[᭓᭐ 30 B]
᭓᭐
᭞ᬍᬫᬄᬲᬶᬦ᭄ᬯᬫ᭄ᬧᬧᬲ᭄ᬳᬢᬶ᭟ᬲᬶ᭟ᬤᬶᬦ᭄ᬕᬭᬵᬘᬭᬶᬢᬬᬂ᭞ᬳᬦᬓᬾᬧᬘᬂᬫᬗᬶᬭᬶᬂ᭞ᬫᬤᬤᬩ᭄ᬱᬸᬩᭂᬫᬧᬬ᭄ᬬᬲ᭄᭞ᬧᬤᬦ᭄ᬤᬲᬫ᭄ᬧᬸᬦ᭄ᬫᬫᬃᬕᬶ᭞ᬓ᭄ᬤᬯᬸᬄᬫᬗ᭄ᬭᬶᬳᬶᬦᬶᬦ᭄᭞ᬕᬸᬲ᭄ᬢᬶᬗᬸᬭᬄᬕᬸᬲ᭄ᬢᬶᬳᬕᬸᬂ᭞ᬤᬶᬩᬜ᭄ᬘᬶᬗᬄᬫᬗᬫ᭄ᬩ᭄ᬬᬃᬲᬦᬾᬫᬸᬮᬵᬚᬗ᭄ᬕᬗᬶᬭᬶᬂ᭞
ᬳᬶᬤᬾᬯᬕᬸᬂᬳᬚᬶᬤᬶᬳᬫ᭄ᬩᬾᬦᬾᬫᬬ᭄ᬬᬲ᭄᭟ᬳᬦᬓ᭄ᬥᬵᬲᬫᬶᬫᬋᬓᬦ᭄ᬳᬬᬢ᭄ᬧᬘᬂᬫᬗᬬᬳᬶᬦ᭄᭞ᬳᬶᬤᬾᬯᬕᬸᬂᬫᬤᬾᬢᬦ᭄ᬲᬄᬚ᭄ᬕᬾᬕᬾᬢᬦ᭄ᬲᬶᬧᬶᬲᬶᬧᬶ᭞ᬩᬬᬵᬩᬢ᭄ᬣᬭᬶᬲᬘᬶᬢᬸᬭᬸᬦ᭄ᬤᬤᬶᬧᬸᬢ᭄ᬭᬶᬳᬬᬸ᭞ᬭᬕ᭄ᬕᬫ᭄ᬭᭀᬲ᭄ᬗᬮᬸᬗ᭄ᬕᬂᬧᬫᬸᬮᬸᬦᬾᬜᬦ᭄ᬤ
ᬢ᭄ᬕᬤᬶᬂ᭞ᬢ᭄ᬓᭂᬧᬳᬸᬢ᭄ᬲᬭᬭᬲ᭄ᬳᬲᬸᬂᬧᬺᬧᬜ᭄ᬘ᭟ᬦᬾᬦᭂᬫ᭄ᬩᭂᬫ᭄ᬫᬗᬬᬂᬗᬬᬂᬚ᭄ᬕᬾᬕᬾᬩᬸᬓᬵᬤᬤᬭᬶ᭞ᬦᬾᬲᬓᬶᬂᬧᬸᬭᬶᬓᬗᬶᬦᬦ᭄ᬧᬸᬢ᭄ᬭᬦ᭄ᬥᬵᬘᭀᬓᭀᬃᬤ᭄ᬥᬭᬳᬶ᭞ᬲᬼᬫ᭄ᬱᬼᬫ᭄ᬗᬾᬤᬦᬶᬦ᭄ᬭᬕᭂᬋᬫ᭄ᬧᬶᬢᬗᬦ᭄ᬳᬮᬸᬲ᭄᭞ᬳᬦᬸᬢ᭄ᬓᬾᬦᬶᬂᬧᬭᬩ᭄ᬳᬬᬸᬓ᭄ᬤᬍᬫ᭄ᬱᬓᬶᬂ
ᬳᬮᬶᬢ᭄᭞ᬳᬸᬬᬸᬦᬸᬮᬸᬲ᭄ᬓᬮᬶᬄᬦᬾᬳᬮᬶᬢ᭄ᬢᬮᬶᬢᬦ᭄᭟ᬧᬸᬦᬶᬓᬵᬲᬦᬾᬳᬶᬦᬸᬘᬧ᭄ᬧᬸᬢ᭄ᬭᬶᬚᬗ᭄ᬕᬮᬵᬯ᭄ᬬᬓ᭄ᬝᬶ᭞ᬚ᭄ᬕᬾᬕᬾ ᬫᬲᬯᬂᬩᬸᬮᬦ᭄ᬫ᭄ᬮᭀᬫ᭄ᬮᬸᬫ᭄ᬓᬤᬸᬕ᭄ᬫᬦᬶᬲ᭄᭞ᬲᬺᬗ᭄ᬕᬭᬵᬭᬫᬾᬦᬵᬕ᭄ᬩᬸᬤᬶᬳᬦᬓᬕᬸᬂᬳᬬᬸᬳᬕᬸᬂ᭞ᬧᬭᬩ᭄ᬳᬶᬤᬵᬓᬲᭀᬦ᭄ᬢ᭄ᬭᬓ᭄
᭓᭑ 31 A]
