[᭓᭑ 31B]
᭓᭑
ᬫᬦᬶᬲ᭄᭟ᬦᬄᬢᬸᬗ᭄ᬓᬲᬂᬢ᭄ᬓᬾᬦ᭄ᬳᭂᬦ᭄ᬢᭀᬳᬶᬬᬸᬢᬸᬲᬦ᭄ᬲᬫᬗ᭄ᬤᬾᬧᬬᬸᬗᬶᬭᬶᬂᬢ᭄ᬯᬭᬗ᭄ᬮᬄᬓᬦ᭄ᬤᬫᬜᬢ᭄ᬯᬦᬸᬚᬸᬫᬄᬭᬚᬾᬂᬫᬥᬸᬭᬫᬦᭀᬮᬶᬄᬳᬢᬸᬤᬾᬅ᭄ ᬳᭀᬓᬢᬸᬤᬾᬅᬭᬳᬶᬓᬋᬧᬶᬦ᭄᭟ᬓ᭄ᬫᬘᬳᬶᬓᬢᬫᬦ᭄ᬫᬲᬶᬄᬢᬸᬗ᭄ᬓᬲᬂᬲᬫᬗ᭄ᬤᬾᬧᬬᬸᬗᬶᬭᬶᬂᬢ᭄ᬓᬾᬦ᭄ᬳᬶᬧᬗᭂᬫ᭄ᬩᬵᬦ᭄ᬲᬗ᭄ᬓᬮᬶᬄ
ᬫ᭄ᬧᭂᬲ᭄ᬜᬸᬫ᭄ᬩᬄᬫᬘ᭄ᬩᬸᬃᬫᬚᬮᬦ᭄ᬕ᭄ᬮᬶᬲ᭄ᬭᬳᬸᬄᬤᬶᬚᬩᬓ᭄ᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭟ᬲᬫ᭄ᬧᬾᬤᬦᬾᬧᭂᬲᬸᬯᬂᬗᬦ᭄ᬢ᭄ᬬᬂᬓᬢᬫᬦ᭄ᬲᬸᬩᬓᬳᬳᬸᬢᬸᬃᬕ᭄ᬮᬶᬲ᭄ᬫᬦᬸᬗ᭄ᬕᬂᬲᬫ᭄ᬧᬾᬤᬗ᭄ᬲᭂᬃᬜᬸᬚᬸᬃᬓᬢᬫᬦ᭄ᬧᬋᬓᬦ᭄ᬳᬶᬬᬸᬫᬗᬶᬭᬶᬂᬲᬓ᭄ᬱᬡ᭄ᬦᬲᬸᬩᬭᬯᬸᬄᬤᬶᬢᬫᬦ᭄ᬦ᭄ᬲᬭᬶ᭟ᬧᬢᬶᬄᬭᬢ᭄ᬣᬕ᭄ᬮᬸᬩᬸᬫ
ᬭᬫᬮᬶᬬᬢ᭄ᬩᬦ᭄ᬢᬗ᭄ᬓᭂᬯᬾᬗᬾᬲᬦᬶᬦ᭄ᬫᬓᭀᬃᬲᬶᬤᬶᬦᬢᬄᬳᬾᬳᬤᬓᬭᭀᬮᬜ᭄ᬘᬶᬗᬜ᭄ᬚᭂᬍᬕ᭄ᬚᭂᬍᬕ᭄ᬗᬯᬲ᭄ᬓᭂᬤᬶᬲ᭄ᬳᬦᬫᬘᬦ᭄ᬤᬵᬕᬾᬮᬅᬕᬾᬮᬅᬫᬗᭂᬢᬶᬲ᭄ᬳᬾᬢᬸᬤᬾᬅᬓᬵᬮᬶᬄᬫᬗ᭄ᬭᬜ᭄ᬚᬶᬂᬓᬢ᭄ᬗᬄᬕ᭄ᬮᬕ᭄ᬕᬵᬦᬾᬮᬮᬶᬫᬓᬧᬗ᭄ᬕᬶᬄᬫᬭᬲᬦ᭄ᬲᭂᬫ᭄ᬩᬄᬬᬓ᭄ᬜᭂᬫ᭄ᬮᬳᬸᬢ᭄ᬣᬜᬧ
ᬗ᭄ᬕᬶᬤ᭄ᬫᬫᬸᬜᬶᬤ᭄ᬭᬶᬓᬶᬦᬲᬶᬦᬾᬢ᭄ᬯᬄᬕᬯᬾᬦᬶᬦ᭄ᬢᬸᬃᬭᬶᬂᬕᬯᬦᭂᬦ᭄ᬫᬗ᭄ᬭᬳᬸᬳᬶᬦ᭄᭟ᬢ᭄ᬬᬂᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬳᬚᬶᬅ᭄ ᬲᬋᬂᬢᬶᬕᬲᬫᬗ᭄ᬤᬾᬳᬚᬶᬅᬳᬶᬭᬶᬂᬓᬰ᭄ᬭᬗ᭄ᬕᬦ᭄ᬕᬭᬳᬶᬤᭀᬅ᭄ ᬋᬗ᭄ᬓᬶᬓᬬᬸᬭᬢᬸᬓᬳᬶᬭᬶᬂ᭟ᬤᬾᬦᬶᬂᬳᬶᬤ
[᭓᭒ 32A]
