[᭑᭑ 11 B]
᭑᭑
ᬧ᭄ᬓᬬᬸᬦᬦ᭄ᬳᬶᬤᬵᬯᬦ᭄ᬘᭀᬓᭀᬃᬳᬶᬭᬢᬸ᭞ᬭᬢᬸᬯᬾᬦ᭄ᬢᭂᬦ᭄ᬚᬸᬫᬄᬢᬶᬢ᭄ᬬᬂ᭞ᬳᬶᬭᬶᬂᬭᬢᬸᬫᬧᬸᬭᬶ᭟ᬫᬯᬲ᭄ᬢᭂᬭᬶᬂᬫᬬᬵᬰ᭄ᬭᬗ᭄ᬕᬤᬗᬶᬦ᭄ᬢᬫᬦ᭄ᬭᬶᬂᬦᬧᬓᬾᬫᬗᬶᬗ᭄ᬕᬶᬮ᭄᭞ᬫᬗ᭄ᬓᬶᬦ᭄ᬓᬫ᭄ᬥᬸᬭᬵᬤᬸᬫᬸᬦ᭄ᬗᬺᬋᬄᬧᬘᬂᬲᬗᬸᬯᬂ᭞ᬯᬾᬦ᭄ᬢᭂᬦ᭄ᬭᬢᬸᬫᬳᬦ᭄ᬢᭀᬦ᭄ᬩᬸᬫᬭᬳᬦᬸᬢ᭄᭞ᬕᬦ᭄ᬢᭀᬲᬾᬫᬗ᭄ᬕᬶᬄᬲᬂᬲ
ᬭᬵ᭞ᬦᬾᬳ᭄ᬮᬸᬄᬗᭂᬜ᭄ᬚᭂᬓ᭄ᬦᬦᬶᬧ᭄ᬬ᭄᭟ᬧᬤᭂᬫ᭄ᬦᬾᬦ᭄ᬢᭂᬦ᭄ᬫᬓ᭄ᬭᬶᬲᬶᬓᬦ᭄᭞ᬳᬓᬾᬩᬮ᭄ᬬᬦᬾᬦ᭄ᬢᭂᬦ᭄ᬜᬶᬤᬬᬂᬲᬫᬶ᭞ᬲᬤᬗᬶᬦᬾ ᬧᬩᬮᬸᬲ᭄ᬩᬸᬲ᭄ᬘᭀᬓᭀᬭᬢᬸᬜᬶᬤᬬᬂ᭞ᬦᬶᬓᬶᬢᬫ᭄ᬩᭂᬫᬱᬵᬦᬾᬦ᭄ᬢᭂᬦ᭄ᬜᬶᬦ᭄ᬳᬸᬭᬶᬧ᭄ᬳᬶᬧᬸᬦ᭄᭞ᬧᬸᬦᬶᬓᬶᬳᬶᬤᭀᬓ᭄ᬗᬶᬭᬶᬗᬂᬘᭀᬓᭀᬃᬳᬶᬭᬢᬸᬦᬾ ᬫᬗ᭄ᬓᬶᬦ᭄᭟ᬲᬂᬓ
ᬮᬶᬄᬭᬭᬶᬲ᭄ᬫᬤᬩ᭄ᬤᬩ᭄᭞ᬫᬲᬮᬶᬦᬦ᭄ᬯᬲ᭄ᬢᬺᬮᬯᬦ᭄ᬓᬸᬮᬫ᭄ᬩᬶ᭞ᬯᬢᭂᬓ᭄ᬚᬶᬫᬗ᭄ᬮᬶᬂᬧᬕ᭄ᬮᬸᬃᬫᬦᬕᬶᬄᬩᬋᬂᬮᬸᬯᬲ᭄᭞ᬗ᭄ᬮᬸᬢ᭄ᬘᭀᬓᭀᬃᬲᬂᬦᬶᬗ᭄ᬕᬮ᭄ᬫᬲᬶᬄᬫᬗ᭄ᬮᬸᬢ᭄᭞ᬧᬤᬵᬳᬦᬗᬶᬲ᭄ᬳᬮᬭᬓᬲ᭄ᬫᬭᬦ᭄ᬧᭀᬮᬳᬶᬂᬳ᭄ᬚᬶᬫ᭄᭟ᬲ᭄ᬫ᭟ᬲᬂᬓᬮᬶᬄᬳᬸᬫᬫ᭄ᬩᬸᬃᬳᬕ᭄ᬮᬶᬲ᭄᭞ᬫᬶᬩᭂᬃᬫᬶᬩᭂᬃᬭᬶᬂᬳ
