Kaca:Bali-lontar-gaguritan-cokoratu-04-300ppi.pdf/4

Saking Wikisource
Kaca puniki sampun kauji-wacén

[᭓ 3B]

ᬧᬧᬓ᭄ᬳᬩᬵᬳᬶᬲᬍᬲᭂᬄᬜᬸᬫ᭄ᬩᬄᬧᬓᬬᬸᬦᬦ᭄ᬳᬶᬤᬵᬭᬳᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯᬲᬶᬭᬵᬧᬸᬭᬸᬦ᭄ᬫᬶᬯᬮᬶᬦ᭄᭟ᬘᭀᬓᭀᬭᬢᬸᬓ᭄ᬜᭂᬫ᭄‌ᬩᬸᬯᬶᬦ᭄ᬫᬗᬦ᭄ᬤᬶᬓᬵᬚᬭᬦᬾᬢᬸᬦᬂᬚᬦᬶᬩ᭄ᬮᬶᬲᬸᬩᭂᬫᬸᬜ᭄ᬚᬮ᭄‌ᬳᬶᬘᬫ᭄ᬘ᭄ᬬᭀᬬᬢ᭄ᬓᬫᬢᬸᬢᬸᬢᬦ᭄ᬭᬾᬜ᭄ᬘᬂᬳᭂᬚᬶᬫ᭄
ᬗᬶᬂᬢ᭄ᬯᬭᬳᬤ᭄ᬟᬵᬳᬦᬓ᭄ᬫᬦᬯᬂᬳᭂᬚᬶᬫ᭄᭟ᬘᭀᬓᭀᬭᬢᬸᬓ᭄ᬜᭂᬫ᭄ᬩᬸᬓᬵᬫᬫ᭄ᬩᬄᬕᬸᬮᬯᬢᬺᬧᬤᬓᬳᬓ᭄ᬱᬶᬦᬾᬳᬶᬩᬫᬓ᭄ᬚᬂᬧᬤᬕᭂᬦ᭄ᬢᬶᬦᬶᬦ᭄ᬩᬲᬵᬘᭀᬓᭀᬭᬢᬸᬓᬾᬢᭀᬚᬦᬶᬳᬧᬂᬤ᭄ᬟᬲᬮᬄᬫᬫᬤᬵᬫᬤᬵᬤᬶᬦᬶ᭟ᬳᬳᬶᬩᬦ᭄ᬤᬾᬲᬵᬳᬶᬧᬲᭂᬓ᭄
ᬳᬾᬫᭂᬤᬶᬫᬦᬄᬫᬫᬸᬜᬶᬬᬤᬶᬳᬢᬶᬓᬮᬶᬗᬦᬾᬳᬦᬓ᭄ᬳᬕᬸᬂᬫᬗ᭄ᬮᬄᬧᬜ᭄ᬚᬓ᭄‌ᬧᬘᬸᬅ᭄‌ᬲ᭄ᬩᭂᬗᬾᬢᬦ᭄ᬲᬶᬧᬶᬗᬓᬸᬩ᭄ᬭᬳ᭄ᬫᬡ᭄ᬦᬩᬬᬳᬧᬦᬾᬚᬦᬶ᭟ᬳᬶᬫᬃᬫ᭄ᬫᬬᬫ᭄ᬧᭂᬲᬗ᭄ᬕᬫᬢᬸᬃᬜᬸᬫ᭄ᬩᬄᬭᬢᬸᬲᬫ᭄ᬧᬸᬭᬳᬸᬕᬶᬢᬶᬢ᭄ᬬᬂᬫᬗ᭄ᬮᬸᬗ᭄ᬲᬸᬭᬂᬧᬸᬦᬶᬓᬶᬲ
ᬧᬲᬶᬭᬓᭀᬭᬢᬸᬫᬢ᭄ᬭᬸᬄᬕᭂᬦ᭄ᬤᬶᬲ᭄‌ᬓ᭄ᬜᭂᬫ᭄ᬗᬦ᭄ᬤᬶᬓᬵᬦᬾᬳᬸᬮᬶᬤᬶᬧᭀᬄᬕᬤᬶᬂ᭟ᬧᬤᭂᬦᬓᭂᬄᬤᬶᬓ᭄ᬦᭂᬄᬳᬚᬓ᭄ᬫᭂᬓ᭄ᬚᬂᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄‌ᬚᬭᬦᬾᬳᬾᬗ᭄ᬕᬮᬂᬢᬢ᭄ᬮᬸᬤᬾᬄᬧᬳᭂᬓᬂᬧᬢᬶᬄᬭᬢ᭄ᬣᬮᬸᬢ᭄ᬓᬳᬓ᭄ᬱᬶᬦᬄᬫ᭄ᬦᬾᬓ᭄ᬧ
