Kaca:Bali-lontar-gaguritan-cokoratu-03-250ppi.pdf/35

Saking Wikisource
Kaca puniki sampun kauji-wacén

[᭓᭔ 34B]
᭓᭔
ᬫᬦᬢᬵᬲ᭄‌‌ᬳᬶᬲᬸᬫᬦ᭄ᬢᬶᬫᬓᬦ᭄ᬢᬶᬫᬓᬤᬶᬫ᭄ᬯᬂᬳᬶᬚᬬᬳᬸᬲ᭄ᬫᬦ᭄‌ᬮᬯᬦ᭄ᬳᬶᬧᬸᬦ᭄ᬲᬸᬯᭀᬓ᭄ᬱᬵᬫᬓᬫᬶᬯᬄᬲᬳᬶᬤ᭄ᬧᬢᬶᬄᬳᬶᬩᬤᬶᬄᬲ᭄ᬤᬭᬓᬮᬯᬦ᭄ᬩᬕᬶᬦ᭄ᬤᬫᬶᬃ᭟ᬲᬤᬍᬲᬄᬓᬮᬯᬦ᭄ᬩᬕᬶᬦ᭄ᬤᬵᬲ᭄ᬫᬭᬭᬵᬚᬾᬂᬯᬶᬬ᭄ᬬᬫ᭄ᬓᬤᬶᬮᬦ᭄ᬚᬬᬾᬂᬲᬮᬸᬫᬦ᭄‌ᬲᬸ
ᬩᬫᬗ᭄ᬮᬜ᭄ᬘᬢ᭄ᬚᬭᬵᬦ᭄‌ᬫᬗᬾᬭᭀᬗᬦ᭄ᬤᬶᬫᬃᬕᬶᬫᬕᭂᬕᬗ᭄ᬲᬭᬦ᭄‌ᬢ᭄ᬓᭂᬤ᭄ᬬᬤᬶᬫᬃᬧᬲᬶᬲᬶ᭟ᬍᬄᬗᬫ᭄ᬩ᭄ᬬᬃᬚ᭄ᬮᭂᬫᬮᬶᬬᬸᬢᬯᬄᬢᬯᬄᬓᬗ᭄ᬕᭂᬓ᭄ᬳᬶᬧᬸᬦ᭄‌ᬗ᭄ᬮᬶᬬᬢᬶᬦ᭄‌ᬢ᭄ᬯᬭᬵᬤᬕᬕᬢ᭄ᬭᬦ᭄‌ᬢᬗ᭄ᬓᭂᬧ᭄ᬳᬸᬮᬶᬓᭀᬭᬶᬧᬦ᭄‌ᬫᬫᬸᬜᬶᬬᬲᬮᬶᬂᬢᬸᬮᬶᬄ
ᬧ᭄ᬮᬶᬄᬩᬩᬭᬦ‌ᬫᬵᬮᬄᬚᬕᬢᬶᬫᬳᬶ᭟ᬳᬶᬲᬸᬫᬦ᭄ᬢ᭄ᬭᬶᬦᭀᬮᬶᬄᬫᬗᬚᬓᬶᬦ᭄ᬩᬸᬤᬮ᭄‌ᬮᬾᬦᬕᬶᬄᬦ᭄ᬮᭀᬓᬶᬦ᭄‌ᬧᬂᬫ᭠ᬳᬦ᭄ᬫᭂᬤᬲᬂᬤᬤᬶᬧᬤᬫᬕᬾᬩ᭄ᬭᬲ᭄ᬫᬢᬦ᭄ᬤᬂᬢᬗ᭄ᬓᭂᬧᬾᬘ᭄ᬧᬶᬂᬕ᭄ᬢᬃᬧ᭄ᬭᬢᬫᬢ᭄ᬩᬸᬄᬫᬜᬶᬜ᭄ᬩᬸᬭᬶᬦ᭄᭟ᬩᬶᬄᬩᬶᬄᬚ᭄ᬭᭀᬉᬮᬶᬤᬶᬚ
ᬲᬶᬧᬦᬗ᭄ᬓᬦ᭄‌ᬳᬧᬲ᭄ᬯᬓᬃᬬ᭄ᬬᬫᬳᬶᬦᬾᬢᬓᭀᬦᬶᬦ᭄ᬦᬶᬫ᭄ᬩᬵᬮ᭄ᬓᭂᬲ᭄ᬓᭂᬲ᭄ᬮᬳᬸᬢ᭄ᬫᬶᬤᬃᬢ᭄ᬣᬳᬶᬫᬃᬬᬸᬦ᭄ᬮᬳᬸᬢ᭄ᬫᬫᬸᬜᬶᬚᬮᬄᬓᬾᬓ᭄ᬫᭂᬦᬓᬕᬸᬗᬾᬧᬭᬦᬶᬦ᭄᭟ᬲᬸᬩᬧᬳᭂᬓ᭄ᬳᬶᬓᬤ᭄ᬕᬲᬗ᭄ᬓᬳᬶᬥᬸᬧᬳᬶᬘᬓ᭄ᬭᬲᬮᬶᬂᬢᬸᬮᬶᬄᬫᬶᬦᬓᭂᬳᬸᬢᬸᬲᬦ᭄‌ᬢ᭠
[᭓᭕ 35A]
