[᭓᭔ 34B]
᭓᭔
ᬓ᭄ᬳᬕᬶᬸᬦᬓᬕᬸᬂᬳᬕᬸᬂᬲᬫ᭄ᬬᬦ᭄ᬓᭀᬤᬮ᭄ᬧᬫᭂᬦ᭄ᬤᬓᬾᬢᬶᬢᬶᬩ᭄᭟ᬧ᭄ᬭᬫᬜ᭄ᬘᬫ᭄ᬯᬂᬩᬳᬸᬤᬦ᭄ᬤᬵᬫᬩᬭᬶ᭠ᬬᬸᬓ᭄ᬘᬭᬫᬦᬸᬦᬲᬂᬲᬫᬶᬫᬳᬯᬶᬦᬦ᭄ᬭᬢᬸᬤ᭄ᬯᬕᬸᬂᬯ᭄ᬗᬶᬘᭀᬓᭀᬃᬳᬶᬤᬾᬯᬵᬭᬢᬸᬢ᭄ᬟᬸᬦ᭄ᬳᬶᬧᬶᬤᬦ᭄ᬳᬸᬗ᭄ᬕᬳᬦ᭄ᬤ᭄ᬯᬕᬸᬂ᭠
ᬳᬶᬤᭀᬤᬵᬓ᭄ᬜᭂᬫᬦᬶᬕ᭄ᬩᬮ᭄ᬳᬶᬢᬸᬦᬶᬩᬲᬜ᭄ᬚᬕᬢᬶ᭟ᬳᬶᬓᭂᬲ᭄ᬬᭂᬕ᭄ᬓ᭄ᬜᭂᬫᬦᬶᬫ᭄ᬩᬮ᭄ᬳᬶᬤᬾᬯᬕᬸᬂᬳᬚᬶᬓᬧᭀᬜᬋᬗᬶᬦ᭄ᬓ᭄ᬭᬡ᭄ᬦᬲ᭄ᬭᬦ᭄ᬢᬵᬫ᭄ᬦᬾᬓ᭄ᬮᬳᬸᬢ᭄ᬫᬳᬦ᭄ᬤᭂᬕ᭄ᬩᬸᬲᬦ᭄ᬩᬸᬲᬦ᭄ᬳᬶᬤᬾᬯᬕᬸᬂᬧᬸᬢᬺᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬮᬸᬲ᭄ᬚ
ᬭᬦᬾᬫᬳᬶᬧᬳᭂᬓᬂᬳᬶᬤᬾᬯᬕᬸᬂᬫᬸᬗ᭄ᬕᬄᬕ᭄ᬮᬶᬲ᭄᭟ᬭᬚᬧᬸᬢᬺᬲᬫᬶᬫᬸᬗ᭄ᬕᬄᬫᬕᬺᬤᭂᬕᬦ᭄ᬕᬕᬗ᭄ᬲᬭᬦ᭄ᬭᬶᬂᬫᬃᬕ᭄ᬕᬶᬭ᭠ᬯᬸᬄᬭᬶᬂᬩᬜ᭄ᬘᬶᬗᬄᬳᬕᬸᬂᬧᭂᬧᬮᬶᬳᬸᬄᬲᬬᬕᬵᬳᬶᬤᬾᬯᬕᬸᬂᬭᬶᬗ᭄ᬳᬮᬸᬦᬵᬮᬸᬦᬾᬢ᭄ᬟᬸᬦ᭄ᬧᬤᬦ᭄ᬟᬲᬫᬶᬦᬫ᭄ᬧᬓᬂᬫ᭄ᬧᭂ
ᬲᬗ᭄ᬕᬫᬢᬸᬳᬭᬶᬲ᭄᭟ᬤᬕᬶᬂᬦᬸᬦᬲᬂᬳᬸᬗ᭄ᬕᬳᬦ᭄ᬳᬶᬤᬾᬯᬕᬸᬂᬧᬸᬢᬺᬘᭂᬦ᭄ᬤᭂᬢ᭄ᬜᬳᬸᬭᬶᬦ᭄ᬳᬶᬦᬸᬦᬶᬗᬶᬲᬫ᭄ᬧᬸᬦ᭄ᬢ᭄ᬟᬸᬄᬦᬸᬦᬲ᭄ᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬓᭂᬫᬦ᭄ᬢ᭄ᬭᬶᬬᬦ᭄ᬳᭀᬋᬕ᭄ᬳᬸᬫᬸᬂᬳᬶᬤ᭄ᬯᬕᬸᬂᬳᬸᬲ᭄ᬫᬲᬮᬶᬦᬦ᭄ᬧᬗ᭄ᬯᬾᬤᬗ᭠
[᭓᭕ 35A]
