[᭕᭔ 54B]
᭕᭔
ᬳᬤᬫᬤᬵᬬᬸᬂᬩᬦ᭄ᬢᬸᬫ᭄ᬩᬓ᭄ᬳᬤᬗᬾᬧᬸᬂᬫᬜᬶᬍᬫ᭄ᬫᬗ᭄ᬮᬮᬗᬶᬮᬾᬦ᭄ᬳᬤᬫᬲ᭄ᬩᭂᬂᬩᬸᬤᬸᬄᬢᬸᬃᬦ᭄ᬕᬓᬶᬦ᭄ᬢᬶᬫ᭄ᬧᬮᬗᬤᬾᬜ᭄ᬚᬸᬓᬸᬂᬤᬶᬢᬸᬓ᭄ᬥᬾᬓᬾᬫᬓᬸᬳᬸᬕ᭄ᬳᬶᬧᬸᬦ᭄ᬢ᭄ᬯᬭᬦᬯᬂᬓᬦ᭄ᬤᬵᬧᬦ᭄ᬓᭂᬦᬧᬗ᭄ᬯᬾᬰᬰᬦ᭄ᬤᬶ᭟ᬧᬗᬶᬭᬶᬗᬾᬦᬾᬤᭀᬭᬶᬬᬦ᭄ᬦ᭄ᬤᭂᬄᬦᬓᭀᬦᬂᬧᬤᬲᬮᬶᬂᬢᭂᬫ᭄ᬩᬸᬗᬶᬦ᭄
ᬦᬾᬤᬶᬫᬮᬸᬢᬦ᭄ᬧᬲᬳᬸᬢ᭄ᬢᬸᬗ᭄ᬓᬸᬮ᭄ᬩ᭄ᬗᭀᬂᬗᬯᬲᬂᬘᭀᬓᭀᬭᬢᬸᬓ᭄ᬜᭂᬫᬢ᭄ᬭᬸᬄᬚᬸᬭᬸᬄᬳᬶᬚᬬᬳᬸᬲ᭄ᬫᬓ᭄ᬓᬘᬶᬗᬓᭂᬫᬮᬸᬩ᭄ᬘᬢ᭄ᬦᭂᬮᬶᬓᬶᬦ᭄᭟ᬳᬶᬬᬳᬸᬲ᭄ᬫᬦ᭄ᬗᬋᬧᬂᬦ᭄ᬤᬸᬯᬓ᭄ᬱᬶᬓᭂᬧ᭄ᬫ᭄ᬤᬮᬂᬚᬭᬵᬦ᭄ᬕᭂᬮᬶᬲ᭄ᬱᬸᬩᬬᬓ᭄ᬢᬶᬤᬶᬤᬸᬫᬸᬦ᭄ᬜ᭄ᬤ᭄ᬭᬶᬢ᭄ᬮᬳᬸᬢ᭄ᬦᬓᭀᬦᬂᬳᬧᬓ᭄ᬭᬦᬚᬗ᭄ᬕᭃᬮ᭄ᬲᬶᬢᬵ
ᬓᭂᬄᬧᬤᬶᬫᬮᬸᬢ᭄ᬯᬭᬤᬕᬦ᭄ᬢᬲ᭄ᬫᬚᬮᬦ᭄ᬳᬤᬳᬤᬾᬂᬫᬜᬳᬸᬢᬶᬦ᭄᭟ᬧᬸᬦᬶᬓᬤᬸᬭᬸᬲᬂᬘᬶᬗᬓ᭄ᬳᬦᬓ᭄ᬗᬸᬤ᭄ᬬᬂᬳᬶᬚᬬᬳᬸᬲ᭄ᬫᬦ᭄ᬓ᭄ᬜᬶᬂᬦ᭄ᬤᬳᬸᬳᬶᬦ᭄ᬫᬓᬶᬍᬲ᭄ᬱᬫ᭄ᬧᬸᬦ᭄ᬕᬗ᭄ᬲᬃᬩ᭄ᬯᬶᬦ᭄ᬫᬢᬸᬮᬓ᭄ᬫᬫᬶᬤᬂᬢᬓᭀᬭᬢᬸᬮᬾᬤᬂᬓᬤᬸᬭᬸᬲ᭄ᬕᬗ᭄ᬲᬃᬭᬭᬶᬲ᭄ᬫᬗᬋᬧᬂᬩ᭄ᬭᬶᬬᬸᬓ᭄ᬱᬧᬗᬶᬭᬶᬂᬲᬵ
