Kaca:Bali-lontar-gaguritan-cokoratu-02-250ppi.pdf/14

Saking Wikisource
Kaca puniki sampun kauji-wacén

[᭑᭓ 13 B]
᭑᭓
ᬜ᭄ᬚᬓᬂ᭞ᬳᬦᬓᬕᬸᬂᬩ᭄ᬬᬂᬓ᭄ᬜᭂᬫ᭄ᬦᬫ᭄ᬩᬸᬗᬶᬦ᭄᭞ᬕᬸᬫᬶᬥᬸᬭᬦᬾᬭᬢᬸᬳᬶᬤᬵᬚᬦᬶᬗᭀᬤᬕ᭄ᬕᬂ᭞ᬢ᭄ᬬᬂᬳᬗ᭄ᬕᭀᬦ᭄ᬧᬜ᭄ᬚᬓ᭄ᬱᬳᬶᬚᬸᬭᬸᬲᬧᬸᬄ᭞ᬓᭀᬭᬢᬸᬓ᭄ᬜᭂᬫᬦᬶᬫ᭄ᬩᬮ᭄᭞ᬢᬦ᭄ᬜᬦ᭄ᬤᬂᬗᬂᬫᬮᬶᬄ᭟ᬚᬦᬶᬲᬸᬩᬫᬤᬩ᭄ᬤᬩᬦ᭄‌ᬚᬕᬫᬦ᭄ᬢᬸᬓ᭄‌ᬳ᭄ᬦᭂᬂᬲᬂᬯᬶᬭᬓᬮᬶᬄ᭞ᬤᬶ
ᬫᬥᬸᬭᬜ᭄ᬦᭂᬂᬳᬕᬸᬂᬗᬼᬕᬦᬶᬦ᭄‌ᬓ᭄ᬦᭂᬄᬚᬕᬢ᭄᭞ᬕᭂᬫᬸᬄᬮᬦ᭄ᬤᬸᬄᬳᬲᬶᬂᬭᬸᬲᬓ᭄ᬓᬧᬳᬬᬸ᭞ᬢᬦᬦᬵᬩᬬᬓᬭᬱ᭞ᬤᬃᬫᬵᬳᬸᬮᬳᬶᬂᬲᬕᬸᬫᬶ᭟ᬤᬸᬃ᭟ᬤᬤᬶᬮᬸᬫ᭄ᬩ᭄ᬭᬄᬓᬢᬾᬂᬲ᭄ᬫᬭᬦ᭄ᬕᬭ᭞ᬫ᭄ᬯᬂᬭᬶᬂᬓ᭄ᬭᬢ᭄ᬣᬦ᭄ᬕᬭᬶᬧᬦ᭄ᬕᬧᬲᬦᬓᬦ᭄᭞ᬮᬯᬦ᭄ᬭᬚᬾᬂᬫᬥᬸᬭᬵᬳᬦ
ᬓ᭄ᬫᬸᬮᬵᬢᬺᬱ᭄ᬡᬳᬰᬶᬄ᭞ᬧᬘᬂᬫᬗ᭄ᬮᬯᬦ᭄ᬓᬫᬥᬸᬭᬦᬕᬭᬶ᭟ᬓᬘᬭᬶᬢ᭄ᬣᬲᬶᬭᬚᬶᬲ᭄ᬫᬭᬦᬕᬭᬵ᭞ᬯᭂᬦ᭄ᬢᭂᬦᬶᬂᬓᬺᬢ᭄ᬣᬧᬸᬭᬶᬳᬧᬦ᭄‌ᬧᬲᬦᬓᬦ᭄‌ᬧᬥᬵᬓᭀᬦ᭄ᬓᭀᬦ᭄ᬓᭀᬦᬦ᭄ᬫᬭᬶᬂᬫᬥᬸᬭᬵᬦ᭄ᬕᬭᬶ᭞ᬳᬧᬦ᭄ᬳᬲᬦᬓ᭄ᬫᬥᬸᬭᬵᬧᬫᬸᬭᬕᬶᬮ᭄᭟ᬫᬜ᭄ᬚᬮᬦᬂᬧᬵ
ᬦᬓ᭄ᬧᬤᬵᬩᬚᬂᬩᬚᬂ᭞ᬩᬸᬫᬭᬫ᭄ᬦᬾᬓ᭄ᬮᬶᬄᬕᭀᬩᬫ᭄ᬮᬄᬫ᭄ᬮᬄ᭞ᬳᬶᬤᬵᬳᬢᬸᬤᬾᬅ᭄ᬳᭀᬓᬵ᭞ᬭᬚᬧᬸᬢ᭄ᬭᬾᬂᬲ᭄ᬫᬭᬧᬸᬭᬶ᭞ᬧᬫᬸᬮᬸᬗᬦ᭄ᬤᬢ᭄‌ᬫᬢ᭄ᬣᬕᬮᬓ᭄ᬓᬫᬦᬶᬲ᭄᭟ᬳᬯᬓ᭄ᬚᬂᬜ᭄ᬚᬂᬓ᭄ᬫᬶᬓᬦᬾᬗᭂᬘᭀᬃᬕᬸᬮᬵ᭞ᬧᬦ᭄ᬢᭂᬲ᭄ᬭᬫ᭄ᬬᬦᬶᬂᬩᬸᬤᬶᬩᬩᬭᭀᬧᬜᬮᬄ᭞ᬩ᭄ᬯᬶᬦ᭄ᬦᬾ
