Kaca:Bali-lontar-gaguritan-cokoratu-03-250ppi.pdf/34

Saking Wikisource
Kaca puniki sampun kauji-wacén

[᭓᭓ 33B]
᭓᭓
ᬦ᭄ᬤᬶᬓᬳᬭᬶᬲ᭄‌ᬬᬾᬧᬶᬢ᭄ᬯᬶᬓᬬᬵᬧᬩᬜᬮ᭄ᬯᬲ᭄‌ᬳᬧᬘᬶᬭᬶᬦᬾᬩᬓ᭄ᬢᬶᬗ᭄ᬮᬸᬫ᭄ᬩᬃᬕᬸᬲ᭄ᬢᬶᬩᬚᬂᬗᭂᬦ᭄ᬤᭀᬦᬶᬦᬾᬤᬸᬃᬕᬫ᭄ᬫᬵᬲᬶᬭᬚᬶᬓᬺᬢ᭄ᬣᬦ᭄ᬕᬭᬶᬓ᭄ᬜᭂᬫ᭄ᬗᬦ᭄ᬤᬶᬓᬳᬮᬸᬲ᭄ᬢᬸᬃᬢᬩᬸᬳᬾᬫᬦᬶᬲ᭄᭟ᬦᬄᬢᬸᬗ᭄ᬓᬲᬂᬢ᭄ᬓᬾᬦ᭄ᬳᭂᬦ᭄ᬢᭀᬳᬶᬬᬸᬢᬸᬲᬦ᭄‌ᬲᬫᬗ᭄ᬤᬾᬧᬬᬸᬗᬶᬭᬶᬂᬢ᭄ᬯᬭᬗ᭄ᬮᬄᬓ
ᬦ᭄ᬤᬩᬜᬢ᭄ᬯᬦᬸᬚᬸᬫᬄᬭᬚᬾᬂᬫᬥᬸᬭᬫᬦᭀᬮᬶᬄᬳᬢᬸᬤᬾᬅ᭄‌ᬳᭀᬓᬢᬸᬤᬾᬅ᭄ᬭᬳᬶᬓᬋᬧᬶᬦ᭄᭟ᬓ᭄ᬫᬘᬳᬶᬓᬢᬫᬦ᭄ᬫᬲᬶᬄᬢᬸᬗ᭄ᬓᬲᬂᬲᬫᬗ᭄ᬤᬾᬧᬬᬸᬗᬶᬭᬶᬂᬢ᭄ᬓᬾᬦ᭄ᬳᬶᬧᬗᭂᬫ᭄ᬩᬵᬦ᭄‌ᬲᬗ᭄ᬓᬮᬶᬄᬫ᭄ᬧᭂᬲ᭄ᬜᬸᬫ᭄ᬩᬄᬫᬘ᭄ᬩᬸᬃᬫᬚᬮᬦ᭄ᬕᭂᬮᬶᬲ᭄‌ᬭᬳᬸᬄᬤᬶᬚ᭠
ᬩᬓ᭄ᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭟ᬲᬫ᭄ᬧᬸᬤᬦᬾᬧᭂᬲᬸᬯᬂᬗᬦ᭄ᬢ᭄ᬬᬂᬓᬢᬫᬦ᭄‌ᬲᬸᬩᬓᬳᬢᬸᬃᬕ᭄ᬮᬶᬲ᭄‌ᬫᬦᬸᬗ᭄ᬕᬂᬲᬧᬾᬤᬗ᭄ᬲᭂᬜᬸᬚᬸᬃᬓᬢᬫᬦ᭄‌ᬧᬋᬓᬦ᭄ᬮᬶᬬᬸᬫᬗᬶᬭᬶᬂᬲᬓ᭄ᬱᬡ᭄ᬦᬲᬸᬩᬭᬯᬸᬄᬤᬶᬢᬫᬦ᭄ᬲᬭᬶ᭟ᬧᬢᬶᬄᬭᬢ᭄ᬣᬕ᭄ᬮᬸᬩᬸᬫᬭᬫᬶᬬᬢ᭄
ᬩᬦ᭄ᬢᭂᬗ᭄ᬓᭂᬧᬾᬗᬾᬲᬦᬶᬦ᭄ᬫᬓᭀᬃᬲᬶᬤᬶᬦᬢᬄᬳᬤᬓᬭᭀᬮᬜ᭄ᬘᬶᬗᬦ᭄ᬚᭂᬍᬕ᭄ᬚᭂᬍᬕ᭄ᬗᬯᬲ᭄ᬓᭂᬤᬶᬲ᭄‌ᬳᬦᬫᬘ᭠ᬦ᭄ᬤᬵᬕᬾᬮᬅ᭄ᬕᬾᬮᬅ᭄ᬫᬗᭂᬢᬶᬲ᭄᭟ᬳᬢᬸᬤᬾᬅ᭄ᬓᬮᬶᬄᬫᬗ᭄ᬭᬜ᭄ᬚᬶᬂᬓᬢ᭄ᬗᬄᬕ᭄ᬮᬕ᭄ᬕᬵᬦᬾᬮᬮᬶᬫᬓᬧᬗ᭄ᬕᬶᬄᬫᬭᬲᬸᬤ᭄‌ᬲᭂᬫ᭄ᬩᬄ
