Kaca:Bali-lontar-gaguritan-cokoratu-02-250ppi.pdf/23

Saking Wikisource
Kaca puniki sampun kauji-wacén

[᭒᭒ 22 B]
᭒᭒
ᬕᬤᬂᬩᬗ᭄ᬲᭂᬳᬸᬫᬸᬃᬮᬸᬫ᭄ᬮᬸᬫ᭄ᬳᬮᬶᬫ᭄᭞ᬫᬓᬫ᭄ᬧᬸᬄᬲᬸᬢᬺᬓᬘ᭄ᬬᬮ᭄‌ᬫ᭄ᬩᭀᬢ᭄ᬢᬦ᭄ᬚᬯᬶ᭟ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬫᬳᭀᬭᬗ᭄ᬓᬵᬓᬓᭀᬚᭀᬗᬦ᭄᭞ᬫᬤᬗᬦᬦ᭄ᬕ᭄ᬭᬦ᭄ᬢᬶᬫ᭄‌ᬗᭂᬦ᭄ᬤᬶᬄᬩᬦ᭄ᬲᭀᬲᭀᬘᬦ᭄᭞ᬲ᭄ᬮᬸᬢ᭄ᬚᬶᬦᬯ᭄ᬯᬚᬯ᭄ᬯᬓᬯᬘᬵᬩᬶᬮᬸᬤ᭄ᬭᬸᬢᬗᬶ᭞ᬫ
ᬫᭀᬤ᭄ᬭᬾᬳ᭄ᬫᬲ᭄‌ᬩᬸᬗ᭄ᬓᬸᬂᬳᬶᬦ᭄ᬢᭂᬦ᭄ᬤᬶᬓᬘᬶᬂ᭟ᬳᬸᬦ᭄ᬢᬸᬧ᭄ᬢᬓ᭄ᬳᬧᬶᬢ᭄‌ᬲᬼᬫ᭄ᬫᬗᬸᬮᬾᬮᬫ᭄᭞ᬭᬱᬵᬗᬶᬫ᭄ᬩᬸᬳᬶᬦ᭄ᬫᬦᬶᬲ᭄‌ᬓ᭄ᬜᭂᬫᬗᬦ᭄ᬤᬶᬓᬵ᭞ᬳᬶᬤᭀᬓ᭄ᬧᬭᬦᬶᬂᬘᬶᬗᬓ᭄ᬩᬶᬄᬚᬮᬄᬫᬮᬮᬶᬚᬦᬶ᭞ᬧᬂᬦᬯᬂᬧᬬᬃᬳᬶᬤᭀᬓ᭄ᬫᬳᬢᬸᬃᬳᬭᬶᬲ᭄᭟ᬭᬢᬸᬦᬸᬦᬲ᭄ᬓᭂ᭠
ᬧᭀᬄᬕᬤ᭄ᬥᬶᬂᬫᬗ᭄ᬓᬶᬦ᭄ᬧᬢᬲ᭄᭞ᬯᬾᬦ᭄ᬢᭂᬦ᭄ᬓᬓᬼᬘᬦ᭄ᬩᭂᬘᬶᬓ᭄‌ᬗᬶᬂᬲᬫ᭄ᬧᬸᬦ᭄ᬫᬦ᭄ᬫᬩ᭄ᬯᬢ᭄᭞ᬫᬮᬶᬗ᭄ᬕᬶᬄᬫᬧᬬᬸᬩᬦ᭄ᬢᬶᬢ᭄ᬬᬂᬭᬢᬸᬗᬮᬶᬦ᭄ᬤᭂᬗᬶᬦ᭄᭞ᬓᭀᬭᬢᬸᬓᭀᬤᬮ᭄ᬚᬤᭀᬚᬤᭀᬫᬫᬃᬕ᭄ᬕᬶ᭟ᬲᬸᬩᭂᬢ᭄ᬓᭂᬤᬶᬧᭀᬄᬕᬤᬶᬂᬳᬲᬓ᭄ᬱᬡ᭞ᬤᬾᬱᬵᬫᬶᬭᬶᬩ᭄
ᬦ᭄ᬕᬭᬶᬦᬧᬓ᭄ᬚᬶᬫ᭄ᬩᬃᬓᭀᬭᬢᬸᬮᬸᬢ᭄ᬫᬭᬬ᭄ᬬᬦ᭄ᬫᬮᬶᬗ᭄ᬕᬶᬄᬩᬢᬦ᭄ᬩᬳᬶᬗᬶᬦ᭄᭞ᬳᬲᬶᬂᬫᬧᬧᬲ᭄ᬕᭂᬮᬸᬧᬤᬵᬗ᭄ᬮᬶᬬᬢᬶᬦ᭄᭟ᬤᬶᬕᭀᬘᬾᬓᬦ᭄ᬭᬫᬾᬧᬤᬵᬗᬤᬸᬩ᭄ᬯᬢ᭄᭞ᬫᬸᬳᬸᬕ᭄ᬲᬮᬶᬂᬢᬶᬫ᭄ᬩᬮᬶᬦ᭄‌ᬳᬤᬵᬗᬲᬲ᭄ᬥᭀᬫᬲ᭄᭞ᬳᬤᬵᬗᭂᬘᭀᬓ᭄ᬓᭂᬘᭀᬓᬦ᭄
