᭑᭒᭓ 123 B]
᭑᭒᭓
ᬢᬓᭀᬦ᭄ᬳᬮᬸᬲ᭄ᬳᬶᬤ᭄ᬯᬕᬸᬂᬳᬶᬤᬤᬶᬚᬵᬢ᭄ᬬᬂᬓᬳᬸᬳᬸᬢᬸᬲ᭄ᬳᬦ᭄ᬢᬸᬓ᭄ᬳᬶᬤᬳᬤᬾᬯᬕᬸᬂᬦ᭄ᬮᬶᬓᬶᬦ᭄ᬳᬶᬤᬳᬦᬓ᭄ᬥᬵᬳᬤᬕ᭄ᬢᬃᬫᬗᭀᬭᬳᬶᬦ᭄᭟ᬳᬶᬤᬾᬯᬕᬸᬂᬗᬧᬸᬭᬶᬬᬂᬬᬦ᭄ᬢᬦ᭄ᬧ᭄ᬮᬶᬄᬩᬳᬦ᭄ᬢ᭄ᬬᬂᬗᭀᬭᬳᬶᬦ᭄ᬓᬲᬶᬗ᭄ᬕᬵᬋᬧᬵ
ᬫᬗ᭄ᬮᬳᬸᬢ᭄ᬫᬚᬮᬦ᭄ᬲᬸᬩᬵᬢ᭄ᬓᬤᬶᬲᬶᬗ᭄ᬕᬵᬋᬧᬵᬳᬶᬤ᭄ᬯᬕᬸᬂᬫᬮᬶᬗ᭄ᬕᬶᬄᬤᬶᬩᬢᬦ᭄ᬧᬸᬤᬓ᭄ᬧᬧᬶᬗᬶᬢᬦ᭄ᬢ᭄ᬩᭂᬂᬦᬗ᭄ᬓᬶᬮ᭄᭟ᬳᬶᬧᬭᭀᬲ᭄ᬦᭂᬕᬓ᭄ᬦ᭄ᬤᭂᬲᭂᬓᬂᬫ᭄ᬧᭂᬲ᭄ᬜᬸᬫ᭄ᬩᬄᬗᬢᬸᬯᭂᬳᬗ᭄ᬕᭂᬮᬶᬲ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄ᬳᬚᬶᬅ᭄ᬤᬶᬚᬵ
ᬳᬶᬢᬸᬦ᭄ᬬᬦ᭄ᬫ᭄ᬧᭂᬲ᭄ᬫᬢᬸᬃᬳᬶᬧᬭᭀᬲ᭄ᬯᬢᬸᬤᬾᬯᬕᬸᬂᬳᬶᬤᬚᬶᬜ᭄ᬘᭀᬓᭀᬃᬳᬶᬤᬾᬯ᭄ᬯᬭᬶᬂᬳᬫ᭄ᬩᬾᬦᬾᬯᬳᬸᬫᬮᬶᬗ᭄ᬕᬶᬄ᭟ᬳᬶᬤ᭄ᬯᬕᬸᬂᬫᬗᬓ᭄ᬱᬶᬲᬸᬭᬢ᭄ᬤᬤᬶᬦᭂᬕ᭄ᬫᬲᬶᬄᬧᬬᬸᬫᬳᭀᬲᬶᬦ᭄ᬤᬾᬦᬶᬂᬳᬸᬮᬗᬸᬦᬾᬧᬸᬧᬸᬢ᭄ᬓᬧᭀ
ᬩᬦ᭄ᬓᬚᬵᬗᬾᬅ᭄ᬓᬦ᭄ᬲᬸᬩᬢᬸᬢᬸᬕ᭄ᬫᬳᭀᬲᬶᬦ᭄ᬗᬦ᭄ᬤᬶᬓᬵᬳᬮᬸᬲ᭄ᬩᬶᬄᬓᬳᬶᬲᬶᬮᬶᬳᬂᬜᬾᬦ᭄ᬳᬤᬵᬗ᭄ᬮᬄᬧᬗᬸᬢᬶᬦ᭄᭟ᬳᬶᬫᬤᬸᬭᬕᬵᬫᬚᬮᬦ᭄ᬲᬸᬩᬵᬢ᭄ᬓᬮᬸᬢ᭄ᬗᬢᬸᬭᬂᬧᬗᬸᬢᬶᬓ᭄ᬭᬃᬲ᭄ᬜᬸᬭᬢ᭄ᬳᬶᬤᬾᬯᬕᬸᬂ
[᭑᭒᭔ 124 A]
