Kaca:Bali-lontar-gaguritan-cokoratu-03-250ppi.pdf/10

Saking Wikisource
Kaca puniki sampun kauji-wacén

[᭙ 9B]

ᬧᬢᬶᬄᬭᬵᬢ᭄ᬣᬵᬗ᭄ᬮᬶᬂᬫᬕᬸᬬᬂ᭟ᬧᬤᬢ᭄ᬯᬭᬦᬯᬂᬓᬦ᭄ᬤᬦᬗᬩ᭄ᬱᬶᬓ᭄‌ᬲᭀᬓ᭄ᬫᬩᬳᬦ᭄ᬕᬦᬮ᭄‌ᬦᬕᬶᬄᬫᬢᬶᬧᬘᬂᬗᬶᬭᬶᬂᬧ᭄ᬭᬬᬜᬫᬫᬸᬓ᭄ᬓᬫᬸᬓᬦ᭄᭟ᬧᬭᬦ᭄ᬢᬾᬬᬦ᭄‌ᬘ᭄ᬧᭂᬢ᭄ᬧᬤᬫᬗᬫ᭄ᬩᬗᬶᬦ᭄‌ᬳᬤᬓᬩᬮᬓᬂᬗᭂᬗ᭄ᬓᭂᬩᬂᬓᬵᬤᬸᬢᬦ᭄‌ᬕ᭄ᬮᬶᬲ᭄‌ᬧᬢᬶᬄᬭᬢ᭄ᬣ
ᬓ᭄ᬭᭀᬤᬫᬓ᭄ᬭᬓ᭄᭟ᬫᬓᭀᬮᬾᬗᬦ᭄ᬭᬰᬫᬗᬸᬳᬸᬕᬂᬕᬸᬫᬶᬦᬾᬤᬤ᭄ᬯᬫᬍᬲᬢ᭄‌ᬳᬶᬕᬭᬾᬂᬢ᭄ᬓᬾᬦ᭄ᬳᬶᬕᬭᬶᬢᬶᬸᬢ᭄‌ᬫ᭄ᬮᬳᬶᬩ᭄ᬗ᭠ᬗ᭄ᬲᭂᬄᬓᬦ᭄ᬕᬭ᭟ᬭᬤᬾᬦ᭄ᬓᬮᬶᬄᬓᬕ᭄ᬬᬢ᭄‌ᬕ᭄ᬮᬶᬲ᭄ᬓᬩ᭄ᬢᬯᬶᬳᬲᬓ᭄ᬱᬳᬢ᭄ᬓᬓᬯ᭄ᬗᬦ᭄ᬢᬦ᭄ᬲᬶᬧᬶᬕ᭄ᬮᬶᬲ᭄ᬫᬸᬗ᭄ᬕᬳᬦ᭄ᬦᬫ᭄ᬧᭂᬓᬂ᭟ᬳᬫ᭄ᬮᬤ᭄ᬧ᭄ᬭᬦᬳᬢᬸ
