[᭕ 5 B]
ᬬᬓ᭄ᬱᬵ᭟ᬭᬓ᭄ᬱᬲᬵᬲᬸᬤᬸᬢ᭄ᬣᬳᬜ᭄ᬚ᭄ᬭᬶᬢ᭄᭞ᬳᬶᬄᬯᭀᬂᬧᬭᬦ᭄ᬓᬶᬢ᭄ᬣᬧ᭄ᬭᬧ᭄ᬝᬵ᭞ᬳᬗᬮᬂᬗᬮᬂᬤᬮᬦᬾ᭞ᬮᬜ᭄ᬘᬂᬫᬧᬕ᭄ᬯᬦᬶᬳᬧ᭄ᬭᬂ᭞ᬩᬬᬓᭀᬯᭀᬂᬓᭀᬭᬶᬧᬦ᭄᭞ᬫᬾᬭᬾᬦᬾᬓᬋᬩᬸᬢᭂᬦ᭄ᬦᬶᬂᬰᬸᬦ᭄᭞ᬯᬢᭂᬓ᭄ᬚᬶᬫ᭄ᬳᬲᬸᬫ᭄ᬩᭂᬃᬲᬸᬫ᭄ᬩᭂᬃ᭟ᬯᭀᬂᬓᭀᬭᬶᬧᬦ᭄ᬳᬶᬓᬶᬯᬦᬶ᭞ᬳᬶᬓᭀᬃᬬᬓ᭄ᬱᬵᬢᬦ᭄ᬧᬘᬸᬭ
᭞ᬳᬗᬫᬾᬢ᭄ᬢᬢ᭄ᬯᬦ᭄ᬳᬶᬗᭀᬂ᭞ᬬᬦ᭄ᬓᬶᬢ᭄ᬣᬳᬋᬧᬕ᭄ᬱᬂ᭞ᬢᬸᬃᬭᬓ᭄ᬦᭂᬕᬸᬲ᭄ᬢᬶᬦᬶᬂᬗ᭄ᬯᬂ᭞ᬓᬜ᭄ᬘᬶᬢ᭄ᬤᬾᬯ᭄ᬯᬗ᭄ᬭᬸᬭᬸᬄᬭᬯᬸᬄ᭞ᬳᬜᬦ᭄ᬤᬓ᭄ᬭᬭᬾᬧᬸᬗ᭄ᬓᬸᬭᬦ᭄᭟ᬧᬂ᭟ᬳᬶᬓᬮᬵᬲᬸᬤᬸᬢ᭄ᬣᬗ᭄ᬭᬓ᭄᭞ᬩᬦ᭄ᬕᭂᬤᭂᬕᬾᬤᬤᬶᬢ᭄ᬯᬭᬫᬾᬮᬵᬳᬶᬂ᭞ᬢ᭄ᬓᬾᬦ᭄ᬕᬕᬯᬦᬾᬩᬸᬳᬸ᭞ᬫᬓ᭄ᬚᬂᬫᬤᬵᬳᬶᬮᬂ᭞ᬫᬦᬭᬚᬂᬯᬢᭂᬓ᭄ᬳᭂ
ᬚᬶᬫᬾᬫᬫᬕᬸᬢ᭄᭞ᬭᬫᬾᬘᬶᬦᬦ᭄ᬤᬓ᭄ᬓᬘᬦ᭄ᬤᬓ᭄᭞ᬭᬱᬵᬫᬗᬸᬳᬸᬕᬂᬮᬗᬶᬢ᭄᭟ᬳᬶᬓᬮᬵᬲᬸᬤᬸᬢ᭄ᬣᬫ᭄ᬥᬂ᭞ᬯᬢᭂᬓ᭄ᬚᬶᬫ᭄ᬘ᭄ᬧᭂᬢ᭄ᬳᬾᬗ᭄ᬕᬮ᭄ᬫᬦᬗ᭄ᬓᬶᬲ᭄᭞ᬳᬶᬭᬓ᭄ᬱᬲᬵᬢ᭄ᬯᬭᬵᬓᬾᬗ᭄ᬕᬸᬄ᭞ᬓᬓᭂᬫ᭄ᬩᬸᬮᬦ᭄ᬓᬧᬦᬄ᭞ᬧᬤᬵᬢ᭄ᬕᬸᬄᬧ᭄ᬭᬲᬫᬵᬢᬦᬦ᭄ᬤᬂᬢᬢᬸ᭞ᬭᬫᬾᬫᬳᬸᬤᭂᬃᬳᬸᬤᭂᬭᬦ᭄᭞ᬓᬧᭀᬳᬤᬵ
