[᭔᭒ 42B]
᭔᭒
ᬧᬸᬗ᭄ᬓᬸᬃᬩ᭄ᬟᬶᬮ᭄ᬫ᭄ᬯᬂᬫᬫᬲ᭄ᬫᭀᬢᭀᬃᬓᭀᬭᬢᬸᬫᬫᬃᬕᬶᬫᬧᬧᬸᬘᬸᬓ᭄ᬱᬸᬭᬾᬂᬧ᭄ᬭᬂᬲᭀᬭᭀᬄᬦᬾᬩᬦᬶᬗᭂᬫᬲᬶᬦ᭄ᬮᬶᬬᬸᬳᬤᬳᬗ᭄ᬓᭂᬩᬗ᭄ᬱᬦᬾᬦᬾᬢ᭄ᬕᬸᬄᬢ᭄ᬕᬸᬄᬮ᭄ᬬᬸᬓᭀᬧᬢᬦ᭄ᬚᬗ᭄ᬓᬬᬦ᭄ᬕᭀᬩᬦᬾᬗᬺᬲᬂᬳᬢᬶᬫᬗᬶᬓ᭄ᬗᬶᬓᬦ᭄ᬓᬤᬶᬭᬸᬧᬦ᭄ᬬᬫᬩᬮ᭟ᬫ
ᬲᭀᬭᭀᬄᬧᬤᬵᬫᬚᬮᬦ᭄ᬲᭀᬭᭀᬢ᭄ᬦᬾᬗᬃᬫᬸᬘᬸᬓᬶᬦ᭄ᬳᬓ᭄ᬭᬮ᭄ᬧᬤᬓᬩᬶᬦᬯᬧᬤᬳᬗᬺᬰᬻᬲᬂᬳᬢᬶᬧᬳᬸᬢ᭄ᬫᬲᬶᬗ᭄ᬲᭂᬢ᭄ᬱᬫᬶᬦᬶᬓᬸᬮ᭄ᬫᬫᬲ᭄ᬳᬚᬓ᭄ᬮᬶᬬᬸᬗᭀᬳᭀᬧᬤᬫᬲᬸᬃᬬ᭄ᬬᬓ᭄ᬓᬤᬶᬫᬸᬩᬸᬭᬂᬧᬺᬣᬶᬯᬶᬧᬤᬚ᭄ᬭᬶᬄᬳᬲᬶᬗᬢᭀᬦᬂᬫᬓ᭄ᬚᬂ᭟ᬤᬶ
ᬤᭀᬭᬶᬦ᭄ᬜᬦᬾᬧᬸᬦᬶᬓᬲᭀᬭᭀᬄᬦᬾᬦᬾᬓᬧᬾᬂᬩᭂᬭᬶᬲ᭄ᬓᬸᬫᬶᬲ᭄ᬩ᭄ᬭᬶᬲ᭄ᬚᬾᬗ᭄ᬕᭀᬢ᭄ᬱᬫᬄᬫᬩᬸᬮᬸᬢᬗ᭄ᬓᬄᬫ᭄ᬯᬂᬕᬶᬕᬶᬃᬕᬶᬕᬶᬦᬾᬧᬤᬧᬸᬢᬶᬄᬳᭂᬩᭀᬓᬾᬓᬶᬜ᭄ᬘᭂᬂᬫᬳᬶᬚᬸᬓ᭄ᬧᬤᬢᬦ᭄ᬗᬗ᭄ᬕᭀᬤᬲ᭄ᬢᬃᬢᬸᬃᬫᬩᬸᬗᬧᬤᬲᬫᬶᬫᬸᬘᬸᬓ᭄ᬩᬭᬓ᭄ᬫᬓᬫ᭄ᬩᭃᬦ᭄ᬕᭀ
ᬲᬾᬫᬓ᭄ᬚᬂ᭟ᬗᬩᬩ᭄ᬟᬶᬮ᭄ᬧᬤᬲᬫ᭄ᬬᬦ᭄ᬗᬭᭀᬕᭀᬄᬢᬸᬃᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄ᬯᭀᬦ᭄ᬢᭂᬦ᭄ᬳᬚᬓ᭄ᬧ᭄ᬢᬂᬮᬓ᭄ᬱᬵᬧᬢᬸᬄᬱᬶᬂᬳᬤᬗᬶᬬᭀᬲᬶᬦ᭄ᬕᬮᬓ᭄ᬧ᭄ᬭᬕᬮ᭄ᬩᬦᭂᬮᬶᬓ᭄ᬫᬢᬦᬾᬫᭀᬮᬄᬫᬯ᭄ᬮᬸᬫᬮᬢᬸᬫᬢᬦᬾᬜ᭄ᬘ᭄ᬭᬢ᭄ᬲᬶᬂᬤᬸᬫᭂᬍᬓᭂᬢᬶᬧ᭄ᬤᬓᬶᬦᬾᬧᬸᬗ᭄ᬓᬸᬭᬦ᭄ᬯᬵᬢᭂᬓ᭄ᬦᬾ
[᭔᭓ 43A]