ᬫ᭄ᬩᬭ᭞ᬳᬯᭀᬭᬶᬂᬳᬫᬤ᭄ᬮᬫᬤᬾ᭞ᬳᬗ᭄ᬮᬶᬯᬢᬶᬂᬩ᭄ᬬᭀᬫᬦ᭄ᬢᬭ᭞ᬮᬫᬸᬦ᭄ᬓᬢᬶᬗᬮᬦ᭄ᬳᬦᬸᬲᬸᬧᬶᬂᬲᬗᬸᬲᬗᬸᬦ᭄᭞ᬫᬾᬤ᭄ᬭᬦ᭄ᬭᬶᬢᬯᬂᬳᬗ᭄ᬮᬬᬂ᭟ᬤᬾᬲᬫᬥᬸᬭᬳᬶᬦᬸᬗ᭄ᬲᬶ᭞ᬓᬢᬶᬗᬮᬦ᭄ᬲᬓᬶᬂᬢᬯᬂ᭞ᬮᬸᬭᬄᬦᬶᬂᬢᬫᬦᬾᬋᬓᭀ᭞ᬳᭀᬋᬕ᭄ᬳᬸᬫ᭄ᬬᬂᬳ
[᭑᭒ 12 A]
ᬯᬸᬭᬳᬦ᭄᭞ᬳᬕ᭄ᬮᬶᬲᬶᬤᬵᬢᬸᬫ᭄ᬥᬓ᭄᭞ᬢ᭄ᬧᬶᬦᬶᬂᬯᬮᬳᬃᬳᬕᬸᬂ᭞ᬯᬾᬦ᭄ᬬᬦ᭄ᬦᬶᬂᬧᬸᬗ᭄ᬓᬸᬃᬭᬶᬂᬢᬫᬦ᭄᭟ᬧᬂ᭟ᬤᬶᬢᬫᬦ᭄ᬚᬦᬶᬳᬸᬘᬧᬂᬫᬩ᭄ᬬᬬᬸᬯᬦ᭄ᬩᬮ᭄ᬬᬦᬾᬮᬸᬄᬫ᭄ᬯᬦᬶ᭞ᬗᬾᬗᬾᬗᬦ᭄ᬓᬮᬯᬦ᭄ᬲᬸᬫ᭄ᬩᬸᬤᬲᬭᬦ᭄ᬫᬶᬯᬄᬚᬫ᭄ᬜ᭄ᬚᬫ᭄ᬢ᭄ᬯᬭᬳᬤᬵᬫ᭄ᬮᬸᬢᬶᬦ᭄ᬳᬗᬦ᭄ᬕᬕᭂᬦ᭄ᬤᬸᬅ᭄᭞ᬳᬤ
ᬦᬶᬗ᭄ᬓ᭄ᬭᬶᬓ᭄ᬓᬢ᭄ᬥᬸᬦᬦ᭄ᬕᬜ᭄ᬚ᭄ᬭᬂᬕᬾᬜ᭄ᬚ᭄ᬭᭀᬂᬚ᭄ᬭᬶᬢ᭄ᬚᭂᬂᬭᬶᬢ᭄᭟ᬫᬗᭀᬭᬳᬂᬳᬤᬵᬩᬮ᭄ᬬᬦ᭄ᬱᬫ᭄ᬧᬶᬂᬢᬸᬓᬤ᭄ᬓ᭄ᬫᬳᬾᬗ᭄ᬕᬮᬂᬳᬮᬶᬄ᭞ᬳᭀᬓᬦ᭄ᬤᬾᬯ᭄ᬯᬳᭂᬦ᭄ᬢᭀᬤᬶᬢᬸ᭞ᬢ᭄ᬯᬭᬳᬤᬵᬗᬺᬱᬧᬂ᭞ᬧᬶᬦᬄᬲ᭄ᬭᬓ᭄ᬓ᭄ᬭᬢ᭄ᬚᭂᬭᬶᬢ᭄ᬕᭂᬮᬃᬕ᭄ᬮᬸᬃ᭞ᬧᬤᬦ᭄ᬤᬭᬭᬶᬲ᭄ᬫᬶᬦᭂᬄᬳᬂᬗᬚᬓᬶᬦ᭄ᬳᬸᬶᬕᬸᬲ᭄ᬢᬶᬧᬢᬶᬄ᭟