ᬩᬸᬓᬵᬜᬧᬶᬄ᭟ᬳᬶᬓᭀᬓᭀᬂᬩᬋᬂᬳᬶᬫᬶᬭᬄ᭞ᬓᬢᬶᬩᬬᬂᬤᬶᬓᬜ᭄ᬘᬦᬵᬦ᭄ᬕᬭᬶ᭞ᬓᬧᬶᬤᬸᬤᬸᬓ᭄ᬩᬳᬦ᭄ᬭᬢᬸᬲᬸᬕᬶᬄᬩᬮᬵᬓᬯᬶᬃᬬ᭄ᬬᬦ᭄᭞ᬳᬦᬓ᭄ᬩᭂᬓᬸᬂ᭞ᬤᬤᬶᬦᬸᬤᬸᬓ᭄ᬧᬸᬢ᭄ᬭᬶᬳᬬᬸ᭞ᬳᭂᬦ᭄ᬢᭀᬓ᭄ᬭᬡᬵᬓᬲᬬᬗᬂ᭞ᬓᬲ᭄ᬭᬳᬶᬦ᭄ᬧᬢᬶᬯᬸᬭᬶᬧ᭄᭟ᬳᬸᬚᬦ᭄ᬳᬗᬶᬦ᭄ᬫᬕ᭄ᬭᬶᬬ᭄ᬗᬦ᭄᭞ᬧ᭄ᬝᭂᬂᬤᭂᬤᭂᬢ᭄
[᭖ 6 A]
ᬓ᭄ᬭᬸᬕ᭄ᬫᬯᬦ᭄ᬝᬶᬯᬦ᭄ᬝᬶ᭞ᬫᬓᬶᬍᬲ᭄ᬳ᭄ᬬᬧᬤᬵᬫᬸᬦ᭄ᬤᬸᬃ᭞ᬚᬗ᭄ᬕᭂᬮᬂᬫᬗᬸᬘᬧᬂ᭞ᬲᬓᬾᬯᬮᬵᬧᬭᬵᬳᭀᬯᬸᬢ᭄ᬭᬶᬦᬾᬮ᭄ᬬᬸ᭞ᬩ᭄ᬮᬲ᭄ᬢ᭄ᬯᬭᬵᬫᬩᬋᬗᬦ᭄᭞ᬧᬤᬵᬫᬮᬾᬦ᭄ᬮᬾᬦᬦ᭄ᬕᬸᬫᬶ᭟ᬦᬾᬦᬾᬳᬲ᭄ᬬᬳᬸᬘᬧᬂ᭞ᬓᬢᬶᬩᬬᬂᬤᬶᬕᬶᬮᬶᬲᬺᬗ᭄ᬕᬯᬢᬶ᭞ᬤᬦᬸᬮᬶᬗ᭄ᬕᬄᬫᬗᬮᬶᬬᬸᬂ᭞ᬲᬓ᭄ᬱᬢ᭄ᬱ᭄ᬕᬭᬳ
ᬦᬓ᭄᭞ᬢ᭄ᬯᬭᬳᬤᬵᬳᬦᬓ᭄ᬩᬦᬶᬳᬗᬸᬄᬳᬗᬸᬄ᭞ᬢ᭄ᬗᬳ᭄ᬮᬸᬤᬶᬦ᭄ᬱᬯᬢ᭄ᬧᬶᬲᬦ᭄᭞ᬤᬶᬢ᭄ᬗᬄᬫᬳᬶᬲᬶᬕᬶᬮᬶ᭟ᬮᬶᬗ᭄ᬕᬄᬫᬕᬸᬯᬃᬕᬳᬶᬭᬦ᭄᭞ᬓᬓᬬᭀᬦᬦ᭄ᬧᬤᬵᬢᭂᬩ᭄ᬧᬤᬵᬗᬺᬦ᭄ᬢᭂᬩᬶᬦ᭄᭞ᬲᬩᭀᬮᬯᬦ᭄ᬚᭂᬩᬸᬕ᭄ᬕᬭᬸᬫ᭄᭞ᬓ᭄ᬦᬭᬶᬳᬦ᭄ᬤᬧ᭄ᬳᬦ᭄ᬤᬧ᭄᭞ᬤᬶᬦᬢᬳᬾᬕᬮᬂᬢ᭄ᬮᬄᬩᬸᬓᬵ
