[᭕᭑ 51B]
᭕᭑
᭟ᬳᬶᬩᬶᬲᭀᬭᬾᬭᬢᬸᬢᬶᬢ᭄ᬬᬂᬧᭀᬮᬶᬄᬓᬩᬃᬳᬭᬄᬗ᭄ᬕᬶᬄᬓᬾᬦ᭄ᬤᬶᬓᬬᬂᬫᬂᬓᬶᬦ᭄ᬫᬗ᭄ᬤᬾᬢᬶᬢ᭄ᬬᬂᬢ᭄ᬤᬲ᭄ᬬᬓ᭄ᬢᬶᬓᬾᬓᬩᬳᭀᬲᬦ᭄ᬓᭀᬭᬢᬸᬳᬯᬦ᭄ᬕᭂᬲᬶᬢ᭄ᬫᬯ᭄ᬬᬤᬶᬓᭀᬘᬭᬶᬂᬳᬶᬤᬾᬯᬕᬸᬂᬳᬚᬶ᭟ᬤᬤᬶᬓ᭄ᬤᬾᬓ᭄ᬳᬶᬢ᭄ᬭᬸᬧ᭄
ᬢ᭄ᬓᬾᬦ᭄ᬳᬶᬕᬸᬦ᭄ᬢᬂᬫᬓᬤᬶᬤᬤᬾᬅ᭄ᬳᬡ᭄ᬝᬶᬓ᭄ᬮᬳᬸᬢ᭄ᬫᬜᭂᬲᭂᬤᬂᬳ᭄ᬜᬾᬦᬾᬦᬾᬗᬢᬸᬭᬂᬳᬶᬢᬫᬾᬂᬯᬶᬱ᭄ᬝᬶᬜᬳᬸᬢᬶᬭᬢᬸᬳᬶᬭᬶᬓᬵᬭᬶᬂᬚᬩᬢ᭄ᬗᬄᬳᬶᬩᬶ᭟ᬳᬦᬓᬕᬸᬂᬳᬕᬸᬂᬲᬫᬶᬗᬯ᭄ᬬᬓ᭄ᬢᬶᬬᬂᬳᬯᬶᬦᬦ᭄ᬓᬤᬶᬫᬗ᭄ᬓᬶᬦ᭄ᬦᬫ᭄ᬧᭂ᭠ᬤᬤᬳᬸᬳᬦ᭄ᬲᬧᬸᬦᬶᬓᬶᬓᬲᭀᬦ᭄ᬢ᭄ᬭᬄᬬᬦ᭄ᬯᬾᬦ᭄ᬢᭂᬦ᭄ᬘᭀᬗᬄᬫᬜᬶᬮᬶᬩ᭄ᬳᬶᬤ᭄ᬯᬕᬸᬂᬧᬘᬂᬗ᭄ᬕᭃᬤᭀᬲᬓᬶᬂᬳᬶᬭᬶᬓᬶ᭟ᬳ᭄ᬟᬵᬧᬶᬲᬦ᭄ᬳᬶᬩᬦᬶᬓᬮ᭄ᬍᬗ᭄ᬕᬵᬦᬵᬗᭂᬭᬸᬕ᭄ᬮᬭᬗᬦ᭄ᬳᬚᬶᬓ᭄ᬓᬳᬶᬢᬓᬸᬢ᭄ᬧᬶᬲᬦ᭄ᬬᬦ᭄ᬚᬩᬦᬶᬓᬓ᭄ᬭ
ᬦ᭄ᬓᬳᬶᬩᬦᬶᬢᬓᭂᬃᬕ᭄ᬢᬶᬄᬲᬫ᭄ᬩᬸᬗᬦ᭄ᬘᭀᬢ᭄ᬣᬫᬢᬶᬤᬤᬕᬦ᭄ᬓᬮᬶᬄ᭟ᬲᬧᬸᬦᬶᬓᬵᬭᬢᬸᬲᭂᬧᭂᬂᬤᬤᬯᬸᬳᬦ᭄ᬳᬶᬕᬸᬦ᭄ᬢᬂᬫᬜᬳᬸᬢᬶᬦ᭄ᬳᬶᬬᬂᬩᬦᬶᬧᬶᬲᬦ᭄ᬦᬗ᭄ᬕᬸᬄᬲᬶᬂᬧᬶᬲᬦ᭄ᬳᬦ᭄ᬟᬳᬶᬢ᭄ᬭᬸᬧ᭄ᬓ᭄ᬤᬾᬓ᭄ᬜᬯᬸᬢᬶᬦ᭄ᬩᬶᬄᬦᬯᬂᬳᬶᬬᬂᬳᬶᬩᬸᬂᬫ᭄ᬩᬂ
[᭕᭒ 52A]
ᬩᬶᬦ᭄ᬜᬯᬸᬢᬶᬦ᭄᭟ᬳᬄᬬᬾᬦ᭄ᬓᬾᬢᭀᬓᬦ᭄ᬤᬦᬾᬚ᭄ᬦᭂᬂᬫᬫ᭄ᬭᬢ᭄ᬳᬶᬕᬕᬭᬂᬜᬯᬸᬢᬶᬦ᭄ᬧᬸᬦᬶᬓᬢᬦ᭄ᬱᬶᬯᬄᬭᬢᬸᬫ᭠ᬦᬳᬂᬢᬶᬢ᭄ᬬᬂᬢᬸᬗ᭄ᬕᬶᬮ᭄ᬭᬯᬸᬄᬲᬓᬶᬂᬦᬗ᭄ᬓᬶᬮ᭄ᬲ᭄ᬯᬩᬯᬵᬮᬶᬬᬦ᭄ᬫᭂᬗ᭄ᬕᬄᬫᬗᬸᬭᬶᬂᬗᬸᬭᬶᬂ᭟ᬤᬤᬾᬅ᭄ᬩᬸᬂᬫ᭄ᬩᬸᬂᬮᬸᬯᬲ᭄ᬓᬫᬬᬰᬺ
ᬗ᭄ᬕᬵᬢᬦ᭄ᬓᭀᬘᬧ᭄ᬭᬶᬂᬫᬃᬕ᭄ᬕᬶᬲᬂᬢᬶᬕᬵᬢᬦ᭄ᬧᬲᬄᬢ᭄ᬓᭂᬤ᭄ᬬᬤᬶᬫᬬᬰᬺᬗ᭄ᬕᬵᬫᬗ᭄ᬭᬭᬶᬲ᭄ᬓᬩ᭄ᬮᬓᬂᬚᬯᬶᬓᭀᬭᬢᬸᬜᬶᬗ᭠ᬓ᭄ᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭟ᬗ᭄ᬕᬶᬄᬫᭂᬦᬾᬓᬦ᭄ᬓᬾᬦ᭄ᬓᬾᬦ᭄ᬳᬵᬤᬵᬳᭀᬃᬢ᭄ᬣᬢᬯᬄᬳᬶᬕᬸᬦ᭄ᬢᬂᬫᬦᬸᬢᬸᬭᬶᬲᬸᬩᬓᬧᬶᬤᬃᬢ᭄ᬣᬓᭀ᭠
ᬭᬢᬸᬓ᭄ᬤᬾᬓ᭄ᬫᬶᬋᬗᬫᬯᬗ᭄ᬲᬶᬢ᭄ᬜᭂᬜᭂᬃᬫᬗᬓ᭄ᬱᬶᬓ᭄ᬜᭂᬫᬦ᭄ᬤᬶᬓᬵᬳᬶᬕᬸᬦ᭄ᬢᬂᬫᬜᬳᬸᬢᬶᬦ᭄᭟ᬢ᭄ᬬᬂᬦ᭄ᬤᬯᬵᬕᬂᬫᬧᬫᬶᬢ᭄ᬓᬮ᭄ᬓᬦᬕᬭᬓᭀᬭᬢᬸᬜᭂᬜᭂᬃᬗᬓ᭄ᬱᬶᬦᬄᬓ᭄ᬫᬳᬾᬗ᭄ᬕᬮᬂᬓ᭄ᬜᭂᬫ᭄ᬳᬶᬤᬫᬗᬦ᭄ᬤᬶᬓᬵᬳᬢᬸᬭᬂᬢ᭄ᬬᬂᬦᬸᬲᬓᬶᬢ᭄ᬧ᭄ᬭᬮᬬᬧᬶᬲ
ᬦ᭄ᬢᬸᬦᬲ᭄ᬩᬮ᭄ᬬᬦᬾᬲᬓ᭄ᬢᬶ᭟ᬲᬸᬩᬲᬯᬢ᭄ᬩᬬᬸᬦᬾᬗᬦ᭄ᬢ᭄ᬬᬂᬫᬍᬲᬢ᭄ᬢᬢ᭄ᬗᭂᬃᬳᭀᬜᬕᬢᬶᬬᬦ᭄ᬓᭂᬦᭂᬳᬂᬢ᭄ᬬᬂᬦᬸᬗᬦ᭄ᬢᬶᬤᬤᬯᬸᬳᬦ᭄ᬳᬶᬤᬤᬾᬅ᭄ᬜᬚᬬᬂᬦᬕᬶᬄᬗᬦ᭄ᬢ᭄ᬬᬂᬫᬚᬮᬦ᭄ᬓᭀᬭᬢᬸᬘᭂᬧᭂᬢ᭄ᬗᬶᬲᬶ᭟ᬳᬭᬄᬳ᭄ᬟᬵ
Kaca:Bali-lontar-gaguritan-cokoratu-04-300ppi.pdf/52
Kaca puniki sampun kauji-wacén
