Kaca:Bali-lontar-gaguritan-cokoratu-05-250ppi.pdf/49

Saking Wikisource
Kaca puniki sampun kauji-wacén

[᭔᭘ 48B]
᭔᭘
ᬚᬶᬯᬫᬶᬢᬂᬜᬸᬫ᭄ᬩᬄᬳᬶᬫᬬᬭᬭᬲ᭄ᬫᬚᬮᬦ᭄ᬢᭂᬓᭂᬤᬶᬧᬸᬭᬶᬫ᭄ᬧᭂᬲ᭄ᬫᬜᬸᬫ᭄ᬩᬄᬢᬫᬢᬗ᭄ᬓᭂᬧᬾᬘ᭄ᬧᬶᬂ᭟ᬳᬦᬓᬕᬸᬂᬗᬸᬭᬄᬜᭂᬜᭂᬜᭂᬜᭂᬜᬶᬗᬓ᭄‌ᬚᭂᬚᭂᬳᬶᬧᬸᬗ᭄ᬓᬩᬶᬮ᭄ᬩᬶᬮ᭄‌ᬫᬢᬸᬃᬫᬗᬤᬾᬗᬂᬭᬢᬸᬤᬾᬯᬕᬸᬂᬢᬶᬢ᭄ᬬᬂᬓᬤᬯᬸᬄᬦᬸᬳᬸᬃᬧᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ
ᬢᬸᬗᬸᬭᬄᬮᬸᬢ᭄ᬫᬧᬫᬶᬢ᭄᭟ᬭᬭᬶᬲ᭄‌ᬢ᭄ᬥᬸᬦ᭄‌ᬕ᭄ᬮᬶᬲ᭄ᬭᬳᬸᬄᬭᬶᬂᬧᬬᬸᬦᬦ᭄‌ᬓᬤᬳᬸᬄᬫᬸᬗ᭄ᬕᬄᬕ᭄ᬮᬶᬲ᭄‌ᬢᬸᬗᬸᬭᬄᬲᬢᬸᬃᬲᭂᬫ᭄ᬩᬄᬳᬬᬸᬅ᭄ ᬓ᭄ᬜᭂᬫ᭄ᬗᬦ᭄ᬤᬶᬓᬵᬦᬳᬾᬗ᭄ᬕᬮ᭄‌ᬫ᭄ᬦᬾᬓᬦ᭄ᬫᬳᬶᬓᭀᬭᬢᬸᬦᬶᬫ᭄ᬩᬮ᭄‌ᬳᬢᬸᬓ᭄ᬳᬶᬲ᭄ᬧᬸᬕ᭄ᬦᬶᬓᬶ᭟ᬗᬮᬶᬳᬢᬸᬅᬫᬳᬶᬬᬓᬧ᭄ᬮᬦ᭄ᬧ᭄ᬮᬦ᭄‌ᬳᬢᬸᬅᬫᬲᬵ
ᬳᬸᬃᬢᬗᬶᬲ᭄‌ᬢᬸᬗᬸᬭᬄᬲᬢᬸᬃᬲᭂᬫ᭄ᬩᬄᬫᬳᬢᬸᬃᬫ᭄ᬮᬤ᭄ᬧ᭄ᬭᬡ᭄ᬦᬲᬃᬯ᭄ᬯᬶᬗᭂᬫ᭄ᬩᭂᬂᬢᭀᬬᬦ᭄ᬳᬓ᭄ᬱᬶᬢᬸᬅ᭄ ᬮᬶᬮᬬᬂᬭᬾᬄᬢᬶᬢᬄᬲᬂᬳ᭄ᬬᬂᬯᬶᬤᬶ᭟ᬤᬤᬶᬭᬫᭂᬲ᭄ᬢᬗᬶᬲᬾᬧᬲᬮᬶᬂᬢᬶᬫ᭄ᬩᬮ᭄‌ᬧᬤᬲᬮᬶᬂᬢᬗᬶᬲᬶᬦ᭄‌ᬦᬸᬢᬸᬃᬦᬸᬢᬸᬃᬮᬭᬲᬕᬾᬢᬦ᭄ᬫᬕ᭄ᬭᬶᬤᭂᬕᬦ᭄‌ᬲᬂᬧ᭄ᬭᬪᬹᬰᬺᬗ᭄ᬕᬦ᭄ᬕᬭᬶᬭᬳᬸᬄᬫᬓᬮ᭄ᬬ
ᬦ᭄‌ᬓᬯᭂᬗᬦ᭄ᬩᬸᬫᬓ᭄ᬱᬶ᭟ᬮᬶᬦ᭄ᬢᬂᬳᬾᬫᭂᬂᬲᬂᬧ᭄ᬭᬪᬹᬫᬶᬦᭂᬳᬶᬂᬋᬤ᭄ᬥᬵᬦᬸᬗ᭄ᬓᬲᬂᬫᬢᬸᬃᬳᬭᬶᬲ᭄ᬱᬳᬗᭂᬫ᭄ᬩᭂᬂᬯᬲ᭄ᬧᬭᬢᬸᬢᬶᬢ᭄ᬬᬂᬦᬸᬦᬲᬂᬦᬧᬶᬫᬯᬶᬦᬦ᭄ᬧ᭄ᬭᬶᬬᬢᬶᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬓᭀᬭᬢᬸᬦᬶᬫ᭄ᬩᬮ᭄ᬳᬭᬶᬲ᭄᭟ᬳᬶᬗ᭄ᬕᬶᬄᬩᬧᬲᬧᬸᬦᬶᬓᬶᬓᬧᭀᬓᬦ᭄ᬤᬵᬢᬶᬢ᭄ᬬᬂᬗᬾᬫᬗ᭄ᬓᬶ
