[᭓᭐ 30B]
᭓᭐
ᬧᬗᭂᬫ᭄ᬩᬦ᭄ᬧ᭄ᬭᬫᬸᬓᬵᬳᬸᬤᬾᬅᬓᬮᬶᬄᬩᬸᬜᬶᬗᬓ᭄ᬫᬓᭂᬲ᭄ᬬᬃᬮᬾᬤᬂᬢᬦ᭄ᬲᬶᬧᬶᬓ᭄ᬜᭂᬫ᭄ᬗᬦ᭄ᬤᬶᬓᬯᬅᬓ᭄ᬭᭀᬢ᭄ᬓᬫᬗ᭄ᬓᬶᬦ᭄᭟ᬘᭀᬓᭀᬭᬢᬸᬗᬸᬭᬄᬗ᭄ᬢᬤᬤᬶᬚ᭄ᬚᬵᬳᬶᬤᭀᬓ᭄ᬫᬳᬢᬸᬃᬳᬭᬶᬲ᭄ᬭᬢᬸᬭᬶᬕᬶᬮᬶᬫᬲ᭄ᬢᬶᬢ᭄ᬬᬂᬓᬤᬳᬸᬄᬫᭂᬦ᭄ᬤᬓ᭄ᬘᭀᬓᭀᬃᬭᬢᬸᬲᬋᬂᬓᬮᬶᬄᬲᬫᬗ᭄ᬤᬾᬕᬗ᭄ᬱᬃ
ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬭᭀᬩᭂᬤᬶᬦ᭄᭟ᬓᬮᬶᬄᬳᬶᬤᬳᬓᬶᬜ᭄ᬘᭀᬓᭀᬭᬢᬸᬢᬶᬕ᭄ᬕᬵᬫᬗ᭄ᬤᬾᬚ᭄ᬦᭂᬓ᭄ᬭᬶᬂᬧᬸᬭᬶᬲᬫ᭄ᬧᬸᬦ᭄ᬲᬋᬂᬫᬶᬦ᭄ᬢᬃᬭᬚᬾᬂᬫᬥᬸᬭᬓᬕ᭄ᬬᬢ᭄ᬗᬦ᭄ᬤᬶᬓᬳᬭᬸᬫᬫᬦᬶᬲ᭄ᬓᬾᬦ᭄ᬓᬾᬜ᭄ᬚᭂᬦᭂᬗ᭄ᬳᬩᬄᬲᬶᬰᬶᬧ᭄ᬢ᭄ᬬᬂᬚᬦᬶ᭟ᬳᬶᬘᬫ᭄ᬘ᭄ᬬᭀᬫᬢᬸᬃᬭᬢᬸᬕᬫᭂᬮ᭄ᬧᬶᬲᬦ᭄ᬧᬓᬬᬸᬦ
ᬦ᭄ᬳᬶᬬᬭᬶᬲᬫ᭄ᬧᬸᬦ᭄ᬫᬗᭀᬩ᭄ᬢᬂᬯᬦ᭄ᬢᬄᬓᬭᬳᭀᬲ᭄ᬤᬗᬦ᭄ᬧᬫᬃᬕᬶᬦᬾᬫᬗ᭄ᬓᬶᬦ᭄ᬧᬸᬭᬶᬦᬾᬕᬫᭂᬮ᭄ᬫᬦᬯ᭄ᬬᬲᬸᬦ᭄ᬬᬲᭂᬧᬶ᭟ᬧᬤᬩᬸᬓᭂᬢ᭄ᬭᬳᭀᬲᬾᬧᬲᬮᬶᬂᬢᬶᬫ᭄ᬩᬵᬮᬶᬦᬾᬮᬮᬶᬫ᭄ᬫᬧᬫᬶᬢ᭄ᬫᬗ᭄ᬮᬯᬸᬢ᭄ᬓᬢᬫᬦ᭄ᬧᬢᬶᬄᬭᬢᬦᬾᬕᬾᬯᬃᬗᬬᬳᬶᬦᬩ᭄ᬤᬩᬂᬦᬲᬶᬲᬳᬸᬧᬓᬭ
ᬳ᭄ᬦᭂᬗᬂᬫᬮᬸᬚᬦᬶ᭟ᬲᬦᬾᬧ᭄ᬢᬂᬦ᭄ᬕᬭᬚᬦᬶᬳᬸᬘᬧᬂᬕᬾᬯᬃᬦ᭄ᬓᬬᬂᬢᬸᬮᬶᬲ᭄ᬧᬦ᭄ᬓᬳᭀᬲ᭄ᬫᬫᬦ᭄ᬤᬢ᭄ᬚᭂᬚᭂᬄᬧᬤᬫᬓ᭄ᬚᬂᬗ᭄ᬳᭀᬕᬮᬧᬭᬚᬦᬶᬗᬦ᭄ᬢ᭄ᬬᬂᬫᬚᬮᬦ᭄ᬓᬫᬥᬸᬭᬦ᭄ᬕᬭᬶ᭟ᬢᬜ᭄ᬘᬭᬶᬢ᭄ᬣᬢᬶᬗ᭄ᬓᬄᬳᬧᬂᬤᬫᬕᬸᬫᬦᬦ᭄ᬳᬧᬦ᭄ᬫᬫᬶᬲᬦ᭄ᬲᬫᬶᬫᬩ᭄ᬭᬶᬬᬸᬓ᭄ᬫᬚᬮᬦ᭄ᬧᬤ
[᭓᭑ 31A]
