[᭖᭔ 64 B]
᭖᭔
ᬗᬤᬫᬃᬮᬫ᭄ᬧᬸᬳᬶᬕᬭᬾᬂᬳᬶᬕᬭᬶᬢ᭄ᬧᬬᬸᬂᬳᬩᬜᬦᬶᬓᬸᬮ᭄ᬧᬤᬫᬩ᭄ᬱᬶᬓ᭄᭟ᬤᬤᬾᬅ᭄ᬳᭀᬓᬵᬤᬤᬾᬅ᭄ᬭᬳᬶᬮᬸᬫᭂᬂᬕᬾᬩ᭄ᬭᬲ᭄ᬫᬫᬜ᭄ᬚᬃᬓ᭄ᬮᬾᬯᬂᬲᬸᬦ᭄ᬤ᭄ᬭᬶᬦᬫ᭄ᬧᬮᬫ᭄ᬧᬸᬚᬧᬂᬲ᭄ᬩᭂᬂᬫᬳᬫ᭄ᬩᬄᬕᬸᬮᬳᬶᬤᬾᬯᬕᬸᬂᬮᬾᬤᬂᬗᬓ᭄ᬱᬶᬭᬭᬶᬲ᭄ᬗᬦ᭄ᬤᬶᬓᬵᬢᭀᬳᬧ
ᬳᬩᬜ᭄ᬘᬳᬶ᭟ᬭᬢᬸᬤ᭄ᬯᬕᬸᬂᬧᬋᬓᬜ᭄ᬘᭀᬓᭀᬃᬳᬶᬤᬾᬯᬫᬗᬢᬸᬭᬂᬧᬸᬦᬶᬓᬶᬤᬩᬕᬸᬲ᭄ᬗᬸᬭᬄᬧᬸᬦᬶᬓᬶᬳᬶᬧᬸᬦ᭄ᬫᬓ᭄ᬢᬳᬶᬤ᭄ᬯᬕᬸᬂᬗᬦ᭄ᬤᬶᬓᬳᬭᬶᬲ᭄ᬕᬭᬾᬂᬢᬸᬦ᭄ᬤᬾᬦᬂᬕᬸᬲ᭄ᬢᬶᬦ᭄ᬳᬶᬩᬦᬾᬫᬳᬶ᭟ᬳᬶᬗ᭄ᬕᬶᬄᬢᬫ᭄ᬬᬸᬳᬭᬶᬓᬵᬳᬓᬾᬄᬧᬲᬚᬦ᭄
ᬩᬾᬢᭂᬦ᭄ᬓᭀᬩᭂᬃᬫᬭᬶᬓᬶᬳᬶᬩᬸᬂᬫ᭄ᬩᬸᬂᬫᬜᬫ᭄ᬧ᭄ᬭᬓ᭄ᬮᬸᬢ᭄ᬳᬾᬗ᭄ᬕᬮᬗᬩᬸᬤᬮ᭄ᬢ᭄ᬓᬤ᭄ᬬᬤᬶᬫᬬᬰ᭄ᬭᬗ᭄ᬕᬶᬚᬦᬶᬳ᭄ᬦᭂᬗᬂᬤᬶᬕᬕ᭄ᬮᬂᬩᬮᬶᬓᬶᬦ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬳᬧᬶᬦ᭄ᬤᬲᬸᬗ᭄ᬓᬯᬩᬦᬾᬫᬚᬮᬦ᭄ᬚᬦᬶᬲᬸᬭᬢ᭄ᬲᬸᬩᬧ᭄ᬭᬕᬢ᭄ᬧᬤᬫᬯᬶᬚᬶᬲ᭄ᬯᬂᬫᬓᬤᬶᬳᬚᬶᬦ᭄ᬤ
ᬓᬮᬶᬄᬳᬭᬶᬦ᭄ᬤᬵᬫᬯᬶᬦᬦ᭄ᬓᬧ᭄ᬭᬶᬬᬢᬶᬦ᭄᭟ᬓᬘᬭᬶᬢ᭄ᬣᬦᬾᬧᬢ᭄ᬧᬢ᭄ᬲᬸᬩᭂᬫᬧᬳ᭄ᬬᬲ᭄ᬫᬓᬫ᭄ᬩᭂᬦ᭄ᬤᬤᬸᬫᬲ᭄ᬮᬶᬫ᭄ᬲᬩᬸᬓ᭄ᬩᬢᬶᬓ᭄ᬕᬤᬂᬲᬧᬸᬢᬾᬫᬗ᭄ᬭᬦᬂᬗᬶᬂᬢᬸᬭᬄᬘᬭᬫᬗᬸᬳ᭄ᬯᬶᬳᭂᬫ᭄ᬩᭀᬢ᭄ᬳᭂᬫ᭄ᬩᭀᬢᬦ᭄ᬲᬸᬢ᭄ᬭᬓᬲ᭄ᬬᬮ᭄ᬳᬮᬶᬫ᭄᭟
[᭖᭕ 65 A]