ᬦ᭄ᬓᬢᬸᬃᬕ᭄ᬮᬶᬲ᭄᭟ᬢᬦ᭄ᬓᭀᬘᬧ᭄ᬳᬸᬲᬦ᭄ᬗᬯᬾᬤᬂᬧᬤᬦ᭄ᬟᬵᬦᬾᬫᬦ᭄ᬢᬸᬓ᭄ᬱᬫᬶᬳᬶᬤᬦᬾᬫᬓᬢᬥᬸᬢ᭄ᬮᬸᬦᬸᬳᬶᬚᭂᬓ᭄ᬫᬬᬳᬦ᭄ᬲᬸᬩᬧ᭄ᬢᭂᬂᬲᬸᬳᬸᬤ᭄ᬗᬬᬸᬦᬂᬳᬶᬤ᭄ᬯᬕᬸᬂᬦᬾᬢᬢ᭄ᬮᬸᬧᬤᬩᬸᬤᬮ᭄ᬓᬩᬮᬾᬓᬨᬮ᭄ᬫᬗ᭄ᬭᬜ᭄ᬚᬶᬂ᭟ᬓ᭄ᬜᭂᬫ᭄ᬓᭀᬭᬢᬸᬩᬸᬜᬶ
ᬗᬓ᭄ᬤᬤᬾᬳᬡ᭄ᬝᬶᬓ᭄ᬜᭂᬫ᭄ᬮᬳᬸᬢ᭄ᬫᬫᬸᬜᬶᬬᬾᬗᬸᬤᬵᬚᬸᬫᬄᬫᬘ᭄ᬓᬸᬂᬢ᭄ᬯᬭᬫᬶᬮᬸᬫᬫᭂᬦ᭄ᬤᬓ᭄ᬘᭀᬓᭀᬭᬢᬸᬓ᭄ᬜᭂᬫ᭠ᬫᬸᬜᬶᬫᬢ᭄ᬭᬸᬄᬓᬦ᭄ᬤᭂᬕ᭄ᬢ᭄ᬯᬭᬓᬶᬘᬦ᭄ᬮᬸᬯᬲ᭄ᬩᬦᬾᬲᬸᬳᬸᬂᬧᬶᬲᬦ᭄ᬤᬶᬦᬶ᭟ᬢᬦ᭄ᬓᭀᬘᬧ᭄ᬳᬶᬩᬮᬾᬓᬨᬮ᭄ᬳᬶᬤᬾᬯ
ᬕᬸᬂᬧᬸᬢᬺᬳᬸᬘᬧᬚᬦᬶᬗᬦ᭄ᬤᬶᬓᬵᬜᬾᬦ᭄ᬧᬜ᭄ᬚᬓ᭄ᬤᬶᬢᬸᬗᬮᬶᬄᬧ᭄ᬤᭂᬫᬦ᭄ᬩ᭄ᬘᬢ᭄ᬤᬶᬳᬫ᭄ᬩᬾᬦᬾᬓ᭄ᬩᬢᬂᬫᬗᬮᬶᬄᬤᬬᬸᬄᬳᬭᬄᬢᭀᬂᬜᬦ᭄ᬤᬂᬚᬸᬫᬳᬦ᭄ᬢ᭄ᬓᬓ᭄ᬩᬸᬲ᭄ᬕᬢᬶᬭᬚᬧᬸᬢᬺᬲᬫᬶᬩᬸᬤᬮ᭄ᬳᬶᬤᬾᬯᬕᬸᬂᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄
ᬗᬸᬤᬫᬸᬮᬶᬄᬤᬶᬦᬶᬅ᭄ᬩᬸᬓ᭄ᬳᬶᬤᭀᬤᬵᬩ᭄ᬘᬢ᭄ᬦᬶᬫ᭄ᬩᬮ᭄ᬳᬭᬄᬓ᭄ᬬᬧ᭄ᬳᬢᬓ᭄ᬢ᭄ᬬᬂᬩᬸᬓᬵᬳ᭄ᬮᬸᬲ᭄ᬚ᭄ᬦᭂᬂᬩᬦᬾᬳᭀᬬᬕ᭄ᬓᬨᬮ᭄ᬢ᭄ᬓᬳᭀᬳᭀᬦ᭄ᬕᬢᬶᬕᬢᬶ᭟ᬫᬩ᭄ᬭᬶᬬᬸᬓ᭄ᬢ᭄ᬟᬸᬦᬦ᭄ᬲᬫ᭄ᬬᬦ᭄ᬳᬶᬤᬾᬯᬕᬸᬂᬧᬸᬢᬺᬗᬦ᭄ᬤᬶᬓᬵᬳᬭᬶᬲ᭄ᬧᬓ᭄ᬫᬳᬶᬓᬾᬤᬶᬦᬶ
Kaca:Bali-lontar-gaguritan-cokoratu-04-300ppi.pdf/35
Kaca puniki sampun kauji-wacén
