[᭑᭐᭖ 106 B]
᭑᭐᭖
ᬗᬦ᭄ᬤᬶᬓᬵᬳᬭᬸᬫ᭄ᬫᬫᬦᬶᬲ᭄᭟ᬳᬶᬭᬦᬶᬗᭂᬄᬳᭀᬃᬢ᭄ᬣᬩᬳᬸᬦᬦᬂᬳᬶᬓᭂᬲ᭄ᬬᭂᬕ᭄ᬜᬤᬸᬯᬶᬦ᭄ᬳᬶᬜ᭄ᬚᭀᬃᬫᬳᬬᬸᬯᬦ᭄ᬢᬶᬢᬸᬶᬮᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬢᬸᬃᬩᬓ᭄ᬢᬶᬓᬲᬾᬧ᭄ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭟ᬳᬚᬶᬦ᭄ᬥᬵᬮᬾ
ᬤᬂᬫᬢ᭄ᬭᬸᬄᬫᬗ᭄ᬭᬯᭀᬲᬮᬶᬂᬢᬶᬫ᭄ᬩᬮᬶᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬩᬸᬜᬶᬗᬓ᭄ᬓᭀᬭᬢᬸᬗᬸᬦ᭄ᬢᬸᬓ᭄ᬢᬸᬃᬕ᭄ᬱᬶᬢ᭄ᬩᬶᬦᬢᬦ᭄ᬓᬤᬶᬳᬶᬗ᭄ᬓᬸᬦᬵᬘᭂᬢ᭄ᬫᬗ᭄ᬕᬄᬢᬦ᭄ᬧᬶᬧᬶᬲᬶᬧᬶ᭟ᬳᬶᬤᬤᬾᬅ᭄ᬫᬓᬢᬢ᭄ᬮᬸᬧ᭄ᬤᬲ᭄ᬩᬳᬜᬗ᭄ᬮᬶᬬᬢᬶᬦ᭄ᬲ᭄ᬯᬩᬯᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭ
ᬋᬗᬸᬢᬸᬃᬫᬢᬸᬂᬢᬸᬂᬚᭂᬗᬶᬲ᭄ᬜᬶᬗᬓ᭄ᬳᬶᬤᬵᬩᬕᬸᬲ᭄ᬗᬸᬭᬄᬦᬾᬢᬢ᭄ᬮᬸᬳᬾᬫᭂᬂᬕᬢᬶ᭟ᬩᬬᬦᬾᬓ᭄ᬭᬡ᭄ᬦᬤᬩᬕᬸᬲ᭄ᬲᬸᬗ᭄ᬲᬸᬢ᭄ᬢᭀᬂᬩᬶᬲᬵᬫᬶᬦᭂᬳᬶᬦ᭄ᬓᬾᬢᭀᬧᬤᬧᬓ᭄ᬦᭂᬳᬵᬳᬶᬤ᭄ᬯᬕᬸᬂᬧᬸᬢ᭄ᬭᬫᬧᬫᬶᬢ᭄ᬢᬗ᭄ᬓᬶᬮᬦᬾᬲᬫᬶᬩᬸᬤᬮ᭄
ᬳᬶᬤ᭄ᬯᬕᬸᬂᬳᬚᬶᬓᬧᬸᬭᬶ᭟ᬓᭀᬭᬢᬸᬕᬸᬦ᭄ᬢᬂᬳᬶᬢ᭄ᬭᬸᬧ᭄ᬳᬶᬩᬸᬂᬫ᭄ᬩᬂᬧᬤᬜᬋᬗᬶᬦ᭄ᬩᬸᬢ᭄ᬓᬤᬶᬩᬮᬾᬓᬨᬮ᭄ᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄ᬚᬦᬶᬯᬲ᭄ᬧᬤᬵᬧᬶᬲᬦ᭄ᬩᬦ᭄ᬢ᭄ᬬᬂᬗᬶᬗᭂᬃᬤᬶᬳᬢᬶ᭟ᬳᬶᬩᬸᬂᬫ᭄ᬩᬂᬳᬚᬓ᭄ᬢᬢ᭄ᬮᬸ
