[᭖ 6 B]
᭖
ᬚᬮᬄᬗᬢᭂᬳᬂᬫᬸᬮᬶᬄ᭞ᬓᬲᬶᬗᬲᬭᬶᬫᬗ᭄ᬮᬯᬸᬢ᭄᭞ᬤᬶᬢᬸᬢ᭄ᬬᬂᬦᬸᬦᬲᬂ᭞ᬳ᭄ᬫᬲ᭄ᬧᬶᬧᬶᬲ᭄ᬩᬧᬚᬶᬫᬤ᭄ᬯᬾᬮ᭄ᬬᬸ᭞ᬳᬶᬕᬮᬸᬄᬤ᭄ᬳᭂᬫᬓᬲ᭄ᬬᬩ᭄᭞ᬗᬻᬓ᭄ᬱᬫ᭄ᬩᬶᬮᬂᬫᬦᬗᬶᬲ᭄᭟ᬓᬮᬶᬗᬦᬾᬳᬶᬤᬵᬧᬤ᭞ᬫᬶᬲᬦ᭄ᬢ᭄ᬬᬂᬩᬋᬂᬗ᭄ᬫᬲᬶᬦ᭄ᬤᬶᬦᬶ᭞ᬫᬗ᭄ᬮᬶᬂᬲᬳᬵᬲᬮᬶᬂᬕ᭄ᬮᬸᬢ᭄᭞ᬓᬗᭂᬦ᭄ᬫᬲ᭠
ᬲᬫ᭄ᬩᬢᬦ᭄᭞ᬧ᭄ᬕᬢ᭄ᬧ᭄ᬕᬢ᭄ᬫᬸᬜᬶᬦᬾᬫᬗ᭄ᬢᬸᬲ᭄ᬓᬬᬸᬦ᭄᭞ᬳᬶᬤᭂᬤᭂᬲ᭄ᬫᬫᬸᬜᬶᬲ᭄ᬯᬢ᭄᭞ᬳᬬᬸᬅ᭄ᬢ᭄ᬬᬂᬮᬬᬄᬕᬢᬶ᭟ᬳᬶᬤᭂᬤᭂᬧ᭄ᬫᭂᬦ᭄ᬤᭂᬧ᭄ᬫᬦ᭠ᬤᬄᬳᭂᬗ᭄ᬕᬶᬄᬢ᭄ᬯᬭᬤᬤᬶᬫᬗ᭄ᬮᬶᬂ᭞ᬳᬶᬢᭂᬢᭂᬲ᭄ᬫ᭄ᬥᭂᬫ᭄ᬫᬦ᭄ᬤᬸᬯᬸᬄ᭞ᬤᬶᬦᬢᬳᬾᬫᬕᬸᬬᬂ᭞ᬳᬦᬓ᭄ᬘ᭄ᬦᬶᬓ᭄ᬫᬓᭂᬦ᭄ᬢᭂᬳᬸᬮᬶᬂᬳᬶᬢ᭄ᬮᬸᬦ᭄᭞ᬳᬤᬵᬓ᭄ᬤᬶ
ᬲ᭄ᬢᬸᬫ᭄ᬩᬾᬦ᭄ᬓᭂᬫᬵ᭞ᬳᬶᬗ᭄ᬕᬶᬄᬩᬸᬓᬵᬗᭀᬮᬲᬶᬦ᭄᭟ᬲᬩᭀᬦᬾᬍᬩᬶᬳᬦ᭄ᬯᬬᬄ᭞ᬧᬕ᭄ᬮᬦ᭄ᬢᬶᬂᬭᬰᬦ᭄ᬜᬦᬾ ᬫᬦᬶᬲᬼᬢᬶᬄ᭞ᬓ᭄ᬥᬶᬲᬾᬫᬘᭀᬓ᭄ᬧᬓ᭄ᬭᬸᬤᬸᬓ᭄᭞ᬳᬮᬄᬩᬸᬓᬵᬓ᭄ᬚᭂᬭᬂ᭞ᬧᬋᬧᬸᬢ᭄ᬭᬶᬍᬕᭂᬢᬸᬫ᭄ᬩᬾᬦ᭄ᬫᬳᬦ᭄ᬦᬸᬤᬸᬓ᭄᭞ᬗᬚᭂᬗᬂᬧᬤᬫᬤᬤ᭄ᬯ᭞ᬫ᭄ᬭᬱᬢᭂᬕ᭄ᬢᭂᬕᬦ᭄ᬳᬕᬶᬕᬶ
ᬲ᭄᭟ᬚᬦᬶᬚᬗ᭄ᬕᭂᬮᬂᬳᬸᬘᬧᬂ᭞ᬦᬾᬦᬾᬲ᭄ᬥᬶᬄᬳᬤᬩ᭄ᬯᬦ᭄ᬫᬗᭂᬦ᭄ᬢᬶ᭞ᬧᬺᬭᬢᬸᬓᬲᬸᬩ᭄ᬓᬲᬸᬫ᭄ᬩᬸᬂ᭞ᬓᬮᭀᬓᬾᬂᬦᬸᬲᬦ᭄ᬢᬭᬵ᭞ᬲᬸᬕᬶᬄᬩᬮᬵᬧ᭄ᬭᬪᬸᬤᬃᬫᬵᬲᬢ᭄ᬬᬾᬂᬮᬓᬸ᭞ᬧ᭄ᬝᭂᬂᬮ᭄ᬫᬄᬗᬱ᭄ᬝᬶᬝᬶᬤᬾᬯ᭄ᬯᬵ᭞ᬩᬦᬾᬢ᭄ᬯᬭᬳᬤᬗᭂᬦ᭄ᬢᬶ᭟ᬲ᭄ᬥᬶᬄᬢ᭄ᬯᬭᬵᬗ᭄ᬮᬄᬧᬦᬓ᭄᭞ᬲᬳᬶᬮ᭄ᬯᬲ᭄ᬗᬳ᭄ᬬᬂᬳ᭄ᬬᬂᬳᬶᬤᬵ
[᭗ 7 A]
