Kaca:Bali-lontar-gaguritan-cokoratu-05-250ppi.pdf/34

Saking Wikisource
Kaca puniki sampun kauji-wacén

[᭓᭓ 33B]
᭓᭓
ᬲ᭄ᬗᬾᬤᬦᬶᬦ᭄‌ᬦᬓᬧᬢᬶᬂᬓᬺᬤᬧ᭄‌ᬓ᭄ᬫᬶᬓᬦ᭄ᬫᬦᬶᬲ᭄‌ᬕ᭄ᬢᬃᬢᬶᬢ᭄ᬬᬂᬓᬤᬳᬸᬄᬫᬗᬶᬭᬶᬂᬓᭀᬭᬢᬸᬮᬸᬗᬭᬗ᭄ᬕᬵᬓᬰᬺᬗ᭄ᬕᬧᬸᬭᬶ᭟ᬲᬸᬩᬧᬸᬧᬸᬢ᭄‌ᬢ᭄ᬮᬵᬲᬫᬶᬓᬧᬶᬤᬃᬢ᭄ᬣᬭᬚᬾᬂᬫᬥᬸᬭᬦᭀᬮᬶᬄᬳᬶᬘᬧᬳᬶᬱ᭄ᬱᬦᬄᬦ᭄ᬤᬾᬦᬂᬦᬩ᭄ᬤᬩᬂᬢᭀᬤᬶᬢᬫᬦ᭄ᬲᬸᬦ᭄ᬬᬯᬢᬶᬧᬘᬂᬤᬸᬦᬸ
ᬗᬦ᭄‌ᬤᬶᬦᬶᬩᬰ᭄ᬓᬾᬲᭂᬓ᭄ᬕᬢᬶ᭟ᬢᬸᬤᬾᬅᬓᬮᬶᬄᬦ᭄ᬤᬳᬸᬳᬶᬦ᭄ᬳᬶᬧᬢᬶᬄᬭᬢ᭄ᬣᬵᬕᭀᬂᬲᬾᬃᬳᬶᬧᬸᬦ᭄ᬫᬧᬫᬶᬢ᭄‌ᬫᬩ᭄ᬭᬶᬬᬸᬓ᭄ᬫᬓ᭄ᬚᬂᬫᬸᬮᬶᬄᬓᬢᬫᬦ᭄ᬱ᭄ᬓᬃᬕᬾᬯᬃᬫᬢᭂᬢ᭄ᬮᬄᬕ᭄ᬮᬶᬲ᭄ᬫᬜᬸᬯᬂᬤᬫᬃᬕᬮᬂᬢ᭄ᬓᭂᬤ᭄ᬓᬫᬃᬕ᭄ᬕᬶ᭟ᬮᬾᬦ᭄ᬢᭀᬩ᭄ᬯᬶᬦ᭄ᬩᬶᬮᬂᬩᬜ᭄ᬚᬃᬫᬳᭀᬮᬳᬦ᭄‌ᬤᬤᬓᬦ᭄ᬧᬋᬚᬦᬶᬳᭀᬋᬕ᭄ᬭᬫᬾ