ᬫᬃᬕᬶᬄᬚᭂᬭᬢᬸᬳᬶᬦ᭄ᬤᬬᬂᬫᬤᬓ᭄ᬳᬤᬵᬲ᭄ᬯᬾᬘᬦ᭄ᬳᬶᬤᬵᬳ᭄ᬬᬂᬯᬶᬤᬶ᭞ᬩᬦ᭄ᬓᬫᬦᬸᬲᬦᬾᬫᬸᬧᬸᬢ᭄᭞ᬤᬤᬶᬫᬸᬤᬳᬶᬤᭂᬧᬦ᭄᭞ᬫᬵᬦᬄᬢᬶᬢ᭄ᬬᬂᬳᬦ᭄ᬢᬸᬓ᭄ᬧᬓᭀᬩᭂᬢᬾᬫᬸᬧᬸᬢ᭄᭞ᬳᬶᬕᬸᬲ᭄ᬢᬶᬧᬢᬶᬄᬢᬦ᭄ᬧᬜ᭄ᬚᬂᬫᬫᬃᬕ᭄ᬕᬶᬲᬋᬂᬓᬓᬮᬶᬄ᭟ᬤᬶᬚᬮᬦ᭄ᬢ᭄ᬯᬭᬓᭀᬘᬧᬵᬲᬸᬩᬢ᭄ᬓᭂᬤ᭄ᬤᬶ
ᬲᬶᬲᬶᬦ᭄ᬢᬸᬓᬤᬾᬳ᭄ᬦᬶᬂ᭞ᬳᬤᬗ᭄ᬦᬄᬳᬦᬓ᭄ᬩᬕᬸᬲ᭄ᬫᬶᬭᬶᬩ᭄ᬢ᭄ᬯᬭᬫᬦᬸᬱᬵ᭞ᬲᬚᬤᬾᬯ᭄ᬯᬩᬸᬓᬵᬫᬸᬜᬶᬦᬾᬓᬧᬗ᭄ᬕ᭄ᬮᬸᬄ᭞ᬳᬶᬧᬢᬶᬄᬫᬢᬸᬃᬧᬤᬦ᭄ᬤᬦᬸᬦᬲ᭄ᬢᬫ᭄ᬧᭂᬓ᭄ᬓᬂᬧᬭᬦᬶᬦ᭄᭟ᬲᬸᬩᭂᬢ᭄ᬓᭂᬤᬗᬶᬦ᭄ᬢᬸᬓᬤ᭄ᬤᬤᬶᬩ᭄ᬗᭀᬂᬧᬤᬦ᭄ᬤᬕᬸᬲ᭄ᬢᬶᬧᬢᬶᬄ᭞ᬢ᭄ᬯᬭᬤᬤᬶᬧ᭄ᬱᬸᬳᬢᬸᬃᬘᬶᬢ᭄ᬣᬦᬾᬢ
Kaca:Bali-lontar-gaguritan-cokoratu-02-250ppi.pdf/12
Kaca puniki sampun kauji-wacén