[᭔᭙ 49A]
ᬦ᭄‌ᬧᬸᬧᬸᬢ᭄ᬓᬧᬶᬤᬃᬢ᭄ᬣᬲ᭄ᬱᬧᬸᬃᬯ᭄ᬯᬓᬦ᭄ᬤᬲᬂᬧ᭄ᬭᬪᬹᬓᬕ᭄ᬬᬢᬦ᭄ᬱᬶᬧᬶᬫᬦ᭄ᬢᭂᬕ᭄ᬢᬗ᭄ᬓᬄᬫᬢᬸᬃᬳᬭᬸᬫᬫᬦᬶᬲ᭄᭟ᬭᬢᬸᬲᬫ᭄ᬧᬸᬦ᭄ᬢᬶᬢ᭄ᬬᬂᬭᬶᬳᬶᬦ᭄ᬫᬦᬓᬾᬦᬂᬭᬶᬧᬹᬃᬯ᭄ᬯᬮᬦ᭄ᬤᬲᬫᬶᬭᬢᬸᬲᬫᬶᬗᬸᬩ᭄ᬤᬢᬸᬗᬸᬭᬄᬳᬤᬾᬂᬦᬶᬫ᭄ᬩᬮ᭄‌ᬩᬸᬓᬫᭂᬫ᭄ᬩᬄᬫᬥᬸᬕᭂᬦ᭄ᬤᬶᬲ᭄‌ᬲᬫ᭄ᬧᬸᬦ᭄ᬫᬜ᭄ᬚᬗᬂᬧᬦᬶ
ᬢᬄᬲᬂᬳ᭄ᬬᬂᬯᬶᬤᬶ᭟ᬧᬤᬭᬫᭂᬲ᭄‌ᬭᬳᭀᬲᬾᬧᬲᬮᬶᬂᬢᬶᬫ᭄ᬩᬮ᭄‌ᬓᬮᬗᬦ᭄ᬓᬾᬦᬧᬢᬶᬄᬢ᭄ᬓᬫ᭄ᬧᭂᬲ᭄ᬜᭂᬫ᭄ᬩᬄᬗᬢᬸᬭᬂᬧᬗᬸᬦᬶᬗᬵᬓᬮᬶᬧᬸᬢ᭄ᬓᬸᬢᬦ᭄ᬕᬭᬶᬲᬫ᭄ᬧᬸᬦ᭄ᬫᬬᬸᬤᬚᬦ᭄ᬫᬦᬾᬢ᭄ᬧᬶᬲᬶᬭᬶᬂ᭟ᬫᬩ᭄ᬬᬬᬸᬯᬦ᭄‌ᬯᬾᬦ᭄ᬢᭂᬦ᭄ᬭᬭᬸᬤ᭄ᬫᬮᬭᬤᬦ᭄‌ᬲᬂᬧ᭄ᬭᬪᬹᬗᬦ᭄ᬤᬶᬓᬭᬶᬲ᭄‌ᬢᬸᬦ᭄ᬤᬾᬦᬂᬗᬾ
ᬕᬾᬭᬂᬕ᭄ᬩᬸᬕ᭄ᬳᬶᬲᬧᬸᬄᬚᬕᬢ᭄‌ᬚᬮᬦ᭄‌ᬧ᭄ᬱᬸᬯᬶᬦᬾᬚᬦᬶᬓᭀᬭᬢᬸᬦᬶᬫ᭄ᬩᬮ᭄‌ᬮ᭄ᬯᬶᬃᬫᬢ᭄ᬭᬸᬄᬫᬥᬸᬕᭂᬦ᭄ᬤᬶᬲ᭄᭟ᬫ᭄ᬦᭂᬂᬩᬧᬲᬫ᭄ᬧᬸᬦ᭄ᬧᬶᬲᬦ᭄ᬫᬗᭀᬩᭂᬢᬂᬢᬶᬢ᭄ᬬᬂᬧ᭄ᬭᬶᬲᬤ᭄ᬬᬫᬗ᭄ᬓᬶᬦ᭄ᬧᬘᬂᬫᬗᬢᬸᬭᬂᬢᭂᬦ᭄ᬤᬲ᭄ᬧ᭄ᬭᬭᬢᬸᬲᬫ᭄ᬬᬦ᭄‌ᬓᬾᬫᬳᭀᬦ᭄ᬩᬧᬵᬫᬮᬶᬗ᭄ᬕᬶᬄᬧᬕᭂᬳᬂᬧᬶᬲᬦ᭄‌ᬕᬫᭂᬮ᭄ᬤᬕᬶ
ᬗᬶᬧᬸᬭᬶ᭟ᬭᬢᬸᬗᬸᬭᬄᬓ᭄ᬜᭂᬫ᭄ᬢᬩᬸᬳᬾᬧ᭄ᬭᬕᬮ᭄ᬩᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬶᬤᬾᬦᬶᬦ᭄‌ᬧ᭄ᬭᬲᬤ᭄ᬬᬬᬂᬭᬢᬸᬲᬫ᭄ᬬᬦ᭄‌ᬲᬦᬾᬓᬳᬸᬦ᭄ᬤᬂᬳᬶᬦᬸᬦᬶᬓᬾᬫᬳᭀᬦ᭄ᬩᬧᬭᬶᬂᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭟ᬤᭂᬲᬂᬧ᭄ᬭᬪᬹᬰ᭄ᬭᬗ᭄ᬕᬧᬸᬭᬮᬶᬦ᭄ᬢᬂᬮᬾᬤᬂᬫ᭄ᬧᭂᬲᬗ᭄ᬕᬫᬧᬫᬶᬢ᭄‌ᬓᭀᬤᬮ᭄ᬓᬩᬜ᭄ᬘᬶᬗᬄ