ᬭᬾᬫᬗᬰᬶᬳᬰᬶᬄᬭᬢᬸᬕᬸᬲ᭄ᬢᬶᬢ᭄ᬬᬂᬲᬫ᭄ᬧᬸᬦᬂᬩᬲ᭄ᬩᬗᭂᬢ᭄ᬮᬮᬶᬓᬬᬸᬦᬾᬧᬶᬦᭂᬄᬧᬶᬧᭂᬳᬂ᭟ᬲᬗ᭄ᬓᬦ᭄ᬢᬓ᭄ᬓᬳᬸᬤᬦᬶᬳᬗ᭄ᬮᬶᬮᬶᬃᬳᬭᬶᬲ᭄‌ᬫᬢ᭄ᬭᬫᬢ᭄ᬭᬗ᭄ᬮᬶᬬᬩ᭄‌ᬳᬗᬓ᭄ᬱᬶᬭᬳᬤᬾᬦ᭄ᬓᬮᬶᬄᬓᭀᬭᬢᬸᬳᬤᬾᬗᬦ᭄ᬤᬶᬓ᭄ᬓᬵ᭟ᬤᬸᬳᬫ᭄ᬧᬸᬭᬢᬶᬢ᭄ᬬᬂᬮᬶᬦ᭄ᬢᬂᬳᬶᬦᬵᬩᬸᬤ᭄ᬟᬶᬮᬶᬦᬶᬧᬸ᭠
ᬓᬶᬮᬭᬓᬂᬧᭀᬮᬢᬦ᭄ᬳᬦᬓᬭᬶᬍᬩᬸᬃᬳᬮᬂᬢᬦ᭄ᬧᬲᬾᬱᬵ᭟ᬭᬤᬾᬦ᭄ᬓᬮᬶᬄᬫᬳᬢᬸᬃᬫᬸᬜᬶᬦᬾᬫᬦᬶᬲ᭄‌ᬭᬢᬸᬧᬮᬶ᭠ᬬᬂᬢᬢᬲ᭄ᬭᬢᬸᬓ᭄ᬦᬶᬲᬫᬶᬧᬦ᭄ᬲᬫ᭄ᬧᬸᬦ᭄ᬲᬢ᭄ᬫᬸᬗ᭄ᬕ᭄ᬯᬶᬂᬢᬗᬦ᭄᭟ᬳᬶᬘᬫ᭄ᬘ᭄ᬬᭀᬦ᭄ᬤᭂᬲᭂᬓᬂᬫᬢᬸᬃᬧᬓᬾᬮᬶᬂᬳᬶᬤᭀᬓ᭄ᬦᬩ᭄ᬢᬾᬦᬦ᭄‌ᬰᬶᬕ᭄ᬱᬶᬕᭂ
[᭑᭐ 10A]
ᬦ᭄ᬧᭂᬓᬾᬲ᭄ᬤᬶᬄᬧᬢᬶᬄᬭᬢ᭄ᬣᬲᬸᬩᬲᬯᬲ᭄᭟ᬓᬘᬭᬶᬢ᭄ᬢᬳᬶᬕᬭᬾᬂᬫᬶᬯᬄᬳᬕᬭᬶᬢ᭄‌ᬗ᭄ᬮᬶᬂᬳᬭᬩ᭄ᬳᬭᬩ᭄ᬤᬶᬫᬃᬕᬦᬾᬚᭂᬭᬢ᭄ᬚᭂᬭᬶᬢ᭄‌ᬤᬕᬂᬢ᭄ᬯᬓ᭄ᬧᬤᬓᭂᬲ᭄ᬬᬩ᭄᭟ᬳᬤᬳᭀᬮᬲ᭄ᬳᬦᬓᬾᬚᬸᬚᬸᬢ᭄ᬦᬓᭀᬦᬶᬦ᭄‌ᬘ᭄ᬦᬶᬂᬗᬸᬤᬜ᭄ᬩᬓ᭄ᬫᬳᬶᬩ᭄ᬮᬶᬬᬗᬧᭂᬢᬶᬲ᭄‌ᬦᬄᬓᬾᬲᬸᬳᬸᬤ᭄‌ᬗ᭄ᬮᬶᬂᬯ
