[᭓᭘ 38B]
᭓᭘
ᬦ᭄ᬓᬢ᭄ᬯᬗᬶᬂᬯᭀᬂᬭᬶᬂᬮᬗᬶᬢ᭄ᬢᬸᬃᬤᬸᬮᬸᬭᬶᬦ᭄ᬕᬸᬦᬯᬦ᭄ᬯᬶᬤᬕ᭄ᬥᬾᬂᬦᬬ᭟ᬓᭀᬭᬢᬸᬗᭂᬫ᭄ᬩᬳᬶᬦ᭄ᬕᬸᬮᬜ᭄ᬩᬾᬭᬂᬢᬩᭀᬳᬾᬮᬶᬦ᭄ᬤᬶᬧᬜ᭄ᬮᬤ᭄ᬜᬤ᭄ᬓᭂᬫᬶᬓᬦ᭄ᬕᭂᬢᬃᬜᭂᬜᭂᬃᬳᬶᬓᬂᬳᬓ᭄ᬱᬶᬲᬶᬂᬭᬭᬲᬂᬢ᭄ᬓᬧᬗᬶᬤ᭄ᬳᬭᬄᬢ᭄ᬓᬦ᭄ᬤᬸᬤᬸᬢ᭄ᬦ᭄ᬤᬸᬤᬸᬢ᭄ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵᬧᬸᬕ᭄ᬓᬾᬦ᭄ᬓᬾᬦ᭄ᬚ᭄ᬦᭃᬂᬗᬫᬦᬶᬬ
ᬦ᭄ᬤᬶᬲᬸᬩᬢ᭄ᬓᭂᬤᬶᬰᬺᬗ᭄ᬕᬦ᭄ᬕᬭᬵ᭟ᬳᬭᬄᬚ᭄ᬦᭂᬂᬳᭀᬲᭂᬓ᭄ᬧᬶᬲᬦ᭄ᬩᬦ᭄ᬮᬶᬬᬸᬦ᭄ᬢᬫ᭄ᬯᬶᬦ᭄ᬓᬦᬶᬦ᭄ᬢᬸᬗᬸᬭᬄᬫ᭄ᬧᭂᬲ᭄ᬫᬜᬸᬫ᭄ᬩᬄᬦᬸᬦᬲ᭄ᬭᬶᬳᬶᬦᬶᬦ᭄ᬭᬳᬸᬳᬶᬦ᭄ᬤᬾᬦ᭄ᬲᬸᬃᬬ᭄ᬬᬤᬶᬧᬢᬶᬫᬳᬢᬸᬃᬫᬸᬜᬶᬦᬾᬳᬮᬸᬲ᭄ᬭᬢᬸᬩᬝᬵᬭᬦ᭄ᬢᬶᬢ᭄ᬬᬂᬳᬦ᭄ᬢᭀᬲ᭄ᬳᬶᬧᬸᬦᬢᬲ᭄ᬭᬶᬳᬶᬦ᭄ᬧᬥᬭᬫᭂᬲ᭄ᬭᬳᭀᬲᬾᬧᬲᬮᬶᬂᬢᬶ
ᬫ᭄ᬩᬵᬮ᭄ᬲᬕᬾᬢ᭄ᬳᬶᬧᬢᬲ᭄ᬢ᭄ᬓᬵᬘᭂᬤᬾᬮᬳᬸᬢ᭄ᬬᬫᬩᬓ᭄ᬢᬶᬭᬢᬸᬢᬶᬢ᭄ᬬᬂᬲᬫ᭄ᬧᬸᬦᬢᬲ᭄ᬭᬶᬂᬦ᭄ᬕᬭᬵᬳᭀᬋᬕ᭄ᬕᬢ᭄ᬭᬶᬧᬸᬧᬸᬢ᭄ᬧ᭄ᬭᬓᬭᬲᬫᬶᬭᬶᬂᬩᬜ᭄ᬘᬶᬗᬄᬳᬰ᭄ᬭᬷᬮᬗᬸᬦᬾᬦ᭄ᬢᭂᬦ᭄ᬜᬦ᭄ᬤᬂᬩᬳᭀᬲᬵᬂᬲᬲᭀᬮᬳᬦᬾᬫ᭄ᬓᬵᬤᬶᬢᬢᬩᬸᬳᬦ᭄ᬩᬶᬮᬂᬲᬓᬸᬳᬸᬫ᭄ᬧ᭄ᬭᬫᬜ᭄ᬘ᭟ᬫ᭄ᬓᬵᬤᬶᬧ᭄ᬭᬭᬢᬸᬲ
ᬫ᭄ᬬᬦ᭄ᬲᬦᬾᬓᬳᬸᬦ᭄ᬤᬸᬗᬦ᭄ᬢ᭄ᬬᬓ᭄ᬢᬶᬲᬫ᭄ᬧᬸᬦ᭄ᬭᬳᬸᬄᬭᬢᬸᬦᬧᬓ᭄ᬗᬶᬂᬤᬸᬭᬸᬂᬭᬶᬂᬦ᭄ᬕᬭᬶᬫᬦᬳᬂᬢ᭄ᬬᬂᬭᬶᬫ᭄ᬩᬶᬢ᭄ᬧᬕ᭄ᬦᬳᬦ᭄ᬤᬶᬧᬸᬦ᭄ᬜᬢᬸᬃᬦᬾᬲᬓᬶᬂᬩ᭄ᬭᬸᬦᬫ᭄ᬩᬵᬭᬲᬓᬶᬂᬓ᭄ᬮᭀᬤ᭄ᬫᬗ᭄ᬭᬳᬸᬳᬶᬦ᭄ᬲᬵᬦᬾᬲᬓᬶᬂᬓᬮᬾᬃᬧ᭄ᬭᬩᬸᬳᬃᬬᬫ᭄ᬩᬭ᭟ᬲᬦᬾᬓᬳᬸᬄᬩᭀᬦ᭄ᬤᬵᬭᬚᬲᬦᬾᬓᬗᬶᬦ᭄ᬓᬾ
