[᭑᭐ 10 B]
᭑᭐
ᬮᬦ᭄ᬧᬤᬵᬧᬢᬸᬭᬸᬘ᭄ᬦᬶᬓ᭄᭞ᬩᬋᬂᬫ᭄ᬥᭂᬫ᭄ᬩᬋᬂᬩᬗᬸᬦ᭄ᬓᭀᬭᬢᬸᬓᬧᬶᬢᬺᬱ᭄ᬡᬦ᭄᭞ᬯᬢᭂᬓ᭄ᬳᭂᬚᬶᬫ᭄ᬧᬤᬗᬶᬓᬸᬢ᭄ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄᭞ᬢ᭄ᬯᬭᬳᬤᬫᬘ᭄ᬗᬶᬮᬦ᭄ᬧᬤᬵᬳᬦᬸᬢ᭄ᬩᬋᬂᬲᬳᬶ᭟ᬓᭀᬭᬢᬸᬩᬋᬂᬢᬸᬗᬸᬭᬄᬫᬗᬾᬦᬓᬶᬦ᭄ᬩᬋᬂᬲᬳᬶᬫᬮᬮᬶ᭞ᬤᬤᬶᬳᭂᬗ᭄ᬲᬧ᭄ᬓᬲᬮᬶᬫᬸᬃᬢ᭄ᬓᬾᬦ᭄ᬭᬳᬶᬦᬾᬳᬶᬮᬂ
᭞ᬲᬸᬩᬮᬫᬵᬲᬯᬢᬭᬢ᭄ᬮᬸᬂᬢᬳᬸᬦ᭄᭞ᬲᬳᬶᬮ᭄ᬯᬲ᭄ᬫᬓᬮᬗ᭄ᬯᬦ᭄ᬯᬢᭂᬓ᭄ᬳᭂᬚᬶᬫ᭄ᬫᬾᬗᬗᬶᬭᬶᬂ᭟ᬭᬳᬤᬾᬦ᭄ᬱᬸᬃᬬ᭄ᬬᬤᬶᬦᬢ᭄ᬣᬫᬃᬫ᭄ᬫᬵᬢᬰᬶᬄᬓᬗ᭄ᬕᭂᬦ᭄ᬧᬸᬢᬺᬱᬚᬢᬶᬂ᭞ᬲᬳᬶᬲᬶᬦᬶᬂᬘᬢ᭄ᬣᬓᬵᬢᬸᬃᬢ᭄ᬮᬲ᭄ᬳᬸᬲᬶᬦᬸᬭᬸᬓᬦ᭄᭞ᬢᬦ᭄ᬤᬸᬫᬤᬾᬲᬂᬓᬮᬶᬄᬯᬶᬤᬕ᭄ᬥᭂᬲᬫ᭄ᬧᬸᬦ᭄᭞ᬲᬮ᭄ᬯᬶᬭᬶᬂᬳᬚᬶᬳᬚᬶᬬ
ᬦ᭄ᬢ᭄ᬮᬲ᭄ᬓᬫᬢ᭄ᬫ᭄ᬬᬦ᭄ᬦᬶᬂᬳ᭄ᬚᬶᬫ᭄᭟ᬤᬸᬃ᭟ᬳ᭄ᬦᭂᬗᬓ᭄ᬦᭂᬧᭀᬮᬳᬾᬤᬶᬕᬶᬮᬶᬳ᭄ᬫᬲ᭄᭞ᬳᬤᬩ᭄ᬯᬶᬦ᭄ᬫᬗᭂᬦ᭄ᬢᬶᬧᬘᬂᬘᬭᬶᬢᬬᬂ᭞ᬓᭀᬘᬧ᭄ᬭᬚᬾᬂᬫᬤᬸᬭᬧ᭄ᬭᬪᬹᬦᭀᬫ᭄ᬧ᭄ᬭᬯᬶᬭᬾᬂᬭᬲ᭄ᬫᬶᬡᬸᬧᬗᬦ᭄ᬢᬾᬦᬦ᭄ᬧᬫᭂᬗ᭄ᬧᭂᬂᬧᬤᬳᬰᬸᬶᬰᬶᬄ᭟ᬚᬦᬶᬓᭀᬘᬧ᭄ᬭᬚᬾᬂᬫᬤᬸᬭᬵᬤᬶᬢᬫᬦ᭄᭞ᬫᬗ᭄ᬮᬗ᭄ᬮᬂᬲᬓᬭᬲ᭄ᬫᬶᬦ᭄
