Kaca:Bali-lontar-gaguritan-cokoratu-03-250ppi.pdf/11

Saking Wikisource
Kaca puniki sampun kauji-wacén

[᭑᭐ 10B]
᭑᭐
ᬫᬦ᭄ᬢ᭄ᬭ᭄ᬬᬦ᭄᭟ᬲᬬᬦ᭄ᬳᬲ᭄ᬭᬸᬳ᭄ᬮᬶᬗᬾᬦᬕᬶᬄᬢᬸᬮᬸᬗᬶᬦ᭄‌ᬫ᭄ᬭᬶᬓᬾᬳᬾᬗ᭄ᬕᬮᬂᬓᭀᬭᬢᬸᬫᬗ᭄ᬓᬶᬦ᭄ᬢᬸᬮᬸᬗᬶᬦ᭄‌ᬲᬫ᭄ᬧᬸᬦ᭄ᬱᬾᬤᬤᬸᬃᬫ᭄ᬫ᭠ᬗ᭄ᬕᬮᬵ᭟᭜᭟ᬤᬤᬶᬕ᭄ᬮᬸᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬋᬗᬂᬫᬃᬫ᭄ᬫᬕᬕ᭄ᬢᬸᬦ᭄‌ᬕ᭄ᬮᬶᬲ᭄‌ᬓᭀᬤᬮ᭄ᬕᭂᬕᬗ᭄ᬲᬭᬦ᭄‌ᬮᬮᬶᬓᬭᭀᬮᬜ᭄ᬘᬶᬗᬦ᭄‌ᬧᬋ
ᬓᬦ᭄ᬭᭀᬩᬦᬾᬗᬶᬭᬶᬂᬳᬤᬗᬾᬗ᭄ᬕᬮᬂᬘ᭄ᬧᭂᬢ᭄‌ᬫ᭄ᬮᬳᬶᬩ᭄ᬓᬭᬗ᭄ᬓᬶ᭟ᬗᬸᬦᬶᬗᬬᬂᬲᬸᬩᬳᬶᬧᬸᬦ᭄ᬫᬫᬶᬤᬃᬢ᭄ᬣᬳᬦᬓᬕᬸᬂᬳᬕᬸᬂᬲᬫᬶᬕᬾᬯᬃᬚᬕᬓᭀᬤᬮ᭄‌ᬳᬶᬕᬭᬾᬂᬲᬸᬩ᭄ᬘᬢ᭄ᬓᬲ᭄ᬫᬭᬩᬯᬫᬗ᭄ᬭᬜ᭄ᬚᬶᬂᬫᬫᬸᬜᬶᬳᬗ᭄ᬲᬮ᭄‌ᬫ᭄ᬭᬶᬓᬶᬕ᭄ᬮᬶᬲ᭄‌ᬕ᭄ᬮᬶᬲ᭄᭟ᬘᭀᬓᭀᬭᬢᬸᬲᬫ᭄ᬧᬸᬦ᭄ᬱᬾᬥ
