Kaca:Bali-lontar-gaguritan-cokoratu-05-250ppi.pdf/4

Saking Wikisource
Kaca puniki sampun kauji-wacén

[᭓ 3B]

ᬗ᭄ᬓᬮᬶᬄᬤᬶᬢᬸᬫᬭᬃᬬᬦ᭄‌ᬭᬤᬾᬦ᭄ᬭᬢ᭄ᬫᬚᬳᬗ᭄ᬮᬶᬳᬦ᭄ᬮᬾᬦ᭄ᬓᬭᬯᭀᬲᬂᬓᬗᭂᬦ᭄ᬓᬾᬦᬾᬳᬶᬢᬸᬦ᭄ᬬᬦ᭄ᬩᬦ᭄ᬭᬚᬧᬸᬢ᭄ᬭᬶᬦᬾᬲᬫᬶᬦᬦ᭄ᬤᬂᬤᬸᬄᬓᬶᬢᬤᬤᬶᬚᬭᬵᬳᬦ᭄‌ᬗ᭄ᬮᬶᬂ᭟ᬭᬤᬾᬦ᭄ᬯᬶᬚᬬᬫᬲᬳᬸᬢᬸᬃᬫᬦ᭄ᬢᭂᬕ᭄ᬢᬗ᭄ᬓᬄᬫᬤᭂᬕ᭄ᬓᭂᬲᬦ᭄ᬫᬫᬸᬜᬶᬳᬤᬸᬄᬮᬘᬸᬃᬧᬶᬲᬦ᭄‌ᬳ᭄ᬜᬕ᭄ᬩᬜ᭄ᬚᭂᬗᭂᬦᭂᬳᬂᬓᬧᬶᬯ᭄ᬮᬲᭂ
ᬦ᭄ᬕᬢᬶᬕᬢᬶᬧᬤᬍᬫ᭄ᬧᬶᬲᬦ᭄‌ᬦᬶᬓᬶᬧᭀᬢ᭄ᬭᬾᬢᬾᬘᬶᬗᬓᬶᬦ᭄᭟ᬳᬭᬄᬦᬶᬓᬶᬲᬶᬭᬧ᭄ᬱᬾᬗᬦ᭄ᬫᬶᬭᬄᬳᬭᬄᬜᬦ᭄ᬤᬂᬕᬢᬶᬕᬢᬶᬳᭀᬓᬦ᭄ᬤᭂᬲᬂᬦᬢ᭄ᬣᬵᬭᬤᬾᬦ᭄ᬭᬢ᭄ᬫᬚᬜᬶᬗᬓ᭄‌ᬓᬫ᭄ᬩᬶᬮ᭄ᬧᭀᬢ᭄ᬭᬾᬢᬾᬓᬸᬲᬸᬤ᭄ᬥᬶᬦ᭄ᬢᬸᬃᬓᬳᬸᬲᬧ᭄ᬳᬸᬲᬧ᭄‌ᬗᬦ᭄ᬤᬶᬓᬲᬃᬯᬶᬗᬓ᭄ᬱᬶ᭟ᬦᬾᬤᬶᬢ᭄ᬗᬄᬢᬸᬗᬸ
ᬭᬄᬓᭀᬘᬧᭂᬲᬾᬗᬦ᭄‌ᬢ᭄ᬯᬦᬾᬦᬾᬫᬵᬮᬶᬗ᭄ᬕᬶᬄᬦᬾᬦᬾᬗᬸᬦ᭄ᬩᬸᬦ᭄ᬧᬶᬲᬦ᭄‌ᬓᬾᬢᭀᬓᬭᬳᭀᬲᬂᬲᬗ᭄ᬓᬮᬶᬳᬗᬸᬮᬶᬳᬸᬮᬶᬄᬭᬤᬾᬦ᭄ᬭᬢ᭄ᬫᬚᬓ᭄ᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭟ᬚᬦᬶᬲᬶᬤᬓᬢ᭄ᬭᬶᬦᬶᬩᬓᬢᬂᬚᬮᬄᬮᭀᬕᬲᬂᬩ᭄ᬯᬶᬦ᭄ᬫᬗ᭄ᬤᬾᬦᬾᬜᬶᬤᬬᬂᬭᬤᬾᬦ᭄ᬯᬶᬚᬬᬦᬶᬫ᭄ᬩᬵ
ᬮ᭄‌ᬦᬸᬦᬲ᭄ᬤᬳᬢᬸᬃᬭᬂᬭᬶᬳᬶᬦ᭄‌ᬫᬗ᭄ᬤᬾᬦᬾᬥᬗᬦ᭄‌ᬧᬸᬗ᭄ᬓᬸᬃᬯᬢᭀᬦᬶᬦ᭄ᬫᬮᬶᬄ᭟᭐᭟ᬭᬤᬾᬦ᭄ᬭᬢ᭄ᬫᬚᬫᬦᬶᬫ᭄ᬩᬵᬮ᭄‌ᬲᬳᬲ᭄ᬫᬶᬢ᭄ᬣᬫᬸᬜᬶᬦᬾᬭᬸᬫ᭄ᬳᬫᬦᬶᬲ᭄‌ᬬᬦ᭄ᬧᬤᬾᬮᬦ᭄ᬢᬭᬂᬫᬦ᭄ᬢᬸᬓ᭄ᬱᬶᬜᬧᭂᬮᬶᬄᬥᬩ᭄ᬥᬩᬦ᭄‌ᬤᬾᬦᬶᬂᬫᬸᬮᬧᬓᬬᬸᬦᬜ᭄ᬘᭀᬓᭀᬭᬢᬸᬤᬭᭀᬧᭀ
