[᭑᭑ 11B]
᭑᭑
ᬕ᭄ᬢᬗᬦᬾᬓᬮᬶᬄ᭟ᬢᬸᬭᬶᬂᬫᬮᬶᬄᬓᬢᬢᬩ᭄ᬢᬢᬩ᭄ᬭᬶᬂᬯᬶᬚᬂᬲᬃᬯᬶᬗᬦ᭄ᬤᬶᬓᬫᬦᬶᬲ᭄ᬦᬶᬫ᭄ᬩᬗᬶᬦ᭄ᬦᬶᬦᬗᬂᬭᬶᬂᬳᬶᬩᬮ᭄ᬬᬦ᭄ᬱ᭄ᬫᬵᬫ᭄ᬫᬤᬦ᭄ᬢᬸᬯᬦ᭄ᬳᬚᬶᬦ᭄ᬭᬸᬤᬶᬦ᭄ᬫᬸᬫᬯᬾᬤᬂᬗᬮᬳᬂᬮᬾᬬᬓ᭄ᬱᬓ᭄ᬢᬶ᭟ᬓᬾᬦ᭄ᬓᬾᬦ᭄ᬳᬶᬩᬍᬳᬂᬦᬾᬬᬦ᭄ᬢᬸᬭᬄᬲ᭄ᬮᬫ᭄ᬓᬓ᭄ᬢᭂᬕ᭄ᬩᬬᬸᬦᬾᬗᬶᬮᬶᬲ᭄ᬳᬶᬲ᭄ᬮᬵᬫ᭄ᬗᬸᬦᬶᬗᬬᬂᬩ᭄ᬘᬶᬓ᭄
ᬓ᭄ᬭ᭄ᬢᬸᬧᬓᬾᬦᬓ᭄ᬓᬾᬯᬦ᭄ᬢᭂᬦ᭄ᬓᬲ᭄ᬮᬶᬢ᭄ᬓᬤᬶᬓ᭄ᬫᬮᬶᬳᬚᬳᬦ᭄ᬫᬯᬮᬶᬭᬢᬸᬩ᭄ᬘᬶᬓ᭄᭟ᬦᬄᬤᬸᬫᬤᬓ᭄ᬳᬧᬂᬬᬲᬬᬦ᭄ᬲᬬᬦ᭄ᬢᭂᬕ᭄ᬢᭂᬕ᭄ᬫᬓᬤᬶᬗ᭄ᬮᬶᬃᬮᬶᬃᬰᭂᬕᭂᬃᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬚᬦᬶᬓᬾᬦ᭄ᬓᬾᬦ᭄ᬲᭂᬗ᭄ᬕᬗᬦ᭄ᬢᭂᬕ᭄ᬢᭂᬕᬂᬢᬾᬳ᭄ᬯᬵᬮᬶᬬᬢᬶᬦ᭄ᬳᬧᬳᬮ᭄ᬬᬂᬕᬳᬾᬦᬂᬯ᭄ᬯᬵᬢᬕᬶᬳᬶᬦ᭄᭟ᬭ
ᬚᬱᬸᬢ᭄ᬭᬲᬳᬸᬃᬫᬦᬸᬓ᭄ᬱᬮᬶᬂᬢᬶᬫ᭄ᬩᬮ᭄ᬤᬕᬶᬂᬦᬓᬾᬦᬂᬲᬫᬶᬓᬯᬶᬢᬶᬂᬧᬦᬸᬗ᭄ᬓᬦ᭄ᬓᭀᬭᬢᬸᬫᬢᬸᬃᬩᬦ᭄ᬩᬦ᭄ᬗᬢᬸᬭᬂᬭᬶᬂᬗᬸᬮᬸᬦ᭄ᬳᬢᬶᬧᬦᬓᬶᬢ᭄ᬓᬶᬢ᭄ᬢᬶᬢ᭄ᬬᬂᬕ᭄ᬮᬶᬲᬦ᭄ᬕᬾᬯᬃᬲᬫᬶ᭟ᬓᬮᬶᬳᬶᬧᬸᬦ᭄ᬧᬋᬓᬜ᭄ᬘᭀᬓᭀᬃᬳᬶᬤᬾᬯᬳᬶᬘ᭄ᬧᬸᬕ᭄ᬮᬶᬦ᭄ᬢᬂᬕᬜ᭄ᬚᬶᬄᬗ᭄ᬢᭀᬦ᭄ᬲᬓᬶᬢ᭄ᬲᬸᬗ᭄ᬓᬵᬦ᭄ᬳᬶᬧᬸᬦ᭄ᬭᬭᬶ
