[᭑᭑᭐ 110 B]
᭑᭑᭐
ᬤᬵᬗ᭄ᬮᬳᬸᬢ᭄ᬓᭀᬕᬲᬂᬫᬧᬫᬶᬢ᭄ᬬᬗᬦ᭄ᬢ᭄ᬬᬂᬫᬸᬮᬶᬄᬓᭀᬘᬧ᭄ᬗᬸᬲᬩᬲᬾᬲᬦᬾᬤᬶᬫᬫ᭄ᬮᬶᬂ᭟ᬲᬸᬩᬓᬶᬘᬦᬗᬶᬂᬩᬦ᭄ᬢᬲ᭄ᬮᬶᬫᬂᬤᬶᬦᬵᬢᬦ᭄ᬓᭀᬘᬧᬵᬬᬫᬸᬮᬶᬄᬳᬶᬤᬾᬯᬕᬸᬂᬓᭀᬤᬮ᭄ᬤ᭄ᬬᬮᬸᬦ᭄ᬳᬮᬸᬦ᭄ᬯᬦ᭄ᬢᬶᬮᬦ᭄ᬓ
ᬢᬗ᭄ᬓᬶᬮ᭄ᬗᬦ᭄ᬤᬶᬲ᭄ᬢ᭄ᬭᬶᬓ᭄ᬱᬫᬶᬫᬓᬤᬶᬭᬚᬧᬸᬢ᭄ᬭᬗᬶᬭᬶᬂᬲᬫᬶ᭟ᬳᬦᬓᬕᬸᬂᬩᬕᬸᬲ᭄ᬳᭀᬓᬵᬫᬢᬸᬃᬕ᭄ᬢᬃᬤᬾᬯᬕᬸᬂᬓᭀᬘᬧ᭄ᬳᬶᬩᬶᬓᭂᬓᬃᬭᬦᬾᬩᬸᬤᬮ᭄ᬚᬦᬶᬤᬶᬧᬬᬰ᭄ᬭᬗ᭄ᬕᬵᬳᬶᬤᭀᬤᭀᬳᬤᬾᬂᬜᬯᬸᬢᬶᬦ᭄ᬫ᭄ᬮᬳᬦ᭄ᬩᬸᬤᬮ᭄
ᬳᬾᬫᬦᬾᬢᬳᬦ᭄ᬱᬶᬧᬶ᭟ᬳᬶᬤᬾᬯᬕᬸᬂᬧᬸᬢ᭄ᬭᬓ᭄ᬜᭂᬫ᭄ᬮᬸᬢ᭄ᬗᬦ᭄ᬤᬶᬓᬵᬳᬭᬄᬧᬧᬓ᭄ᬓᭂᬡ᭄ᬘᬦᬶᬦ᭄ᬩᬧᬵᬍᬩᬶᬄᬚ᭄ᬜᬄᬳᬤᬵᬓᬯᬄᬫᬗ᭄ᬕᭀᬳᭂᬦ᭄ᬢᭀᬓ᭄ᬭᬡ᭄ᬦᬩᬧᬵᬲ᭄ᬩᭂᬢ᭄ᬲᬶᬂᬧᬶᬲᬦ᭄ᬮᬸᬧ᭄ᬢᬳᬤᬬᬦ᭄ᬳ᭄ᬬᬫᬕ᭄ᬥᬶ᭟ᬢᬦ᭄ᬘᬭᬶᬢ᭄ᬣᬳᬶᬤᬾᬯᬕᬸᬂ
ᬲᬸᬩᬩᬸᬤᬮ᭄ᬓᬧᬸᬭᬶᬲᬋᬂᬲᬫᬶ᭞ᬓᭀᬘᬧ᭄ᬳᬶᬕᬕᬭᬂᬢ᭄ᬓᭂᬤ᭄ᬧᬚᬸᬫᬳᭂᬗᬶᬕᬸᬫ᭄ᬓᬮ᭄ᬓᬫᬬᬵᬰᬺᬗ᭄ᬕᬶᬦᬸᬗᬦ᭄ᬢᬶᬲᬜ᭄ᬚᬯᬶᬭᬾᬄᬫᬚᬮᬦ᭄ᬜᬶᬮᬶᬩ᭄᭟ᬳᬶᬩᬦ᭄ᬤᬾᬲᬵᬤᬶᬫᬫ᭄ᬮᬶᬂᬮ᭄ᬕᬧᬶᬲᬦ᭄ᬢᬸᬫ᭄ᬩᬾᬦ᭄ᬳᬶᬧᬸᬦᭂᬧᬸᬓᬶᬦ᭄
[᭑᭑᭑ 111 A]
