[᭒᭙ 29B]
᭒᭙
ᬢᬸᬫᬓ᭄ᬚᬂᬳᬶᬤ᭄ᬯᬕᬸᬂᬮᬦᬂᬗᬚᬓᬶᬓᬦ᭄ᬓᬓᭂᬫᬦ᭄ᬢ᭄ᬭᬶᬬᬂᬩ᭄ᬭᬶᬬᬸᬓ᭄ᬫᬫᬃᬕᬶᬲᬫᬶ᭟ᬳᬵᬲᬓ᭄ᬱᬡᬲᬸᬩᬭᬳᬸᬄᬤᬶᬓᬫᬦ᭄ᬢ᭄ᬭ᭄ᬬᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬗᬓ᭄ᬱᬶᬓ᭄ᬜᭂᬫᬗᬦ᭄ᬤᬶᬓᬚᬮᬄᬧᬤᬓ᭄ᬱᬾᬗᬦ᭄ᬢᬸᬫᬸᬮᬶᬭᬭᬶᬲ᭄ᬫᬫᬃᬕᬶᬳᬶᬤ᭄ᬯᬕᬸᬂᬕ᭄ᬥᬾᬚᬘᬸᬦ᭄ᬤᬸᬓ᭄ᬱᬋᬂᬗᬶᬭᬶᬂ᭟ᬕᬕᬗ᭄ᬲᬭᬦ᭄ᬲᬦ᭄ᬭᬳᬸᬄᬤᬶᬧᬬᬸ
ᬦᬦ᭄ᬢᬸᬫᬸᬗ᭄ᬓᬸᬮ᭄ᬜᭂᬫ᭄ᬩᬵᬄᬲᬫᬶᬓᬤᬳᬸᬄᬫᬸᬗ᭄ᬕᬳᬦ᭄ᬫᭂᬧᭂᬲ᭄ᬫᬫᬶᬢᬂᬮᬸᬕ᭄ᬭᬢᬗ᭄ᬓᬶᬮᬦ᭄ᬫᬸᬗ᭄ᬕᬳᬦ᭄ᬲᬫᬶᬳᬢᬢ᭄ᬣᬢᬢ᭄ᬣᬵᬳᬍᬧ᭄ᬓᬤᬶᬤᬶᬢᬸᬮᬶᬲ᭄᭟ᬳᬶᬤᬾᬯ᭄ᬯᬕᬸᬂᬳᬚᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᭂᬜ᭄ᬚᭀᬃᬳ᭄ᬦᬄᬭᬲᬦᬶᬦ᭄ᬬᬳᬤᬶᬦᬾᬳᬚᬓ᭄ᬩᬦ᭄ᬳᬶᬧᬭᬄᬳᬮᬸᬯᬲ᭄ᬫᬧᬫᬶᬢ᭄ᬗᭂᬦ᭄ᬤᭀᬦᬶᬦ᭄ᬧᬸᬢ᭄ᬭᬶᬫ
ᬲᬾᬯᬫ᭄ᬩᬭᬮᬶᬦ᭄ᬢᬂᬤᬸᬃᬕ᭄ᬕᬫᬵᬯᬶᬲ᭄ᬢᬶ᭟ᬩᬲ᭄ᬢᬦ᭄ᬧᭀᬮᬶᬄᬬ᭄ᬬᬫᬜ᭄ᬭᬳᬂᬳᬯᬵᬓ᭄ᬚᬂᬓᬫᬢᬶᬗ᭄ᬕᬮ᭄ᬕᬸᬫᬶᬫᬗᬸᬢᬂᬓᬕᬸᬗᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬜᭂᬫ᭄ᬩᬄᬫᬢᬸᬃᬳᬭᬸᬫᬫᬦᬶᬲ᭄ᬭᬢᬸᬲᬫ᭄ᬧᬸᬭᬢᬶᬢ᭄ᬬᬂᬮᬦ᭄ᬢᬂᬲᬳᬶᬭᬶᬂ᭟ᬳᬶᬗ᭄ᬕᬶᬄᬯᬾᬦ᭄ᬢᭂᬦ᭄ᬧᬸᬦᬶᬓᬫᬃᬕ᭄ᬬᬂᬢᬶᬢ᭄ᬬᬂᬲᬦᬾᬧ᭄ᬢᬂᬦ᭄ᬕᬭᬶᬳᬶᬧᬸᬦ᭄ᬮᬶᬦ᭄ᬢᬂᬘ
ᬳᬂᬳᬶᬦᬩ᭄ᬓᬤᬶᬫᬫᬦ᭄ᬤᬮ᭄ᬧᬲᬶᬃᬕᭂᬦ᭄ᬤᬶᬲ᭄ᬤᬦᬸᬮᬶᬯᬢᬶᬲ᭄ᬕᬭᬳᬦᬓ᭄ᬧᬲᬶᬄᬫᬥᬸᬫ᭄ᬓᬤᬶ᭟ᬭᬚᬧᬸᬢ᭄ᬭᬲᬳᬸᬃᬫᬦᬸᬓ᭄ᬫᬢᬸᬃᬕ᭄ᬢᬃᬤᬾᬯᬕᬸᬂᬜᬦ᭄ᬤᬂᬩ᭄ᬘᬶᬓ᭄ᬧᬸᬦᬶᬓᬫᬃᬕᬶᬬᬂᬫᬗ᭄ᬤᬾᬫᬓᬦ᭄ᬧᬶᬲᬦ᭄ᬩᬓ᭄ᬢᬶᬦ᭄ᬳᬶᬧᬸᬦᬾᬢᬦ᭄ᬩᬓ᭄ᬢᬶᬯ᭄ᬬᬓ᭄ᬢᬶᬫᬫᬦ᭄ᬤᬮ᭄ᬦᬸᬦᬲ᭄ᬧ᭄ᬚᭂᬚᭂᬓ᭄ᬚᭂᬦ᭄ᬤᭀᬦᬶᬦ᭄᭟ᬲᬸᬩᬳᬕᬸᬫ᭄ᬭᬳᭀ
[᭓᭐ 30A]
ᬲᬾᬫᬗ᭄ᬕᬳᬾᬲᬸᬭᬵᬢ᭄ᬜ᭄ᬚᬮᬦᬂᬳᬸᬢᬸᬲ᭄ᬕ᭄ᬮᬶᬲ᭄ᬳ᭄ᬦᭂᬗᬂᬜ᭄ᬭᬶᬢᬬᬂᬓᭀᬭᬢᬸᬩᬶᬦ᭄ᬳᬶᬦᬸᬘᬧ᭄ᬫᬤᬩ᭄ᬤᬩ᭄ᬧᬘᬂᬫᬫᬃᬕ᭄ᬕᬶᬲᬸᬩᬵᬲᬬᬕ᭄ᬕᬵᬲᬯᬢᭂᬓ᭄ᬚᬶᬫᬾᬲᬫᬶ᭟ᬳᬶᬘᬫ᭄ᬘ᭄ᬬᭀᬓᬤᬳᬸᬄᬚᬓᬮᬮᬶᬫ᭄ᬫᬵᬳᬶᬓᭀᬤᬾᬦ᭄ᬯᬦ᭄ᬤ᭄ᬭᬲ᭄ᬫᬮᬶᬄᬮᬦ᭄ᬳᬶᬳᬫ᭄ᬩᬃᬘᬶᬬᭀᬫᬗ᭄ᬕᬮᬵᬫᬫᬶᬅ᭄