ᬮᬫ᭄ᬩᬾᬳᭂᬩᬸᬦ᭄ᬢᬸᬮᬫ᭄ᬩᬶᬩᬶᬮᬸᬤ᭄ᬭᬸᬕᬤᬂᬫᬫᭀᬤ᭄ᬭᬾᬳ᭄ᬫᬵᬲ᭄ᬲᬫᬶᬲᬸᬓᬸᬲᬸᬓᬸᬧᬢ᭄ᬧᬢ᭄ᬫᬳᬸᬤᭂᬂᬩᬢᬶᬓᬺᬫ᭄ᬩᬂᬫᬩᬸᬓᬸᬂᬫᬶᬭᬄᬤᬶᬓᬘᬶᬂᬩᬕᬸᬲ᭄ᬫᬩᭂᬗᬤ᭄ᬧᬧᬭᬲᬦᬾᬫᬳᬶᬗᬶᬤ᭄᭟ᬓ᭄ᬜᭂᬫ᭄ᬫᬦᬶᬲ᭄ᬕᬶᬕᬶᬦᬾᬧᬸᬢᬶᬄᬢᬸᬃᬳᬢᬧ᭄ᬳ᭄ᬩᭀᬫᬲ᭄ᬧᬸᬓ᭄ᬫᬶᬳᬶᬓ᭄ᬬᬫᬳᬸ
ᬲᬧ᭄ᬳᬫ᭄ᬩᬃᬫᬚᬮᬦ᭄ᬗᬧᬸᬃᬭ᭄ᬬᬂᬳᬶᬚᬶᬯᬵᬭᬕᬫᬸᬘᬸᬓᬶᬦ᭄ᬳᬶᬯᬶᬭᭀᬦ᭄ᬤᬬᬕᬕᬭᬂᬢᬫᬾᬦᬵᬕ᭄ᬯᬶᬱ᭄ᬝᬶ᭟ᬳᬶᬤᬾᬯᬕᬸᬂᬧᬸᬢ᭄ᬭᬜᬶᬗᬓ᭄ᬢᬦ᭄ᬧᬚᬶᬯᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬭᬲᬵᬫᬫ᭄ᬩᬄᬕᬸᬮᬫᬳᬶᬳᬶᬩᬧᬳᭂᬓᬂᬤᬵᬳᬶᬩᬫᬓ᭄ᬮᭀᬫᬸᬮᬶᬄᬧᬤᬳᬶᬗᭂᬢᬂᬫᬸᬜᬶᬦ᭄ᬘᬳᬶ
ᬦᬾᬳᬶᬩᬶ᭟ᬲᬢ᭄ᬓᬳᬶᬧ᭄ᬕᭂᬕ᭄ᬱᬸᬩᬫᬧᬬᬲ᭄ᬳ᭄ᬩᭀᬫᬲ᭄ᬧᬸᬓ᭄ᬫᬶᬳᬶᬓ᭄ᬧᬦ᭄ᬢᬸᬮᬤᭀᬤᭀᬬᬦ᭄ᬲᬳᬶᬫᬳᬸᬲᬧ᭄ᬳᬫ᭄ᬩᬃᬮᬾᬮᬾᬢ᭄ᬢᭀᬂᬳᬤᬦᬦ᭄ᬤᬶᬗᬶᬦ᭄ᬤ᭄ᬫᭂᬦ᭄ᬫᬩᬸᬗᬲᬶᬦ᭄ᬯᬫ᭄ᬦᬶᬂᬦᬕᬲᬭᬶ᭟᭐᭟ᬲᬶ᭟ᬤᬾᬯᬕᬸᬂᬫᬃᬕᬶᬄᬚᬮᬸᬯᬲᬫ᭄ᬩᬶᬮᬂᬮᬸᬶᬫᬮᬮᬶᬮᬮᬶᬧ᭄ᬦᬾᬓᬂ
ᬳᬶᬚᬶᬯᬭᬕᬵᬧᬂᬤ᭄ᬥᬵᬲ᭄ᬭᬦ᭄ᬢᬤᬶᬫᬃᬕᬶᬳᬶᬤ᭄ᬯᬕᬸᬂᬜᭂᬜᭂᬃᬗᬓ᭄ᬱᬶᬲ᭄ᬯᬩᬯᬫᬢ᭄ᬭᬸᬄᬚᬸᬭᬸᬄᬦᬄᬓᬗ᭄ᬕᭀᬲᬸᬩᬳᬶᬤᬵᬢᬶᬫ᭄ᬧᬮᬾᬧᬤᬵᬳᬚᬓᬶᬦ᭄ᬩᬧᬫᬦ᭄ᬤᬸᬲ᭄ᬫᬮᬸᬳᭀᬧᭂᬓᬾᬮᬶᬯᬢ᭄᭟ᬚᬕ᭄ᬭᬯᬸᬄᬦᬾᬦᬾᬮᬮᬶᬫᬵᬫᬳᬦ᭄ᬤᬃᬳᬦ᭄ᬤᬃᬫᬫᬃᬕ᭄ᬕᬶᬳᬶᬤᭀᬕ᭄ᬓ
Kaca:Bali-lontar-gaguritan-cokoratu-02-250ppi.pdf/65
Kaca puniki sampun kauji-wacén