ᬦᬗᬶᬂᬢᬾᬓᬢᬸᬂᬢᬸᬂᬗᬦ᭄ᬫᬸᬜᬶᬦ᭄ᬢᬸᬮᬶᬲ᭄ᬘᭂᬦ᭄ᬤᭂᬢ᭄ᬳᬄᬧᭂᬦ᭄ᬤᭂᬧ᭄ᬤᬵᬮᬶᬬᬸᬓᬦ᭄ᬥᬵᬳᬶᬬᬂᬢᬓᬸᬢ᭄ᬧᬶᬲᬦ᭄ᬤᬤᬶᬮᬶᬦ᭄ᬢᬄᬳᬶᬂᬳᬯᬾᬘᬶ᭟ᬢ᭄ᬯᬄᬳᬓᬾᬢᭀᬫᬸᬜᬶᬦ᭄ᬱᬸᬭᬢ᭄ᬳᬶᬤᬾᬯᬕᬸᬂᬗᬶᬘᬾᬦ᭄ᬳᬶᬧᬭᭀᬲ᭄ᬕᭂᬮᬶᬲ᭄ᬳᬶᬧᬭᭀᬲ᭄ᬫᬗ᭄ᬮ
ᬳᬸᬢ᭄ᬫᬗᬤᬸᬢ᭄ᬲᬸᬩᬵᬫᬧᬦᬶᬢ᭄ᬩᬸᬤᬮ᭄ᬢᬦ᭄ᬘᬭᬶᬢ᭄ᬣᬢ᭄ᬓᭂᬤᬶᬲᬸᬫ᭄ᬦᭂᬧ᭄ᬲᬫ᭄ᬧᬸᬦ᭄ᬗ᭄ᬫᬳᬸᬢ᭄ᬬᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄ᬤ᭄ᬩᬕᬸᬲ᭄ᬗᬸᬭᬄᬫᬮᬶᬗ᭄ᬕᬶᬄ᭟ᬜ᭄ᬩᭂᬂᬗᬶᬗᭂᬃᬧᬋᬭᬕᬬᬦ᭄ᬲᬕᬾᬢ᭄ᬓᬳᬶᬧᬭᭀᬲ᭄ᬫᬢᬸᬃᬓ᭄ᬜᬶᬂᬲᬫ᭄ᬧᬸᬦ᭄ᬫᬘᬶᬦᬬᬂᬭᬢᬸᬗᬶᬂ
ᬲᬸᬭᬢᬾᬫᬢᬸᬮᬓ᭄ᬘᭀᬓᭀᬃᬭᬢᬸᬳᬾᬫᭂᬂᬫᬧᬶᬦᭂᬄᬤᬶᬓᬬᬸᬦ᭄ᬢᭀᬳᬧᬵᬫᬤᬦ᭄ᬜᬶᬤᬬᬂᬳᬸᬮᬶᬲᬾᬫᬢᬸᬮᬓ᭄ᬩᬸᬯᬶᬦ᭄᭟ᬳᬶᬧᬭᭀᬲ᭄ᬓᭂᬜᭂᬫ᭄ᬗᬢᬸᬭᬂᬦᬶᬓᬶᬧᬳᭀᬲᬸᬭᬢᬾᬫᬢᬸᬢᬸᬗᬶᬦ᭄ᬳᬦ᭄ᬢᬸᬓ᭄ᬳᬶᬤᬵ
ᬳᬶᬤᬾᬯᬕᬸᬂᬓᭀᬭᬢᬸᬓ᭄ᬜᭂᬫ᭄ᬜ᭄ᬫᬓ᭄ᬢᬸᬮᬶᬲ᭄ᬧᬸᬧᬸᬢ᭄ᬫᬫᬘᬤᬶᬚ᭄ᬭᭀᬦᬶᬂᬓᬬᬸᬦ᭄ᬓ᭄ᬜᭂᬫ᭄ᬩ᭄ᬯᬶᬦ᭄ᬫᬗᬦ᭄ᬤᬶᬓᬵᬩᬶᬄᬤᬶᬚᬢ᭄ᬧᬸᬓᬶᬦ᭄ᬘᬳᬶ᭟ᬳᬶᬧᬭᭀᬲ᭄ᬭᬭᬶᬲ᭄ᬗᬢᬸᬭᬂᬳᬶᬤᬾᬯᬕᬸᬂᬭᬶᬂᬲᬶᬗ᭄ᬕᬵᬋᬧᬵᬯ᭄ᬬᬓ᭄ᬢᬶᬩ᭄ᬯᬶᬦ᭄ᬫ
Kaca:Bali-lontar-gaguritan-cokoratu-02-250ppi.pdf/124
Kaca puniki sampun kauji-wacén
