[᭓᭙ 39 B]
᭓᭙
ᬭᬢᬸᬫᬢᭀᬮᬶᬳᬦ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬫᬦᬶᬲ᭄᭞ᬢᬸᬦ᭄ᬤᬾᬦ᭄ᬗᬾᬗ᭄ᬕᬮᬂᬯᬶᬚᬸᬗᬾᬗᬩᭂᬫᬳᬶ᭟ᬲᬸᬭᬓ᭄ᬱᬸᬭᬓ᭄ᬫᬜᬸᬭᬸᬂᬳᬚᬓ᭄ᬮᬶᬫᭀᬮᬲ᭄᭞ᬫᬓᭀᬓᬾᬄᬩᬳᬢ᭄ᬕᬢᬶᬳᬤᬵᬗᬩᭂᬲᭂᬗ᭄ᬕᬄ᭞ᬮᬾᬦ᭄ᬫᬗᬩᬫᬜ᭄ᬚᬗᬦ᭄ᬫᬲᬸᬭᬓ᭄ᬫᬯᬦ᭄ᬢᬶᬯ
ᬦ᭄ᬢᬶ᭞ᬮᬸᬢ᭄ᬫᬕᭂᬕᬶᬮᬓ᭄ᬢ᭄ᬓᭂᬤᬶᬧᬬᬸᬦᬦ᭄ᬕᭂᬮᬶᬲ᭄᭟ᬳᬶᬤᬾᬯᬕᬸᬂᬮᬾᬤᬂᬓᬬᬸᬦᬾ ᬓᬮᬶᬦ᭄ᬢᬂ᭞ᬧᬤᬡ᭄ᬥᬵᬓ᭄ᬜᬶᬂᬓ᭄ᬜᬶᬂᬜᬶᬗᬓ᭄ᬯᬶᬚᬸᬂᬲᬗ᭄ᬕᬄ᭞ᬓᭀᬭᬢᬸᬫ᭄ᬧᭂᬲ᭄ᬜᬸᬫ᭄ᬩᬄᬗᬢᬸᬭᬂᬳᬶᬩᬸᬂᬫ᭄ᬩᬂᬧᭀᬮᬶᬄ᭞ᬢᬶᬗ᭄ᬕᬶᬮᬶᬯᬭᬓ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬭᬶᬲ᭄᭟
ᬦᬄᬢᬸᬢᬸᬭᬂᬓ᭄ᬭᬡᬵᬬ᭄ᬬᬩᬓᬢᬂᬘᬳᬶ᭞ᬤᬤ᭄ᬯᬳᬧᬶᬲᬦ᭄ᬳᬶᬢ᭄ᬭᬸᬧ᭄ᬫᬢᬸᬃᬳᬭᬶᬲ᭄᭟ᬭᬢᬸᬳᬶᬧᬸᬦ᭄ᬲᬫ᭄ᬧᬸᬦ᭄ᬕᬾᬧᬾᬍᬍᬄᬧᬶᬲᬦ᭄᭞ᬫᬚᬸᬭᭂᬢ᭄ᬲᬮᬶᬂᬧᬦ᭄ᬢᬶᬂᬭᬭᬶᬲᬫ᭄ᬩᬸᬢ᭄ᬢᬶᬢ᭄ᬬᬂ᭞ᬳᬕᬸᬦ᭄ᬢᬂᬤᬶᬚᬵᬩᬓᬢ᭄ᬳᭂᬧᬸᬳᬾᬦᬾᬳᬩᬦ᭄ᬘᬳᬶ᭞
ᬭᬢᬸᬳᬶᬭᬶᬓᬵᬭᬶᬂᬢ᭄ᬗᬄᬩ᭄ᬮᬸᬳᬸᬓ᭄ᬦᬶ᭟ᬮᬾᬦᬵᬢᭀᬩ᭄ᬯᬶᬦ᭄ᬲᭂᬗ᭄ᬕᬄᬯᬶᬚᬸᬂᬗᬾᬫᬓ᭄ᬚᬂ᭞ᬳ᭄ᬜᬾᬦ᭄ᬫᬓᬢᬂᬫ᭄ᬤᬶᬮ᭄ᬳᬶᬕᬸᬦ᭄ᬢᬂᬗᬢᬸᬭᬂ᭞ᬭᬢᬸᬤ᭄ᬩᬕᬸᬲ᭄ᬗᬸᬭᬄᬗ᭄ᬮᬫᬢ᭄ᬳᬗᭀᬩ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬲᬩᭂᬄᬫᬜ᭄ᬚᬗᬦ᭄ᬯᬶᬚᬸᬂᬫ᭄ᬓᬤᬶᬓᬜ᭄ᬘᬶᬮ᭄᭟ᬳᬶᬤᬵᬩᬕᬸᬲ᭄ᬗᬸᬭᬄ
[᭔᭐ 40 A]
