Kaca:Bali-lontar-gaguritan-cokoratu-02-250ppi.pdf/106

Saking Wikisource
Kaca puniki sampun kauji-wacén

[᭑᭐᭕ 105 B]
᭑᭐᭕
ᬤᬶᬳᬢ᭄ᬫᬳᬦ᭄ᬢᬗᬶᬲ᭄‌ᬯᬱ᭄ᬧᬵᬓᬸᬫᭂᬫ᭄ᬩᭂᬗᬶᬂᬢᬶᬮᬫ᭄‌ᬫᬮᬄᬲᭀᬭᭀᬢᬦ᭄ᬳᬢᬗᬶᬳᬶᬤᬤᬾᬅ᭄‌ᬩᬸᬂᬫ᭄ᬩᬂᬳᬶᬕᬸᬦ᭄ᬢᬂᬳᬶᬢ᭄ᬭᬸᬧ᭄ᬫᬶᬮᬸᬧ᭄ᬭᬶᬬᬢᬶ᭟ᬲᬸᬃᬬ᭄ᬬᬦᬾᬤᬲ᭄ᬦᬸᬗ᭄ᬕᬂᬕᬸᬦᬸᬂᬳᬶᬤ᭄ᬯᬕᬸᬂᬳᬚᬶᬢᬶᬦᬗ᭄ᬓᬶᬮ᭄‌ᬧᭂᬧᭂᬓ᭄ᬧᬸᬦᬂᬢᬦ᭄ᬥᬵᬭᬓ᭄ᬭ᭄ᬬᬦ᭄
ᬫᬓᬤᬶᬘᭀᬓᭀᬃᬤ᭄ᬥᬵᬭᬳᬸᬧᬭᬯᬶᬓᬸᬢ᭄ᬩᭂᬂᬳᬢᬧ᭄‌ᬳᬢᬢ᭄ᬣᬓᬤᬶᬢᬸᬮᬶᬲ᭄᭟ᬫᬮᬶᬗ᭄ᬕᬶᬄᬤᬶᬩᬢᬦ᭄ᬢᬜ᭄ᬚᬸᬂᬢᬗ᭄ᬓᬶᬮᬦ᭄‌ᬗᬤᭂᬧᬾᬂᬲᬶᬢᬶᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬩᬸᬂᬫ᭄ᬩᬂᬳᬶᬧᬭᬄᬓᬯᬸᬓᬶᬦ᭄‌ᬳᬶᬩᬸᬂᬫ᭄ᬩᬂᬫ᭄ᬧᭂᬲ᭄ᬗᬢᬸᬭᬂ
ᬫᬺᬫ᭄‌ᬤᬸᬭᬸᬂᬤᬫ᭄ᬢᬗᬶ᭟ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄‌ᬦᬄᬢᬓᭀᬦᬶᬦ᭄ᬓᬾᬦ᭄ᬓᬾᬦ᭄ᬱᬳᬶᬢ᭄‌ᬳᬶᬤᬾᬯᬅ᭄‌ᬩᬸᬂᬫ᭄ᬩᬂᬫᬚᬮᬦ᭄‌ᬩᬸᬢ᭄ᬓᬤᬶᬩᬮᬾᬗ᭄ᬱᬶᬳᬤᬾᬂᬢᬶᬦ᭄ᬤᬓᬾᬫᬚᬮᬦ᭄‌ᬫᬳᬸᬜᬶᬗ᭄ᬕᬶᬄᬓᬾᬫᬢᬗᬶ᭟ᬳᬶᬤᬩᬕᬸᬲ᭄‌ᬗᬸᬭᬄᬩ
