[᭖᭔ 64B]
᭖᭔
ᬫᬓᬩᬸᬗ᭄ᬓᬄᬳᬶᬂᬢᬗ᭄ᬓᬶᬮᬦ᭄ᬳᬶᬤᬵᬘᭀᬓᭀᬃᬤᬵᬭᬳᬶᬭᬵᬚᬧᬸᬢ᭄ᬭᬧᬢ᭄ᬧᬢ᭄ᬧᬦᬵᬧ᭄ᬭᬢᬫᬾᬂᬭᬭᬲ᭄ᬲᬲᭀᬮᬄᬢ᭄ᬓᬵᬫ᭄ᬭᬡᬦᬶᬯᬶᬤᬕ᭄ᬥᬾᬂᬩᬱᬧᬳᬸᬢ᭄ᬭᬫ᭄ᬬᬦᬶᬂᬩᬸᬤᬶ᭟ᬋᬧ᭄ᬤ᭄ᬬᭂᬫ᭄ᬢᬗ᭄ᬓᬶᬮᬦ᭄ᬧᬤᬵᬗᬤ᭄ᬧᬾᬂᬍᬫᬄᬦᬗᬶᬂᬳᬤᬗᬶᬂᬳᬤᬵᬗᭂᬫ᭄ᬩᬓᬶᬦ᭄ᬤ
ᬦᬾᬕᬸᬲ᭄ᬢᬶᬗᬸᬭᬄᬧᬦ᭄ᬧᬢᬶᬄᬫᬗ᭄ᬓᬸᬧ᭄ᬭᬚᬵᬫ᭄ᬧᭂᬲᬗ᭄ᬕᬫᬢᬸᬃᬳᬭᬶᬲ᭄ᬳᬭᬸᬫᬃᬤᬯᬵᬢᬩᬸᬄᬫᬺᬤᬸᬳᬫᬦᬶᬲ᭄᭟ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬧᬺᬱᬗ᭄ᬕᬵᬗ᭄ᬮᬸᬗ᭄ᬱᬸᬭᬂᬳᬦ᭄ᬢᬸᬓᬩᬭᬾᬳᬶᬩᬶᬮᬾᬤᬂᬧᬓᬬᬸᬦᬦ᭄ᬳᬶᬤ᭄ᬯᬕᬸᬂᬳᬚᬶᬦᬶᬫ᭄ᬩᬮ᭄ᬚᬯᬦᬶᬜ᭄ᬚᬮᬦᬂᬫᬦᬶᬧᬘᬂᬦᬸᬦᬲᬂᬭᬶᬂᬮᬶᬗ᭄ᬕᬶᬄ
ᬓᬓᬵᬳᬚᬶ᭟ᬧᬭᬵᬯᬶᬓᬸᬲᬳᬸᬃᬧᬓ᭄ᬱᬶᬫᬦᬸᬦᬲᬂᬤᬕᬶᬂᬩᬩᬳᬶᬲᬾᬯ᭄ᬬᬓ᭄ᬢᬶᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬓᬓᬧᬢᬶᬄᬳᬢᬸᬭᬂᬩᬸᬓᬓᬩᬃᬭᬾᬳᬶᬩᬶᬳᬶᬕᬸᬲ᭄ᬢᬶᬗᬸᬭᬄᬫᭂᬧᭂᬲᬗ᭄ᬕᬵᬲᬳᬶᬭᬶᬂ᭟ᬳᬶᬗ᭄ᬕᬶᬄᬧ᭄ᬭᬡ᭄ᬥᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂᬓᬩᬃᬲᬚᬢᬶᬯᬾᬦ᭄ᬢᭂᬦ᭄ᬧ᭄ᬭᬳᬸᬤᬕᬂ
ᬳᬶᬧᬸᬦ᭄ᬭᬳᬸᬄᬗᭀᬃᬢ᭄ᬬᬂᬭᬶᬂᬓᭀᬭᬶᬧᬦ᭄ᬓᬳᭂᬦ᭄ᬤᭀᬦᬶᬦ᭄ᬳᬦ᭄ᬢᬸᬓ᭄ᬩᬗ᭄ᬓᬮᬦᬸᬲᬳᭂᬓᬚᬂᬯᬗᬶ᭟ᬭᬶᬂᬮᬫᬚᬂᬲ᭄ᬓᬃᬲᬫ᭄ᬧᬸᬦ᭄ᬫᬢᬦ᭄ᬤᬶᬗᬦ᭄ᬬᬸᬤᬵᬗᬶᬂᬓᭀᬘᬧ᭄ᬱᬫᬶᬢᬦ᭄ᬯᬾᬦ᭄ᬢᭂᬦ᭄ᬧᬲᬾᬰᬵᬳᬸᬲ᭄ᬧᬸᬧᬸᬢ᭄ᬓᬧᬶᬤᬃᬢ᭄ᬣᬘᬦ᭄ᬤᭂᬕ᭄ᬢᬂᬮᬦᬾᬲᬫᬶᬗ᭄ᬕᭂᬮ᭄ᬬᬩᬶᬂᬯᬤᬦᬵᬓᬢᬸᬚᬸᬩ᭄ᬭᬲ᭄ᬢᭂ