ᬕ᭄ᬭᬸᬲ᭄᭞ᬫᬶᬰᬶᬕ᭄ᬥᭀᬂᬧᬦᬸᬗ᭄ᬕᬮᬦ᭄᭞ᬤᬶᬲᬶᬲᬶᬲᬤᬫᬗᬶᬗ᭄ᬕᬶᬮ᭄᭟ᬳᭂᬦ᭄ᬢᭀᬓᭀᬘᬧ᭄ᬧᬲᬗ᭄ᬕ᭄ᬭᬳᬦ᭄᭞ᬤᬾᬯᬶᬤᬦᬸᬄᬓᬮᬵᬳᬶᬤᬗ᭄ᬬᬂᬳ᭄ᬬᬗᬶᬦ᭄᭞ᬢᭀᬳᬯᬦᬦ᭄ᬲᬫᬶᬲᬸᬳᬸᬃ᭞ᬧᬦ᭄ᬤᬾᬰᬫ᭄ᬮᭀᬄᬮᭀᬳᬦ᭄᭞ᬳᬮᬲ᭄ᬯᬬᬄᬫᬗ᭄ᬮᬶᬗ᭄ᬕᬳᬶᬦ᭄ᬓᬗᬶᬦ᭄ᬓᬯᬸᬄ᭞ᬢᭀᬤᬶᬢᬸᬳᬶᬤᬓᬢᬶᬩᭂ᭞ᬗᭂ
ᬦ᭄ᬢᬓ᭄ᬓᭂᬦ᭄ᬢᬓᬯ᭄ᬮᬲᬰᬶᬄ᭟ᬫᬦᬗᬶᬲ᭄ᬫᬲᭂᬲᬫ᭄ᬩᬢᬦ᭄᭞ᬫᬦ᭄ᬤᬸᬮᬫᬾᬩ᭄ᬬᬂᬓᬮᬯᬦ᭄ᬳᬚᬶ᭞ᬦᬕᬶᬄᬚ᭄ᬯᬂᬗᬓᬸᬲ᭄ᬥᬸᬓ᭄᭞ᬢᭀᬂᬤᬤᬶᬩᬦ᭄ᬦᬳᬦᬂ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬕᬕ᭄ᬮᬂᬫᬲᬳᬸᬃ᭞ᬳᭂᬗ᭄ᬕᬶᬄᬳᬢᭂᬳᬂᬚᭂᬢ᭄ᬬᬂ᭞ᬓᬕᬕ᭄ᬮᬂᬚᬦᬶᬫᬸᬮᬶᬄ᭟ᬳᬶᬤᬾᬯᬕᬸᬂᬭᬢᬸᬦᬶᬫ᭄ᬩᬮ᭄᭞ᬦᬄᬚᭂᬢ᭄ᬬᬂ
Kaca:Bali-lontar-gaguritan-cokoratu-02-250ppi.pdf/6
Kaca puniki sampun kauji-wacén