ᬚᬓᬤᬤ᭄ᬯᬤᬭᬶᬓᬮ᭄ᬬᬸᬕᬢᬶᬗ᭄ᬮᬶᬂᬚᬓ᭄ᬫᬓ᭄ᬚᬂᬳᬶᬤ᭄ᬯᬕᬸᬂᬕ᭄ᬟᬾᬓᬕ᭄ᬬᬢ᭄‌ᬫ᭄ᬚᬗᬶᬭᬭᬶᬲ᭄ᬫᬫᬃᬕᬶᬳᬶᬕᬭᬶᬢ᭄‌ᬓᬩᬮᬾᬓᬤᬮ᭄‌ᬗ᭄ᬭᬜ᭄ᬚᬶᬂᬘᭂᬓᭀᬄᬘᭂᬓᭀᬄᬗ᭄ᬮᬶᬂᬳᬶᬩᬸᬫ᭄ᬩᬂᬫᬜᬫ᭄ᬧ᭄ᬭᬓ᭄‌ᬳᬧᬓ᭄ᬭᬦᬦᬾᬗ᭄ᬮᬶᬂᬳᬶᬕᬭᬶᬢ᭄ᬫᬦᬶᬫ᭄ᬩᬮ᭄‌ᬓᭀᬭᬢᬸᬦᬶᬓᬲᬾᬤ᭄ᬟᬳᬶᬩᬸᬫ᭄ᬩᬂᬕ᭄ᬮᬸᬢᬦ᭄ᬲᬶ
ᬧᬶᬮᬸᬢ᭄ᬫᬦᬢᬲᬂᬳᬶᬧᬸᬦ᭄ᬢᬭ᭄ᬯᬦ᭄ᬫᬸᬜᬶ᭟ᬜᬸᬫᬶᬗ᭄ᬓᬶᬦᬂᬫᬗ᭄ᬮᬶᬂᬮᬸᬢ᭄ᬳᬭᬩ᭄ᬳᬭᬩ᭄‌ᬲᬲᬫ᭄ᬩᬢᬦᬮᬶᬤᬶᬤᬶᬚᬳᬮᬶᬄᬢ᭄ᬬᬂᬓᭀ᭠ᬭᬢᬸᬓᬮ᭄ᬚᬓ᭄ᬚᬦ᭄ᬫᬦᬾᬢᬢ᭄ᬮᬸᬚᭂᬚᭂᬄᬗᬶᬚᬶᬓ᭄‌ᬫᬸᬤᬳᬶᬤ᭄ᬧᬵᬦ᭄‌ᬧ᭄ᬲᬸᬲᬮᬾᬂᬮᬗ᭄ᬓᬸᬗᬶᬦ᭄᭟ᬳᬶᬤᬾᬯᬕᬸᬂᬳᬚᬶᬓᬕ᭄ᬬᬢ᭄‌ᬩᬸᬫᬜᬶ
[᭑᭑ 11A]
ᬗᬓ᭄‌ᬤᬤᬶᬗᬦ᭄ᬤᬶᬓᬕ᭄ᬮᬶᬲ᭄‌ᬢ᭄ᬭᬸᬧ᭄ᬚᬦᬶᬓᬾᬦ᭄ᬓᬾᬦᬂᬳᬶᬢ᭄ᬭᬸᬧ᭄‌ᬫᬶᬤᬃᬢᬬᬂᬩᬸᬓᬳᬢᬸᬭᬾᬳᬶᬕᬭᬶᬢ᭄‌ᬳᬶᬤ᭄ᬯᬕᬸᬂᬦᬶᬫ᭄ᬩᬵᬮ᭄‌ᬓ᭄ᬫᬳᬾᬗ᭄ᬕᬮᬂ᭠ᬚᬕ᭄ᬚᬕᬶᬦ᭄᭟ᬢᬦ᭄ᬘᬭᬶᬢᬧᬜᬕ᭄ᬚᬕᬾᬲᬋᬂᬲᬫ᭄ᬬᬦ᭄‌ᬓᭀᬭᬢᬸᬦᬸᬫᬮᬶᬗ᭄ᬕᬶᬄᬤᬶᬳᬫ᭄ᬩᬾᬦ᭄ᬫᬲᬸᬦ᭄ᬤᬂᬮ᭄ᬫᭂᬢ᭄ᬫᬥᬧᬮᬬ᭄ᬯᬦ᭄‌ᬯ᭄ᬦᭂᬲᬶᬯᬃᬡ᭄ᬦᬗ᭄ᬭᬶᬫ᭠