ᬦᬓ᭄ᬢᬶ᭞ᬫᬰᬶᬄᬢ᭄ᬯᬭᬵᬳᬤᬵᬯᬸᬫ᭄ᬩᬸᬄ᭞ᬳᬧᬦ᭄ᬧᬦᬶᬢᬄᬤᬾᬯ᭄ᬯᬵ᭞ᬳᬮᬵᬳᬬᬸᬤᬾᬦᬶᬂᬩ᭄ᬕᭂᬄᬘᬧ᭄ᬫᬮᬸ᭞ᬚᬦᬶᬲ᭄ᬥᭂᬓ᭄ᬥᬶᬩᬜ᭄ᬘᬶᬗᬄᬲᬂᬧ᭄ᬭᬪᬸᬳᬶᬤᬵᬓᬢᬗ᭄ᬓᬶᬮ᭄᭟ᬧᭂᬧᭂᬓ᭄ᬩ᭄ᬭᬄᬫᬡ᭄ᬦᬵᬩᬸᬚᬗ᭄ᬕᬵ᭞ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬤ᭄ᬬᬓ᭄ᬱᬮᬯᬦ᭄ᬫᬗᬸᬭᬶ᭞ᬦᬗᬶᬂᬢ᭄ᬯᬭᬧᬢᬶᬫᬸ᭠
ᬳᬸᬕ᭄᭞ᬢᬗ᭄ᬓᬶᬮᬦᬾᬫᬓ᭄ᬚᬂ᭞ᬤᬤᬶᬳᬤᬵᬲᬩ᭄ᬤᭂᬳᬓᬱᬭᬸᬗᬸ᭞ᬗᬦ᭄ᬤᬶᬓᬬᬂᬜ᭄ᬚᬸᬯᬂᬧᬦᬓ᭄᭞ᬤᬶᬕᬶᬮᬶᬲᬺᬗ᭄ᬕᬤᬶᬕ᭄ᬮᬶᬲ᭄᭟ᬳᬫ᭄ᬩᬸᬮ᭄ᬢᭀᬦᬾᬓᬧᬶᬳᬃᬱᬵ᭟ᬢᬗ᭄ᬓᬶᬮᬦᬾᬫᬓ᭄ᬚᬂᬫᬫᬶᬭᬕᬶ᭞ᬲᬂᬧᬃᬪᬸᬫᬳᬢᬸᬃᬳᬮᬸᬲ᭄᭞ᬭᬶᬂᬩ᭄ᬭᬄᬫᬡᬩᬸᬚᬗ᭄ᬕᬵ᭞ᬲᬧᬸᬦᬧᬶ
ᬳᬦ᭄ᬢᬸᬓ᭄ᬫᬗ᭄ᬓᬶᬦ᭄ᬧ᭄ᬭᬦ᭄ᬤᬵᬳᬕᬸᬂ᭞ᬧᬤᬦ᭄ᬤᬵᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬩ᭄ᬘᬶᬓ᭄ᬕᭂᬮᬶᬲᬂᬫᬫᬃᬕ᭄ᬕᬶ᭟ᬲᬂᬧ᭄ᬭᬪᬸᬭᬭᬶᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬳᬾᬗ᭄ᬕᬮ᭄ᬤᬩ᭄ᬤᬩᬂᬦᬾᬚᬦᬶ᭞ᬫᬚᬮᬦ᭄ᬫᬸᬂᬧᬸᬂᬦᬸᬤᬬᬸᬄ᭞ᬦᬗᬶᬂᬧᬂᬕᬕᬗ᭄ᬱᬭᬦ᭄᭞ᬭᬭᬶᬲ᭄ᬩᬸᬤᬮ᭄ᬱᬫᬶᬫᬤᬩ᭄ᬤᬩᬦ᭄ᬫᬦ᭄ᬢᬸᬓ᭄᭞ᬲᬂᬧ᭄ᬭᬪᬸ
ᬓᬚ᭄ᬭᭀᬧᬸᬭᬶᬬᬦ᭄᭞ᬗᬚᬓᬶᬦ᭄ᬗᬦ᭄ᬢ᭄ᬬᬂᬫᬫᬃᬕᬶ᭟ᬲᬸᬩᭂᬢ᭄ᬓᭂᬤᬶᬚ᭄ᬭᭀᬧᬶᬲᬦ᭄᭞ᬧ᭄ᬭᬫᬶᬲ᭄ᬯᬭᬶᬭᬶᬂᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᬸᬲ᭄᭞ᬚᬮᬦ᭄ᬚᬦᬶᬫᬚᬮᬦ᭄᭞ᬜ᭄ᬚᬸᬯᬂᬧᬦᬓ᭄ᬓᬾᬢᭀᬯᬘᬡ᭄ᬦᬵᬦᬾᬩᬳᬸ᭞ᬧ᭄ᬭᬫᬶᬲ᭄ᬯᬭᬶᬮᬶᬦ᭄ᬢᬂᬮᬾᬤᬂ᭞ᬗ᭄ᬕᬶᬄᬫᬗ᭄ᬓᬶᬦ᭄ᬫᬃᬕᬶᬄ
Kaca:Bali-lontar-gaguritan-cokoratu-02-250ppi.pdf/7
Kaca puniki sampun kauji-wacén
