[᭔᭒ 42B]
᭔᭒
ᬫᬶᬲᭀᬧᬘᬭᬵᬳᬓᬸᬢᬸᬲ᭄ᬫᬓᬦ᭄ᬤᬵᬓᬦ᭄ᬤᬵ᭟ᬧᬢᬶᬄᬭᬢ᭄ᬣᬓᬤᬳᬸᬳᬦ᭄ᬫᬧᬬᬲ᭄ᬧᬘᬂᬗᬫᭀᬗᬶᬦ᭄ᬧᬘᬦᬗᬦ᭄ᬧᬗ᭄ᬯᬶᬤᬸᬳᬦ᭄ᬲᬧᬸᬢ᭄ᬢᬗᬦ᭄ᬓᭂᬧᭂᬢ᭄ᬳᬸᬢᬶᬓ᭄ᬓᬸᬫ᭄ᬧᬸᬮ᭄ᬳᬚᬓᬲᬫᬶᬫᬧᬬᬲ᭄ᬧᬤᬫᬩ᭄ᬭᬶᬬᬸᬓ᭄ᬫᬓᬫ᭄ᬩᭂᬦ᭄ᬧᬧᬢᬸᬳᬦ᭄ᬕᬕᬸᬮᬸᬂᬕᬤᬂᬗᬾᬤᬦᬶᬦ᭄ᬢᬗ᭄ᬕᬸᬋ
ᬩᭀᬂᬫᬭᭀᬦ᭄ᬤᬄᬕᬾᬫ᭄ᬧᬾᬮ᭄ᬫᬧ᭄ᬭᬤ᭄ᬥᬵ᭟ᬕᬕᬸᬮᬸᬂᬤᬤᬸᬫᬓᬯᬢ᭄ᬧᬢᬸᬄᬲᬧᬸᬢ᭄ᬜᬦᬾᬲᬫᬶᬫᬮᬵᬫ᭄ᬩᬾᬕᬗ᭄ᬕᭀᬂᬫᬓ᭄ᬚᬂᬳᬸᬫ᭄ᬧᬮᬾᬲᬸᬢᬺᬱᬮ᭄ᬓᬸᬦᬶᬂᬜ᭄ᬚᭂᬍᬕ᭄ᬢᬗᬶᬫᬧᬶᬮ᭄ᬧᬶᬮ᭄ᬳᬸᬤᭂᬂᬜᬦᬾᬧᬤᬧᬢᬸᬄᬕᬾᬫ᭄ᬧᬾᬮ᭄ᬫᬢᬸᬭᬸᬄᬧ᭄ᬭᬤ᭄ᬥᬵᬫᬘᬘᬸᬦ᭄ᬤᬸᬓ᭄ᬳᬗ᭄ᬕ᭄ᬭᬾᬓ᭄ᬱᬰᬶᬄᬫᬲ᭄ᬳᬘᬭᬂᬓᬸᬮᬵ
ᬫ᭄ᬩᬶᬧᬸᬢᬶᬄᬫᬓ᭄ᬚᬂ᭟ᬫᬓᬤᬶᬧᬲᭂᬓ᭄ᬩᬦ᭄ᬤᬾᬱᬫᬬᬓ᭄ᬱᬭᬶᬫᬬᬓ᭄ᬱᬭᬶᬲᬸᬩᬧᬤᬲᬸᬤ᭄ᬫᬧᬬᬲ᭄ᬧᬚᭂᬍᬕ᭄ᬗᬦ᭄ᬢ᭄ᬬᬂᬗᬬᬳᬶᬦ᭄ᬦᬓᬕᬸᬂᬗᬕᬸᬂᬲᬫᬶᬓᬤᬳᬸᬄᬲᬫᬶᬫᬗᬫ᭄ᬧᬸᬄᬭᬾᬄᬧᬤᬗᭀᬜᬂᬧᬬᬲ᭄ᬕᬭᬸᬤᬫᬸᬗ᭄ᬓᬸᬃᬧᬢᬶᬢᬶᬲ᭄ᬫᬗ᭄ᬤᬾᬧᬢᬸᬄᬗᬶᬭᬶᬂᬮ᭄ᬯᬶᬃᬲ᭄ᬫᬭᬓᭂᬫ᭄ᬩᬃ᭟ᬦᬾᬦᭂᬫ᭄ᬦᭂᬫ᭄ᬱᬸᬩᬵ