[᭒᭓ 23 A]
ᬫᬩ᭄ᬭᬶᬬᬸᬕ᭄ᬲᬕᬾᬢᬦ᭄ᬲᬧᬶᬄ᭞ᬫ᭄ᬓᭂᬮ᭄ᬩᬦ᭄ᬤᬾᬱᬵᬫᬓᬶᬍᬲ᭄ᬮᬸᬢ᭄ᬓᬲᬶᬲᬶ᭟ᬧ᭄ᬭᬬᬵᬫᬜᬸᬄᬤᬤᬶᬗ᭄ᬦᭀᬢ᭄ᬘᬬᬫᬜ᭄ᬘᬃ᭞ᬩᬕᬸᬢᬦ᭄ᬲᬶᬧᬶᬲᬶᬧᬶᬮᬯᬸᬢ᭄ᬣᬫᬜ᭄ᬚᬕ᭄ᬚᬕ᭄᭞ᬜᭀᬗ᭄ᬓᭀᬓ᭄ᬱᬤᬵᬧ᭄ᬭᬦᬫ᭄ᬬᬫ᭄ᬧᭂᬲ᭄ᬫᬸᬜᬶᬦ᭄ᬜᬦᬾᬫᬦᬶᬲ᭄᭞ᬢᬶᬢ᭄ᬬᬂᬦᬸᬦᬲᬂᬧᬸᬦᬧᬶᬚᬵᬧᬸ
ᬦᬶᬓᬶ᭟ᬳᬶᬘᬫ᭄ᬘ᭄ᬬᭀᬦᬶᬫ᭄ᬩᬮ᭄ᬧᬲᬳᬸᬢᬾᬩᬦ᭄ᬩᬦ᭄᭞ᬗ᭄ᬕᬶᬄᬲᬶᬋᬚᬵᬧᬸᬦᬶᬓᬶᬳᬶᬘᬫᬦᬓᬾᬦᬂ᭞ᬤᬸᬭᬸᬲᬂᬓᬾᬦ᭄ᬤᬶᬓᬬᬂᬧᬲᬾᬗᬦ᭄ᬫᬓᬤᬶᬮᬶᬗ᭄ᬕᬶᬄ᭞ᬭᬾᬄᬓᬢᬦ᭄ᬤ᭄ᬭᬸᬯᬦ᭄ᬢ᭄ᬬᬂᬦᬾᬦ᭄ᬢᭂᬦ᭄ᬚᭂᬳᬸᬦᬶᬂ᭟ᬳᬶᬩᬦ᭄ᬤᬾᬱᬵᬕ᭄ᬢᬃᬧᬲᬳᬸᬢᬾᬗᬲᬩ᭄᭞ᬳᬶᬗ᭄ᬕᬶᬄᬢ᭄ᬬᬂ
ᬧᬸᬦᬶᬓᬶᬫᬸᬍᬤᬤᭀᬲ᭄‌ᬓ᭄ᬮᬶᬬᬂ᭞ᬲᬓᬶᬂᬮᬮᬸᬳᬸᬃᬢ᭄ᬬᬂᬦ᭄ᬤᬸᬢᬶᬦ᭄ᬤᬸᬢᬶᬳᬶᬭᬶᬓᬶ᭞ᬢ᭄ᬬᬂᬫᬳᬤᬦ᭄ᬩᬦ᭄ᬤᬾᬱᬵᬤᬶᬧᭀᬄᬕᬦ᭄ᬤᬶᬂ᭟ᬳᬶᬘᬫ᭄ᬘ᭄ᬬᭀᬦᬶᬫ᭄ᬩᬮ᭄ᬧᬧᭂᬲᭀᬕ᭄ᬢᬃ᭞ᬳᬶᬗ᭄ᬕᬶᬄᬚ᭄ᬭᭀᬕ᭄ᬥᬾᬫᬗ᭄ᬓᬶᬦ᭄ᬢ᭄ᬬᬂᬫᬗᬢᬸᬭᬂᬧᬸᬦᬶᬓᬸᬕᬸᬲ᭄ᬢᬶᬦ᭄ᬢ᭄ᬬᬂᬓᭀᬭᬢᬸᬳᬶᬗ᭄ᬕᬶᬄᬳᬾᬮ᭄ᬯᬶᬄ
ᬲᬤ᭄ᬬᬗᬼᬮᬦᬵᬜ᭄ᬚᬚᬄᬤᬾᬱᬵᬫᬭᬶᬓᬶ᭟ᬳᬶᬩᬦ᭄ᬤᬾᬱᬵᬫ᭄ᬧᭂᬲᬗ᭄ᬕᬵᬫᬢᬸᬃᬕ᭄ᬢᬃ᭞ᬭᬢᬸᬲᬫ᭄ᬧᬸᬭᬵᬳᬸᬕᬶᬓᬢᬫ᭄ᬩᭂᬢᬦ᭄ᬢᬶᬢ᭄ᬬᬂᬮᬸᬘᬸᬦ᭄ᬤᬯᭂᬕᬂᬧᬶᬲᬦ᭄᭞ᬲ᭄ᬯᬾᬘᬵᬓᭀᬭᬢᬸᬫᬗ᭄ᬮᬶᬦ᭄ᬱᬶᬫ᭄ᬧᬗᬂᬢᬶᬢ᭄ᬬᬂᬦᬸᬦᬲ᭄ᬭᬢᬸᬫᬗ᭄ᬭᬭᬶᬲ᭄᭟ᬘᭀᬓᭀᬃᬭᬢᬸᬓ᭄ᬜᭂᬫ᭄ᬫᬶᬭᬶᬩ᭄ᬫᭂᬫ᭄ᬩᬄ