[᭓᭔ 34A]
ᬬᬓ᭄ᬜᭂᬫ᭄ᬮᬯᬸᬢ᭄ᬣᬜᬧᬗ᭄ᬕᬶᬄᬤ᭄ᬭᬶᬓᬶᬦᬧᬶᬯᬾᬦ᭄ᬢᭂᬦᬯᬦᬦ᭄ᬫᬗ᭄ᬭᬳᬸᬳᬶᬦ᭄᭟ᬢ᭄ᬬᬂᬓᬳᬸᬢᬸᬲ᭄‌ᬳᬦ᭄ᬢᬸᬅ᭄ᬳᬚᬶᬅ᭄‌ᬲᬧ᭄ᬦᬂᬢᬶᬕᬲᬫᬗ᭄ᬤᬾᬳᬚᬶᬅ᭄ᬳᬶᬭᬶᬂᬓᬰᬺᬗ᭄ᬕᬦ᭄ᬕᬭᬳᬶᬤᭀᬅ᭄‌ᬓ᭄ᬜᭂᬫ᭄ᬫᬦᬶᬫ᭄ᬩᬮ᭄ᬫᬫᬸᬜᬶᬳᬭᬸᬫᬫᬦᬶᬲ᭄ᬭᬢᬸᬤᬾᬅ᭄‌ᬋᬗ᭄ᬓᭂᬓᬬᬸᬭᬢᬸ
ᬓᬳᬶᬭᬶᬂ᭟ᬤᬾᬦᬶᬂᬳᬶᬤᬳᬶᬭᬓᬢ᭄ᬯᬭᬤᭂᬳᬶᬫ᭄ᬫᬵᬓᬦ᭄ᬢᬶᬢ᭄ᬬᬂᬳᬚᬓ᭄ᬲᬫᬶᬫᬦ᭄ᬢᬸᬓ᭄ᬭᬢᬸᬳᬾᬗ᭄ᬕᬮ᭄‌ᬫ᭄ᬬᬚ᭄ᬦᭂᬗᬢ᭄ᬓᬤᬩ᭄ᬤᬩᬂ᭠ᬫᬃᬕᬶᬢ᭄ᬮᬳᬶᬦ᭄ᬓᬸᬧᬶᬘᬯᬶᬲᬂᬩᬾᬜ᭄ᬚᬂᬲ᭄ᬫᭂᬂᬫᬫᬃᬕ᭄ᬕᬶ᭟ᬫᬕᬺᬤᭂᬕᬦ᭄‌ᬕᭀᬗ᭄ᬱᭀᬃᬢᬸᬮᬓᬦᭂᬕᬭᬧᬢ᭄ᬣᬶᬄᬭᬢ᭄ᬣᬦᬾᬗᬶᬭᬶᬂᬢᬦ᭄ᬓᭀ
ᬘᬧ᭄ᬤᬶᬫᬃᬕᬲᬓ᭄ᬱᬡᬤᬶᬩᬜ᭄ᬘᬶᬗᬄᬢ᭄ᬤᬸᬦ᭄ᬫᬗ᭄ᬭᬭᬶᬲ᭄ᬫᭂᬧᭂᬲ᭄ᬫᬶᬤᬃᬢ᭄ᬣᬵᬓᬢᬸᬃᬧ᭄ᬭᬶᬓᬦ᭄ᬤᬵᬲᬫᬶ᭟ᬤᬲᬗ᭄ᬓᬮᬶᬄᬫ᭄ᬦᭂᬂᬢ᭄ᬯᬭᬗ᭄ᬮᬄᬓᬦ᭄ᬤᬵᬓᬮᬗᬦ᭄ᬧᬋᬓᬜ᭄ᬘ᭄ᬭᬶᬓ᭄‌ᬫ᭄ᬧᭂᬲ᭄ᬫᬗᬢᬸᬭᬂᬳᬸᬢᬸᬲᬦ᭄ᬫᬭᬢ᭄ᬓᬳᬦᬓᬕᬸᬂᬳᬕᬸᬂᬲᬫᬶᬲᬓᬶᬂᬓᭀᬭᬶᬧᬦ᭄‌ᬩᬸᬢ᭄ᬤᬸᬦ᭄ᬭᬶ
ᬧᬫᬶᬗ᭄ᬕᬶᬃ᭟ᬢᬸᬤᬾᬅ᭄ᬳᭀᬓᬢᬸᬤᬾᬅ᭄ᬭᬳᬶᬮᬶᬦ᭄ᬢᬂᬓᬕ᭄ᬬᬢ᭄‌ᬭᬚᬾᬂᬫᬤᬸᬭᬕ᭄ᬮᬶᬲ᭄‌ᬦ᭄ᬤᬯᬸᬳᬂᬫᬦ᭄ᬦᬢᬲ᭄‌ᬕ᭄ᬮᬶᬲ᭄ᬭᬭᬶ᭠ᬲ᭄ᬓᬳᭀᬤᬮ᭄‌ᬭᬶᬂᬚᬩᬢ᭄ᬗᬄᬫᬮᬶᬗ᭄ᬕᬶᬄᬧᬦ᭄ᬲᬸᬩᬲᬜ᭄ᬚᬫᬾᬄᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭟ᬧᬢᬶᬄᬭᬢ᭄ᬣᬫᬧᬫᬶᬢ᭄ᬧᬘᬂ᭠