ᬲ᭄ᬭᬸᬬᬸᬢᬂᬩᬮ᭄ᬬᬦ᭄ᬧᬢᭂᬧᭂᬢᬶᬦ᭄ᬭᬫᬾᬫᬢᬶᬫ᭄ᬩᬵᬮ᭄ᬗ᭄ᬭᬳᭀᬲᬮᬶᬂᬢᬶᬫ᭄ᬩᬵᬮᬶᬦ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬘᬾᬱ᭄ᬝᬫᬢᭀᬮᬶᬳᬦ᭄ᬳᬶᬲᬸᬫᬦ᭄ᬢ᭄ᬭᬶᬓᬳᬓ᭄ᬱᬶᬕ᭄ᬮᬶᬲ᭄ᬳᬶᬧᬸᬜ᭄ᬚᬕ᭄ᬚᬕ᭄ᬳ᭄ᬤ᭄ᬯᬕᬸᬂᬫᬦ᭄ᬤᬳᬸᬳᬂᬲ᭄ᬧᬸᬭᬾᬧᭂᬲᬸᬯᬂᬚᬦᬶᬧᬘᬂᬧ᭄ᬮᬶᬗ᭄ᬕᬶᬳᬦ᭄ᬳᬶᬩᬮᬳᬸᬢ᭄ᬜᬸᬧᬶᬭᬶᬦ᭄᭟ᬫ᭄ᬧᭂᬲ᭄ᬜᬸᬫ᭄ᬩᬄ
[᭑᭒ 12A]
ᬳᬶᬲᬸᬫᬦ᭄ᬢ᭄ᬭᬶᬮᬸᬢ᭄ᬦ᭄ᬤᬳᬸᬳᬂᬫ᭄ᬱᬸᬯᬂᬲ᭄ᬧᬸᬃᬕ᭄ᬮᬶᬲ᭄ᬓᬦᭂᬲᬗᭂᬦ᭄ᬮᬯᬤ᭄ᬳᬤᬸᬮᬸᬃᬤᬸᬮᬸᬃᬕᬗ᭄ᬲᬃᬫ᭄ᬓᬵᬤᬂᬧᬋᬱᬸᬮᬶᬗ᭄ᬕᬶᬄᬫ᭄ᬯᬂᬩᬳᬸᬤᬦ᭄ᬥᬵᬧ᭄ᬭᬫᬜ᭄ᬘᬫᬶᬦᬓᬤᬶ᭟ᬤᬶᬘᬫ᭄ᬘ᭄ᬬᭀᬧᬸᬧᬸᬢ᭄ᬲᬩᬫᬦᬩ᭄ᬥᬩᬂᬧᬗ᭄ᬯᬾᬤᬗᬦ᭄ᬮᬾᬦ᭄ᬓᭀᬧᬶᬮᬺᬕᭂᬧ᭄ᬫᬫᬦᬶᬲᬦ᭄ᬯᬢᬺᬱᬫᬶᬓᬢᬸᬭᬦ᭄ᬫ᭄ᬓᬤᬶᬳᬶᬤ᭄ᬯ