[᭑᭐᭗ 107 A]
ᬲᬮᬶᬂᬢᬶᬫ᭄ᬩᬮ᭄ᬫᬜᬳᬸᬢᬶᬦ᭄ᬳᬭᬄᬢᭀᬂᬫᬤᬬᬧᬶᬲᬦ᭄ᬧ᭄ᬮᬶᬄᬢᬓᭂᬄᬕᬢᬶᬕᬢᬶᬳᬶᬩᬶᬦᬧᬶᬓᬭᬯᭀᬲᬂᬲᬶᬜᬢᭀᬫᬓ᭄ᬭᬡ᭄ᬦᬳᬾᬮᬶᬓ᭄᭟ᬓᭀᬭᬢᬸᬳᬤᬾᬂᬫᬲᬳᬸᬢ᭄ᬲᬶᬂᬓᭀᬢ᭄ᬬᬂᬳᬤᬧ᭄ᬮᬶᬄᬓᬾᬯᬮᬦᬍᬧᬾᬓ᭄ᬧᬶ
ᬲᬦ᭄ᬩᬸᬓᬫᬸᬜᬶᬦᬾᬚᬢᬶᬦᬄᬳᭂᬦ᭄ᬢᭀᬧᬤ᭄ᬥᬵᬓ᭄ᬦᭂᬳᬂᬢᬸᬗ᭄ᬕᬮ᭄ᬧᬧᬲ᭄ᬢ᭄ᬓᬚᭂᬗᬶᬲ᭄᭟ᬳᬶᬕᬸᬦ᭄ᬢᬂᬳᬤᬾᬂᬫᬲᬳᬸᬢ᭄ᬢᭀᬂᬩᬶᬲᬵᬢ᭄ᬬᬂᬗᭂᬦᭂᬳᬶᬦ᭄ᬓᭀᬭᬢᬸᬕ᭄ᬮᬶᬲ᭄ᬫᬦᬶᬫ᭄ᬩᬮ᭄ᬚᬦᬶᬢ᭄ᬬᬂᬗᬦ᭄ᬢ᭄ᬬᬂᬫᬸᬮᬶᬄᬬᬦ᭄ᬤᬶᬦᬶᬢᬦ᭄ᬯᬂᬗ᭄ᬤᬾᬭᬸ
ᬦ᭄ᬤᬄᬯᬾᬢ᭄ᬦᬶᬂᬫ᭄ᬫᬗᬮᬾᬂᬳᬢᬶ᭟᭐ᬥᬸᬃ᭟ᬫᬩᬭᬶᬬᬸᬓ᭄ᬫᬫᬢᬸᬢ᭄ᬳᬚᬓ᭄ᬫᬓ᭄ᬚᬂᬓᭀᬭᬢᬸᬗᬫ᭄ᬩᬶᬮ᭄ᬓ᭄ᬭᬶᬲ᭄ᬭᬭᬶᬲ᭄ᬗᬚᬩᬬᬂᬲᬂᬢᬶᬕᬵᬢ᭄ᬯᬭᬧᬲᬄᬳᬶᬕᬭᬾᬂᬕᬭᬶᬢ᭄ᬫᬗᬶᬭᬶᬂᬫᬕᬵᬕᬗ᭄ᬲᬭᬦ᭄ᬢ᭄ᬓᭂᬤᬶᬫᬬᬕ᭄ᬥᬗ᭄ᬕᬶ᭟ᬢᬦ᭄ᬓᭀ
ᬘᬧᬳᬶᬤᬳᬶᬤᬾᬯᬕᬸᬂᬧᬸᬢ᭄ᬭᬗᬸᬭᬶᬂᬤᬶᬳᬢᬶᬫᬗ᭄ᬭᬭᬶᬲ᭄ᬓᬯ᭄ᬥᬮ᭄ᬫᬦ᭄ᬤᭂᬕ᭄ᬤᬶᬚᬩᬢ᭄ᬗᬄᬭᬶᬂᬧᬜ᭄ᬘᬕᬶᬦᬵᬫᬮᬶᬗ᭄ᬕᬶᬄᬢ᭄ᬩᭂᬂᬧᬋᬓᬦ᭄ᬓᭀᬤᬶᬬᬦ᭄ᬫᬶᬦᬓᬤᬶ᭟ᬳᬦᬓᬕᬸᬂᬩᬕᬸᬲ᭄ᬓᬭᬂᬫᬦᬭᬾᬓᬂᬕᬕᬧ᭄ᬥᬲ᭄ᬚᬗ᭄ᬮᬶᬬᬢᬶᬦ᭄
Kaca:Bali-lontar-gaguritan-cokoratu-02-250ppi.pdf/107
Kaca puniki sampun kauji-wacén
