[᭕᭓ 53B]
᭕᭓
ᬦ᭄ᬫᬢᬤᬄᬧᬢᬶᬭᬢ᭄ᬣᬦ᭄ᬭᬸᬫ᭄ᬧ᭄ᬭᬓ᭄ᬕ᭄ᬮᬶᬲ᭄ᬗᬾᬘᬾᬓ᭄ᬩᬦ᭄ᬚᬺᬦᬢ᭄ᬯᭀᬂᬩᬦ᭄ᬤᬬᬸᬤᬮᬶᬮᬶᬄ᭟ᬮᬶᬬᬸᬫᬢᬶᬫᬢᬢᬸᬧᬤᬧᬚ᭄ᬮᬾᬫ᭄ᬧᬂᬮᬾᬜ᭄ᬚᬭᬦ᭄ᬫᬗ᭄ᬮᬸᬤᬶᬦ᭄ᬜᭂᬓ᭄ᬚᭂᬓ᭄ᬧᬢᬶᬦ᭄ᬯᬸᬫ᭄ᬧᬓ᭄ᬩᬾᬘᬾᬓ᭄ᬯᭀᬂᬩᬦ᭄ᬤᬵᬬᬸᬤ᭄ᬥᬢᬦ᭄ᬧᭀᬮᬶᬄᬢᬗ᭄ᬕᬮ᭄ᬳᬗ᭄ᬮᬶᬦ᭄ᬤᬶᬰ᭄ᬭᬶᬩᭀᬦ᭄ᬤᬾᬬᬸᬤᬜᬫ᭄ᬢᬶᬓᬸᬤᬕ᭄ᬮᬶ
ᬲ᭄᭟ᬫᬭᬶᬗᬃᬱᬓᭀᬭᬢᬸᬕ᭄ᬮᬶᬲ᭄ᬳᬫᬧᬕ᭄ᬰ᭄ᬭᬶᬩᭀᬦ᭄ᬤᬬᬸᬤᬦᬸᬤᬶᬂᬓᭀᬂᬳᬶᬯᭀᬂᬫᬫ᭄ᬦᬂᬧᬫᬸᬦ᭄ᬤᬸᬭᬤᬾᬦᬾᬗ᭄ᬕᬮ᭄ᬳᬾᬫᬦ᭄ᬭᬸᬧᬦ᭄ᬫᬸᬳᬧ᭄ᬓᬶᬓ᭄ᬗ᭄ᬫᬲᬶᬦ᭄ᬧ᭄ᬚᬄᬳᬵᬮ᭄ᬬᬂᬩᬶᬦ᭄ᬧᬦᬫ᭄ᬧᬶᬄ᭟ᬳᬄᬤᬶᬓᬧᬦ᭄ᬓᬳᬶᬓᬮᬄᬩᬳᬦ᭄ᬳᬶᬩᬤᬸᬤᬸᬭᬢᬸᬫᬦ᭄ᬤᬶᬭᬶᬳᬦᬾᬂᬩᭀᬦ᭄ᬤᬭᬚᬓᭀᬭᬢᬸ
ᬩ᭄ᬘᬢ᭄ᬦᬶᬫ᭄ᬩᬵᬮ᭄ᬬᬾᬓᬳᬶᬢᬸᬲᬶᬂᬦᬶᬤᭀᬗᬶᬦ᭄ᬬᬦ᭄ᬢ᭄ᬯᬭᬲᬚᬳᬶᬩᬵᬜᬶᬲᬬᬂᬩᬦᬶ᭟ᬢᭀᬤᬶᬓᬧᬦ᭄ᬳᬶᬩᬫᬳᬶᬓᬳᬸᬦ᭄ᬤᬗᬦ᭄ᬧᬤᬍᬫ᭄ᬓᬳᬶᬕᬢᬶᬳᬶᬩᬫᬸᬭᬂᬫᬸᬭᬂᬫᬸᬮᬶᬳᬗᬸᬲᬧ᭄ᬢᬗᬦ᭄ᬚᬦᬶᬓᬳᬶᬚᬓ᭄ᬫᬩᬸᬜ᭄ᬘᬶᬂᬜᬭᬸᬯᬂᬲᬓ᭄ᬦᭂᬄᬳᬶᬩᬘᬶᬘᬶᬂ᭟ᬧ᭄ᬭᬪᬹᬩᬶᬦ᭄ᬤᬭ
