[᭑᭑᭕ 115 B]
᭑᭑᭕
ᬧᬸᬢ᭄ᬭᬕᬭᬯᬮᬦ᭄ᬫᬩ᭄ᬭᬶᬬᬸᬓ᭄ᬓᬳᭀᬤᬮ᭄ᬲᬫᬶᬲᬸᬩᬵᬢ᭄ᬓᭂᬤᬶᬩᬜ᭄ᬘᬶᬗᬄᬢᬗ᭄ᬓᬶᬮ᭄ᬦᬾᬢ᭄ᬩᭂᬂᬢᬶᬢᬶᬩ᭄ᬳᬶᬤ᭄ᬯᬕᬸᬂᬳᬚᬶᬗᬓ᭄ᬱᬶᬳᬦᬓ᭄ᬥᬵᬓ᭄ᬜᭂᬫ᭄ᬫᬢ᭄ᬭᬸᬄᬳᬶᬤ᭄ᬯᬕᬸᬂᬧᬸᬢ᭄ᬭᬜᭂᬫ᭄ᬩᬄᬗ᭄ᬮᬸᬗ᭄ᬲᬸᬃᬮᬮᬸᬧᬸᬢᬦ᭄ᬯ᭄ᬬᬓ᭄ᬢᬶᬳᬦᬓᬕᬸᬂᬩᬕᬸᬲ᭄ᬫᬤᬾ
ᬫᬢᬸᬃᬜᭂᬫ᭄ᬩᬄ᭟ᬭᬢᬸᬲᬫ᭄ᬧᬸᬭᬬᬂᬧᬶᬲᬦ᭄ᬓᬲᬾᬧ᭄ᬳᬶᬦᬸᬦ᭄ᬬᬦ᭄ᬫᬗᬶᬭᬶᬂᬭᬚᬧᬸᬢ᭄ᬭᬲᬮᬶᬂᬢᬶᬫ᭄ᬩᬮ᭄ᬤᬕᬶᬂᬳᬢᬸᬃᬧᬢᭂᬄᬲᬫᬶᬓ᭄ᬜᭂᬫ᭄ᬳᬶᬤ᭄ᬯᬕᬸᬂᬳᬚᬶᬲᬳᬵᬧᬗᬦ᭄ᬤᬶᬓᬵᬳᬮᬸᬲ᭄ᬧᬶᬤᬦ᭄ᬧᬘᬂᬳᬤᬬᬂᬳᬮᬶᬳᬂᬤᬾᬯᬰᬵᬗᬯᬶᬢ᭄
ᬳᬶᬤᬾᬯᬕᬸᬂᬧᬸᬢ᭄ᬭᬫ᭄ᬧᭂᬲ᭄ᬫᬢᬸᬃᬜᬸᬫ᭄ᬩᬄ᭟ᬳᬶᬤᬾᬯᬕᬸᬂᬳᬚᬶᬮᬾᬤ᭄ᬥᬵᬂᬲᬕᬾᬢ᭄ᬗᬺᬤ᭄ᬥᬵᭂᬕ᭄ᬳᬸᬮᬶᬓᬗᬶᬦ᭄ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬚᬭᬦ᭄ᬧᬕ᭄ᬭᬾᬄᬕᬾᬄᬲᬫᬶᬢᬗ᭄ᬓᬶᬮᬦ᭄ᬓᬗ᭄ᬕᭂᬓ᭄ᬱᬫᬶᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄ᬮᬾᬦᬤᬵ
ᬫᬦ᭄ᬤᬼᬓ᭄ᬢᭂᬓᬂᬗᭂᬦᬄᬘᬬᬵᬫᬸᬭᬸᬩ᭄ᬗᭂᬦ᭄ᬤᬶᬄᬲᬕᬾᬢ᭄ᬓᭂᬓᭀᬭᬢᬸᬭᬭᬶᬲ᭄ᬫᬸᬗ᭄ᬕᬳᬦ᭄᭟ᬧᬢᬶᬄᬭᬢ᭄ᬣᬦᬸᬩ᭄ᬢᬾᬦᬦ᭄ᬧᬳᬸᬢ᭄ᬫᬗᬕᭂᬫ᭄ᬘᬫ᭄ᬢᬶᬳᬶᬧᬲᭂᬓ᭄ᬗᬵᬩᬵᬧᬯᬳᬦ᭄ᬮᭀᬅ᭄ᬳᬤᬾᬫᬗᬩᬵᬲᬸᬦ᭄ᬤ᭄ᬭᬶᬢᬗ᭄ᬓᬶᬮᬦ᭄ᬳᬗᭀᬩ᭄ᬲ
[᭑᭑᭖ 116 A]