ᬕᬸᬂᬳᬚᬶᬧ᭄ᬭᬧᬸᬢ᭄ᬭᬲᬫ᭄ᬬᬦ᭄ᬢᬦ᭄ᬓᭀᬘᬧᭂᬦ᭄ᬯᬸᬲᬫᬶ᭟ᬳᬶᬤᬾᬯᬕᬸᬂᬳᬚᬳᬭᬶᬲ᭄ᬫᬗᬦ᭄ᬤᬶᬓᬚᬦᬶᬯ᭄ᬯᬵᬗᬦ᭄ᬢ᭄ᬬᬂᬫᬸᬮᬶᬄᬬᬦ᭄ᬲᬶᬦ᭄ᬤᬫᬗᭂᬦ᭄ᬢᬄᬢᬸᬦ᭄ᬤᬾᬦ᭄ᬗᬮᬶᬄᬦᬸᬤ᭄ᬢᬸᬤᬂᬦᬾᬘ᭄ᬭᬶᬓ᭄ᬘ᭄ᬭᬶᬓᬾᬤᬶᬦᬶᬳᬶᬦᭂᬧᬶᬦ᭄ᬳᬶᬬᬵᬭᬾᬳᬶᬬᬳ᭄ᬦᬸᬲᬓᬶᬢ᭄᭟ᬲᬳᬸᬃᬲᭂᬫ᭄ᬩᬄᬳᬦᬓ᭄ᬤᬲᬋᬂᬲᬫ᭄ᬬᬦ᭄ᬳᬶᬥ᭄ᬯᬕᬸᬂᬓᭀᬘ
ᬧ᭄ᬕ᭄ᬮᬶᬲ᭄ᬯᬸᬲ᭄ᬭᬸᬳᬸᬄᬭᬶᬂᬚᬩᬵᬘᬦᭂᬕ᭄ᬭᬭᬶᬲ᭄ᬗᬦ᭄ᬤᬶᬓᬦᬾᬳᬧᬜᬍᬫ᭄ᬧᬄᬤᬶᬦᬶᬓᬩᬶᬦᬩᬶᬦ᭄ᬦᬵᬳᬶᬘᬧᬫᬢᬸᬃᬕ᭄ᬮᬶᬲ᭄᭟ᬭᬢᬸᬤ᭄ᬯᬕᬸᬂᬲ᭄ᬧᬸᬃᬚᬕᬸᬧᬮᬶᬗ᭄ᬕᬶᬳᬦ᭄ᬳᬶᬤ᭄ᬯᬕᬸᬂᬫᬸᬗ᭄ᬕᬄᬭᬭᬶᬲ᭄ᬧ᭄ᬭᬫᬜ᭄ᬘᬧᬤᬡ᭄ᬥᬵᬫ᭄ᬓᬤᬶᬩᬳᬸᬤᬡ᭄ᬥᬵᬫᬩ᭄ᬭᬶᬬᬸᬓ᭄ᬫᬗᬶᬭᬶᬂᬲᬫᬶᬮᬾᬤᬗᬾᬮᬶᬦ᭄ᬢᬗ᭄ᬭᬳᭀᬲ
ᬮᬶᬂᬢᬫ᭄ᬩᬸᬗᬶᬦ᭄᭟ᬧᬢᬶᬄᬭᬢ᭄ᬣᬵᬜᬸᬧᬶᬭᬶᬦ᭄ᬦᬗ᭄ᬓᭂᬩᬗᭂᬂᬭᭀᬤᬓᬮᬶᬄᬫᬗᭀᬫ᭄ᬧᬳᬗᬶᬦ᭄ᬗᭂᬲᭂᬃᬮ᭄ᬯᬶᬃᬧᬯᬦᬢ᭄ᬯᬭᬤᬳᬚᬫ᭄ᬲᬸᬩᬦᬧᬓ᭄ᬤᬶᬦᭂᬕᬭᬶᬩᬢᬦ᭄ᬩᬜ᭄ᬘᬶᬗᬄᬫᬭᬬ᭄ᬬᬦ᭄ᬢ᭄ᬥᬸᬦ᭄ᬲᬫᬶ᭟ᬢᬜ᭄ᬘᬭᬶᬢᬲᬸᬩᬭᬳᬸᬄᬤᬶᬦᭂᬕᬭᬤᬶᬫᬬᬰᬺᬗ᭄ᬕᬚᬦᬶᬩ
Kaca:Bali-lontar-gaguritan-cokoratu-05-250ppi.pdf/12
Kaca puniki sampun kauji-wacén
