[᭑᭑ 11B]
᭑᭑
ᬭᬫᬂᬧᬸᬗᬸᬦ᭄ᬧᬸᬗᬸᬦ᭄ᬫᬳᬓ᭄ᬱᬶᬩᬸᬓᬤᬶᬧᬗᬶᬧ᭄ᬬᬦ᭄ᬫᬶᬋᬗᬂᬫᬸᬜᬶᬲᬯᬢ᭄ᬗᬮ᭄ᬬᬩ᭄ᬗᬦ᭄ᬤᬓᬳᬭᬶᬲ᭄ᬲᬸᬳᬸᬤ᭄ᬜᬸᬦ᭄ᬤᬂᬬᬧᬰ᭠ᬓᬶᬲᭂᬮ᭄ᬕᭂᬮᬶᬜᬲ᭄᭟ᬮᬸᬢ᭄ᬫᬕᭂᬩ᭄ᬬᬕ᭄ᬫᬗᬓ᭄ᬱᬶᬳᬶᬢᬤ᭄ᬯᬕᬸᬂᬧᬸᬢ᭄ᬭᬓᭀᬭᬢᬸᬫᬦᬕ᭄ᬮᬗᬶᬦ᭄ᬮᬶᬫᬗ᭄ᬮᬸᬢ᭄ᬩᬜ᭄ᬘᬂᬫᬫᬸᬜᬶᬲᬤᬲᬯᬵᬢ᭄ᬩᬄᬫᬳᬶ
ᬓᬾᬤᭂᬲᭂᬓᬶᬦ᭄᭞ᬳᬧᬂᬢᭂᬕ᭄ᬢᭂᬓ᭄ᬦᭂᬗᬾᬳᬕᬶᬕᬶᬲ᭄᭟ᬓᬮᬶᬓᬾᬦ᭄ᬓᬾᬦ᭄ᬢ᭄ᬓᬜᬾᬦ᭄ᬳᭀᬮᬲ᭄ᬦᬸᬤ᭄ᬢᬸᬤᬂᬳᬶᬤ᭄ᬯᬕᬸᬂᬧᬸᬢ᭄ᬭᬗᬓ᭄ᬱᬧᬭᬶ᭠ᬗᭂᬢᬾᬫᭂᬫ᭄ᬩᬄᬗᬭᬶᬢᬶᬲ᭄ᬤᬶᬮᬮᬢ᭄ᬣᬗᬫ᭄ᬩᬶᬮ᭄ᬢᬗ᭄ᬕᬸᬦ᭄ᬓᬫ᭄ᬧᬸᬄᬕ᭄ᬮᬶᬲ᭄ᬦᬸᬮ᭄ᬢᬸᬮ᭄ᬗᬤᬾᬗᬂᬲᬭᬭᬲ᭄ᬳᬫᬦ᭄ᬢᭂᬲᬶ᭟ᬳᬲᬓ᭄ᬱᬦᬲᬕᬾᬢ᭄ᬭᬵᬳᬸᬄᬫᬕᬺ
ᬤᭂᬕᬦ᭄ᬦᬓᬕᬸᬂᬲᬫᬶᬳᬶᬤᬾᬯᬕᬸᬂᬢᬶᬕᬕᬗ᭄ᬲᬃᬲᬮᬶᬂᬧᬮᬶᬯᬢ᭄ᬫᬭᬭᬸᬄᬤᬶᬩᬵᬢᬯᬶᬓᬢᬸᬃᬳᬚᬶᬦ᭄ᬤᬭᬶᬂᬚᬩᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬳᬶᬲᬸᬫᬦ᭄ᬢ᭄ᬭᬶᬳᬶᬫᬃᬬᬸᬦ᭄ᬕ᭄ᬮᬶᬲ᭄ᬗᬢᬸᬭᬂᬓᬫ᭄ᬧᬸᬄᬫᬧ᭄ᬓᭂᬓ᭄ᬕ᭄ᬮᬶᬲ᭄ᬳᬶᬤᬾᬯᬕᬸᬂᬧᬸᬢ᭄ᬭᬕ᭄ᬮᬶᬲ᭄ᬗᬫ᭄ᬧᬸᬭᬭᬶᬲ᭄ᬢᭂᬤᬸᬦᬦ᭄ᬤᬶᬦᬢᬳᬾᬲᬋᬂᬲᬫᬶ᭠
ᬭᬳᬸᬄᬳᬚᬶᬦ᭄ᬟᬵᬕᭀᬗ᭄ᬰᭀᬃᬫᬸᬗ᭄ᬕᬳᬦ᭄ᬕᭂᬮᬶᬲ᭄᭟ᬫᬃᬫᬫᬃᬫᬲᬃᬯ᭄ᬯᬶᬗᭂᬫ᭄ᬩᭂᬂᬢᭀᬬᬦ᭄ᬤ᭄ᬭᬶᬬᬗᬦ᭄ᬤᬶᬓᬳᬭᬸᬫ᭄ᬳᬫᬦᬶᬲ᭄ᬕᬶᬦᬦ᭄ᬢᬶᬳᬶᬗᬸᬲ᭠ᬧ᭄ᬗᬯᬗᬯᬗᬶᬳᬸᬮᬢ᭄ᬫ᭄ᬘᬸᬓ᭄ᬱᬶᬭᬢ᭄ᬫᬬᬧᬗᬶᬤ᭄ᬗᬶᬗᭂᬃᬦᬓᭂᬳᬂᬓᬓ᭄ᬢᭂᬕ᭄ᬢᬗᬦᬾᬓᬮᬶᬄ᭟ᬢᬸᬭᬶᬫᬮᬶᬄᬓᬢᬢᬩ᭄ᬢᬢᬩ᭄ᬭᬶᬂᬯᬶᬚᬂᬲᬃᬯ᭄ᬯᬶ
[᭑᭒ 12A]