[᭓᭙ 39A]
ᬲᬶᬧᬢᬶᬳᬦ᭄ᬤᬵᬩᬸᬫᬶᬫᬲᬋᬗᬦ᭄ᬓ᭄ᬭᬸᬭᬓᬭᬭᬢᬸᬲᬫᬶᬫᬶᬘᬕᭂᬃᬧᬸᬮᬶᬄᬧᬶᬓᬸᬮᬶᬄᬭᬳᬤᬾᬦ᭄ᬲᬸᬃᬬ᭄ᬬᬤᬶᬧ᭄ᬭᬩᬸᬓ᭄ᬜᭂᬫᬳᬢᬸᬃᬕ᭄ᬢᬃᬦᬸᬦᬲ᭄ᬭᬢᬸᬲᬦᬾᬫᬗ᭄ᬓᬶᬦ᭄ᬘᭀᬓᭀᬭᬢᬸᬫᬤᬩ᭄ᬥᬩ᭄ᬚᬕᬫᬫ᭄ᬭ᭄ᬕ᭄ᬕᬵ᭟ᬢᬸᬫᬸᬮᬶᬗᬸᬩᬃᬢᬗ᭄ᬓᬶᬮᬦ᭄ᬗᬸᬗ᭄ᬲᬶᬧᭀᬦ᭄ᬤᭀᬓ᭄ᬱᬋᬂᬲᬫᬶᬫᬭᬃᬬ
ᬦ᭄ᬫᬾᬜ᭄ᬘᭀᬗᬾᬜ᭄ᬘᭀᬗᬦ᭄ᬲᬦᬾᬧᬘᬂᬫᬗᭂᬫ᭄ᬧᭀᬦᬶᬦ᭄ᬫᬫᬲ᭄ᬓᬮᬯᬦ᭄ᬩ᭄ᬥᬶᬮ᭄ᬕᬸᬩᬃᬓᬮᬯᬦ᭄ᬢᬸᬗ᭄ᬕᬸᬮ᭄ᬢᬫ᭄ᬩᬸᬭᬾᬧᬲᬮᬶᬂᬢᬶᬫ᭄ᬩᬵᬮ᭄ᬫᬚᬚᬃᬩᬤᬶᬫᬃᬕᬶᬘᭀᬓᭀᬃᬭᬢᬸᬭᬢᬸᬗᬸᬭᬄᬳᬸᬲ᭄ᬫᬧᬬᬲ᭄᭟ᬭᬳᬤᬾᬦ᭄ᬲᬸᬃᬬ᭄ᬬᬤᬶᬦᬢ᭄ᬣᬵᬫᬧᬫᬶᬢ᭄ᬧᬘᬂᬫᬸᬗ᭄ᬓᬸᬭᬶ
ᬦ᭄ᬯᬶᬭᬾᬄᬚᬕᬫᬗᬫ᭄ᬩᬭᬚᬗ᭄ᬕᭂᬮ᭄ᬲᬯᬢᭂᬓ᭄ᬚᬫ᭄ᬲᬫᬶᬦᬾᬤᬤ᭄ᬯᬧᬘᬂᬗᬶᬭᬶᬂᬤᬾᬦᬶᬂᬳᬸᬦᬶᬧᬬᬃᬤᬢᬸᬭᬄᬤᬾᬦ᭄ᬯᬶᬭᬭᬢ᭄ᬫᬚᬮᬦ᭄ᬭᬤᬾᬦ᭄ᬯᬶᬚᬬᬧᬢᬶᬫᬩᬭᬗᬦ᭄ᬫᬗ᭄ᬭᬶᬳᬶᬦᬶᬦ᭄ᬧᬘᬗᬦ᭄᭟ᬘᭀᬓᭀᬃᬭᬢᬸᬭᬭᬶᬲ᭄ᬓᭀᬤᬵᬮ᭄ᬤᬶᬫᬃᬕᬦᬾᬢ᭄ᬩᭂᬂᬢᬶᬢᬶᬩ᭄ᬫᭀᬢᭀᬃᬓ
ᬘᬮᬶᬬᬸᬗᬫ᭄ᬩ᭄ᬬᬃᬓᭀᬭᬢᬸᬗᬦ᭄ᬤᬶᬓᬳᬭᬶᬲ᭄ᬫᭀᬢᭀᬭᬾᬧᬸᬢᭂᬃᬚᬦᬶᬢᬸᬫᬸᬮᬶᬓᬧᬸᬢᭂᬃᬲᬫ᭄ᬧᬸᬦ᭄ᬓᭀᬭᬢᬸᬲᬸᬩᬫᬸᬗ᭄ᬕᬄᬫᬫᭀᬢᭀᬭᬦ᭄ᬱᬋᬂᬲᬫᬶᬳᬸᬫ᭄ᬬᬃᬫᬸᬳᬸᬕ᭄ᬳᬦ᭄ᬤᬸᬲ᭄ᬫᬲᭂᬧᬸᬓ᭄ᬫᬶᬬᬸᬭᬦ᭄᭟ᬲᭀᬫ᭄ᬧ᭄ᬭᬾᬢ᭄ᬫᬸᬧᬶᬦ᭄ᬲᬮᬶᬂᬢᬶᬫ᭄ᬩᬵᬮ᭄ᬧᬘᭂᬗᭀᬓ᭄ᬧᬥᬵᬫᬯ
Kaca:Bali-lontar-gaguritan-cokoratu-05-250ppi.pdf/39
Kaca puniki sampun kauji-wacén
