[᭘ 8 B]
᭘
ᬦᬓᬕᬸᬂ᭞ᬳ᭄ᬥᭂᬫᬦᬗᬶᬲ᭄ᬤᬾᬯ᭄ᬯ᭞ᬚᬮᬦ᭄ᬫᬸᬮᬶᬄᬳᬶᬤᬵᬗ᭄ᬮᬄᬧᬜ᭄ᬚᬓ᭄ᬮᬶᬬᬸ᭞ᬢ᭄ᬬᬂᬚᬶᬤᬵᬫᬗᭀᬤᬕᬂ᭞ᬲᬂᬧ᭄ᬭᬪᬸᬫᬦᬶᬲ᭄ᬦ᭄ᬤᬸᬮᬸᬭᬶᬦ᭄᭟ᬕᬸᬫᬶᬦᬾᬤᬶᬲᬺᬗ᭄ᬕᬧᬸᬭᬵ᭞ᬳᬶᬤᬵᬜ᭄ᬚᬸᬯᬂᬩᬋᬂᬩᬋᬂᬧᬸᬯᭀᬦᬶᬦ᭄᭞ᬓᬧᭀᬳᬶᬤᬍᬩᬶᬄᬮᬘᬸᬃ᭞ᬫᬗ᭄ᬮᬄᬩᬧᬵᬦᬶᬲ᭄ᬝᭂ᭞ᬳᬶ᭠
ᬦᬵᬫᬦᬄᬫᬶᬮᬸᬗᬫᬶᬮᬸᬗᬤᭂᬕ᭄ᬭᬢᬸ᭞ᬘᭀᬓ᭄ᬗᬦ᭄ᬤᭂᬮ᭄ᬧᬳᬶᬘᬾᬦ᭄ᬤᬾᬯ᭄ᬯᬵ᭞ᬲᬶᬤᬵᬩᬸᬓᬓᬮᬶᬚᬦᬶ᭟ᬳᬓᬾᬢᭀᬩᬳᬦ᭄ᬗᬸᬘᬧᬂ᭞ᬳᬬᬢ᭄ᬩᬸᬤᬮ᭄᭞ᬲᬫᬶᬧᬤᬵᬫᬩᬓ᭄ᬝᬶ᭞ᬫᬧᬫᬶᬢ᭄ᬫᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬢᬦ᭄ᬓᭀᬘᬧᬵᬤᬶᬚᬮᬦ᭄᭞ᬓᬂᬯᭀᬂᬤᬾᬱᬧᬤᬵᬢ᭄ᬓᬳᬢᬸᬃᬳ
ᬢᬸᬃᬍᬕᬦ᭄ᬳᬶᬧᬸᬦᬾᬓᬮᬶᬯᬢ᭄᭞ᬮ᭄ᬯᬶᬃᬲᬶᬦ᭄ᬯᬫ᭄ᬓᬢᬶᬩᬦ᭄ᬭᬶᬭᬶᬲ᭄᭟ᬲᬶ᭟ᬲᬭᬯᬸᬳᬾᬤᬶᬦ᭄ᬕᬭᬵ᭞ᬧᬶᬦᬧᬕᬶᬂᬧᬮᬶᬧᬮᬶ᭞ᬕ᭄ᬦᭂᬧ᭄ᬲᬳᬸᬧᬵᬘᬭ᭞ᬕᭀᬂᬕᭂᬦ᭄ᬤᬶᬃᬫᬦ᭄ᬬᬳᬗ᭄ᬕᬦᬶ᭞ᬲᬓ᭄ᬯᬾᬳᬶᬂᬧᬭᬵᬫᬦ᭄ᬢ᭄ᬭᬶ᭞ᬧ᭄ᬭᬧ᭄ᬝᬵᬗ᭄ᬕᬯ᭄ᬯᬵᬳᬢᬸᬃᬳᬢᬸᬃ᭞ᬳ᭄ᬬᬦ᭄ᬓᬃᬯᭀᬂᬧᬤᬾᬤᬾᬲᬦ᭄᭞ᬧᬵ
