Kaca:Bali-lontar-gaguritan-cokoratu-04-300ppi.pdf/22

Saking Wikisource
Kaca puniki sampun kauji-wacén

[᭒᭑ 21B]
᭒᭑
ᬮᬸᬕᬢᬶ᭟ᬢᬦ᭄ᬘᬭᬶᬢ᭄ᬣᬦᬾᬫᬃᬡ᭄ᬦᬤᬶᬚᬮᬦ᭄‌ᬢ᭄ᬓᬤ᭄ᬬᬤᬶᬧᭀᬄᬕᬤᬶᬂᬮᭀᬅ᭄ᬗᬄᬩ᭄ᬘᬢ᭄ᬫᬗᬦ᭄ᬤᭂᬕ᭄ᬚᬭᬦ᭄‌ᬫᬢᭀᬮᬶᬳᬦ᭄ᬮᬸᬢ᭄ᬫᬯᬗ᭄ᬲᬶᬢ᭄‌ᬢᬸᬳᬸᬦ᭄ᬫᬓ᭄ᬚᬂᬚᬭᬦ᭄ᬧᬕ᭄ᬭᬾᬕᬾᬄᬜᭂᬭᬶᬢ᭄᭟ᬳᬶᬩᬦ᭄ᬤᬾᬲᬵᬫᬫᬸᬜᬶᬫᬃᬕ᭄ᬕᬶᬫᬸᬮ᭄ᬬᬦ᭄‌ᬳᬶᬧᬲᭂ
ᬓ᭄ᬫᬗᭀᬭᬳᬶᬦ᭄‌ᬭᬾᬜ᭄ᬘᬂᬗᬮᬶᬄᬧᬤᬂᬳᬶᬩᬦ᭄ᬤᬾᬲᬵᬢ᭄ᬯᬢ᭄ᬓᬫᬫᬸᬜᬶᬜᬧᭂᬳᬫᬦᬶᬲ᭄‌ᬤᬾᬅ᭄ᬳᬫ᭄ᬧᬸᬭᬬᬂᬜᬶᬗ᭄ᬕᬳᬶᬦ᭄ᬜᬫᬵᬫᬶᬲ᭄ᬓᬶᬦ᭄᭟ᬧᬤᬓᬓ᭄ᬜᭂᬫ᭄‌ᬧᬢᬶᬄᬭᬢ᭄ᬣᬦᬾᬫᬓ᭄ᬚᬂᬫᬲᬳᬸᬢ᭄‌ᬭᬸᬫᬫᬦᬶᬲ᭄ᬢᬦ᭄ᬜᬦ᭄ᬤᬂᬧᬜ᭄ᬚᬗᬂᬩᬦ᭄ᬤᬾᬲᬵ
ᬢ᭄ᬯᬦᬶᬫ᭄ᬩᬮ᭄‌ᬗ᭄ᬕᬶᬄᬫᬦ᭄ᬢᬸᬓᬦ᭄ᬗ᭄ᬭᬭᬶᬲ᭄‌ᬳᬶᬧᬢᬶᬄᬭᬢ᭄ᬣᬘᬧᬹᬫᬦ᭄ᬢᬸᬓ᭄ᬱᬫᬶ᭟ᬲᬸᬩᬢ᭄ᬓᭂᬤᬶᬩᬮᬾᬮᬦ᭄ᬢᬂᬧ᭄ᬭᬦᬫ᭄ᬬᬫᬓ᭄ᬩᬢ᭄ᬮᬦ᭄ᬢᬾᬧᬲ᭄ᬢᬶᬳᬶᬩᬦ᭄ᬤᬾᬲᬵᬢᬸᬯ᭄ᬯᬵᬤᬶᬢᬸᬦ᭄ᬕᬓ᭄ᬫᭂᬦᭂᬫᬦ᭄‌ᬳᬶᬧᬲᭂᬓ᭄ᬳᬾᬜ᭄ᬘᭀᬂᬗᬯᬸᬓᬶᬦ᭄‌ᬭᬾᬜ᭄ᬘᬂᬦᬸᬦ᭄ᬤᬾᬦᬂᬦᬩ᭄ᬤᬩᬂᬓᬸᬧᬶ