ᬬᬦ᭄᭟ᬫᬭᬧ᭄ᬕᬢ᭄ᬳᬶᬕᬭᬾᬶᬩ᭄ᬘᬢ᭄ᬜᬳᬸᬢᬶᬦ᭄‌ᬕ᭄ᬯᬾᬃᬕ᭄ᬯᬾᬃᬗᬭᬩ᭄‌ᬫᬫᬸᬜᬶᬗᬸᬳᬸᬕᬂᬕᬸᬫᬶᬢ᭄ᬬᬂᬩ᭄ᬬᬦᬚᬜᭂᬦ᭄ᬮᬬᬄ᭟ᬩᬶᬦ᭄ᬳᬶᬕᬭᬶᬢ᭄‌ᬗ᭄ᬮᬶᬂᬲᬫ᭄ᬩᬶᬮᬂᬫᭂᬮᬳᬶᬩ᭄‌ᬦᭂᬄᬗᬂᬗᬗ᭄ᬲᭂᬕ᭄ᬳᭂᬗ᭄ᬲᬮ᭄‌ᬤᬸᬯᭂᬕ᭄‌ᬜ᭄ᬩᭂᬗᬂᬗᬚᭂᬗᬶᬢ᭄‌ᬳᬾᬕᭀᬄᬳᬾᬕᭀᬄᬜᭂᬲᬚᬦᬂ᭟ᬦᭂᬳᭂᬦ᭄ᬩᬲᬂᬮᬳᬸᬢ᭄ᬗᬸᬢᬄᬲ
ᬫ᭄ᬩᬶᬮ᭄‌ᬗ᭄ᬮᬶᬂᬮᬶᬫᬸᬄᬧ᭄ᬢᭂᬂᬧ᭄ᬢᭂᬗᬦ᭄ᬧᭂᬱᬸᬢᬶᬳᬶᬧ᭄ᬮᬸᬄᬧᬶᬤᬶᬢ᭄‌ᬩᬄᬤᬶᬫᬃᬕᬦᬾᬜᭂᬫ᭄ᬧᬂ᭟ᬤᬤᬶᬜ᭄ᬭᬶᬢ᭄ᬳᬶᬕᬭᬾᬂᬗ᭄ᬦᭀᬢ᭄ᬳᬶᬕᬭᬶᬢ᭄ᬢᬸᬮᬸᬂᬢᬸᬮᬸᬂ᭠ᬢ᭄ᬬᬂᬜᬳᬾᬜᬳᬾᬜᬳᬾᬗ᭄ᬮᬶᬂᬢᬸᬚᬸᬳᬦᬓ᭄ᬳᬤᬫᭂᬦ᭄ᬢᬲ᭄᭟ᬮᬸᬢ᭄ᬫᬮᬳᬶᬩ᭄‌ᬫᬾᬫᬾᬦ᭄ᬮᭂᬗ᭄ᬓᬾᬗᬾᬦᬸᬮᬸᬗᬶᬦ᭄‌ᬢᬸᬃᬬᬩ᭄ᬮᬶᬗᬫ᭄ᬧᬕ᭄‌ᬚᭂ
ᬗ᭄ᬓᬸᬚᭂᬗ᭄ᬓᬸᬢᬗ᭄ᬕᬂᬢᬸᬗ᭄ᬕᬶᬂᬦᬸᬮᬸᬂᬳᬶᬕᬭᬶᬢ᭄ᬗᬮ᭄ᬬᬩ᭄᭟ᬢᬜ᭄ᬘᬭᬶᬢᬳᬶᬕᬭᬶᬢ᭄ᬬᬫᬗᬮᬶᬮᬶᬃᬫᬢ᭄ᬭᬬᬢᭂᬕ᭄ᬢᭂᬕᬦ᭄‌ᬩ᭄ᬯᬶᬦᬶᬗ᭄ᬓ᭄ᬭᬶᬓ᭄ᬩᬗᬸᬦ᭄ᬫᬮᬳᬶᬩ᭄‌ᬲᬋᬂᬓᬮᬶᬄᬓᬦᭂᬕᬭ᭟ᬢᬦ᭄ᬘᬭᬶᬢ᭄ᬣᬭᬶᬂᬫᬃᬕᬶᬫᬗ᭄ᬓᬶᬦ᭄ᬧᬭᬧ᭄ᬢᬶᬦᬧᬓ᭄ᬭᬶᬂᬦ᭄ᬕᬭᬩ᭄ᬯᬶᬦ᭄ᬗᬯᬯᬦᬶᬦ᭄‌ᬗ᭄ᬮᬶᬂᬩᬩᬃᬗ᭄ᬭᬜ᭄ᬚᬶᬂᬓᬓᭂ