᭞ᬲᬦᬾᬲᬓᬶᬂᬘᬭᬂᬲᬭᬶᬫᬧᬲᬾᬗᬦ᭄ᬳᬦᬓᬕᬸᬂᬳᬬᬸᬗᬸᬭᬄ᭟ᬧᬸᬢᬶᬄᬕᬤᬶᬂᬮᬗ᭄ᬲᬶᬃᬮᬜ᭄ᬚᬃᬭᬕᬦᬾᬭᬚᬸᬧᬲ᭄ᬝᬶ᭞ᬘᬘᬶᬗᬓᬾᬗ᭄ᬘᭀᬃᬕᬸᬮᬵᬓ᭄ᬫᬶᬓᬦ᭄ᬮᬫ᭄ᬩᬾᬦᬾ ᬫᬦᬶᬲ᭄᭞ᬦᬾᬲᬓᬶᬂᬲ᭄ᬫᬭᬘᬶᬘᬶᬗᬓᬾᬦᬸᬜ᭄ᬚᬸᬂᬩᬶᬭᬸ᭞ᬲᬶᬭᬢ᭄ᬫᬬᬫᬩ᭄ᬗᬤ᭄᭞ᬭᬕ
ᬦᬾᬫᬗ᭄ᬭᬦᬂᬳᬭᬶᬂ᭞ᬢᬗᬦ᭄ᬳᬮᬸᬲ᭄ᬧᬫᬃᬕᬦᬾᬫᬕᬫ᭄ᬧᬃᬭᬦ᭄᭟ᬧᬳᬸᬢ᭄ᬓᬾᬦᬶᬂᬧᭂᬲᬾᬗᬦ᭄ᬳᬦᬓᬕᬸᬂᬳᬬᬸᬚ᭄ᬮᬦ᭄ᬝᬶ᭠ᬓ᭄᭞ᬫᬮᬶᬄᬲᬓᬶᬂᬓᭂᬫ᭄ᬩᬂᬚᭂᬦᬃᬳᬦᬓᬕᬸᬂᬳᬬᬸᬭᬳᬶ᭞ᬫᬰᬶᬄᬧᬤᬵᬲ᭄ᬢᬦ᭄ᬤᬶᬂᬚ᭄ᬕᬾᬕ᭄ᬫᭀᬫ᭄ᬩᬓ᭄ᬫᬥᬸᬚᬸᬭᬸᬄ᭞ᬲᬶᬂᬭᬭᬲ᭄ᬗ᭄ᬕᬾ
ᬯᬾᬭᬶᬫᬂᬳᬤᭂᬕ᭄ᬜᬸᬫ᭄ᬧᬓᭃᬋᬫ᭄ᬧᬶ᭞ᬳᬬᬸᬦᬸᬮᬸᬲ᭄ᬱᬦᬾᬲᬓᬶᬂᬧᬦ᭄ᬤᬦ᭄ᬱᬮᬲ᭄᭟ᬤᬾᬫ᭄ᬧᭀᬤᬾᬫ᭄ᬧᭀᬫᬕᭀᬮᬾᬭᬦ᭄ᬭᬭᬲᬾᬩᬸᬓᬵᬲᬶᬢᬸᬮᬶᬲ᭄᭞ᬳᬦᬓᬕᬸᬂᬳᬬᬸᬚᭀᬓᬵᬫᬩ᭄ᬭᬶᬬᬸᬓ᭄ᬧᬤᬵᬗᬬᬳᬶᬦ᭄᭞ᬳᬤᬵᬫᬦ᭄ᬧᬵᬘᬺᬫᬶᬳ
ᬤᬵᬳᬦᬫ᭄ᬧᭂᬢᭀᬬᬵᬭᬳᬸᬧ᭄᭞ᬳᬤᬵᬦᬦᬜ᭄ᬚᭂᬃᬲ᭄ᬓᬃᬳᬶᬤᬾᬯᬕᬸᬂᬮᬾᬤᬂᬗᬓ᭄ᬱᬶ᭞ᬧᬗᬦ᭄ᬤᬶᬓᬵᬓᬫ᭄ᬩᭂᬦᬾᬫᬳᬶᬧᬳᭂᬓᬂ᭟ᬳᬶᬤᬾᬯᬕᬸᬂᬫᬲᬮᬶᬦᬦ᭄ᬯᬲ᭄ᬢ᭄ᬭᬘᬾᬮᬾᬢᬸᬭᬄᬚᬦᬶ᭞ᬧᬧ᭄ᬓᭂᬓ᭄ᬩᬢᬶᬓ᭄ᬫᬓᬲᬃᬓᬯᬘᬵᬩᬶᬮᬸᬤ᭄ᬭᬸᬢᬗᬶ᭞ᬳᬮᬶᬳᬮᬶ
Kaca:Bali-lontar-gaguritan-cokoratu-02-250ppi.pdf/31
Kaca puniki sampun kauji-wacén