ᬧᬦᬓ᭄ᬜᬦᬾᬚᬸᬫᬄ᭞ᬓᬮᬶᬄᬲᬸᬩᬦᬸᬢᬸᬭᬂᬳᬶᬧᬘᬓ᭄ᬦᬾᬤᬶᬧᭀᬄᬕᬤᬶᬂᬳᬶᬧᬶᬤᬦ᭄ᬱᬶᬗ᭄ᬕᬄᬳᬚᬓᬮᬶᬬᬸᬕᬢᬶ᭟ᬚᬦᬶᬧ᭄ᬢᭂᬂᬳᬤᬵᬳᬶᬗᬦ᭄ᬤᬳᬸᬄᬧᬶᬲᬦ᭄ᬳᬶᬚᬶᬯᬵᬭᬕᬵᬕ᭄ᬮᬶᬲ᭄ᬧᬤᬗ᭄ᬮᬜ᭄ᬘᬢ᭄ᬚᬭᬦ᭄ᬗᬭᭀᬂᬫᬩᭂᬤᬵᬮᬦ᭄ᬫ
ᬜᬸᬚᬸᬃᬓᬫᬬᬰᬺᬗ᭄ᬕᬶᬲᬓ᭄ᬱᬡ᭄ᬦᬢ᭄ᬓᬫᬩ᭄ᬭᬶᬬᬸᬓ᭄ᬢᬸᬳᬸᬦ᭄ᬱᬫᬶ᭟ᬤᬾᬦᬶᬂᬲᬸᬳᬸᬂᬦ᭄ᬕᬓ᭄ᬦᬸᬗᬦ᭄ᬢᬶᬯ᭄ᬓᬲᬦ᭄ᬲᬕᬾᬢ᭄ᬳᬶᬕᬭᬾᬂᬕᬭᬶᬢ᭄ᬗᬚᭂᬗᬶᬢ᭄ᬫᬜ᭄ᬚᬕ᭄ᬚᬕ᭄ᬓ᭄ᬜᭂᬫ᭄ᬳᬶᬚᭂᬯᬵᬭᬕᬵᬗᬯᬸᬓᬶᬦ᭄ᬫᬳᬶᬢᬾᬕᬭᬶᬢ᭄ᬓ᭄ᬫᬯ᭄ᬓᬲᬂᬩ᭄ᬮᬶᬫᬫᬋᬓ᭄ᬫ
ᬳᬶ᭟ᬮᬸᬢ᭄ᬫᬮᬳᬶᬩ᭄ᬳᬶᬕᬭᬾᬂᬕᬭᬶᬢ᭄ᬗᬢᬸᬭᬂᬓᭀᬭᬢᬸᬦᬸᬫᬮᬶᬗ᭄ᬕᬶᬄᬚᬓ᭄ᬳᬶᬤᬤᬾᬕᬸᬦ᭄ᬢᬂᬳᬶᬕᬭᬶᬢ᭄ᬫᬦᭂᬲᭂᬓᬂᬓᭀᬭᬢᬸᬓ᭄ᬜᭂᬫ᭄ᬦᬓᭀᬦᬶᬦ᭄ᬦᬾᬳᬧᬵᬳᬤᬵᬮᬸᬢᬫᬢᬸᬃᬗᬚᭂᬗᬶᬢ᭄᭟ᬤ᭄ᬭᬶᬓᬵᬯᬾᬦ᭄ᬢᭂᬦ᭄ᬳᬦ
ᬓ᭄ᬦ᭄ᬕᬓ᭄ᬳᬚᬓ᭄ᬧᬢ᭄ᬧᬢ᭄ᬦᬾᬦᬾᬓᬶᬘᬾᬦᬶᬦ᭄ᬍᬗᬶᬲ᭄ᬓᭀᬭᬢᬸᬗᬦ᭄ᬤᬶᬓᬵᬲᭂᬅ᭄ᬓ᭄ᬫᬚᬵᬧ᭄ᬱᬸᬯᬦ᭄ᬜᬾᬦ᭄ᬓᭀᬦᬾᬤᬶᬢᬸᬫᬗᬦ᭄ᬢᬶᬓ᭄ᬫᬧ᭄ᬥᬲᬂᬢᬸᬦ᭄ᬤᬾᬦᬂᬗ᭄ᬮᬳᬸᬢ᭄ᬫᬳᬶ᭟ᬳᬶᬩᬦ᭄ᬤᬾᬲᬵᬫ᭄ᬧᭂᬲ᭄ᬜᬸᬫ᭄ᬩᬄ
Kaca:Bali-lontar-gaguritan-cokoratu-02-250ppi.pdf/111
Kaca puniki sampun kauji-wacén