ᬕ᭄ᬮᬶᬲ᭄᭟ᬲᬸᬩᬧ᭄ᬭᬕᬢ᭄ᬫᬢᬦ᭄ᬤᬶᬂᬓᬸᬧᬶᬮᬦ᭄ᬚᬚᬵᬫᬯᬤᬄᬦᬭᬾᬧᬲ᭄ᬢᬶᬲᬸᬩᬧᬤᬧ᭄ᬭᬕᬢ᭄‌ᬓᬺᬤᬧ᭄ᬧᬦᬾᬓᭀᬯ᭠ᬦ᭄‌ᬭᬾᬜ᭄ᬘᬂᬜᬦᬾᬗᬩᬲᬫᬶᬢ᭄ᬓᬫᬓ᭄ᬚᬂᬤᬶᬦᬢᬄᬢ᭄ᬩᭂᬂᬢᬶᬢᬶᬩ᭄᭟ᬲᬸᬩᬧ᭄ᬭᬕᬢ᭄ᬫᬓᬦ᭄ᬤᭂᬗᬦ᭄ᬢ᭄ᬬᬂᬫᬚᬮᬦ᭄‌ᬢᬗ᭄ᬓᭂ
[᭒᭒ 22A]
ᬧ᭄ᬧᬾᬘᬮᬶᬭᬶᬂᬮᬾᬅ᭄ᬗᬄᬫᬗᬢ᭄ᬢᭂᬭᬂᬳᬶᬗ᭄ᬕᬶᬄᬓᬾᬳᬫ᭄ᬧᬸᬭᬬᬂᬚᬚᬦᬾᬓᬲᬃᬩ᭄ᬮᬶᬫᬘᭂᬫᬘᭂᬫᬦ᭄‌ᬮᬾᬤᬗᬂᬗᬚᭂᬗᬂᬩᭂᬮᬶ᭟ᬢᬦ᭄ᬓᭀᬘᬧᬤᬶᬢᬸᬬᬫᬲᬸᬓᬦ᭄ᬲᬸᬓᬦ᭄‌ᬓᭀᬭᬢᬸᬩᬶᬦ᭄ᬩᬮᬶᬓᬶᬦ᭄‌ᬚᬦᬶᬘᬭᬶ᭠
ᬢᬬᬂᬢ᭄ᬓᭂᬤᬶᬫᬬᬰᬺᬗ᭄ᬕᬵᬲᬸᬳᬸᬗᬾᬫᬳᬶᬭᬶᬩ᭄ᬧᬦ᭄ᬢᬶᬳᬶᬕ᭄ᬭᬦ᭄ᬤᬸᬢ᭄‌ᬤ᭄ᬯᬂᬫᬗᬶᬚᭂᬂᬤᬶᬩᭂᬢᬯᬶ᭟ᬘᭀᬓᭀᬭᬢᬸᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬩᬶᬄᬓ᭄ᬚᭂᬲᬸᬳᬸᬂᬤᬶᬦᬶᬦᬂᬕᬸᬭᬦ᭄ᬤᬸᬢ᭄ᬦᬶᬫ᭄ᬩᬮ᭄‌ᬢᬶᬢ᭄ᬬᬂᬢᬸᬦ᭄ᬤᬾᬦᭂᬗᬶᬚᭂᬂᬩᬾᬦ᭄ᬢᭂᬦ᭄ᬲᬸ
ᬓᬾᬦᬫᬕ᭄ᬤᬶᬓᭀᬘᬧᭂᬮᬸᬗᭂᬧᬸᬦᬶᬓᬵᬓᬧᭀᬄᬕᬤᬶᬂ᭟ᬘᭀᬓᭀᬭᬢᬸᬓ᭄ᬜᬶᬂᬫᬗ᭄ᬭᬭᬶᬲ᭄ᬫᬸᬗ᭄ᬕᬳᬦ᭄᭠ᬮᬸᬢ᭄ᬫᬗᬦ᭄ᬤᬶᬓᬵᬩ᭄ᬯᬶᬦ᭄‌ᬓ᭄ᬫᬳᬮᬶᬄᬳᬾᬗ᭄ᬕᬮ᭄‌ᬳᭀᬭᬳᬂᬓᬳᬶᬢ᭄ᬓᭂᬦᬂᬕᬸᬭᬦ᭄ᬤᬸᬢ᭄‌ᬜ᭄ᬫᬓ᭄ᬳᬭᬶᬢ᭄‌ᬮᬸᬢᬫᬚ
ᬮᬦ᭄‌ᬢᬜ᭄ᬘᬭᬶᬢ᭄ᬣᬤᬶᬫᬃᬕ᭄ᬕᬶ᭟ᬤᬶᬧᭀᬄᬕᬤᬶᬂᬳᬸᬘᬧᬂᬫᬾᬦᬓᬾᬦᬓᬦ᭄‌ᬲᬸᬳᬸᬤ᭄ᬗᬫᬄᬫᬮᬮᬶᬫᬦ᭄ᬤᬸᬲ᭄ᬓᬫᬳᬾᬦ᭄ᬤ᭄ᬭᬵᬲᬸᬩᬫ᭄ᬟᬮᬂᬚᬭᬦ᭄‌ᬫᬗ᭄ᬮᬳᬸᬢᬸᬂᬓᬫᬫ᭄ᬮᬶᬂᬩᬶᬮᬂᬳᬤᬗ᭄ᬓᬵᬦᬓᭀᬦᬂᬧᬬᬃᬤᬾᬲᬶ᭟