[᭖᭕ 65A]
ᬳᭂᬦ᭄ᬢᬶ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫᬗᬦ᭄ᬤᬶᬓᬵᬧᬢᬶᬄᬤᬩ᭄ᬥᬩᬂᬫᬦᬶᬧᬢ᭄ᬧᬢ᭄ᬓᬚᬮᬦᬂᬓᭀᬃᬤ᭄ᬥᬵᬭᬳᬶᬫᬜᭂᬫ᭄ᬩᬄᬗ᭄ᬮᬸᬗ᭄ᬱᬸᬭᬂᬧᬘᬂᬫᬫᬃᬕᬶᬳᬶᬤ᭄ᬯᬕᬸᬂᬦᭂᬫ᭄ᬩᬄᬲ᭄ᬯᬩᬯᬵᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬢᬦ᭄ᬮᬾᬦ᭄ᬧᬦᬓ᭄ᬳᬶᬤᬦᬾᬚᬮᬦᬂᬢ᭄ᬬᬂᬳᬶᬫᬸᬭᬸᬩ᭄ᬫᬶᬦᬓᬤᬶᬳᬶᬧᬸᬕᭀᬕ᭄ᬳᬶᬧᬸ
ᬕᭂᬕ᭄ᬳᬶᬫᬕᭂᬕ᭄ᬫᬗ᭄ᬤᬾᬲᬶᬦᬄᬳᬧᬂᬤᬗᭂᬦ᭄ᬤᭂᬮᬂᬳᭀᬃᬢ᭄ᬣᬶᬚᬢ᭄ᬍᬩᬶᬄᬘᬸᬗ᭄ᬓᬂᬦᬾᬧᬢ᭄ᬧᬢ᭄ᬮᬸᬢ᭄ᬓᬳᬓ᭄ᬱᬶ᭟ᬫᬦᬶᬮᬸᬯᬲ᭄ᬓᬓᭀᬭᬶᬧᬦ᭄ᬫᬦᬸᬦᬲᬂᬲᬫᬗ᭄ᬤᬾᬦ᭄ᬧ᭄ᬥᬲ᭄ᬚᬢᬶᬦᬵᬫᬓ᭄ᬮᭀᬮᬸᬯᬲ᭄ᬚᬦᬶᬩᬦ᭄ᬜᬭᬤ᭄ᬓᬨᬮ᭄ᬓᬮ᭄ᬢᭂᬕᬓᬶᬦ᭄ᬲᬂᬓᬤᬳᬸᬳᬦ᭄ᬫ
ᬩ᭄ᬭᬶᬬᬸᬓ᭄ᬜᭂᬦᭂᬫ᭄ᬩᬄᬲᬫᬶ᭟ᬫᬮᬄᬳᬯᬦ᭄ᬧᬦᬮᬶᬓ᭄ᬳᬶᬗᬦ᭄ᬧᬶᬂᬢᬶᬕᬵᬳᬶᬤ᭄ᬯᬕᬸᬂᬫᬗ᭄ᬮᬸᬯᬭᬶᬢᬗ᭄ᬓᬶᬮᬦᬾᬩᬸᬩᬃᬳᭀᬯᬤᬵᬳᬗᬸᬲᬶᬳᬸᬫᬄᬓᬸᬦᭂᬂᬲᬂᬚᬕᬗ᭄ᬮᬸᬗᬦᬶᬦ᭄ᬳᬤᬤᬃᬤᬤᬃᬭᬶᬂᬲᬦᬾᬧᬘᬗᬶᬭᬶᬂ᭟ᬧᬦ᭄ᬳᬦᬗ᭄ᬓᬶᬮ᭄ᬓᬤᬳᬸᬄᬫᬦᬶᬲ᭄ᬫᬗᬦ᭄ᬧᬋᬓᬦ᭄ᬭᭀᬩ
ᬦ᭄ᬱᬫᬶᬕᬾᬯᬃᬫᬤᬩ᭄ᬥᬩᬦ᭄ᬳᬧᬂᬦ᭄ᬓᬸᬫ᭄ᬧᬸᬮ᭄ᬱᬫ᭄ᬬᬦ᭄ᬭᭀᬩᬦ᭄ᬳᬦᬓᬕᬸᬂᬲᬫᬶᬤᬶᬓᬫᬦ᭄ᬢ᭄ᬭᬶᬬᬦ᭄ᬲᬯᬢᬭᬲᬫᬶᬗᬶᬭᬶᬂ᭟ᬫ᭄ᬮᬄᬫ᭄ᬮᬄᬲᭀᬭᭀᬄᬚᬼᬫᬵᬲᬲᭂᬮᬶᬭᬦ᭄ᬩᬚᬂᬩᬕᬸᬰ᭄ᬘᬮᬶᬭᬶᬂᬧ᭄ᬭᬢᬫᬵᬳᬶᬭᬭᬲ᭄ᬳᬦᬸᬢ᭄ᬓᬾᬦᬾᬫᬜ᭄ᬚᬓᬂᬳᬦᬓ᭄ᬩᬕᬸ
Kaca:Bali-lontar-gaguritan-cokoratu-05-250ppi.pdf/65
Kaca puniki sampun kauji-wacén
