Kaca:Bali-lontar-gaguritan-cokoratu-04-300ppi.pdf/32

Saking Wikisource
Kaca puniki sampun kauji-wacén

[᭓᭑ 31B]
᭓᭑
ᬧᬢᬶᬯᬶᬭᬦ᭄ᬢᬦᬸᬓᬮᬯᬦ᭄ᬳᬶᬩᬜᬓ᭄ᬩᬧᬂ᭟ᬯᬶᬭᬲ᭄ᬢᬵᬢᬫ᭄ᬩᬓ᭄ᬩᬬᬵᬫᬓᬤᬶᬳᬶᬯᬦᬾᬂᬧᬢᬶᬳᬶᬲᬗ᭄ᬓᬵᬦᬃᬭᬫᬗ᭄ᬮᬬᬂᬚᬂᬗ᭄ᬕᬵᬭᬸᬤᬶᬢ᭄ᬣᬢᬦ᭄ᬓᬤᬶᬚᬬᬵᬳᬫ᭄ᬩᬭᬧᬢᬶᬚᬬᬵᬯᬶᬚᬬᬵᬢᬦ᭄ᬓᬢᬸᬦ᭄‌ᬫᬶᬯᬄᬳᬶᬚᬬᬵᬲ᭄ᬫᬭᬳᬶ
ᬕᬕᬭᬂᬢᬫᬾᬂᬯᬾᬱ᭄ᬝᬶᬚᬬᬾᬂᬢᬦᬸᬓᬮᬯᬦ᭄ᬳᬶᬚᬬᬵᬳᬲ᭄ᬢ᭄ᬭ᭟ᬳᬶᬤᬾᬯᬕᬸᬂᬜᬶᬗᬓ᭄‌ᬜᭂᬜᭂᬃᬫᬢ᭄ᬭᬸᬄᬫᬤᬸᬕᭂᬦ᭄ᬤᬶᬲ᭄‌ᬓ᭄ᬜᭂᬫ᭄ᬭᬭᬶᬲ᭄ᬫᬗ᭄ᬤᬶᬓᬵᬳᬶᬢᬫᬾᬂᬯᬶᬱ᭄ᬝᬶᬓᬳᬓ᭄ᬱᬶᬩᬶᬄᬓ᭄ᬫᬗᬮᬶᬄᬲᬶᬲᬶᬕ᭄‌ᬫᬜᬸᬫ᭄ᬩᬄᬳᬶᬧᬸᬦ᭄ᬫ᭠
ᬩ᭄ᬭᬶᬬᬸᬓ᭄‌ᬜᬫ᭄ᬩᬸᬢ᭄ᬧᬬᬳᬬᬬᬳᬦ᭄‌ᬳᬶᬤᬾᬯᬕᬸᬂᬯᬸᬲ᭄ᬫᬲᬸᬘᬶᬩᬫᬳ᭄ᬬᬲ᭄ᬫᬮᬶᬗ᭄ᬕᬶᬄᬭᬶᬂᬩᬮᬾᬤᬦ᭄ᬢᬵ᭟ᬭᬚᬧᬸᬢᬺᬳᬢᬢ᭄ᬣᬢᬢ᭄ᬣᬫᬮᬶᬗ᭄ᬕᬶᬄᬩᬸᬓᬵᬤᬶᬢᬸᬮᬶᬲ᭄‌ᬩ᭄ᬭᬳ᭄ᬫᬡᬵᬲᬾᬯᬵᬲᭀᬕᬢ᭄ᬣᬧ᭄ᬭᬫᬜ᭄ᬘᬧᬸᬗ᭄ᬕᬵᬯᬵᬲ
ᬫᬶᬧᬤᬗᭂᬦᬄᬫᬦᬗ᭄ᬓᬶᬮ᭄‌ᬳᬬᬢ᭄ᬳᬶᬤᬾᬯᬕᬸᬂᬫᬦ᭄ᬢᬸᬓ᭄‌ᬫᬓᬤᬶᬤ᭄ᬟᬵᬘᭀᬓᭀᬃᬤ᭄ᬟᬵᬧᬸᬭᬶᬓᬗᬶᬦ᭄‌ᬫᬭᬦᬶᬦ᭄‌ᬳᬶᬤᬾᬯᬕᬸᬂᬧᬸᬢᬺᬮᬾᬤᬂᬗᬾᬓᬮᬶᬦ᭄ᬢᬂ᭟ᬢᬸᬳᬸᬲᬂᬳ᭄ᬬᬂᬫᬦᭀᬩᬯ᭄ᬯᬓᬮᬸᬦ᭄ᬩ᭄ᬭᬄᬳᬫᬶᬦ᭄ᬤᬾᬂᬩᬸᬫᬶ