ᬤᬤᬸᬮᬸᬃᬤᬸᬮᬸᬃᬧ᭄ᬭᬧ᭄ᬝᬶ᭞ᬢᬦ᭄ᬓᭀᬘᬧᬵ᭞ᬲᬗ᭄ᬕᬭᬲᬸᬓᬦ᭄ᬲᬸᬓᬦ᭄᭟ᬲᬂᬓᬮᬶᬄᬚᬦᬶᬳᬸᬘᬧᬂ᭞ᬫᬦᬗᬶᬲ᭄ᬫᬗᬲᬶᬄᬳᬲᬶᬄ᭞ᬢᬶᬩᭂᬤᬶᬕᬶᬮᬶᬢ᭄ᬭᬯᬗᬦ᭄᭞ᬫᬦᬕᬶᬄᬳᬢᭂᬳᬂᬫᬸᬮᬶᬄ᭞ᬫᬲᬗ᭄ᬕᬸᬧ᭄ᬫᬗᬸᬧᬳᬶᬦ᭄᭞ᬳ᭄ᬫᬲ᭄ᬧᬶᬧᬶᬲ᭄ᬳᬧᬂᬮ᭄ᬬᬸ᭞ᬳᬶᬕᬶᬬᬸᬃᬫᬦᬓᭀᬦᬂ᭞ᬓ᭄ᬚᭂᬮᬓᬸᬧᬘᬂ
[᭙ 9 A]
ᬧᬸᬮᬶᬄ᭞ᬓᬕᬕ᭄ᬮᬂ᭞ᬢ᭄ᬬᬂᬗᬮᬶᬄᬳᬢᬸᬅ᭄ᬳᬦᬂ᭟ᬳᬶᬕ᭄ᬬᬸᬃᬤᬤᬶᬫᬓᭂᬲ᭄ᬬᬩ᭄ᬫᬗ᭄ᬮᬸᬢ᭄ᬲᬫ᭄ᬩᬶᬮᬫᬗ᭄ᬮᬶᬂ᭞ᬓᬧᬶᬳᬶᬤᬵᬫᬶᬲᬦ᭄ᬢ᭄ᬬᬂᬓᬢᬸᬤᬸᬄᬩᬋᬂᬦᬾᬤᬶᬦᬶ᭞ᬓ᭄ᬚᭂᬳᬫ᭄ᬩᬳᬶᬦ᭄ᬫᬸᬮᬶᬄ᭞ᬧᬰᬶᬄᬮᬶᬗ᭄ᬕᬄᬩ᭄ᬯᬶᬦ᭄ᬲᬸᬳᬸᬂ᭞ᬤᬶᬲᬶᬲᬶᬳᬮᬲ᭄ᬯᬬᬄ᭞ᬤ᭄ᬧᬶᬦ᭄ᬱᬸᬩᭂᬫᬢᬶᬤᬶᬦᬶ᭞ᬲᬕᬾᬢ᭄ᬓᬭᬳᬤᬾᬦ᭄ᬱᬸᬃᬬ᭄ᬬᬤᬶᬦᬢ᭄ᬣᬵ᭟
ᬫᬜ᭄ᬚᬕ᭄ᬚᬮᬸᬶᬕ᭄ᬮᬯᬸᬢ᭄ᬫᬳᭂᬓᬂ᭞ᬲᬗ᭄ᬓᬮᬶᬄᬚᭂᬚᭂᬄᬢᬦ᭄ᬱᬶᬧᬶ᭞ᬳᬶᬗᭂᬢ᭄ᬓᬾᬦᬾᬳᬶᬧᬶᬤᬦ᭄᭞ᬓᬲᬩᬶᬢ᭄ᬫᬧᬸᬦ᭄ᬢᬂᬧᬦ᭄ᬢᬶᬂ᭞ᬫᬶᬩᭂᬃᬫᬭᬱᬫᬢᬶ᭞᭠ᬤᬶᬤᬶᬦᬗᬶᬲ᭄ᬱᬮᬶᬂᬕ᭄ᬮᬸᬢ᭄᭞ᬭᬤᬾᬦ᭄ᬱᬸᬃᬬ᭄ᬬᬤᬶᬦᬢ᭄ᬣ᭞ᬳ᭄ᬜᬕ᭄ᬓ᭄ᬦᭂᬄᬳᬾᬦᬶᬗᬮᬶᬦ᭄᭞ᬮᬯᬸᬢ᭄ᬫᬢᬸᬃᬬᬾᬄᬫᬢᬦᬾᬧᬢᬫ᭄ᬩ᭄ᬯᬲ᭄᭟ᬤᬸᬄᬭᬢᬸᬩᬝᬭᬦ᭄ᬢᬶᬢ᭄ᬬᬂ