ᬗᬶᬩᬮᬸᬩᬮᬸᬢ᭄ᬦᬶᬂᬦᬾᬢᬺᬫᬗᬸᬦ᭄ᬧ᭄ᬭᬧᬜ᭄ᬘᬾᬂᬗᬢᬶ᭟ᬳᬢᬸᬗᬸᬭᬄᬫᬗᬸᬫᬮᬶᬗ᭄ᬕᬶᬄᬭᬶᬤᬕᬦ᭄‌ᬳᬶᬘᬧᬫᬗᭂᬧᭂᬢᬶᬦ᭄‌ᬤᬶᬦᬢᬳᬾᬳᬢᬧ᭄‌ᬢᬶᬢᬶᬩ᭄‌ᬢ᭄ᬓᭂᬤ᭄ᬓᬚᬩᬧᬶᬦ᭄ᬤᬗ᭄ᬫᬸᬧ᭄ᬭᬶᬳᬢᬶᬲᬫᬸᬦ᭄ᬢᬦ᭄ᬕᭀᬩᬵᬓᬭᬗᬶᬂᬫᬬᬰ᭄ᬭᬶᬗ᭄ᬕᬶ᭟ᬳᬲᬓ᭄ᬱᬡ᭄ᬦᬵᬭᬳᬸᬳᬶᬤᬾᬯᬕᬸᬂᬧᬸᬢ᭄ᬭᬕᬵᬕᬂ
ᬲᬭᬦ᭄ᬫᬫᬃᬕ᭄ᬕᬶᬫᬦᬸᬗ᭄ᬕᬂᬲᬧᬾᬥᬵᬢ᭄ᬥᬸᬦ᭄ᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄‌ᬭᬳᬸᬄᬭᬶᬂᬩᬢᬯᬶᬕ᭄ᬮᬶᬲ᭄‌ᬭᬭᬶᬲ᭄ᬫᬦ᭄ᬢᬸᬓᬦ᭄‌ᬫᬃᬰ᭄ᬬᬸᬄᬭᬲᬦᬶᬂᬗᬢᬶ᭟ᬩᬫ᭠ᬜᬶᬗᬓ᭄‌ᬓᭀᬭᬢᬸᬫᬥᬧᬮᬬ᭄ᬯᬵᬦ᭄‌ᬓ᭄ᬘᬸᬤ᭄ᬫᬋᬲ᭄ᬫᭂᬲ᭄ᬕᬤᬶᬂᬫ᭄ᬮᬶᬗ᭄ᬕᬶᬄᬗᬫᭂᬮ᭄ᬢᬗᬦ᭄‌ᬳᬯᬓᬾᬳᬶᬬᬂᬢ᭄ᬓᬵᬦᬄᬓᬾᬫᬮᬶᬬᬢ᭄ᬳᬓᬶᬓᬶᬢ᭄‌ᬤ
ᬗ᭄ᬮᭀᬂᬳᬸᬩᬬᬫᬸᬜᬶᬦᬚᬦᬶᬢᬶᬦ᭄ᬤᬶᬳᬶᬦ᭄᭟ᬤᭂᬓᬾᬳᭂᬗ᭄ᬲᬧ᭄ᬧᬰᭀᬩᬬᬦᬾᬳᬶᬗᭂᬢᬂᬳ᭄ᬬᬂᬢᬸᬲᬶᬂᬢᬳᬾᬦ᭄ᬩᬦᬶᬧᬕᭂᬄᬦᬶᬦ᭄ᬤᬶᬳᬂᬧᬶᬢᬸᬯᬶᬜᬩᬸᬮᬦᬦ᭄‌ᬳᬯᬓᬾᬗᬮᬳᬶᬦ᭄ᬫᬸᬮᬶᬄᬢ᭄ᬯᬭᬓᬶᬲᭂᬮᬦ᭄‌ᬜᭂᬍᬕ᭄ᬤᬶᬳᬸᬮᬸᬦᬢᬶ᭟ᬘᭀᬓᭀᬭᬢᬸᬫ᭄ᬢᬗᬶᬲᬤᬗ