ᬳᬸᬫ᭄ᬬᬂᬳᬦᬾᬂᬫᬤᬸᬭᬭᬚᬵᬤᬶᬩᬜ᭄ᬘᬶᬗᬄᬚᭂᬚᭂᬮ᭄ᬢᬶᬢᬶᬩ᭄‌ᬤᬦ᭄ᬧᬮᬶᬕᬭᬦ᭄‌ᬭᬾᬄᬧᬫᬃᬕᬶᬦᬾᬫᬦᬶ᭟ᬲᬸᬩᬧ᭄ᬢᭂᬂᬢᬵᬫ᭄ᬬᬸᬦᬾᬓᬧᬲᬗ᭄ᬕ᭄ᬭᬳᬦ᭄‌ᬭᬶᬂᬢᬫᬦ᭄ᬱᬸᬦ᭄ᬬᬯᬢᬶᬢᬦ᭄ᬲᬄᬢᬸᬤᬾᬅ᭄ ᬳᭀᬓᬢᬸᬤᬾᬅᬭᬳᬶᬦᬩ᭄ᬥᬩᬂᬗᬶᬦᭂᬧᬶᬦ᭄ᬤᬶᬢᬫᬦ᭄ᬲᬭᬶᬳᬲᬶᬄᬢ᭄ᬓᬾᬂᬢ᭄ᬯᬲ᭄
ᬲᭀᬢᬦᬶᬂᬚᬬᬾᬂᬭᬲ᭄ᬫᬶᬦ᭄᭟ᬦᭂᬗᬓ᭄ᬦᬵᬲᭀᬮᬳᬾᬳᬦᬾᬂᬫᬥᬸᬭᬤᬶᬕᬶᬮᬶᬩᬶᬦ᭄ᬩᬵᬮᬶᬓᬶᬦ᭄‌ᬦ᭄ᬤᬜ᭄ᬚᬕᬧᬫᬃᬕᬭᬤᬾᬦ᭄ᬲᬸᬃᬬ᭄ᬬᬵᬤᬶᬦᬢ᭄ᬣᬵᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬰᬺᬕᭂᬧ᭄ᬲᬬᬕᬧ᭄ᬭᬭᬢᬸᬤᬶᬢᬸᬲᬫᬶ᭟ᬲᭂᬲᭂᬓ᭄ᬚᭂᬚᭂᬮ᭄ᬓᬂᬩᬮᬢᬦ᭄ᬧᬮᬶᬕᬭᬵᬦ᭄‌ᬓᬢ᭄ᬓᬾᬂᬧ
[᭓᭔ 34A]
ᬲᬶᬃᬧᬲᬶᬃᬫ᭄ᬯᬗᬦᬾᬂᬩᬮᬾᬩᬂᬳᬤᭂᬦ᭄ᬤᭂᬦ᭄ᬓᬂᬭᬶᬫᬃᬕ᭄ᬕᬵᬳᬲᬓ᭄ᬱᬡᬳᬍᬧ᭄ᬳᬰ᭄ᬭᬶᬢᬸᬗ᭄ᬕᬸᬮ᭄ᬳ᭄ᬬᬂᬕᬸᬫᬩᬃᬩᭂᬦ᭄ᬤᬾᬢᬫ᭄ᬩᬸᬃᬦᬮᬶᬤᬶ᭟ᬲᭀᬧᭀᬘᬭᬳᬓᬦ᭄ᬤᬓᬦ᭄ᬤᬵᬳᬲᬶᬦᬂᬫᬶᬚᬶᬮ᭄ᬲᬂᬯᬶᬭᬓᬮᬶᬄᬮ᭄ᬯᬶᬃᬩᬲ᭄ᬓᬭᬵᬓᭂᬫ᭄ᬩᬃᬳᬶᬗᬶᬭᬶᬗᬶᬂᬳᬧ᭄ᬱᬭᬧ᭄ᬭᬧᬸᬢ᭄ᬭᬳᬦ᭄ᬯᬫ᭄ᬳᬧᭂᬓᬶᬓ᭄ᬗᬩ᭄ᬯᬢᬦ᭄ᬭᬭᬵᬲ᭄‌ᬯ᭄ᬬ