ᬫᬧᬶᬢ᭄ᬯᬭᬵᬦᬯᬂ᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄ᬜᭂᬜᭂᬃᬫᭂᬫ᭄ᬩᬄᬕᬸᬮᬵ᭞ᬫᬳᬶᬤᬶᬦᬶᬧᬳᭂᬓᬂᬢᬸᬢᬸᬭᬶᬦ᭄ᬳᬸᬯ᭄ᬯᬳᬓᬶᬓᬶᬢ᭄᭞ᬬᬦ᭄ᬤᬤᬶᬯ᭄ᬤᬃᬳᬧᭂᬕ᭄ᬮ᭄ᬭᬂᬘᬳᬶ᭟ᬭᬢᬸᬤ᭄ᬯᬕᬸᬂᬯᬾᬦ᭄ᬢᭂᬦ᭄ᬕᬕᭂᬫᭂᬢᬦ᭄ᬢᬶᬢ᭄ᬬᬂ᭟ᬳᬚᬶᬯᬦ᭄ᬢᬄᬳᬓᬶᬤᬶᬓ᭄ᬧᬸᬦᬶᬓᬵᬜᬶᬤᬬᬂ᭞ᬭ
ᬢᬸᬕ᭄ᬮᬭᬂᬢ᭄ᬬᬂᬢᬾᬫ᭄ᬩᬓ᭄ᬳ᭄ᬬᬦ᭄ᬧᬸᬢᬸᬲᬶᬂᬳᬚᬶ᭞ᬳᬸᬲᬲ᭄ᬢ᭄ᬭᬢᬸᬮ᭄ᬬᬲᬸᬓ᭄ᬱ᭄ᬫᬵᬲᬸᬓ᭄ᬱ᭄ᬫᬦ᭄ᬦᬶᬂᬍᬯᬶᬄ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵ᭞ᬳ᭄ᬦᬄᬓᬾᬩ᭄ᬯᬶᬦ᭄ᬫᬫ᭄ᬤᬶᬮ᭄ᬳᬧᬂᬯ᭄ᬯᬫᬤᬯᬂ᭞ᬓᭀᬭᬢᬸᬫ᭄ᬧᭂᬲ᭄ᬜᬸᬫ᭄ᬩᬄᬫᬯᬗ᭄ᬲᬶᬢ᭄ᬗᬶᬲᬶᬦᬶᬦ᭄ᬩ᭄ᬤᬶᬮ᭄ᬘᬫ᭄ᬘᬶᬬᭀᬩ᭄ᬘᬢ᭄ᬱᬸᬩᭂ
ᬗᬶᬲᬶᬦᬶᬦ᭄ᬩᭂᬤᬶᬮ᭄᭟ᬓᭀᬃᬭᬢᬸᬫ᭄ᬧᭂᬲ᭄ᬜᬸᬫ᭄ᬩᬄᬦᬸᬦᬲ᭄ᬮᬸᬕᬺ᭞ᬧᬘᬗᭂᬫ᭄ᬩᬢᬂᬩ᭄ᬤᬶᬮ᭄ᬩᬗᬸᬦ᭄ᬮᬸᬢ᭄ᬫᬕᬾᬩ᭄ᬭᬲ᭄ᬱᬸᬩᭂᬜᬶᬗ᭄ᬲᭂᬢᬂᬘᭀᬢ᭄ᬣᬫᬮᬮᬾᬩᬾᬄᬳᬦᬾᬄᬳᬲᬶᬦ᭄᭞ᬩᬕᬸᬲ᭄ᬫᬩ᭄ᬗᬤ᭄ᬲᬬᬦ᭄ᬫᬯᬸᬯᬸᬄᬫᬦᬶᬲ᭄᭞ᬢᬗᬦ᭄ᬳᬮᬸᬲ᭄ᬦᬓᬵᬓᬤᬶᬫᬡ᭄ᬦᬶᬓ᭄ᬢᭀ
ᬬ᭞ᬚ᭄ᬭᬶᬚᬶᬭᬸᬭᬸᬲ᭄ᬗᬾᬤᬦᬶᬦ᭄ᬭᬭᬶᬲ᭄ᬫᬗᭂᬫ᭄ᬩᬢᬂ᭞ᬫᬢᬶᬢᬶᬲ᭄ᬗᬯᬂᬗᬯᬂᬧᬺᬧᬜ᭄ᬘᭂᬳᬦᬓᬾᬲᬫᬶ᭞ᬲᬸᬩᬫᬓᭂᬧ᭄ᬮᬕ᭄ᬮᬸᬢ᭄ᬫᬢᬶᬫ᭄ᬩᬮᬂᬩ᭄ᬤᬶᬮ᭄᭟ᬳᬶᬤᬾᬯᬕᬸᬂᬳᬚᬶᬫᬧᬕ᭄ᬩᬜ᭄ᬘᬘᬶᬗᬓ᭄᭞ᬜᭂᬜᭂᬃᬫᭀᬫ᭄ᬩᬓᬦ᭄ᬕᭂᬦ᭄ᬤᬶᬲ᭄ᬮᬳᬸᬢ᭄ᬫᬗᬦ᭄ᬤᬶ᭠
Kaca:Bali-lontar-gaguritan-cokoratu-02-250ppi.pdf/40
Kaca puniki sampun kauji-wacén