ᬗ᭄ᬓᭂᬧᬾᬚᬾᬗ᭄ᬮᬃᬢᬫᬧᬢᬶᬄᬭᬢ᭄ᬣᬵᬩ᭄ᬭᬶᬬᬸᬓ᭄ᬱᬫᬶᬫ᭄ᬧᭂᬱ᭄ᬗᭂᬳ᭄ᬤᬂᬢᬗ᭄ᬓᭂᬧᬾᬓᬮᬶᬲ᭄‌ᬘ᭄ᬧᬶᬂ᭟ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬓᬤᬳᬸᬄᬦᬸᬦᬲᬂᬳᬦ᭄ᬢᬸᬓ᭄ᬢᭂᬫ᭄ᬩᬾᬫᬗ᭄ᬭᬳᬸᬳᬶᬦ᭄‌ᬦ᭄ᬕᬭᬫᬥᬸᬭᬧᬸᬦᬧᬶᬓᬲ᭄ᬯᬚᬢ᭄ᬬᬦ᭄‌ᬳᬶᬓᬤ᭄ᬕᬕ᭄ᬢᬃᬜᬳᬸᬢᬶᬦ᭄‌ᬘᬋᬫᬢᬶᬫ᭄ᬩᬵᬮ᭄
ᬧᬤᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬧᬤᬓᬮᬶᬲ᭄‌ᬢᬩᬸᬳᬾᬫᬗᬮᬧ᭄ᬚᬶᬯ᭄ᬯᬢ᭄ᬬᬂᬓᬳᬸᬢᬸᬲ᭄ᬦᬶᬓᬶᬫᬗᬢᬸᬭᬂᬲᬸᬭᬢ᭄‌ᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬓᬮᬶᬄᬓᬤᬳᬸᬳᬦ᭄ᬗᬶᬂᬭᬶᬂᬓᭀᬭᬢᬸᬮᬸᬗᬚᬕᬓᬰᬺᬗ᭄ᬕᬵᬧᬸᬭᬶ᭟ᬳᬶᬲᬸᬫᬦ᭄ᬢ᭄ᬭᬶᬫ᭄ᬧᭂᬲᬗ᭄ᬕᬫᬢᬸᬃᬕ᭄ᬢᬃᬦᬸᬦᬲ᭄ᬭᬢᬸ
ᬫᬗ᭄ᬭᬭᬶᬲ᭄‌ᬫᬗ᭄ᬓᬶᬦ᭄ᬕᬭᬳᬶᬰᬤᬍᬲᬄᬩ᭄ᬘᬢ᭄‌ᬦ᭄ᬤᬯᬸᬳᬂᬳᬶᬯᭀᬂᬧᬲᬶᬲᬶᬗᬮᬶᬄᬧ᭄ᬭᬓ᭄ᬧᬓ᭄‌ᬧᬦ᭄ᬧ᭄ᬢᭂᬂᬧᬸᬓᬸᬮ᭄ᬓᬮᬶᬄ᭟ᬫᬕᬺᬤᭂᬕᬦ᭄ᬫᬩ᭄ᬭᬶᬬᬸᬓ᭄ᬫᬕᭂᬕᬗ᭄ᬱᬭᬦ᭄‌ᬲᬓ᭄ᬱᬡᬭᬳᬸᬄᬕ᭄ᬮᬶᬲ᭄‌ᬤᬶᬩᬢᬦ᭄ᬩᬜ᭄ᬘᬶᬗᬄᬭᬚᬾᬂᬫᬥᬸᬭᬓᭀᬤᬮ᭄‌ᬫᬓᬵ
ᬤᬶᬭᬓᬵᬦ᭄ᬤᬵᬓᬮᬶᬄᬳᬢᬸᬤᬾᬅ᭄ᬳᭀᬓᬲᬋᬂᬳᬢᬸᬤᬾᬅ᭄ᬭᬳᬶ᭟ᬓᬤᬳᬸᬳᬦ᭄ᬫᬫᭂᬦ᭄ᬤᬓ᭄ᬩᬢᬦ᭄ᬩᬜ᭄ᬘᬶᬗᬄᬫᬕᬾᬩ᭄ᬭᬲ᭄ᬢᭂᬤᬸᬦ᭄ᬕᭂᬮᬶᬲ᭄‌ᬜᬕ᭄ᬚᬕ᭄ᬫᬦᬫ᭄ᬧᭂᬓᬂᬧᬤᬫᬧᬧᬲ᭄ᬘᬶᬗᬓ᭄‌ᬧᬤᬓᬧ᭄ᬭᬡᬦ᭄ᬤᬶᬳᬢᬶᬳᬢᬸᬤᬾᬅ᭄ᬳᭀᬓᬓ᭄ᬜᭂᬫᬜᬧᬳᬭᬶ