[᭑᭔ 14 A]
ᬦᬾᬘ᭄ᬭᬶᬓᬦ᭄‌ᬳᬶᬧᬱᬳᬢᬸᬤᬾᬅ᭄ᬭᬳᬶ᭞ᬩᬾᬢᬓ᭄ᬩᬸᬢᬾᬓ᭄ᬢᬓ᭄‌ᬢᬗ᭄ᬓᭂᬧᬦ᭄ᬢᭂᬲ᭄ᬥᬮᬶᬭᬶᬂ᭟ᬧᬤᬵᬳᬦᬸᬢ᭄ᬫᬫᬶᬲᬦ᭄ᬢᭀᬂᬢᬳᬾᬦ᭄ᬩᭂᬮᬲ᭄᭞ᬧᬤᬵᬲᬮᬶᬂᬧᭀᬦ᭄ᬤᭀᬓᬶᬦ᭄᭞ᬲᬸᬩᭂᬓᬤᬯᬸᬳᬦ᭄ᬩᬶᬦ᭄ᬫᬦᬶᬗᬦ᭄ᬢ᭄ᬬᬂᬮᬸᬯᬲ᭄᭞ᬤᬤᬶᬳᭂᬗ᭄ᬲᬧ᭄ᬩᬸᬓᬵᬫᬢᬶ᭞ᬢᬸᬗ᭄ᬓᬸᬮ᭄ᬫᬘᬦ᭄ᬤᭂ
ᬫᬋᬩᬢ᭄ᬱᬮᬶᬂᬤᬸᬮᬶ᭟ᬫᬧᬧᬃᬡ᭄ᬦᬦ᭄ᬤᬶᬧ᭄ᬤᭂᬫᬦ᭄ᬧᬓ᭄ᬩᬕ᭄ᬩᬕ᭄‌ᬘᭂᬓ᭄ᬕᭂᬤᭂᬕ᭄ᬕᬾᬢᬦ᭄ᬲᬶᬧᬶᬳᬲᬓ᭄ᬱᬡ᭄ᬦᬮᬾᬤᬂ᭞ᬲᭀᬢᬦ᭄ᬦᬶᬂᬚᬬᬾᬂᬢᬶᬮᬫ᭄᭞ᬦ᭄ᬤᬢᬦ᭄ᬓᬯᬃᬡ᭄ᬦᬭᬶᬂᬯ᭄ᬗᬶ᭞ᬦᬸᬮ᭄ᬬᬫᬺᬫ᭄ᬧᬶᬲᬦ᭄᭞ᬤᬯᬸᬄᬲᬧ᭄ᬝᬳᬢᬗᬶ᭟ᬤᬤᬶᬩᬩᬂᬳᬶᬘᬧᬵᬦᬸᬦ᭄ᬤᬸᬦ᭄ᬳᬶᬧ
ᬱᬵ᭞ᬢᬸᬤᬾᬅ᭄‌ᬗ᭄ᬕᬶᬄᬓᬾᬫ᭄ᬝᬗᬶᬦᬶᬓᬶᬲᬸᬩᬍᬫᬄᬚᬮᬄᬓᬾᬫᬤᬩ᭄ᬤᬩᬦ᭄᭞ᬳᬶᬧᬱᬵᬫᭂᬦ᭄ᬤᭂᬧ᭄ᬫᬫᭂᬦ᭄ᬤᬶᬮ᭄᭞ᬫᬳᬧᬶᬓᬶᬬᬧ᭄᭞ᬳᬶᬘᬗᬭᬶᬄᬳᬭᬶᬄ᭟ᬳᬦᬓᬕᬸᬂᬳᭂᬗ᭄ᬕᬶᬄᬢ᭄ᬬᬂᬫᬦ᭄ᬤᬯ᭄ᬕᬂᬦᬶᬓᬶᬲᬸᬩᬢ᭄ᬗᬳᬶ᭞ᬳᬶᬧᬱᬵᬗᬫ᭄ᬩ᭄ᬭᬾᬲᬂᬲᬸᬩᬢᬾᬲᬚᬢ
ᬢᬲ᭄‌ᬮᬩᬦᬾᬧᬘᬂᬓᬧᬗ᭄ᬕᬶᬄ᭞ᬓᬸᬭᬶᬂᬫᬕᬤᬂᬳᬶᬘᬧᬲᬳᬸᬃᬓ᭄ᬜᬶᬃ᭟ᬳᬭᬄᬢᬾᬢᬾᬄᬮᬩᭂᬳᬧᬵᬮᬸᬓ᭄ᬩᬓᬢᬂ᭞ᬢ᭄ᬬᬂᬢᬓᬸᬢ᭄ᬭᬶᬂᬳᬚᬶᬅ᭄‌ᬲᬶᬜᬓᬩᬳᭀᬲᬦ᭄᭞ᬤ᭄ᬧᬂᬲᬸᬩᭂᬕᬤᬓᬦ᭄ᬳᬶᬧᬱᬫᬫ᭄ᬩᬸᬓᬓᭀᬭᬶ᭞ᬦᬜ᭄ᬚᬸᬂᬧᬋᬓᬦ᭄‌ᬤᬶᬳᬫ᭄ᬩᬾᬦᬾᬧᬕ᭄ᬮᬶ