ᬳᬦᬓᬕᬸᬂᬕ᭄ᬥᬾᬳᬕᬸᬂᬓᬮᬸᬫ᭄ᬩ᭄ᬭᬾᬂᬭᬢ᭄ᬳᬶᬧᬸᬕᭀᬕ᭄ᬓᬂᬧᬲᬶᬄᬳᬶᬦᬾᬳᬮᬶᬢᬦ᭄ᬫᬤᬾᬳᬕᬸᬂᬓᬲᭀ
ᬦ᭄ᬢ᭄ᬭᬄᬳᬶᬧᬸᬕᭂᬕ᭄ᬋᬓᬾᬧᬧᬲᬶᬄᬧᬤᬲᬯᬢ᭄ᬫᬮᬶᬄᬦᬾᬳᬮᬶᬫᬗ᭄ᬓᬶᬦ᭄᭟ᬳᬦᬓᬕᬸᬂᬓ᭄ᬢᬸᬢ᭄ᬳᬕᬸᬂᬳᬦᬓ᭄ᬱᬲ᭄ᬢ᭄ᬭᬶᬬᬳᬶᬫᬕᭂᬕ᭄ᬩᬕᬸᬲ᭄ᬕᭂᬜ᭄ᬚᬶᬂᬧᬸᬢ᭄ᬭᬾᬂᬯᬦ᭄ᬤᬸᬲ᭄ᬫᬭᬵᬧᬢᬸᬄᬧᬤᬵᬧᬸᬮᬸᬦᬦ᭄ᬳᬶᬤ᭄ᬥᬵᬳᬶᬤᬾᬯᬕᬸᬂᬳᬚᬶᬓ᭄ᬭᬡ᭄ᬦᬓᬳᬾᬫᬦ᭄ᬓᬗ᭄ᬕᬾᬗᭂᬜ᭄ᬘᬦᬶᬦ᭄ᬕᬸᬫᬶ᭟ᬚᬦᬶᬧ᭄ᬢᭂᬂ
ᬫᬦᬶᬲ᭄ᬫᭂᬂᬘᬭᬶᬢᬬᬂᬫᬤᬩ᭄ᬥᬩ᭄ᬱᬋᬂᬲᬫᬶᬫᬢᬸᬃᬢᬸᬃᬭᬦ᭄ᬧᬬᬲ᭄ᬦᬓᬕᬸᬂᬗᬾᬲᬫ᭄ᬬᬦ᭄ᬫᬗᬶᬮᭀᬤᬶᬳᬫ᭄ᬩᬾᬦ᭄ᬮᭀᬚᬶᬳᬫᬢᭂᬄᬫᬶᬫ᭄ᬩᬵᬧᬧᬭᬲᬦᬾᬫᬶᬗᬶᬤ᭄᭟ᬧᬧᬢᬸᬳᬦ᭄ᬫᬯᬲ᭄ᬢ᭄ᬭᬕᬕᬸᬮᬸᬂᬕᬤᬂᬢ᭄ᬧᬶᬘᬦᬦᬵᬓᬯᬶᬲᬩᬸᬓ᭄ᬩᬢᬶᬓ᭄ᬱᬸᬢ᭄ᬭᬳᬸᬫᬸᬃᬲᬫᬃᬕ
[᭖᭖ 66A]
ᬫᭀᬗᬦ᭄ᬓᬫ᭄ᬧᬸᬳᬾᬕᬕᬸᬮᬸᬂᬗᭂᬦ᭄ᬤᬶᬄᬤᬤᬸᬓᬧᬍᬩᬗ᭄ᬱᬵᬚᬶᬤᬰᬵᬭᬶᬗ᭄ᬕᬶᬢ᭄᭟ᬫᬸᬲᬧ᭄ᬳᬫ᭄ᬩᬃᬳ᭄ᬩᭀᬦᬾᬫᬶᬬᬸᬭᬶᬬᬸᬭᬦ᭄ᬤᬲ᭄ᬢᬵᬃᬲᬸᬩᬦᬶᬭᬸᬓ᭄ᬢᬶᬕᬕᬸᬮᬸᬂᬓᬧᬮᬵᬢᬗᬶᬜᬼᬕ᭄ᬫᬧ᭄ᬭᬤᬵᬓᬸᬮᬫ᭄ᬩᬶᬩᬶᬮᬸᬤ᭄ᬭᬸᬢᬗᬶᬫᬩᬶᬦ᭄ᬢᬂᬩ᭄ᬱᬃᬫᬮᬦ᭄ᬤᬾᬬᬦ᭄ᬕᬭᬦ᭄ᬢᬶᬫ᭄᭟ᬲ᭄ᬮᬸᬢ᭄ᬫᬬᭂᬗᭂᬦ᭄ᬤᬶᬄᬫᬸᬭᬸ
