[᭒᭙ 29 B]
᭒᭙
ᬦ᭄ᬳ᭄ᬬᬂᬜᭂᬫ᭄ᬧᬂ᭞ᬓᬾᬦ᭄ᬓᬾᬦ᭄ᬍᬕᬵᬅ᭄ᬮᭀᬅ᭄ᬓᬾᬫᬗ᭄ᬮᬶᬬᬢᬶᬦ᭄᭞ᬳᬶᬩᬦ᭄ᬤᬾᬱᬵᬓ᭄ᬜᭂᬫ᭄ᬫᬳᬢᬸᬃᬤᬾᬭᬾᬂᬲᬶᬫᬓᬦ᭄ᬢᭂᬦᬦ᭄᭞ᬘᭀᬓᭀᬃᬭᬢᬸᬓ᭄ᬜᭂᬫ᭄ᬫᬶᬭᬶᬩ᭄ᬫᭂᬫ᭄ᬩᬄᬚᬸᬭᬸᬄ᭞ᬫᬮᬶᬗ᭄ᬕᬶᬄᬤᬶᬳᬸᬦ᭄ᬤᬕ᭄ᬳᬸᬦ᭄ᬤᬕ᭄᭞ᬳᬶᬤᭀᬓ᭄ᬮᬯᬸᬢ᭄ᬫᬓᬳᬸᬓᬶᬦ᭄᭟ᬢ᭄ᬓᭂᬬ᭄ᬬᬜᭀ
ᬗ᭄ᬓᭀᬓ᭄ᬫᬜᬸᬫ᭄ᬩᬄᬘᭀᬓᭀᬃᬭᬢᬸᬗᬦ᭄ᬤᬶᬓᬵᬭᬸᬫᬫᬦᬶᬲ᭄᭞ᬩᬶᬄᬓ᭄ᬫᭂᬮ᭄ᬯᬲ᭄ᬓᬅ᭄ᬳᬕᬸᬲ᭄ᬫᬗᬮᬶᬄᬩᬭᬂᬩᬭᬂ᭞ᬢ᭄ᬓᬾᬦ᭄ᬩᬢᬶᬓ᭄ᬤ᭄ᬯᬂᬮᭀᬲᬶᬦᬾᬦᬾᬧᬢᬸᬄᬍᬗᬶᬲ᭄ᬓᬾᬦ᭄ᬳᬶᬗᬦᬦ᭄ᬤᬤ᭄ᬯ᭞ᬩ᭄ᬘᬢ᭄ᬳᬾᬗ᭄ᬕᬮ᭄ᬳᬩᬵᬫᬳᬶ᭟ᬳᬶᬤᭀᬓ᭄ᬜᬸᬫ᭄ᬩᬄᬮᬯᬸᬢ᭄ᬫᬶᬦ᭄ᬢᬃ᭞
ᬫᬫ᭄ᬩᬸᬃᬳᬕ᭄ᬮᬶᬲ᭄ᬫᬗᬫ᭄ᬩᬳᬶᬦ᭄ᬳᬯ᭄ᬬᬢ᭄ᬣᬶ᭞ᬳᬲᬓ᭄ᬱᬡ᭄ᬦᬳ᭄ᬬᬫᬓ᭄ᬩᬸᬃᬯᬭᬸᬄᬤᬶᬫᬬᬵᬲᬺᬗ᭄ᬕᬵ᭞ᬮᬯᬸᬢ᭄ᬜᭂᬫᬓ᭄ᬩᬸᬓᬵᬦᬾᬓᬤ᭠ᬳᬸᬄᬩᬳᬸ᭞ᬩ᭄ᬯᬶᬦ᭄ᬫᬓ᭄ᬩᬸᬃᬗ᭄ᬕᬕᬦᬵᬲᬸᬩᬢ᭄ᬓᭂᬤᬶᬧᭀᬄᬕᬤᬶᬂ᭟ᬮᬦ᭄ᬢᬲ᭄ᬳ᭄ᬬᬗ᭄ᬮᬯᬸᬢ᭄ᬫᬸᬮ᭄ᬬᬦ᭄᭞ᬘᭀᬓᭀᬃᬭᬢᬸᬤᬶᬳᬸᬦ᭄ᬤᬕ᭄ᬦᬸᬫᬮᬶ
ᬗ᭄ᬕᬶᬄ᭞ᬦᬾᬦᬾ ᬤᬤ᭄ᬯᬧᬤᬵᬤᬶᬢᬸᬦᬗᬶᬂᬳ᭄ᬬᬤᬶᬩ᭄ᬢᬾᬦᬦ᭄ᬘᭀᬓᭀᬃᬭᬢᬸᬫᬗᬸᬲᬨᬸᬲᬧ᭄ᬫᬗ᭄ᬮᬸᬢ᭄᭞ᬓᬲᬼᬧᬶᬢ᭄ᬳ᭄ᬬᬵᬫᬓᬵᬤᬤ᭄ᬯ᭞ᬓᬓᬶᬤᭀᬓ᭄ᬱᬕᬾᬢᬦ᭄ᬧ᭄ᬭᬧ᭄ᬝᬶ᭟ᬫᬗᬢᬸᬭᬂᬩᬭᬂᬢ᭄ᬓᬾᬦ᭄ᬧ᭄ᬢᬶᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄᭞ᬧ᭄ᬝᬶᬦᬾᬘ᭄ᬮᬸᬧᬂᬫ
[᭓᭐ 30 A]