[᭔ 4A]
ᬦ᭄ᬧᬘᬂᬗᬕᬾᬬᬂᬦᬾᬳᬲ᭄ᬬᬫᬃᬕ᭄ᬕᬶᬄᬳᬮᬶᬄ᭟ᬕ᭄ᬮᬶᬲᬸᬩᬫᬤᬩ᭄ᬤᬩᬦ᭄‌ᬧᬘᬂᬫᭂᬩᭂᬃᬲᬗ᭄ᬓᬵᬮᬶᬄᬫᬫ᭄ᬩᬸᬃᬕ᭄ᬮᬶᬲ᭄‌ᬧᬓᭂᬩᬸᬭᬾᬮᬮᬶᬮᬦ᭄ᬤᬸᬄᬭᬾᬄᬢ᭄ᬯᬭᬓᬃᬯᬵᬦ᭄ᬧᬢᬲ᭄‌ᬳᬤᬤᬾᬰᬍᬄᬲᬯᬢ᭄ᬲᬤᬮᬗᬸᬲᬗ᭄ᬓᬵᬮᬶᬄᬦᭀᬕᬲ᭄ᬗᬗ᭄ᬲᭂᬳᬂᬫᬾᬄᬧ᭄ᬭᬢᬾᬂᬰᬺᬗ᭄ᬕᬦ᭄ᬕᬭᬶ᭟ᬭᬭᬶ
ᬲ᭄ᬤᬦᬾᬕ᭄ᬮᬶᬲ᭄ᬢᬸᬫ᭄ᬥᬵᬓ᭄‌ᬮᬩ᭄ᬥᬓᬃᬬ᭄ᬬᬤᬶᬤᬦᬸᬰᬺᬗ᭄ᬕᬯᬢᬶᬫᬦᬸᬚᬸᬧᬳᬘᬶᬤᬶᬢᬸᬯᭀᬂᬰᬧᬥᬢ᭄ᬓᬵᬤᬸᬮᬸᬤᬸᬮᬸᬃᬫᬗᬩᬩᬵᬦ᭄ᬢᭂᬦ᭄ᬮᬶᬬᬸᬫᬭᬾᬭᬾᬦ᭄ᬧᬤᬗᬫ᭄ᬩ᭄ᬬᬃᬤᬶᬲᬶᬲᬶᬦ᭄ᬤᬦᬸᬦᬾᬓᬗᬶᬦ᭄᭟ᬭᬫᬾᬬᬫᬋᬭᬳᭀᬲᬦ᭄‌ᬫᬦᬸᬢᬸᬭᬂᬢᬶᬗ᭄ᬓᬵᬄᬳᬦᬾᬦᬾᬗᬸᬦᬶᬤᬸᬓ᭄ᬳ
ᬦᬓᬕᬸᬗᬾᬦᬸᬤᬸᬓ᭄ᬧ᭄ᬭᬧᬸᬢ᭄ᬭᬶᬦᬾᬳᬲ᭄ᬬᬓᭀᬘᬧ᭄ᬤᬶᬦᬶᬧᬳᬶᬲ᭄‌ᬦ᭄ᬤᬶᬤᬬᬂᬢᬸᬤᬸᬄᬭᬤᬾᬦ᭄ᬭᬢ᭄ᬫᬚᬯᬶᬚᬬᬧ᭄ᬥᬲ᭄ᬩᬦ᭄ᬤᬦᬾᬫᬶᬭᬕᬶ᭞ᬫᬵᬓ᭄ᬩᬸᬃᬳᬕ᭄ᬮᬶᬲ᭄‌ᬗ᭄ᬕᬕᬡ᭄ᬦᬫᬗᬯᬲᬂᬲᬦᬾᬧᬘᬂᬢ᭄ᬥᬸᬦᬶᬦ᭄‌ᬳᬲᬓ᭄ᬱᬦᬲᬕᬾᬢ᭄ᬭᬳᬸᬄᬤᬶᬦ᭄ᬕᬭᬕ᭄ᬮᬶᬲ᭄‌ᬢ᭄ᬭᬂᬫᬧᬯᬲᬦ᭄ᬤᬶᬩᬢᬦ᭄ᬩᬜ᭄ᬘᬶᬗᬄᬳᬕᬸᬂ
ᬢ᭄ᬯᬭᬳᬤᬳᬦᬓ᭄ᬦᬯᬂᬧ᭄ᬭᬢᬶᬗ᭄ᬓᬳᬶᬂᬳᭂᬚᬶᬫ᭄ᬱᬓ᭄ᬢᬶ᭟ᬤᬶᬧᬸᬭᬶᬚᬦᬶᬳᬸᬘᬧᬂᬧᬋᬢ᭄ᬭᬶᬤᬶᬗᬃᬭ᭄ᬬᬦ᭄ᬳᬾᬕᬃᬲᬫᬶᬫᬧᬬᬲ᭄ᬧᬤᬫᬩ᭄ᬭᬶᬬᬸᬓ᭄‌ᬳᬬᬢ᭄ᬚᬕᬓ᭄ᬱᬾᬗᬦ᭄‌ᬳᬦᬓᬕᬸᬂᬳᬬᬸᬗᬸᬭᬄᬲᬦᬾᬫᬸᬗ᭄ᬕᬸᬄᬧ᭄ᬭᬫᬸᬓᬢ᭄ᬯᬗᬶᬂᬭᬭᬲ᭄ᬱᬭᬭᬲ᭄‌ᬢ᭄ᬓᬫᬦ᭄ᬢᭂᬮᬶ᭟ᬩᬬᬲᬂ