ᬫᬶ᭟ᬗᬳᬸᬄᬤᬶᬢ᭄ᬕᬮᬾᬚᬶᬫ᭄ᬩᬃᬯᬢᭂᬓ᭄ᬚᬶᬫ᭄ᬫᬫᭂᬦ᭄ᬤᬓ᭄ᬱᬋᬂᬲᬫᬶᬓᭀᬭᬢᬸᬳᬶᬤᬫᬮᬸᬗ᭄ᬕᬸᬄᬤᬶᬩᬢᬦ᭄ᬓᬬᬸᬧᬮᬭᬤᬾᬦ᭄ᬲᬸᬃᬬ᭄ᬬᬤᬶᬦᬢ᭄ᬣᬢᬦ᭄ᬱᬄᬤᬶᬳᬬᬸᬦ᭄ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬫᭂᬫ᭄ᬩᬄᬫᬥᬸᬕᭂᬦ᭄ᬤᬶᬲ᭄᭟ᬩᬧᬢ᭄ᬬᬂᬫᬦᬸᬦᬲᬂᬲᬧᬸᬦᬧᬶᬯᬲ᭄ᬢᬦ᭄ᬳᬶᬧᬸᬦ᭄ᬧᬸᬦᬶᬓᬶᬳᬶᬦ
[᭕᭕ 55A]
ᬩ᭄ᬓᬤᬶᬳᬦᬓ᭄ᬫᬦ᭄ᬤᬸᬲ᭄ᬗᬾᬧᬸᬂᬫᬍᬮᬗᬶᬬᬦ᭄ᬯᬾᬦ᭄ᬢᭂᬦ᭄ᬧᬘᬸᬅ᭄ ᬫᬦ᭄ᬕᬓᬶᬦ᭄ᬢᬶᬫ᭄ᬧᬮ᭄ᬳᬶᬧᬸᬦ᭄ᬫᬤᬬᬸᬂᬳᬦ᭄ᬢᬸᬓ᭄ᬱᬜ᭄ᬚᬢ᭄ᬣᬳᬾᬫᭂᬂᬢᬶᬢ᭄ᬬᬂᬗᬫᬦᬳᬶᬦ᭄᭟ᬭᬳᬤᬾᬦ᭄ᬲᬸᬃᬬ᭄ᬬᬤᬶᬦᬢ᭄ᬣᬫ᭄ᬧᭂᬲᬗ᭄ᬕᬵᬓ᭄ᬜᭂᬫᬳᬢᬸᬃᬳᬭᬶᬲ᭄ᬲᬧᬸᬦᬶᬓᬶᬓᬦ᭄ᬤᬦ᭄ᬳᬶᬧᬸᬦ᭄ᬭᬢᬸᬭᬸᬧᬜᬶᬤᬬᬂᬩ᭄ᬭᬸᬦᬳᬲ᭄ᬢ᭄ᬭᬭᬢᬸᬫᬗᭂᬦᬶ
ᬬᬂᬳᬶᬧᬸᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲᬂᬲᬮᬾᬤᬂᬢᬶᬢ᭄ᬬᬂᬫᬗᬶᬭᬶᬂ᭟ᬓᭀᬭᬢᬸᬳᬤᬾᬂᬫᬦᬶᬫ᭄ᬩᬮ᭄ᬬᬦ᭄ᬓᬧᬢᬸᬢ᭄ᬩ᭄ᬘᬶᬓᬦ᭄ᬳᬶᬧᬸᬦ᭄ᬢᬭᬶᬲᬫᬦᬄᬳᬶᬧᬸᬦᬾᬢᬸᬳᬸᬢ᭄ᬬᬦ᭄ᬫᬦᬸᬗ᭄ᬓᬸᬮ᭄ᬬᬦ᭄ᬫᬬᬸᬤ᭄ᬥᬭᬢᬸᬗᬸᬭᬄᬫᬘ᭄ᬩᬾᬃᬗᬦ᭄ᬤᬶᬓᬳᬮᬸᬲ᭄ᬫᬗ᭄ᬓᬶᬦ᭄ᬫᬃᬕ᭄ᬬᬂᬫᬫ᭄ᬭᬾᬓ᭄ᬱᬵᬲᬫᬦᬄᬳᬶᬧᬸᬦ᭄ᬳᬶᬧᬸᬦ᭄ᬢᬗ᭄ᬓᭂᬧᬶᬦ᭄᭟ᬭᬳ
ᬤᬾᬦ᭄ᬯᬶᬦ᭄ᬤᬂᬤᬶᬚᬬᬮᬦ᭄ᬭᬳᬤᬾᬦ᭄ᬤᬬᬫᬗ᭄ᬕᬮᬧᬢᬶᬫᬘ᭄ᬩᬾᬃᬳᬢᬸᬭᬾᬳᬮᬸᬲ᭄ᬭᬢᬸᬢᬶᬢ᭄ᬬᬂᬦ᭄ᬤᬯ᭄ᬕᬂᬲᬦᬾᬫᬗ᭄ᬓᬶᬦ᭄ᬫᬧᬫᬶᬢ᭄ᬫᬭᬾᬓ᭄ᬱᬳᬶᬧᬸᬦ᭄ᬕᬗ᭄ᬲᬃᬫᬫᬃᬕᬶᬦᭂᬤᬸᬦᬂᬩ᭄ᬭᬶᬬᬸᬓ᭄ᬱ᭄ᬬᬸᬲᬦᬾᬫᬗᬶᬭᬶᬂ᭟ᬲᬗ᭄ᬓᬮᬶᬄᬲ᭄ᬓ᭄ᬱᬡᬢ᭄ᬓᬤᬶᬳᬋᬧ᭄ᬫᬸᬲᬸᬄᬘ᭄ᬩᬾᬃᬫᬫᬸᬜᬶᬳᬶᬄᬓᬶᬢᬩ᭄ᬭᬸᬦᬤᬶᬧ᭄ᬭᬪᬹᬤᬶᬗᭂᬳᬂᬦᬾ
ᬳᬸᬢᬸᬲᬦ᭄ᬤᭂᬲᬗ᭄ᬓᬮᬶᬄᬳᬶᬤᬯᬕᬸᬂᬧᬸᬢ᭄ᬭᬳᬕᬸᬂᬳᬭᬶᬦ᭄ᬤᬵᬤᬾᬯᬕᬸᬂᬗᬸᬭᬄᬦᬓ᭄ᬱᬲ᭄ᬢ᭄ᬭᬓᬮᬸᬫ᭄ᬭᬾᬂᬩᬸᬫᬶ᭟ᬬᬦ᭄ᬓᬢᬶᬳᬧ᭄ᬢᬶᬧᬭᬢᬺᬦ᭄ᬤᬓ᭄ᬧᬳᬬᬸᬲᬜ᭄ᬚᬢᬦ᭄ᬫᬸᬕ᭄ᬮᬶᬲ᭄ᬬᬦ᭄ᬳᬧ᭄ᬢᬶᬳᬕ᭄ᬱᬂᬧ᭄ᬭᬪᬹᬳᬕᬾᬓᬶᬢᬦᬸᬗ᭄ᬓᬸᬮᬳᬢᬸᬃᬳᬦᬧᬓᬩᬸᬲᬦᬦᬶᬂᬧ᭄ᬭᬪᬹᬰ᭄ᬭᬶᬩ᭄ᬭᬸᬦᬫ᭄ᬩᬭᬫᬦᬶᬫ᭄ᬩᬮ᭄ᬱᬸᬦᬲ᭄ᬭᬄ
Kaca:Bali-lontar-gaguritan-cokoratu-05-250ppi.pdf/55
Kaca puniki sampun kauji-wacén