[᭔ 4A]
ᬤᬳᬚᬓ᭄ᬳᬶᬕᬭᬾᬂᬳᬶᬕᬭᬶᬢ᭄᭟ᬳᬶᬩᬭᬶᬤᬶᬦ᭄ᬫᬗᬯᬸᬓᬶᬦ᭄ᬫᬳᬶᬧᬳᭂᬓᬂᬩ᭄ᬮᬶᬫ᭄ᬦᬾᬓᬂᬘᬳᬶᬳᬶᬕᬭᬾᬂᬫᭂᬭᬾᬗᬂᬫᭂᬦ᭄ᬤᭂᬧ᭄ᬢ᭄ᬯᬭᬫᬧ᭄ᬢᭂᬳᬶᬕᬭᬶᬢ᭄ᬩᬶᬱᬜᬯᬸᬢᬶᬦ᭄‌ᬢ᭄ᬬᬂᬩ᭄ᬬᬦᬦᬯᬂᬳᬤᬬᬦ᭄ᬚᭂᬫ᭄ᬮᬳᬶᬩ᭄᭟ᬳᬶᬩᬭᬶᬤᬶᬦ᭄ᬫᬲᬶᬄᬓ᭄ᬤᭂᬄ
ᬮᬸᬢ᭄ᬫᭂᬦᬾᬓᬂᬦᬾᬩᬜ᭄ᬘᬂᬩ᭄ᬮᬶᬦᬾᬕᬶᬲᬶᬲᬸᬩᬓᬧ᭄ᬦᬾᬓᬂᬳᬶᬕᬭᬾᬂᬳᬭᬩ᭄ᬳᬭᬩ᭄‌ᬓᭀᬭᬢᬸᬢ᭄ᬬᬂᬢᬸᬮᬸᬗᬶᬦ᭄‌ᬫ᭄ᬓᭂᬮᬾᬳᭀᬓᬵᬢᬸᬳᬸᬦᬂᬢ᭄ᬬᬂᬫ᭄ᬭᬶᬓᬶ᭟ᬤᬤᬶᬓ᭄ᬤᬾᬓ᭄ᬳᬶᬚᬫᬃᬩ᭄ᬘᬢ᭄ᬦᬸᬳᬸᬦᬂᬳᬶᬩ᭄ᬭᬶᬤᬶᬦ᭄ᬫᬗᬯᬸᬓᬶᬦ᭄‌ᬢᬶᬫ᭄ᬧᬮ᭄ᬫᬗᬦ᭄ᬤᭂᬕᬂ
ᬦᬾᬳᬤᬵᬩᬩᬾᬤᬦ᭄‌ᬦᬸᬮᬫᬾᬧᬫ᭄ᬓᭂᬮ᭄ᬕᬸᬲ᭄ᬢᬶᬗ᭄ᬮᬸᬃᬫᬗᬭᬩ᭄‌ᬤᬶᬫᬮᬸᬜ᭄ᬚᬦ᭄ᬤᭂᬮ᭄ᬗᬦ᭄ᬢᬶ᭟ᬘᭀᬓᭀᬭᬢᬸᬜᬶᬗᬓ᭄ᬘᬦ᭄ᬤᭂᬕ᭄ᬫᬗᬦ᭄ᬤᬶᬓᬵᬓᬾᬦ᭄ᬓᬾᬦ᭄ᬓ᭄ᬭᬡ᭄ᬦᬤᬶᬤᭀᬭᬶᬚᬗ᭄ᬕᭂᬮ᭄ᬳᬧᬵᬳᬤᬵᬳᬶᬫᬃᬬ᭄ᬬᬸᬦ᭄ᬫᭂᬧᭂᬲ᭄ᬜᬸᬫ᭄ᬩᬄᬧᬸᬦᬶᬓᬶᬲᬦᬾᬓᬓᬮᬶᬄ
ᬳᬚ᭄ᬭᬶᬄᬫᬗᬭᬩ᭄‌ᬢᬸᬦ᭄ᬤᬾᬦ᭄ᬘᬫᬮᬸᬚᬦᬶ᭟ᬢᬦ᭄ᬘᬭᬶᬢ᭄ᬣᬤᬶᬫᬃᬕᬶᬫᬩᭂᬩᭂᬤᬮᬦ᭄‌ᬲᬓ᭄ᬱᬡ᭄ᬦᬭᬯᬸᬄᬕ᭄ᬮᬶᬲ᭄‌ᬤᬶᬚ᭄ᬭᭀᬫᬬᬰᬺᬗ᭄ᬕᬵᬢᬸᬳᬸᬘ᭄ᬧᬤᬵᬫᬗᬫ᭄ᬩ᭄ᬬᬃᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄‌ᬚᬭᬦᬾᬘᬮᬸᬧᬂᬓᬧᬕ᭄ᬟᭀᬕᬦ᭄ᬚᬦᬶ᭟