ᬚᬕᬼᬕᬾᬓᬮᬶᬯᬢ᭄ᬫᬢᬶᬢᬶᬲ᭄ᬫᬗᬶᬤᭂᬭᬶᬦ᭄ᬧ᭄ᬭᬬᬗᬦ᭄ᬢ᭄ᬬᬂᬫᬸᬗ᭄ᬕᬮ᭄ᬓᭀᬭᬢᬸᬩ᭄ᬘᬢ᭄ᬜᭂᬫ᭄ᬧᬮ᭄ᬓᭂᬢᭂᬲ᭄ᬢᬦ᭄ᬤᬲᬾᬫᬼᬂᬓᭂᬢᬶᬓ᭄ᬢ᭄ᬯᬶᬲᬸᬥᬶᬭᬓᬍᬗ᭄ᬕᬓ᭄ᬢᬶᬩᬾᬂᬲᬶᬢ᭄ᬢᬶ᭟ᬲᬶᬦᬸᬭᬓᬦ᭄ᬭᬫᬾᬦ᭄ᬤᬢᬦ᭄ᬧᬧᬭᬸᬗ᭄ᬯᬦ᭄ᬓᭂᬦ᭄ᬤᬂᬕᭀᬂᬫᬸᬦ᭄ᬬᬳᬢ᭄ᬭᬶᬯᬂᬲᬾᬱᬦᬶᬂᬧ᭄ᬚᬄᬫᬦᬸᬗ᭄ᬓᬸᬮ᭄ᬦᬸᬦᬲ᭄ᬚᬶᬯ᭄ᬯᬓᭀᬭ
[᭕᭔ 54A]
ᬢᬸᬫᬭᬬ᭄ᬬᬗᭂᬮᬶᬲ᭄ᬰᭀᬭᬶᬂᬯᬦ᭄ᬤᬶᬭᬢᬸᬗᬸᬭᬄᬭᬳᬸᬄᬕ᭄ᬮᬶᬲ᭄᭟ᬳᬶᬦᬶᬭᬶᬗᬶᬂᬧ᭄ᬭᬧᬸᬢ᭄ᬭᬫ᭄ᬯᬂᬩᬳᬸᬤᬦ᭄ᬤᬧ᭄ᬭᬫᬜ᭄ᬘᬩ᭄ᬭᬶᬬᬸᬓ᭄ᬱᬫᬶᬗᬢᬸᬭᬂᬫᬵᬲ᭄ᬢᬓᬧᬢᬶᬭᬾᬄᬢ᭄ᬣᬦᬾᬩᬶᬗᬃᬓᭀᬭᬢᬸᬮᬾᬤᬂᬢᬦ᭄ᬲᬶᬧᬶᬓ᭄ᬜᭂᬫ᭄ᬗᬦ᭄ᬤᬶᬓᬓ᭄ᬯᬶᬃᬫᬢ᭄ᬭᬸᬄᬫᬥᬸᬕᭂᬦ᭄ᬤᬶᬲ᭄᭟ᬳᬶᬘᬫ᭄ᬬᭀᬧᬸᬧᬸᬢ᭄ᬲᬸᬩᬓᬤ
ᬳᬸᬯᬦ᭄ᬗᬢᬸᬭᬂᬓᬦ᭄ᬕᬭᬶᬧᬸᬗ᭄ᬕ᭄ᬯᬮᬦᬾᬤᬤ᭄ᬯᬳᬶᬤᭀᬅᬫᬢᬸᬃᬫᬜᬸᬫ᭄ᬩᬄᬦᬾᬓ᭄ᬮᭀᬤ᭄ᬫᬂᬓᬶᬦ᭄ᬧᬭᬦᬶᬦ᭄ᬗᬶᬭᬶᬂᬕ᭄ᬮᬶᬲᬂᬢᬾᬫ᭄ᬧᭀᬗᬶᬦ᭄ᬓᬾᬧᬸᬗ᭄ᬓᬸᬭᬶᬦ᭄᭟᭐᭟ᬓᭀᬭᬢᬸᬭᬭᬶᬲ᭄ᬫᬫᬃᬕ᭄ᬕᬕᬕᬗ᭄ᬲᬭᬦ᭄ᬩᬸᬗ᭄ᬓᬄᬧᬗᬶᬭᬶᬂᬲᬫᬶᬩᭂᬦ᭄ᬤᬾᬢᬫ᭄ᬩᬸᬭᬾᬗᬭᬸᬤᬸᬕ᭄ᬲᬵᬧᬘ