ᬮᬸᬳ᭄ᬦᬾᬮᬳᬸᬢᬂᬕᬕᬄ᭞ᬢᭀᬓᬸᬳᬸᬩᬶᬦ᭄ᬧ᭄ᬢᬾᬓ᭄ᬦᬾᬦᬾᬫ᭄ᬥᭂᬫ᭄ᬤᬶᬢᬸ᭞ᬢᭀᬧᬤᬵᬳ᭄ᬬᬩᬓᬮ᭄ᬩᬳᬂ᭞ᬳᬶᬤᭀᬓ᭄ᬜᬸᬫ᭄ᬩᬄᬢᬶᬢ᭄ᬬᬂᬗᬶᬭᬶᬂ᭟ᬓᭀᬭᬢᬸᬲᬸᬩᬵᬫᬸᬗ᭄ᬕᬳᬦ᭄᭞ᬳᬶᬩᬦ᭄ᬤᬾᬱᬵᬳᬶᬧᬲᭂᬓ᭄ᬫᬓᬯᬸᬓᬶᬦ᭄᭞ᬳᬶᬧᬸᬦ᭄ᬕᬓ᭄ᬤᬶᬢᬸᬲᬶᬕ᭄ᬢᭀᬗᭀᬲᬾ
ᬳᬶᬢᬸᬦ᭄ᬬᬦ᭄᭞ᬫᬰᬶᬄᬲᬋᬂᬭᬢᬸᬗᬯᬸᬓᬶᬦ᭄ᬳᬶᬧᬸᬦ᭄᭞ᬩᬋᬂᬩᬋᬂᬳ᭄ᬬᬫ᭄ᬦᬾᬓᬦ᭄᭞ᬮᬯᬸᬢ᭄ᬣᬫᬗᬰᬶᬄᬳᬰᬶᬄ᭟ᬳᬭᬄᬗ᭄ᬕᬶᬄᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭞ᬤᬚᬵᬗᬮᬶᬄᬲᬶᬭᬋᬓᬾᬗᬢᬸᬭᬶᬦ᭄᭞ᬲᬗ᭄ᬓᬅ᭄ᬳᬩᬵᬦᬶᬓᬮᬶᬬᬸ᭞ᬳᬭᬄᬤᬢ᭄ᬣᬢᬓᭀᬦᬂ᭞ᬳᬶ
ᬩᬦ᭄ᬤᬾᬱᬵᬩ᭄ᬜᭂᬂᬳ᭄ᬬᬫᬲᬯᬂᬚᭂᬦ᭄ᬤᬸᬮ᭄᭞ᬳᬶᬧᬲᭂᬓ᭄ᬫᬫᬸᬜᬶᬗᬫ᭄ᬧᬃ᭞ᬢᭂᬓᬲ᭄ᬮᬂᬕᬢᬶᬕᬢᬶ᭟ᬓᭀᬃᬭᬢᬸᬓ᭄ᬜᭂᬫ᭄ᬫᬶᬋᬗᬂ᭞ᬮᬸᬢ᭄ᬗᬦ᭄ᬤᬶᬓᬵᬲᬳᭂᬘᬘᬶᬗᬓ᭄ᬫᬦᬶᬲ᭄᭞ᬩᬶᬄᬫᬳᬶᬧᬳᭂᬓᬂᬫᬮᬸᬦ᭄ᬤᬾᬦ᭄ᬳ᭄ᬬᬂᬫᬗᭀᬂᬢᬬᬂ᭞ᬤᬅ᭄ᬜᬦ᭄ᬯᬾᬭᬵᬳ᭄ᬬᬂᬢᬓᬸᬢ᭄ᬓᬾᬦ᭄ᬳᬸᬬᬸᬢ᭄᭞
ᬳᬶᬧᬲᭂᬓ᭄ᬢᬸᬢᬸᬢ᭄ᬫᬳᭂᬓᬂᬮᬯᬸᬢ᭄ᬫᬓᬶᬲᬶᬓᬶᬲᬶᬦᬶᬦ᭄᭟ᬦᬓ᭄ᬥᬶᬢᬸᬤᬶᬤ᭄ᬮᭀᬤ᭄ᬫᬃᬕᭂᬬ᭄ᬬᬂᬫᬓᬶᬗ᭄ᬲᬦ᭄ᬢᭂᬓᬦᬶᬳᬶᬤᬤᭀᬲᬶᬮᬶᬩ᭄᭞ᬳᬶᬧᬲᭂᬓ᭄ᬗᬫ᭄ᬩ᭄ᬭᬾᬲ᭄ᬫᬲᬳᬸᬢ᭄ᬳᬄᬩᬶᬱᬵᬓᭀᬫᬗ᭄ᬭᬕ᭄ᬭᬕ᭄᭞ᬳᬶᬩᬦ᭄ᬤᬾᬱᬵᬫᬫᬸᬜᬶᬜᬾᬦ᭄ᬚᭂᬫᬗᬸᬕᬸ᭞ᬢᬸᬗ᭄ᬓᬸᬮ᭄ᬫᬘᬦ᭄ᬤᭂᬘᬦ᭄ᬤᬬᬦ᭄
Kaca:Bali-lontar-gaguritan-cokoratu-02-250ppi.pdf/30
Kaca puniki sampun kauji-wacén