ᬓ᭄ᬢᬶᬲᬲᬭᬦ᭄ᬮ᭄ᬯᭂᬯᬶᬄ᭟ᬭᬵᬤᬾᬦ᭄ᬲᬸᬃᬬ᭄ᬬᬤᬶᬦᬢ᭄ᬣᬲᭂᬭᭀᬤ᭄ᬢᭂᬤᬸᬦᬦ᭄ᬢᬗ᭄ᬓᬶᬮᬦ᭄ᬩᬸᬩᬃᬲᬫᬶᬓᭀᬭᬢᬸᬗᬦ᭄ᬤᬶᬓᬩᬧᬦᬸᬦᬲ᭄ᬫᬫᬃᬕ᭄ᬕᬵᬫᬸᬗ᭄ᬧᬸᬂᬤᬬᬸᬄᬓᬶᬤᬶᬓ᭄‌ᬧᬤᬳᬵᬍᬓᬲ᭄ᬫᬓ᭄ᬩᬸᬃᬲᬮᬶᬂᬢᬸᬮᬶᬄ᭟ᬳᬲᬓ᭄ᬱᬡ᭄ᬦᬫᬫ᭄ᬩᬸᬃᬕ᭄ᬮᬶᬲ᭄ᬗᬯᬂᬗᬯᬂᬗ᭄ᬮᬶᬯᬢᬶᬦ᭄‌ᬩ᭄ᬬᭀᬫᬦ᭄ᬢᬭᬶᬤᭂᬤᭂᬢ᭄ᬭᬶᬂᬳᬓᬲᬵᬮ᭄ᬯᬶᬃ
ᬳᬫ᭄ᬩᬸᬤᬲᬸᬫᬳᬩ᭄‌ᬭᬶᬓᬮᬦᬶᬂᬫᬕᬫᬲᬶᬦ᭄ᬤᬤ᭄ᬬᬓᭂᬦ᭄ᬳᬸᬤᬦ᭄ᬦᬶᬩᬦᬶᬦ᭄ᬰᬺᬗ᭄ᬕᬧᬸᬭᬶ᭟ᬳᬶᬓᬂᬩᬮᬧᬗᬜ᭄ᬚᬸᬃᬲᬸᬩᬫᬗ᭄ᬮᬶᬦ᭄ᬢᬂᬓᬤᬳᬸᬄᬫᬗ᭄ᬭᬶᬳᬶᬦᬶᬦ᭄‌ᬗ᭄ᬯᬗᬸᬦ᭄ᬧᬲᬗ᭄ᬕ᭄ᬭᬳᬦ᭄‌ᬢ᭄ᬯᬭᬵᬤᬩᬓᬢ᭄ᬯᬶᬮᬂᬬᬦ᭄ᬳᬓᬸᬤᬂᬓᬸᬤᬂᬓ᭄ᬢᬶᬮᬾᬗᬫ᭄ᬩᬄᬓᬨᬮ᭄‌ᬩᭂᬓ᭄ᬫᬗᭂᬩᭂᬢᬶᬦ᭄ᬧᬰᬶᬄ᭟ᬢᬦ᭄ᬓᭀᬘᬧ
ᬧᭀᬮᬄᬬᬾᬂᬫᬶᬩᭂᬭᬶᬂᬢᬯᬂᬤᬶᬫᬥᬸᬭᬩᬮᬶᬓᬶᬦ᭄ᬩᬳᬸᬢᬢᬲ᭄‌ᬍᬫᬄᬫᬤᬩ᭄ᬥᬩ᭄ᬱᬋᬂᬲᬫ᭄ᬬᬦ᭄‌ᬲᬦᬾᬧᬘᬂᬮᬸᬯᬲ᭄ᬗᬶᬭᬶᬂᬲᬸᬩᬲᬬᬕ᭄ᬕᬵᬦᬸᬧᬥᬗᬦ᭄ᬢᬶᬯᬗ᭄ᬲᬶᬢ᭄᭟ᬲᬶᬭᬳᬚᬶᬂᬳᬲ᭄ᬫᬭᬵᬧᬸᬭᬳᬸᬲ᭄ᬓᭀᬤᬮ᭄‌ᬓᬢ᭄ᬭᬶᬦᬶᬲᬶᬭᬳᬾᬓᬶᬢᬶᬦᬗ᭄ᬓᬶᬮᬶᬂᬩᬮᬳᬮᬶᬗ᭄ᬕᬶᬄᬳᬶᬂᬩ