ᬭᬭᬶᬗᬃᬱᬯᬶᬚᬯᬶᬚᬄᬲᬓᬫᬃᬕ᭄ᬕᬳᬸᬫ᭄ᬬᬂᬳᬸᬫᬸᬂᬓᭀᬭᬢᬸᬢᬸᬗᬸᬭᬄᬩᬶᬗᬃᬫᬓᬤᬶᬧᬗᬶᬭᬶᬂᬲᬫᬶ᭟ᬫᬲᬲᬸᬭᬓᬦ᭄ᬤᬶᬫᬃᬕᬩᭂᬦ᭄ᬤᬾᬢᬫ᭄ᬩᬸᬃᬢ᭄ᬯᬭᬧ᭄ᬕᬢ᭄ᬦ᭄ᬤᬮᬶᬤᬶᬕᭀᬂᬓᭂᬦ᭄ᬤᬂᬫᬸᬦᬶᬳᬲ᭄ᬮᬸᬃᬭᬫᬾᬧᬲᬮᬶᬂᬢᬶᬫ᭄ᬩᬮ᭄ᬢᬦ᭄ᬓᬯᬃᬦᬵᬭᬶᬂᬫᬃᬕ᭄ᬕᬵᬫᬾᬄᬦᬦ᭄ᬤᭂᬲ᭄ᬭᬳᬸᬄᬫᬦᬸᬗ᭄ᬓᬧ᭄
ᬯᬶᬭᬲᬶᬮᬸᬫᬦ᭄ᬚᬗ᭄ᬕᭂᬮ᭄ᬧᬗᬜ᭄ᬚᬸᬭᬾᬲᬫᬶ᭟ᬘᬦ᭄ᬤᭂᬕᬶᬧᬸᬦ᭄ᬓᬕᬳᭀᬓᬦ᭄ᬫᬗ᭄ᬮᬶᬬᬸᬢᬶᬦ᭄ᬯᭀᬂᬩ᭄ᬭᬸᬦᬫ᭄ᬩᬭᬲᬫᬶᬓᬓᬶᬢᭂᬃᬩᬦ᭄ᬲᬶᬓᭂᬧ᭄ᬳᬕᬸᬂᬩᬮᬚᬶᬫ᭄ᬢᬶᬢᬶᬩ᭄ᬗᬫ᭄ᬩ᭄ᬬᬃᬫᬜᬸᬭᬓᬶᬦ᭄ᬫᬕᬕᬸᬮᬓ᭄ᬭᬫᬾᬳᬸᬫᬸᬂᬳᬶᬯᭀᬂᬩ᭄ᬭᬸᬦᬫ᭄ᬩᬭᬫ᭄ᬭᬲᬫᬦᭀᬗᭀᬲ᭄ᬤᬶᬢ᭄ᬗᬄᬧᬲᬶᬄ᭟
Kaca:Bali-lontar-gaguritan-cokoratu-05-250ppi.pdf/54
Kaca puniki sampun kauji-wacén