ᬳᭀᬄᬤᬵᬅᬱᬓ᭄ᬱᬢ᭄ᬧᬜ᭄ᬘᬫᬳᬩᬸᬢ᭄ᬣᬵᬢ᭄ᬯᬭᬩᬶᬦᬜᬲᬓᬫᬓᬫᬤᬤᬶ᭟ᬧᬘᬂᬗᬫᭂᬃᬜᬋᬗᬶᬦ᭄ᬭᬢᭂᬓ᭄ᬫᬦᬸᬲ᭄ᬬᬓᬵᬫᬥᬸᬭᬦ᭄ᬕᬭᬶᬲᬸᬩᬜᬭᬤ᭄ᬓᬨᬮ᭄ᬓ᭄ᬦᭂᬳᬂᬮᬶᬬᬸᬫᬗᭂᬩᭂᬓᬶᬦ᭄ᬧᬲᬶᬄᬓᬩᬶᬦᬩᬶᬦᬗᬗᭀᬩ᭄ᬤᬗᭀᬩᬶᬦ᭄ᬕᬸᬫᬶ᭟ᬢᭀᬳᬶᬧᬜ᭄ᬘᬫᬳᬩᬸᬢ᭄ᬣᬦᬾᬮᬮᬶᬫ᭄ᬫ
ᬫᬗ᭄ᬮᬳᬸᬢ᭄ᬓᬢ᭄ᬓᬦ᭄ᬕᬭᬶᬫᬋᬓ᭄ᬢᬸᬤᬾᬅᬳᭀᬓᬵᬗᬢᬸᬭᬂᬧᬗᬸᬦᬶᬗ᭄ᬳᬵᬓᬨᬮᬾᬲᬸᬩᬤᬶᬧᬲᬶᬄᬧᬦ᭄ᬕᬕᬗ᭄ᬲᬭᬦ᭄ᬗ᭄ᬮᬳᬸᬢ᭄ᬳᬶᬧᬸᬦ᭄ᬓᬧᬸᬭᬶ᭟ᬢᬸᬤᬾᬅᬳᭀᬓᬵᬢᬸᬤᬾᬅᬭᬳᬶᬫᬩᬭᬗᬦ᭄ᬤᬶᬚᬩᬢ᭄ᬗᬄᬦᬗ᭄ᬓᬶᬮ᭄ᬤᭂᬭᬚᭀᬂᬫᬥᬸᬭᬵᬧᭂᬧᭂᬓ᭄ᬱᬋᬧᬸᬗ᭄ᬕᬵᬯ᭄ᬯᬫᬓᬤᬶᬧᬋᬱᬸᬓᬶᬗ᭄ᬕᬶᬄᬳ
ᬢ᭄ᬣᬵᬢ᭄ᬣᬢ᭄ᬣᬢ᭄ᬣᬵᬳᬢᬧ᭄ᬗᬤ᭄ᬧᬾᬂᬲᬶᬢᬶ᭟ᬰᬸᬩᬓᬢᬸᬃᬭᬓᬦ᭄ᬤᬭᬳᬸᬄᬦᬾᬜᬓᬦ᭄ᬳᬓ᭄ᬭᬶᬕᬦ᭄ᬱᬋᬂᬓᬮᬶᬄᬢᬸᬫᬸᬮᬶᬦ᭄ᬢᬳᬸᬳᬂᬳᭀᬯᬲᭂᬕᭂᬄᬫ᭄ᬯᬂᬧᬫᭂᬦ᭄ᬤᬓ᭄ᬧᬲᬗ᭄ᬕ᭄ᬭᬳᬦ᭄ᬯᬸᬰ᭄ᬘᬸᬫᬯᬶᬲ᭄ᬓᬮᬗᬦ᭄ᬢ᭄ᬓᬳᬸᬢᬸᬲᬦ᭄ᬲᬓᬶᬂᬕᬶᬮᬶᬕᬶᬳᬶᬘᬫ᭄ᬘ᭄ᬬᭀᬦᬶᬃᬩᬬᬚᬓᬮᬮᬶᬫ᭄ᬫᬵᬢᬗ᭄ᬓᭂᬧᬾᬳᬍᬧ᭄ᬳᬲᬶᬦ᭄
Kaca:Bali-lontar-gaguritan-cokoratu-05-250ppi.pdf/30
Kaca puniki sampun kauji-wacén