ᬫᬕᭂᬕᬫᭂᬮᬦ᭄᭟ᬦᬾᬦᬾᬗᭂᬕᭀᬂᬳᬚᬓ᭄ᬤᭀᬫᬲ᭄ᬧᬘᭂᬕᬶᬃᬕᬶᬃᬦᬩᬸᬄᬢᬶᬢᬶᬃᬫᬸᬳᬸᬕ᭄ᬢᭀᬂᬩᬓᬢ᭄ᬤᬶᬗᭂᬳᬂᬢ᭄ᬓᬗ᭄ᬭᬸᬤᬸᬕ᭄ᬢᬦ᭄ᬧᬕᭂᬦ᭄ᬤᬶᬂᬓᭂᬦ᭄ᬤᬗᬾᬬᬗᭂᬫ᭄ᬧᭂᬗᬶᬢᭂᬦ᭄ᬧᬤᬸᬕ᭄ᬤᬕ᭄ᬫᬸᬳᬸᬕ᭄ᬳᬸᬫᬸᬂᬧᬲᬮᬶᬂᬢᬶᬫ᭄ᬩᬵᬮ᭄ᬭᬫ᭄ᬬᬳᬫ᭄ᬬᬂᬦᬸᬳᬸᬢ᭄ᬫᬃᬕᬶᬳᬶᬦ
ᬩ᭄ᬳᬚᬸᬃᬳ᭄ᬜᬕ᭄ᬕᬸᬫᬶᬦᬾᬫᬓ᭄ᬚᬂ᭟ᬢᬫ᭄ᬩᬸᬃᬳᬸᬫ᭄ᬬᬂᬤᬶᬧᬸᬗ᭄ᬓᬸᬭᬦ᭄ᬳᬚᬓ᭄ᬱᬫᬲ᭄ᬤᬶᬭᬶᬤᬸᬕ᭄ᬟᬕ᭄ᬟᬸᬕ᭄ᬧᬸᬂᬢᬦ᭄ᬓᬭ᭄ᬯᬦ᭄ᬓᬾᬯᬮᬲᬸᬩᬫᬫᬜᬶᬳᭂᬫ᭄ᬧᭂᬂᬫᬘᭂᬓᬸᬧᬶᬂᬩᬦ᭄ᬭᬫᭂᬲᬾᬳᬮᬄᬍᬩᬸᬃᬩᬾᬢᬾᬮ᭄ᬓᬯᬶᬱ᭄ᬡᬸᬮᭀᬓᬯᬢᭂᬓ᭄ᬤᬾᬯ᭄ᬯᬵᬕᬾᬯᬃᬲᬫᬶᬫᬶᬦ
ᬳᬓᬳᬂᬭᬶᬫᬦ᭄ᬬᬧᬤᬳᬸᬲ᭄ᬭᬸᬲᬓ᭄᭟ᬤᬶᬧᬸᬗ᭄ᬓᬸᬭᬦ᭄ᬳᬂᬓ᭄ᬮᬸᬂᬲᬶᬤᬦ᭄ᬗᬋᬜᬗᭃᬜᬕᬂᬳᬢᬶᬗᬂᬓ᭄ᬮᬸᬂᬳᬚᬓ᭄ᬢᬶᬕᬂᬳᬢᬓ᭄ᬫᬢᬩᬸᬳᬦ᭄ᬧᬤᬲᬫᬶᬧ᭄ᬭᬕᬶᬦᬦ᭄ᬜᬦᬾᬳᬮᬶᬫ᭄ᬯᬵᬢᭂᬓ᭄ᬱᬦᬾᬩᬕᬸᬲ᭄ᬩᬕᬸᬲ᭄ᬘᬮᬶᬭᬶᬂᬧᬤᬩᬾᬢᬓ᭄ᬫᬘᬘᬸᬦ᭄ᬤᬸᬓ᭄ᬧ
ᬢᬸᬄᬲᬫᬶᬓᬺᬢᬲ᭄ᬯᬶᬮᬶᬲ᭄ᬓᬢᬸᬢ᭄ᬤᭀᬦ᭄ᬳᬓᬸᬧᬓ᭄ᬗ᭄ᬭᬦᬂ᭟ᬤᬶᬧᬸᬗ᭄ᬓᬸᬭᬦ᭄ᬩ᭄ᬯᬶᬦ᭄ᬫᭀᬫ᭄ᬩᬓᬦ᭄ᬢᬢᬩᬸᬳᬦ᭄ᬳᭂᬜ᭄ᬘᭂᬧ᭄ᬱᬫᬶᬳᬸᬫ᭄ᬬᬂᬋᬦᭂᬲ᭄ᬱᬮᬶᬂᬢᬶᬫ᭄ᬩᬵᬮ᭄ᬳᬸᬮᬶᬓᬸᬢ᭄ᬣᬫᬫᬸᬃᬯᬦᬶᬦ᭄ᬳᬶᬮᭀᬢ᭄ᬭᬂᬦᬾᬢᬦ᭄ᬫᬭᬶᬗ᭄ᬮᬬᬗᬶᬦ᭄ᬕᬫ᭄ᬮᬦ᭄ᬤᬶᬢᬸᬲ᭄ᬭ᭄ᬬᬓ᭄ᬱ᭄ᬭ᭄ᬬᬸᬓ᭄ᬫᭀᬫ᭄ᬩᬓᬦ᭄
Kaca:Bali-lontar-gaguritan-cokoratu-03-250ppi.pdf/43
Kaca puniki sampun kauji-wacén