᭞ᬲᬫ᭄ᬧᬸᬦ᭄ᬭᬢᬸᬓᬤᬶᬳᬚ᭄ᬭᬶᬄ᭞ᬢᬶᬢ᭄ᬬᬂᬳᬶᬲᬸᬃᬬ᭄ᬬᬤᬶᬦᬢ᭄ᬣ᭞ᬮᬶᬦ᭄ᬢᬂᬲᬸᬩᬓ᭄ᬢᬶᬫᬕᬸᬲ᭄ᬢᬶ᭞ᬳᬯᬶᬦᬦ᭄ᬫᬗᬮᬗᬶᬦ᭄᭞ᬳᬶᬭᬓ᭄ᬱᬲᬩᬗ᭄ᬕᬮᬸᬘᬸ᭞ᬳᬶᬧᬸᬦ᭄ᬜᬩᬶᬢ᭄ᬗᭂᬩᬸᬭᬂ᭞ᬘᭀᬓᭀᬃᬭᬢᬸᬲᬋᬂᬲᬫᬶ᭞ᬢᬶᬢ᭄ᬬᬂᬗᬺᬩᬸᬢ᭄ᬫᬳᬯᬶᬦᬦ᭄ᬳᬦ᭄ᬢᬸᬓ᭄ᬬᬸᬤᬵ᭟ᬗ᭄ᬕᬶᬄᬬᬦ᭄ᬩᬧᬵᬲᬚᬢᬺᬲ᭄ᬡ᭞ᬳᬢᭂᬳᬂᬚᭂᬢ᭄ᬬᬂᬫᬸᬮᬶᬄ᭞ᬭᬳᬤᬾᬦ᭄ᬱᬸᬃᬬ᭄ᬬ
ᬤᬶᬦᬢ᭄ᬣ᭞ᬫᬳᬢᬸᬃᬫᬸᬜᬶᬦᬾᬫᬦᬶᬲ᭄᭞ᬳᬶᬗ᭄ᬕᬶᬄᬭᬢᬸᬦᬾᬫᬗ᭄ᬓᬶᬦ᭄᭞ᬦᬸᬦᬲ᭄ᬓᬦ᭄ᬕᬭᬵᬤᬸᬫᬸᬦ᭄᭞ᬩᬾᬦ᭄ᬚᬗᬦ᭄ᬚᭂᬭᬯᭀᬲᬂ᭞ᬳᬶᬳᬫ᭄ᬩᬃᬘ᭄ᬬᭀᬫᬜᬸᬗ᭄ᬕᬶ᭞ᬳᬲᬓ᭄ᬱᬡᬘᬕᬾᬢ᭄ᬕᭂᬤ᭄ᬤᬶᬩᬜ᭄ᬘᬶᬗᬄ᭟ᬫᬗ᭄ᬭᬭᬶᬲ᭄ᬓᬚ᭄ᬭᭀᬧᬸᬭᬵ᭞ᬤᬶᬕ᭄ᬥᭀᬂᬘᬺᬫᬶᬫᬮᬶᬗᬶᬄ᭞ᬭᬳᬤᬾᬦ᭄ᬱᬸᬃᬬ᭄ᬬᬤᬶᬦᬝᬵ᭞ᬗ᭄ᬱᬾᬗᬶᬦ᭄ᬧᬺᬧᬸᬢᬺᬱᬫᬶ᭞
Kaca:Bali-lontar-gaguritan-cokoratu-02-250ppi.pdf/9
Kaca puniki sampun kauji-wacén