ᬗᬦ᭄ᬤᬶᬓᬳᬭᬶᬲ᭄ᬦᬶᬫ᭄ᬩᬗᬂᬦᬶᬦᬗᬂᬭᬶᬂᬳᬶᬩᬮ᭄ᬬᬦ᭄ᬱᬵᬫ᭄ᬫᬤᬦ᭄ᬢᬸᬯᬦ᭄ᬤᬧᬶᬦ᭄ᬭᬸᬤᬶᬦ᭄ᬫᬸᬮᬫᬯᬾᬤᬂᬗᬮᬳᬂᬮᬾᬬᬓ᭄ᬱᬓ᭄ᬢᬶ᭟ᬓᬾᬦ᭄ᬓᬾᬦ᭄ᬳᬶᬩᬗ᭄ᬦᭂᬳᬂᬬᬾᬦ᭄ᬢᬸᬭᬄᬲ᭄ᬮᬫ᭄ᬓᬓ᭄ᬢᭂᬕ᭄ᬗᬬᬸᬦᬾᬗᬶᬮᬶᬲ᭄ᬳᬶᬲ᭄ᬮᬫ᭄ᬗᬸᬦᬶᬗᬬᬂᬩ᭄ᬘᬶᬓ᭄ᬭᬢᬸᬧᬓᬾᬦᬓ᭄ᬓᬾᬯᬦ᭄ᬢᭂᬦ᭄ᬓᬲ᭄ᬮᬶᬧ᭄ᬓᬶᬤᬶᬓ᭄ᬫᬮᬶ
ᬳᬚᬳᬦ᭄ᬫᬯᬮᬶᬭᬢᬸᬩ᭄ᬘᬶᬓ᭄᭟ᬦᬄᬤᬸᬫᬤᬓ᭄ᬳᬧᬂᬳᬶᬬᬲᬬᬦ᭄ᬲᬬᬦ᭄ᬢᭂᬕ᭄ᬢᭂᬕ᭄ᬫ᭄ᬓᬤᬶᬗ᭄ᬮᬶᬮᬶᬃᬰᭂᬕᭂᬃᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬚᬦᬶᬓᬾᬦ᭄ᬓᬾᬦ᭄ᬧᭂᬗ᭄ᬕᬗᬦ᭄ᬢᭂᬕ᭄ᬢᭂᬕᬂᬢᬾᬧᬮᬶᬬᬢᬶᬦ᭄ᬳᬧᬳᬮ᭄ᬬᬂᬕᬳᬾᬦᬂᬯ᭄ᬯᬢᬕᬶᬳᬶᬦ᭄᭟ᬭᬚᬧᬸᬢ᭄ᬭᬲᬳᬸᬃᬫᬦᬸᬓ᭄ᬱᬮᬶᬂᬢᬶᬫ᭄ᬩᬮ᭄
ᬤᬕᬶᬂᬦᬓᬾᬦᬂᬲᬫᬶᬯᬶᬢᬶᬂᬧᬦᬸᬗ᭄ᬓᬦ᭄ᬓᭀᬭᬢᬸᬫᬢᬸᬃᬩᬦ᭄ᬩᬦ᭄ᬗᬢᬸᬭᬂᬭᬶᬂᬳᬸᬮᬸᬦ᭄ᬳᬢᬶᬧᬦᬓᬶᬢᬶᬢ᭄ᬬᬂᬕ᭄ᬮᬶᬲᬦ᭄ᬕᬾᬯᬃᬲᬫᬶ᭟ᬓᬮᬶᬳᬶᬧᬸᬦ᭄ᬧᬋᬓᬦ᭄ᬘᭀᬓᭀᬃᬳᬶᬤᬾᬯᬳᬶᬘ᭄ᬧᬸᬕ᭄ᬮᬶᬦ᭄ᬢᬂᬕᬜ᭄ᬚᬶᬄᬗ᭄ᬢᭀᬦ᭄ᬲᬓᬶᬢ᭄ᬲᬸᬗ᭄ᬓᬦ᭄ᬳᬶᬧᬸᬦ᭄ᬭᬭᬶᬲ᭄ᬭᬸᬬᬸᬳᬂᬋᬋᬳᬂ
ᬩᬮ᭄ᬬᬦ᭄ᬧᬢᭂᬧᭂᬢᬶᬦ᭄ᬭᬫᬾᬫᬢᬶᬫ᭄ᬩᬵᬮ᭄ᬗ᭄ᬭᬳᭀᬲᬮᬶᬂᬢᬶᬫ᭄ᬩᬵᬮᬶᬦ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬘᬾᬱ᭄ᬢᬫᬢᭀᬮᬶᬳᬦ᭄ᬳᬶᬲᬸᬫᬦ᭄ᬢ᭄ᬭᬶᬓᬳᬓ᭄ᬱᬶᬕ᭄ᬮᬶᬲ᭄ᬳᬶᬧᬸᬦ᭄ᬜ᭄ᬚᬕ᭄ᬚᬕ᭄ᬳᬶᬤ᭄ᬯᬕᬸᬂᬫᬦ᭄ᬤᬳᬸᬳᬂᬲ᭄ᬧᬸᬭᬾᬧᭂᬲᬸᬯᬂᬚᬦᬶᬧᬘᬂᬧ᭄ᬮᬶᬗ᭄ᬕᬶᬳᬦ᭄ᬳᬶᬩᬮᬳᬸᬢ᭄ᬜᬸᬧᬶᬭᬶᬦ᭄᭟ᬫ᭄ᬧᭂ
Kaca:Bali-lontar-gaguritan-cokoratu-03-250ppi.pdf/12
Kaca puniki sampun kauji-wacén