ᬫᬧᬬᬲ᭄ᬧᬤᬢᭀᬂᬩᬓᬢ᭄ᬓ᭄ᬦᭂᬳᬶᬦ᭄ᬗᭂᬦ᭄ᬤᬶᬄᬫᬸᬭᬸᬩᬦ᭄ᬱᬲᭀᬘᬵᬦ᭄ᬤᬾᬦᬶᬂᬳᬦᬓ᭄ᬫᬸᬮᬫᬦᬶᬲ᭄ᬩᬕᬸᬲ᭄ᬧ᭄ᬭᬢᬫᬕᭂᬜ᭄ᬚᬶᬂᬧᬤᬫᭀᬫ᭄ᬩᬓ᭄ᬫᬥᬸᬚᬸᬭᬸᬄᬗ᭄ᬕᬯᬾᬲᬦ᭄ᬓ᭄ᬦᭂᬄᬭᬕᬦ᭄ᬓᭀᬭᬢᬸᬮᬾᬤᬂᬫᬗᬓ᭄ᬱᬸᬫᬢ᭄ᬭᬸᬄᬚᬸᬭᬸᬄᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭄ᬓᬵ᭟ᬧᬸᬕ᭄ᬚᬮᬄᬚᬦᬶᬫᬧᬬᬲ᭄ᬢᬸᬗᬸᬭᬄ
[᭔᭓ 43A]
ᬫ᭄ᬧᭂᬲ᭄ᬢᬸᬃᬩᬓ᭄ᬢᬶᬢᬸᬫᬸᬮᬶᬲᬋᬂᬫᬧᬬᬲ᭄ᬫᬯᬲ᭄ᬢ᭄ᬭᬕᬕᬸᬮᬸᬂᬢᬗᬶᬕᬾᬫ᭄ᬧᬾᬮ᭄ᬫᬧ᭄ᬭᬤᬗᭂᬦ᭄ᬤᬶᬄᬧᬢᬸᬄᬧᬧ᭄ᬓᭂᬓᬾᬳᬦᬸᬢ᭄ᬩᬢᬶᬓ᭄ᬓᭂᬫ᭄ᬩᬂᬫᬢᬭᬵᬧ᭄ᬫᬢᬸᬭᬸᬄᬩᬦ᭄ᬧ᭄ᬭᬤᬗᭂᬦ᭄ᬤᬶᬄᬢᬸᬃᬫᬓᬫ᭄ᬧᬸᬄᬕᬕᬸᬮᬸᬂᬤᬤᬸᬓᬧᬮ᭟ᬳᭀᬃᬢᬾᬦᬦ᭄ᬧᬢᬺᬓᬸᬲᬸᬫᬫᬧ᭄ᬭᬤᬕᬾᬫ᭄ᬧᬾᬮ᭄ᬫᬘᬯᬶᬳᬸᬫ᭄ᬧᬮ᭄ᬲᬸᬢ᭄ᬭᬵ
ᬭᬭᬾᬦ᭄ᬤᬳᬦ᭄ᬫᬰᬶᬄᬫᬧ᭄ᬭᬤᬦᬶᬭᬸᬓ᭄ᬢᬶᬓᬸᬮᬫ᭄ᬩᬶᬩᬶᬮᬸᬤ᭄ᬭᬸᬯᬶᬮᬶᬲ᭄ᬓᬶᬦᭂᬦᬦ᭄ᬓᬜ᭄ᬘᬦᬫᬸᬭᬸᬩ᭄ᬳᭂᬩᭂᬓ᭄ᬩᬳᬦ᭄ᬱᬵᬲᭀᬘᬦ᭄ᬓᬤᬶᬮᬗᬶᬢ᭄ᬗᬄᬯ᭄ᬗᬶᬗᭂᬦ᭄ᬤᭂᬧ᭄ᬳᭂᬦ᭄ᬤᭂᬧ᭄ᬫᬩᬦ᭄ᬢᬂᬩᬦᬯᬭᬢ᭄ᬦᬵ᭟ᬮᬾᬦ᭄ᬩ᭄ᬯᬶᬦᬾᬦᬾᬤᬶᬓᬃᬡ᭄ᬦᬵᬗᭂᬭᬾᬤᬾᬧ᭄ᬗᭂᬋᬱᬂᬳᬢᬶᬓᬤᬶᬓᬶᬮᬧ᭄ᬳᬮᬶᬯᭂᬭᬵᬦ᭄ᬮᬾᬦ᭄ᬓᬶᬮ