ᬫᬶᬤᭂᬃᬭᬶᬂᬳᬸᬤ᭄ᬬᬦᬵ᭞ᬭᬵᬫᬾᬳᬲᬸᬓᬦ᭄ᬱᬸᬓᬦ᭄ᬯᭀᬂᬤᬾᬱᬳᬗᬶᬭᬶᬂᬗᬶᬭᬶᬂᬓᬢᬸᬯᭀᬦ᭄ᬤᬾᬯ᭄ᬯᬳᬯᬾᬄᬮᬭᬫᬃᬯᬢ᭄ᬝᬶ᭟ᬤᬤᬶᬳᬤᬳᬸᬮᭂᬤ᭄ᬳᭂ᭞ᬭᬂᬦᬸᬭᬸᬩᬦ᭄ᬭᭀᬦᬓᬶᬂᬬᬢ᭄ᬯᬳᬶᬗᬤ᭄ᬓᬶᬦ᭄᭞ᬤᬾᬦᬾᬲᬂᬳᬢᬸᬦ᭄ᬢᬸᬦᬦ᭄ᬢᬶᬩᬓᬍᬗ᭄ᬕᬓᬶᬂᬲᬶᬢᬶ᭞ᬭᬚᬾᬂᬫᬤᬸᬭᬢᬦ᭄ᬯ᭄ᬭᬸᬄᬬᬦ᭄ᬱᬫ᭄ᬧᬸᬦ᭄ᬫ
[᭑᭑ 11 A]
ᬢᬶ᭟ᬢᬸᬃᬲᬶᬦᬫ᭄ᬩᬸᬢ᭄ᬳᬭᬶᬲ᭄ᬮ᭄ᬯᬶᬃᬧᬤᬫᬮᬬ᭄ᬯᬦ᭄᭞ᬲᬂᬦᬢ᭄ᬣᬤᬤᬶᬳᬜ᭄ᬚ᭄ᬭᬶᬢ᭄ᬕᬾᬕᬾᬃᬳᬯᬸᬭᬳᬦ᭄᭞ᬫ᭄ᬓᬤᬶᬲᬩ᭄ᬭᬄᬫᬡ᭄ᬦᬵᬧᬤᬵᬳᬗᬲ᭄ᬢ᭄ᬭᬾᬳᬲ᭄ᬢ᭄ᬭᬾᬦᬶᬦ᭄᭞ᬘᬬᬯᬸᬲ᭄ᬳᬶᬮᬂᬲᬂᬦᬢ᭄ᬣᬗᬦ᭄ᬤᬶᬓᬵᬳᬭᬶᬲ᭄᭟ᬳᬶᬄᬲᬧᭂᬢ᭄ᬚᬳᬲᬸᬂᬳᬸᬭᬶᬧ᭄ᬭᬶᬂᬲᬂᬧ᭄ᬚᬄ᭞ᬋᬗᭂᬧ᭄ᬭᬢᬶᬕ᭄ᬜᭂᬫᬫᬶᬲᬸᬦ᭄ᬳᬲ᭄ᬬᬸᬳᬾᬂᬭᬫ᭞