ᬫᬕᬕᬗ᭄ᬱᬭᬦ᭄ᬦᬗᬶᬂᬫᬗᬫ᭄ᬩᬳᬶᬦ᭄ᬧᬲᬶᬄᬦ᭄ᬕᬓᬶᬦ᭄ᬓᬨᬮ᭄ᬫᬥᬸᬭᬦᬾᬓᬳᬸᬗ᭄ᬲᬶ᭟ᬢᬦ᭄ᬓᭀᬘᬧᬢᬶᬗ᭄ᬓᬳᬾᬫᬍᬮᬬᬭᬦ᭄ᬭᬚᬾᬂᬳᬲ᭄ᬫᬭᬧᬸᬭᬶᬦ᭄ᬤᬦ᭄ᬓ᭄ᬭᬢ᭄ᬣᬦ᭄ᬕᬭᬭᬳᬸᬄᬭᬶᬂᬫᬥᬸᬭᬕᬗ᭄ᬲᬃᬫᬗ᭄ᬭᬭᬶᬲ᭄ᬓᬧᬸᬭᬶᬭᬚᬾᬂᬫᬥᬸᬭᬮᬾᬤᬂᬗᬾᬢᬦ᭄ᬲᬶᬦᬶᬧᬶ᭟ᬫᬩᬭᬶᬬᬸᬓ᭄ᬫ
ᬗ᭄ᬭᬭᬶᬲ᭄ᬓᬓᬦ᭄ᬬᬩᬯ᭄ᬯᬵᬭᬚᬾᬂᬫᬥᬸᬭᬗᬶᬭᬶᬂᬢᬸᬤᬾᬅᬫᬓᬶᬤᬤ᭄ᬯᬦᬓᬕᬸᬂᬕᬾᬯᬃᬗᬢᬸᬭᬂᬧᬘᬂᬧᬶᬲᬮᬶᬦ᭄ᬓᬮᬶᬄᬦᬩ᭄ᬤᬩᬂᬧᬗ᭄ᬯᬾᬤᬗᬦ᭄ᬫ᭄ᬓᬤᬶ᭟ᬦ᭄ᬤᬦ᭄ᬲᬗ᭄ᬓᬮᬶᬄᬲᬸᬩᬧᬸᬧᬸᬢ᭄ᬫᬲᬮᬶᬦᬦ᭄ᬭᬶᬂᬳᬫ᭄ᬩᬾᬦᬾᬫᬮᬶᬗ᭄ᬕᬶᬄᬓᬢᬸᬭᬦ᭄ᬗᬯᬾᬤᬂᬲᬫ᭄ᬩᬶᬮᬂᬫᬕᬸᬦᬶᬢ᭄ᬣᬭᬫᭂᬲ᭄ᬧᬲᬮᬶᬂ
ᬢᭂᬫ᭄ᬩᬸᬗᬶᬦ᭄ᬭᬚᬾᬂᬫᬥᬸᬭᬫ᭄ᬧᭂᬲ᭄ᬫᬳᬸᬢᬭᬭᬶᬲ᭄᭟ᬲᬦᬾᬯᬯᬸᬯᬾᬦ᭄ᬢᭂᬦ᭄ᬭᬯᬸᬄᬤᬤᬳᬸᬳᬦ᭄ᬓᬦ᭄ᬤᭂᬕ᭄ᬧᬘᬂᬫᬗᬶᬭᬶᬂᬩ᭄ᬮᬶᬳᬶᬭᬶᬂᬢᬶᬢ᭄ᬬᬂᬓᬭᬳᭀᬲ᭄ᬜᬮᬶᬢ᭄ᬮᬸᬗᬳᬶᬘᬧᬧᬱᬦᬸᬮᬸᬭᬶᬦ᭄ᬫ᭄ᬧᭂᬲ᭄ᬫᬜᬸᬫ᭄ᬩᬄᬫᬢᬸᬃᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬧᬢᬸᬢ᭄ᬭᬢᬸᬢᬦ᭄ᬤᬂᬧᬘᬂᬳᬶᬤᬲᬂᬯᬶ
ᬭᬓᬮᬶᬄᬢᬦ᭄ᬓᬶᬭᬗᬦ᭄ᬩᬮᬳᬶᬭᬶᬓᬭᬶᬂᬕᬶᬮᬶᬫᬵᬲ᭄ᬦᬗ᭄ᬓᭂᬩᬶᬦ᭄ᬧᬘᬂᬫᬗᬶᬭᬶᬂᬭᬚᬾᬂᬳᬲ᭄ᬫᬭᬧᬸᬭᬵᬗᬦ᭄ᬤᬶᬓᬳᬭᬶᬲ᭄ᬬᬾᬧᬶᬢ᭄ᬯᬶᬓᬬᬵᬧᬩᬜᬮ᭄ᬯᬲ᭄ᬳᬧᬂᬘᬶᬭᬶᬦᬾᬩᬓ᭄ᬢᬶᬗ᭄ᬮᬸᬫ᭄ᬩᬃᬕᬸᬲ᭄ᬢᬶᬩᬚᬂᬗᭂᬦ᭄ᬤᭀᬦᬶᬦᬾᬤᬸᬃᬕᬫ᭄ᬫᬵᬲᬶᬭᬚᬶᬂᬓ᭄ᬭᬢ᭄ᬣᬦ᭄ᬕᬭᬶᬓ᭄ᬜᭂᬫ᭄ᬗᬦ᭄ᬤᬶᬓᬳᬮᬸᬲ᭄ᬢᬩᬸᬳᬾ
Kaca:Bali-lontar-gaguritan-cokoratu-05-250ppi.pdf/31
Kaca puniki sampun kauji-wacén