[᭓᭒ 32A]
ᬲᬭᬭᬲ᭄ᬳᬲᬸᬂᬧᬺᬧᬜ᭄ᬘᬢᬸᬃᬫᬦ᭄ᬤᬤᬶᬭᬚᬧᬸᬢ᭄ᬭᬶᬩᬕᬸᬲ᭄ᬕᭂᬢᬃᬲᬢᬦ᭄ᬤᬶᬂᬯ᭄ᬬᬓ᭄ᬢᬶᬬ᭄ᬬᬂᬲ᭄ᬫᬭᬫᬦᬸᬭᬸᬦ᭄‌ᬫᬦᬶᬲ᭄ᬕᭂᬢᬃᬰᬺᬗ᭄ᬕᬭᬫ᭄ᬧᭂᬗ᭄ᬕᬵᬫᬢᬸᬃᬳᬭᬶᬲ᭄‌ᬦᬸᬦᬲ᭄ᬩᬧᬵᬩᬾᬜ᭄ᬚᬂᬫᬦ᭄ᬢᬸᬓᬓᭀᬭᬶᬧᬦ᭄᭟ᬘᭀᬓᭀᬃᬤ᭄ᬟᬭᬳᬶᬫ
ᬦᬶᬫ᭄ᬩᬮ᭄‌ᬩᬸᬓᬫᬢ᭄ᬭᬸᬄᬫᬥᬸᬕᭂᬦ᭄ᬤᬶᬲ᭄‌ᬦ᭄ᬤᬾᬦ᭄ᬧᬶᬤᬦ᭄ᬢ᭄ᬬᬂᬫᬍᬄᬕᬸᬫᬦᬧᬘᬂᬫᬦᬗ᭄ᬓᬶᬮ᭄‌ᬧ᭄ᬭᬧᬸᬢᬺᬲᬳᬸᬃᬧᬓ᭄ᬱᬶᬫᬗ᭄ᬭᬯᭀᬲ᭄ᬧᬲᬮᬶᬂᬢᭂᬫ᭄ᬩᬸᬂᬲᬕᬾᬢ᭄ᬳᬶᬤ᭄ᬯᬕᬸᬂᬮᬦᬂᬗ᭄ᬮᬯᬦᬶᬦ᭄ᬫᬲᬶᬄᬫᬦᬗ᭄ᬓᬶᬮ᭄‌ᬯᬃᬡ᭄ᬦᬳᬘᬸᬫ᭄‌ᬧᬫᬃᬕ᭄ᬕᬶ
ᬦᬾᬫᬕᬫ᭄ᬧᬭᬦ᭄᭟ᬭᬕᬦᬾᬫ᭄ᬭᭀᬲ᭄ᬳᬮᬸᬗ᭄ᬕᬲᬸᬲᬄᬦᬶᬭᭀᬫᬗ᭄ᬭᬶᬫᬗᬶᬜᭂᬜᭂᬃᬜᭂᬜᭂᬃᬭᬶᬂᬘᬘᬶᬗᬓ᭄‌ᬩᬸᬓᬵᬫᭂᬫ᭄ᬩᬄᬫᬤᬸᬕᭂᬦ᭄ᬤᬶᬲ᭄‌ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄‌ᬲᬫ᭄ᬧᬸᬭᬵᬢᬶᬢ᭄ᬬᬂᬤᬾᬯᬕᬸᬂᬢᬦ᭄ᬯᬾᬦ᭄ᬢᭂᬦ᭄ᬗᬶᬭᬶᬂᬩᬾᬜ᭄ᬚᬂ
ᬳᬶᬤ᭄ᬯᬕᬸᬂᬧᬸᬢᬺᬫᬗᬓ᭄ᬱᬶᬤᬤᬶᬓ᭄ᬜᭂᬫ᭄‌ᬳᬭᬄᬤᬵᬩ᭄ᬯᬶᬗ᭄ᬮᬦ᭄ᬢᬗᬂ᭟ᬘᭀᬓᭀᬃᬤ᭄ᬟᬵᬭᬳᬶᬫᬦᬶᬫ᭄ᬩᬮ᭄‌ᬲᬚᬵᬳᬫ᭄ᬧᬸᬭᬬᬂᬕᬢᬶᬭᬾᬄᬳᬦᬓ᭄‌ᬳ᭄ᬦᬸᬲᬂᬓᬮᬵᬳᬶᬤ᭄ᬯᬕᬸᬂᬧᬸᬢᬺᬦᬶᬫ᭄ᬩᬮᬶᬦ᭄‌ᬓ᭄ᬜᭂᬫᬳᬢᬸᬃᬳᬭᬶᬲ᭄‌ᬩᬧᬢᬶᬢ᭄ᬬᬂ᭠