ᬢᬪᬸᬧᬢᬶᬢᬶᬲ᭄ᬕ᭄ᬭᬸᬤᬫᬸᬗ᭄ᬓᬸᬃᬤᬶᬜᬼᬕ᭄ᬫᬲᭀᬘᬦ᭄ᬤᬶᬄᬫᬸᬭᬸᬩ᭄ᬲᬲᬶᬫ᭄ᬧᬶᬂᬫᬫᬦᬶᬲᬦ᭄ᬬᬂᬫᬤᬸᬲᬸᬤᬦᬫᬸᬃᬢ᭄ᬢᬶᬳᬗ᭄ᬤᬾᬦᬶᬓᬸᬂᬫᬜᬸᬗ᭄ᬓᭂᬮᬶᬢ᭄ᬯᬶᬭᬦᬦ᭄ᬢ᭟ᬢᬸᬗᬸᬭᬄᬫᬲᬶᬄᬲᬯᬯᬧᬦ᭄ᬯᬃᬦᬓᬓᬾᬳᬦ᭄ᬫᬦᬶᬲ᭄ᬢᬸᬳᬸᬦ᭄ᬤᬢᬦ᭄ᬧᬳᬸᬧᬫ᭄ᬫᬵᬯ᭄ᬬᬓ᭄ᬢᬶᬲᬂᬳ᭄ᬬᬂᬲ᭄ᬫᬭᬫᬸᬃᬢ᭄ᬢᬶᬲᬶᬂᬭᬭᬲ᭄ᬳᬫᬦ᭄ᬢᭂᬲ᭄ᬱᬶᬳᬵ
ᬫᬗᬦ᭄ᬮᬭᬓᬸᬂᬮᬸᬮᬸᬢ᭄ᬧᬳᬸᬢ᭄ᬫᬩᬶᬦ᭄ᬢᬂᬩ᭄ᬱᬵᬃᬓᬮᬯᬦ᭄ᬩᬶᬦ᭄ᬢᬂᬩᬄᬤᬭᬶᬫᬸᬜ᭄ᬘᬃᬫᬸᬭᬸᬩ᭄ᬳᬸᬮᬵᬧ᭄ᬲᬓ᭄ᬯᬾᬄᬳᬶᬂᬢᬸᬫᬶᬗᬵᬮ᭄᭟ᬫᬧᬦᬶᬗ᭄ᬲᭂᬢ᭄ᬫᬲ᭄ᬫᬢ᭄ᬭᬸᬯᬂᬫᬲᭀᬘᬕᬾᬫ᭄ᬧᬾᬮ᭄ᬩᬂᬯᬶᬮᬶᬲ᭄ᬕ᭄ᬮᬂᬗ᭄ᬓᬦᬲᭀᬘᬜᬭᬩ᭄ᬭᬸᬧᭂᬓ᭄ᬯᬶᬦ᭄ᬢᭂᬦ᭄ᬫᬸᬗ᭄ᬕ᭄ᬯᬶᬂᬢᬸᬤᬶᬂᬜᬸᬫ᭄ᬗ᭄ᬓᭂᬮᬶᬢ᭄ᬲᬸᬫᬗ᭄ᬳ᭄ᬬᬂᬭᬸᬓ᭄ᬫᬶ
Kaca:Bali-lontar-gaguritan-cokoratu-05-250ppi.pdf/43
Kaca puniki sampun kauji-wacén