ᬚᬸᬫ᭄ᬦᭂᬗᬦᬢ᭄ᬣᬓᭀᬭᬢᬸᬫᬾᬮᬶᬂᬭᬶᬭᬳᬶ᭞ᬤᬾᬦᬶᬂᬲᬸᬩᬮᬫᬵᬫᬫᬶᬦᬤᬶᬚ᭄ᬭᭀᬦᬶᬂᬳᬢᬶᬩᬋᬂᬳᬭᬢᬸᬗᬸᬭᬄ᭟ᬳᬭᬄᬧᬸᬕ᭄ᬓᬾᬦ᭄ᬓᬾᬦ᭄ᬩᬦ᭄ᬳᬶᬤᬵᬗ᭄ᬦᭂᬳᬶᬦ᭄᭞ᬤᬾᬦᬶᬲᬸᬩᬮᬫᬵᬓ᭄ᬚᭂᬳᬵᬮᬓᬸᬫᬗᬮᬶᬄ᭞ᬳᬶᬘ᭄ᬧᬸᬕ᭄ᬳᬤᬾᬂᬫᬦᬶᬫ᭄ᬩᬮ᭄᭟ᬦᬸᬦᬲ᭄ᬮᬸᬗᭂᬳᬶᬦ᭄ᬤᬬᬂᬋᬋᬄᬋᬋᬳᬶᬦ᭄
᭞ᬲᬸᬲᬸᬧ᭄ᬩᬶᬮᬂᬤᬾᬱᬦ᭄ᬕᬭᬕᬸᬦᬸᬂᬳᬶᬫ᭄ᬩᬗᬶᬦ᭄᭞ᬦᬯᬶᬯᬾᬦ᭄ᬢᭂᬦ᭄ᬳᬶᬘᬦ᭄ᬤᬾᬯ᭄ᬯ᭟ᬤᬤᬶᬓᬗᭂᬦ᭄ᬓᭀᬭᬢᬸᬦ᭄ᬤᬸᬮᬫᬾᬯᬶᬤ᭄ᬤᬶ᭞ᬧᬤᭂᬜᭂᬮ᭄ᬲᭂᬮ᭄ᬢᬶᬢᬄᬲᬗ᭄ᬓᬅ᭄ᬓᬾᬦᬾᬓᬢ᭄ᬧᬸᬓᬶᬦ᭄᭞ᬓᬲᬗ᭄ᬲᬭᬮᬭᬯᬶᬭᬂ᭟ᬲᬕᬾᬢ᭄ᬓᭂᬭᬳᬤᬾᬦ᭄ᬱᬸᬃᬬ᭄ᬬᬤᬶᬧᬢᬶ᭞ᬗ᭄ᬮᬸᬢ᭄ᬫᬓᬤᬤ᭄ᬯᬫᬫᬸᬜᬶᬫᬗᬰᬶᬄ᭠
ᬗᬰᬶᬄᬤᬸᬄᬭᬢᬸᬪᬢᬭᬦ᭄ᬢᬶᬢ᭄ᬬᬂ᭟ᬤ᭄ᬥᭂᬩᬲᬸᬗ᭄ᬲᬸᬢ᭄ᬓᬬᬸᬦᬾᬧᬶᬦᭂᬄᬧᬶᬦᭂᬄᬳᬶᬦ᭄᭞ᬫᬲᬢ᭄ᬯᬭᬲᬶᬤ᭄ᬥᬳᬶᬬᬭᬶᬧᬘᬂᬓᬧᬗ᭄ᬕᬶᬄᬳᬶᬭᬢᬸᬧᬸᬗ᭄ᬓᬸᬃᬧᬸᬗ᭄ᬓᬸᬭᬦ᭄᭟ᬧᬂ᭟ᬳᬶᬭᬶᬓᬵᬭᬶᬂᬓᬳᭀᬭᬶᬧᬦ᭄᭞ᬢᬢᬲ᭄ᬓᭂᬦᬶᬳᬶᬤᬵᬳᬶᬬᬭᬶᬬᬫᬶ᭞ᬫᬜᬯᬶᬢ᭄ᬣᬭᬢᬸᬤᬸᬫᬸᬦ᭄ᬳᬧᬂᬧᬲ᭄ᬘᬢ᭄ᬫᬦᬢᬓ᭄᭞
Kaca:Bali-lontar-gaguritan-cokoratu-02-250ppi.pdf/11
Kaca puniki sampun kauji-wacén