ᬳᬶᬭᬶᬓᬢ᭄ᬯᬭᬤᭂᬳᬶᬫ᭄ᬫᬵᬓᬦ᭄ᬢᬶᬢ᭄ᬬᬂᬳᬚᬓ᭄ᬱᬫᬶᬫᬦ᭄ᬢᬸᬓ᭄ᬭᬢᬸᬳᬾᬗ᭄ᬕᬵᬮ᭄ᬬᭂᬚ᭄ᬦᭂᬗᬢ᭄ᬓᬤᬩ᭄ᬤᬩᬂᬫᬃᬕᬶᬢ᭄ᬮᬳᬶᬦ᭄ᬓᬸᬧᬶᬘᬯᬶᬲᬂᬩᬾᬜ᭄ᬚᬂᬲ᭄ᬫᭂᬂᬫᬫᬃᬕᬶ᭟ᬫᬕᬺᬤᭂᬕᬦ᭄ᬕᭀᬗ᭄ᬲᭀᬃᬢᬸᬮᬓᬦᭂᬕᬭᬧᬢᬶᬄᬭᬢ᭄ᬣᬦᬾᬗᬶᬭᬶᬂᬢᬦ᭄ᬓᭀᬘᬧ᭄ᬤᬶᬫᬃᬕᬲᬓ᭄ᬱᬡᬤᬶᬩᬜ᭄ᬘᬶ
ᬗᬄᬢ᭄ᬤᬸᬦ᭄ᬫᬗ᭄ᬭᬭᬶᬲ᭄ᬫᭂᬧᭂᬲ᭄ᬫᬶᬤᬃᬢ᭄ᬣᬵᬓᬢᬸᬃᬧ᭄ᬭᬶᬓᬦ᭄ᬤᬵᬲᬫᬶ᭟ᬤᬲᬗ᭄ᬓᬮᬶᬄᬫ᭄ᬦᭂᬂᬢ᭄ᬯᬭᬗ᭄ᬮᬄᬓᬦ᭄ᬤᬓᬮᬗᬦ᭄ᬧᬋᬓᬜ᭄ᬘ᭄ᬭᬶᬓ᭄ᬫ᭄ᬧᭂᬲ᭄ᬫᬗᬢᬸᬭᬂᬳᬸᬢᬸᬲᬦ᭄ᬫᬭᬢ᭄ᬓᬳᬦᬓᬕᬸᬂᬳᬕᬸᬂᬲᬫᬶᬲᬓᬶᬂᬓᭀᬭᬶᬧᬦ᭄ᬩᬸᬢ᭄ᬤᬸᬦ᭄ᬭᬶᬧᬫᬶᬗ᭄ᬕᬶᬃ᭟ᬢᬸᬤᬾᬅᬳᭀᬓᬢᬸᬤᬾᬅᬭᬳᬶᬮᬶᬦ᭄ᬢᬂᬓᬕ᭄ᬬᬢ᭄ᬭ
ᬚᬾᬂᬫᬥᬸᬭᬕ᭄ᬮᬶᬲ᭄ᬦ᭄ᬤᬯᬸᬳᬂᬫᬦ᭄ᬦᬢᬲ᭄ᬕ᭄ᬮᬶᬲ᭄ᬭᬭᬶᬲ᭄ᬓᬳᭀᬤᬮ᭄ᬭᬶᬂᬚᬩᬢ᭄ᬗᬄᬫᬮᬶᬗ᭄ᬕᬶᬄᬧᬦ᭄ᬲᬩᬲᬜ᭄ᬚᬫᬾᬄᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭟ᬧᬢᬶᬄᬭᬢ᭄ᬣᬵᬫᬧᬫᬶᬢ᭄ᬧᬘᬂᬫᬦᬢ᭄ᬢᬵᬲ᭄ᬳᬶᬲᬸᬫᬦ᭄ᬢᬶᬫᬓᬤᬶᬫ᭄ᬯᬂᬳᬶᬚᬬᬳᬸᬲ᭄ᬫᬦ᭄ᬮᬯᬦ᭄ᬳᬶᬧᬦ᭄ᬲᬸᬯᭀᬓ᭄ᬱᬫᬓᬫᬶᬯ
ᬯᬄᬲᬳᬶᬤ᭄ᬧᬢᬶᬳᬶᬩᬤᬶᬲ᭄ᬤᬭᬓᬮᬯᬦ᭄ᬩᬕᬶᬦ᭄ᬤᬫᬶᬃ᭟ᬲᬤᬍᬲᬄᬓᬮᬯᬦ᭄ᬩᬕᬶᬦ᭄ᬤᬲ᭄ᬫᬭᬭᬵᬚᬾᬂᬯᬶᬃᬬ᭄ᬬᬫ᭄ᬓᬤᬶᬮᬜ᭄ᬚᬬᬾᬂᬲᬮᬸᬫᬦ᭄ᬲᬸᬩᬫᬗ᭄ᬮᬜ᭄ᬘᬢ᭄ᬚᬭᬵᬦ᭄ᬫᬭᭀᬭᭀᬗᬦ᭄ᬤᬶᬫᬃᬕᬶᬫᬕᭂᬕᬗ᭄ᬱᬭᬦ᭄ᬢ᭄ᬓᭂᬤ᭄ᬬᬤᬶᬧᬲᬶᬲᬶ᭟ᬍᬄᬗᬗᬫ᭄ᬩ᭄ᬬᬃᬚᬼᬫᬮᬶᬬᬸᬢᬯᬄ
Kaca:Bali-lontar-gaguritan-cokoratu-05-250ppi.pdf/32
Kaca puniki sampun kauji-wacén