ᬩᬦ᭄ᬱᬲᭀᬘᬦ᭄ᬓᬓᬦ᭄ᬤᭂᬮᬦ᭄ᬫᬲᬤᬶᬫᬳᭀᬭᬗ᭄ᬓᬵᬤᬦ᭄ᬢᬢᬶᬕᬧᭀᬦ᭄ᬜᬦᬾᬜᬭᬩ᭄ᬫᬲᭀᬘ᭄ᬘᬵᬫᬶᬭᬄᬫᬲ᭄ᬮᬶᬃᬫᬢᬢᬄᬳ᭄ᬫᬲ᭄ᬳᬦᬸᬢ᭄ᬓᬾᬦᬾᬜᬸᬗ᭄ᬓᭂᬮᬶᬢ᭄᭟ᬳᬲᬓ᭄ᬱᬦᬵᬤᬶᬦᬢᬳᬾᬢ᭄ᬩᭂᬂᬗᬫ᭄ᬩ᭄ᬬᬃᬧᬋᬓᬦ᭄ᬭᭀᬩᬦ᭄ᬱᬫᬶᬧᬤᬵᬗᬗ᭄ᬕᭀᬤᬤᬃᬫᬳᬸᬃᬳᬸᬃᬭᬦᬶᬂᬧᬬ
ᬲ᭄ᬫᬓᬸᬮᬫ᭄ᬩᬶᬧᬸᬢᬶᬄᬲᬫᬶᬧᬤᬵᬧ᭄ᬭᬢᬫᬵᬳᬦᬸᬢ᭄ᬓᬃᬲᬦᬶᬂᬕᬸᬲ᭄ᬢᬶ᭟ᬮᬾᬦ᭄ᬢᭀᬩ᭄ᬯᬶᬦ᭄ᬤᬶᬩᬜ᭄ᬘᬶᬗᬄᬲᬸᬩᬗᬫ᭄ᬩ᭄ᬬᬃᬲᬦᬾᬧ᭄ᬘᬂᬫᬗᬶᬭᬶᬂᬲᬯᬢᬭᬤᭀᬫᬲ᭄ᬩ᭄ᬥᬶᬮ᭄ᬳᬢᬧ᭄ᬫᬗᬫ᭄ᬩ᭄ᬬᬃᬤᬶᬩᬢᬦ᭄ᬩᬜ᭄ᬘᬶᬗᬄᬳᬢ᭄ᬭᬶᬕ᭄ᬭᬾᬕᬾᬄᬳᬜ᭄ᬚᬭᬦ᭄ᬭᬫᬾᬲᬮᬶᬂᬢᭂᬫ᭄ᬩᬸᬗᬶᬦ᭄᭟ᬳᬶᬤᬾᬯ
ᬕᬸᬂᬳᬚᬶᬲᬫ᭄ᬧᬸᬦ᭄ᬭᬶᬂᬩᬜ᭄ᬘᬶᬗᬄᬫᬃᬫᬓᬬᬸᬦᬾᬳᭂᬦ᭄ᬢᬶᬭᬶᬲᬂᬚᬕᭂᬫᬶᬦ᭄ᬢᬃᬩᬦ᭄ᬳᭂᬚᭀᬳᬾᬓᬮᬶᬦ᭄ᬢᬂᬮᬶᬦᬶᬮᬵᬮᬶᬮᬵᬭᬶᬂᬋᬤᬶᬲᬓ᭄ᬱᬡ᭄ᬦᬢ᭄ᬓᬵᬲᬂᬚᬕᭂᬫᬗ᭄ᬮᬸᬗᬦᬶᬦ᭄᭟ᬫᭂᬧᭂᬲ᭄ᬜᬸᬫ᭄ᬩᬄᬧᬤᬵᬗ᭄ᬮᬸᬗ᭄ᬱᬸᬃᬭᬂᬯᬘᬡ᭄ᬦᬵᬯᬶᬦ᭄ᬓᬲ᭄ᬯ᭄ᬓᬲᬫᬶᬳᬫᬶᬢ᭄ᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬫᬫᬃ
Kaca:Bali-lontar-gaguritan-cokoratu-05-250ppi.pdf/66
Kaca puniki sampun kauji-wacén