ᬫᬶᬢᬦ᭄ᬧᭂᬕᬢ᭄ᬫᬭᬦᬶᬂᬤᬸᬮᬸᬳᬶᬤ᭄ᬯᬕᬸᬂᬳᬚᬶᬮᬾᬦ᭄ᬥᬂᬭᬚᬧᬸᬢ᭄ᬭᬘᬦᭂᬕ᭄ᬲᬫᬶᬳᬶᬤᬾᬯᬕᬸᬂᬧᬸᬢ᭄ᬭᬜᬶᬗᬓ᭄ᬢᬦ᭄ᬧᬚᬶᬯᬵ᭟ᬫᬧᬶᬦᭂᬄᬤᬶᬧᬬᬸᬦᬦ᭄ᬦᬾᬢᬾᬳᬦᬓ᭄ᬓᬾᬦ᭄ᬓᬾᬦ᭄ᬤᬦᬶᬩᬸᬓᬵᬧᬶᬡ᭄ᬥᬦᬶᬂᬲᬬᬕᬵᬢᬸᬃᬫᬳᬶᬭᬶᬂᬗᬦ᭄ᬩᬩ᭄ᬘᬶᬓ᭄
ᬧᬦ᭄ᬢᭂᬲ᭄ᬗᬦ᭄ᬢ᭄ᬬᬂᬫᬧᬫᬶᬢ᭄ᬓᬾᬢᭀᬓᬧᬶᬦᭂᬄᬤᬶᬓᬵᬬᬸᬦ᭄ᬓᭀᬭᬢᬸᬭᬭᬶᬲ᭄ᬜᬸᬫ᭄ᬩᬄᬭᬶᬂᬳᬶᬤ᭄ᬥᬵᬤ᭄ᬯᬕᬸᬂᬳᬚᬶᬤᬤᬶᬓ᭄ᬜᭂᬫ᭄ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵ᭟ᬦᬾᬢᬾᬘᬳᬶᬗᬦ᭄ᬢ᭄ᬬᬂᬓ᭄ᬤᬢᬸᬫ᭄ᬩᬾᬦ᭄ᬧᬶᬦ᭄ᬥᬵᬦᬶᬂᬳᬕᬢᬶᬓᭀᬭᬢᬸᬫ᭄ᬧᭂ
ᬲ᭄ᬫᬜᬸᬫ᭄ᬩᬄᬭᬢᬸᬢᬶᬢ᭄ᬬᬂᬫᬢᬸᬃᬲᬶᬲᬶᬧ᭄ᬓ᭄ᬜᭂᬫ᭄ᬫᬳᬢᬸᬃᬭᬭᬶᬲ᭄ᬓᬓᬸᬢ᭄ᬣᬭᬕᬵᬤᬾᬯᬕᬸᬂᬯᬾᬦ᭄ᬢᭂᬦ᭄ᬧᬸᬦᬶᬗᬦ᭄ᬢᬶᬢ᭄ᬬᬂᬗᬾᬦ᭄ᬓᬾᬦ᭄ᬢᬶᬢ᭄ᬬᬂᬫᬗ᭄ᬭᬯᬸᬳᬶᬦ᭄ᬓᭀᬘᬧ᭄ᬳᬶᬧᬸᬦ᭄ᬚᬕᬵᬗ᭄ᬯᬾᬦ᭄ᬢᭂᬦᬂᬓᬓ᭄ᬮᬘᬦ᭄᭟ᬳᬦᬓᬕᬸᬂᬩᬕᬸᬲ᭄ᬓᬭᬂᬓ᭄ᬜᭂ
ᬱ᭄ᬫᬦ᭄ᬤᬶᬓᬵᬳᬭᬶᬲ᭄ᬤ᭄ᬥᬵᬩ᭄ᬮᬶᬮᬸᬯᬲ᭄ᬫᬍᬲᬢ᭄ᬩ᭄ᬯᬶᬦ᭄ᬧᬶᬢᬸᬂᬤᬶᬦᬵᬦᬾᬳᬦ᭄ᬢᬶᬲᬓ᭄ᬦᭂᬄᬩ᭄ᬮᬶᬤᬶᬦᬶᬭᬚᬧᬸᬢ᭄ᬭᬲᬮᬶᬂᬢᭂᬫ᭄ᬩᬸᬂᬤᬕᬶᬂᬧᬤ᭄ᬥᬵᬗᭂᬦ᭄ᬤᭂᬓᬂᬓᭀᬭᬢᬸᬫᬾᬲᭂᬫᬶᬂᬳᬢᬶᬳᬶᬤᬾᬯᬕᬸᬂᬧᬸᬢ᭄ᬭᬦᬯᬂᬦᬯᬂᬳᬸᬮᬢ᭄᭟
Kaca:Bali-lontar-gaguritan-cokoratu-02-250ppi.pdf/116
Kaca puniki sampun kauji-wacén