ᬗᬸᬦ᭄‌ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄‌ᬳᬶᬤ᭄ᬯᬕᬸᬂᬲᬸᬩᬓᬯ᭄ᬥᬮ᭄‌ᬤᬶᬚᬵᬫᬮᬶᬗ᭄ᬕᬶᬄᬓᬢᬗ᭄ᬓᬶᬮ᭄‌ᬳᬶᬤᬤᬾᬅ᭄‌ᬓ᭄ᬜᭂᬫᬦᬶᬫ᭄ᬩᬮ᭄‌ᬤᬶᬦᬢᬳᬾᬢ᭄ᬩᭂᬂᬢᬶᬢᬶᬩ᭄᭟ᬤᬕᬸᬲ᭄ᬓᬢᬓᬾᬦᬦ᭄ᬩᬳᬸᬩᬦᬾᬫᬺᬫ᭄‌ᬳᬸᬮᬶᬢᬸᬦᬶᬫᬃᬕ᭄ᬕᬶᬄᬕᬾᬩ᭄ᬭᬲᬂᬫ
[᭑᭐᭖ 106 A]
ᬋᬓᬦ᭄‌ᬓᭀᬭᬢᬸᬫᬦᬶᬫ᭄ᬩᬮ᭄‌ᬳᬭᬶᬲ᭄‌ᬦᬄᬓᬾᬳᬶᬕᬭᬾᬂᬢᬸᬦ᭄ᬤᬾᬦᬂᬗᬮᬶᬄᬳᬶᬬᬾᬄᬓᬮ᭄ᬫᬲᬸᬕᬶ᭟ᬢᬦ᭄ᬓᭀᬘᬧ᭄ᬳᬸᬲ᭄ᬫᬭᬭᬳᬸᬧ᭄‌ᬫᬗ᭄ᬭᬭᬶᬲ᭄ᬳᬶᬤᬵᬫᬫᬃᬕ᭄ᬕᬶᬕ᭄ᬮᬶᬲ᭄ᬭᬳᬸᬄᬭᬶᬂᬧᬬᬸᬦᬦ᭄‌ᬳᬶᬤᬾᬯᬕᬸᬂᬳᬚᬶᬗᬓ᭄ᬱᬶᬢᬗ᭄ᬓᬶᬮᬦᬾᬲ
ᬫᬶᬮᬾᬤ᭄ᬥᬵᬂᬧᬤᬦ᭄ᬥᬵᬫᬧᬕ᭄ᬩᬦ᭄ᬓᭂᬜᬶᬂ᭟ᬗᬦ᭄ᬤᬶᬓᬵᬬᬾᬳᬶᬤᬩᬕᬸᬲ᭄‌ᬢᬶᬢ᭄ᬬᬂᬕ᭄ᬮᬸᬫᬫᬭᬕᬶᬦ᭄ᬓᭀᬘᬧ᭄ᬳᬶᬤ᭄ᬥᬩᬕᬸᬲᬸᬗ᭄ᬓᬦ᭄‌ᬫᬺᬫ᭄‌ᬍᬍᬧ᭄ᬳᬸᬮᬶᬳᬶᬩᬶᬳᬸᬓᬸᬄᬢᬶᬢ᭄ᬬᬂᬗᬦ᭄ᬢ᭄ᬬᬂᬫ᭄ᬭᬶᬓᬵᬦ᭄ᬤᬵᭂᬮᭀᬓᬶᬦ᭄ᬓᭀᬭᬢᬸᬓ᭄ᬜᬶᬂ᭟ᬯ᭄ᬬᬓ᭄ᬢᬶᬢᬶᬢ᭄ᬬᬂᬳᬶ
ᬩᬶᬧᬸᬭᬸᬄᬫᬗ᭄ᬓᬶᬲᬫ᭄ᬧᬸᬦ᭄ᬳᬶᬘᬮ᭄‌ᬯ᭄ᬬᬓ᭄ᬢᬶᬲᬕᬾᬢᬢᭂᬗᭂᬃᬫᬶᬬᬸᬭᬦ᭄‌ᬳᬦᬓ᭄ᬥᬵᬭᬳᬸᬄᬫᬦᬗ᭄ᬓᬶᬮ᭄‌ᬢᬗ᭄ᬓᬶᬮᬦᬾᬲᬫᬶᬮᬾᬤᬂᬫᬓᬤᬶᬳᬶᬤ᭄ᬯᬕᬸᬂᬳᬚᬶ᭟ᬓᭀᬭᬢᬸᬳᬲ᭄ᬫᬸᬗᬸᬦ᭄ᬗᬸᬦ᭄‌ᬳᭀᬯᬦ᭄ᬚᬸᬮᬵᬮᬭᬧ᭄ᬭᬶᬬᬢᬶᬲᬲᭀᬮᬄᬗᬯᬾᬓᬸᬭᬶ
ᬫᬂᬯ᭄ᬬᬓ᭄ᬢᬶᬲᬗ᭄ᬬᬂᬳᬭᬶᬫᬸᬃᬢᬶᬳᭂᬦ᭄ᬤᬶᬯᭀᬂᬢᬦ᭄ᬓᬫᭂᬲᬸᬲᬄᬳᬗᬾᬦᬓᬶᬂᬯᭀᬂᬲᬩᬸᬫᬶ᭟ᬳᬶᬤᬾᬯᬕᬸᬂᬧᬸᬢ᭄ᬭᬭᬳᬸᬄᬓᬶᬲᭂᬮ᭄ᬢᬗ᭄ᬓᬶᬮᬦᬾᬲᬫᬶᬳᬾᬕᬃᬜᬤᬂᬗᬘᬘᬶᬗᬓ᭄‌ᬳᬶᬤ᭄ᬯᬕᬸᬂᬳᬚᬶᬧᬗᬓ᭄ᬱᬶᬜᭂᬜᭂᬃᬩᬸᬓᬵᬫᭂᬫ᭄ᬩᬄᬕᬸᬮᬵ