Kaca:Bali-lontar-gaguritan-cokoratu-02-250ppi.pdf/102

Saking Wikisource
Kaca puniki sampun kauji-wacén

[᭑᭐᭑ 101 B]
᭑᭐᭑
ᬘᬶᬗᬓ᭄‌ᬘᭀᬓᭀᬭᬢᬸᬓ᭄ᬜᭂᬫᬗᬦ᭄ᬤᬶᬓᬵᬳᬮᬸᬲ᭄‌ᬫᬳᬶᬓᬾᬤᬶᬦᬶᬧᬳᭂᬓᬂᬩ᭄ᬮᬶᬧ᭄ᬗᭂᬂᬕᬢᬶᬕᬢᬶ᭟ᬦᬄᬓᬾᬫᬮᬸᬫᬢᬸᬢᬸᬭᬦ᭄‌ᬳᬶᬓᬘ᭄ᬬᬮ᭄‌ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄‌ᬦᬧᬶᬢᬶᬢ᭄ᬬᬂᬲᬶᬲᬶᬧ᭄ᬯᬯᬸᬤᬤᭀᬲ᭄ᬳᬶᬫ᭄ᬩᬸᬄᬓᭀᬤ᭄ᬬᬦ᭄‌ᬘᭀᬓᭀᬭᬢᬸᬓ᭄ᬜᭂ
ᬫᬦᬓᭀᬦᬶᬦ᭄ᬚᬸᬚᬸᬢ᭄‌ᬳᬶᬘᬶᬬᬮ᭄‌ᬫᬧᬶᬤᬃᬢ᭄ᬣᬲᬢᬶᬗ᭄ᬓᬄᬧ᭄ᬭᬓᬭᬳᬶᬦ᭄ᬤᬶᬓ᭄᭟ᬓᭀᬭᬢᬸᬓ᭄ᬤᬾᬓ᭄ᬫᬦᬶᬫ᭄ᬩᬮ᭄‌ᬜᬾᬦ᭄ᬱᬶᬧᭀᬗᬄᬲᬶᬧᭀᬓ᭄ᬧᬘᬂᬫᬦ᭄ᬤᬮᬶᬄᬳᬶᬤ᭄ᬯᬕᬸᬂᬧᬸᬢ᭄ᬭᬜᬮᬸᬓ᭄ᬱᬸᬓ᭄‌ᬜᬗ᭄ᬓᬶᬮ᭄ᬩᭀᬓᭀᬃᬜᬦ᭄ᬤᬬᬂᬳᬭᬄᬩᬸᬤᬸᬄᬢ᭄ᬯᬭᬫᬸᬜᬶᬦ᭄ᬤ
ᬦ᭄ᬳᬕᬸᬂᬳᬶᬩᬸᬂᬫ᭄ᬩᬂᬢ᭄ᬓᬫᬜ᭄ᬤᬢ᭄‌ᬓ᭄ᬜᭂᬫ᭄ᬮᬳᬸᬢ᭄ᬣᬫᬫᬸᬜᬶ᭟ᬳᬭᬄᬦᬧᬶᬲᬶᬳᭀᬫᭀᬂᬗᬂᬢ᭄ᬬᬂᬮᬬᬄᬕᬢᬶᬳᬸᬮᬶᬢᬸᬦᬶᬓᭀᬭᬢᬸᬓ᭄ᬜᭂᬫᬢ᭄ᬭᬸᬄᬦᬾᬢᬾᬫᬮᬸᬤᬶᬗᭂᬳᬂᬢ᭄ᬬᬂᬕ᭄ᬮᬸᬓᬢᬶᬩᬾᬦᬦ᭄‌ᬳᬸᬮᬸᬳᬸᬮᬸᬗᭂᬦᭂᬳᬂᬳᬶᬤ᭄ᬯᬕᬸᬂᬧᬸᬢ᭄ᬭᬜᬦ᭄ᬤᬬᬂᬜᭀᬓᭀᬃ
ᬭᬾᬦᬶᬓᬶ᭟ᬳᬶᬩᬸᬂᬫ᭄ᬩᬂᬓᭂᬦ᭄ᬤᭂᬮ᭄‌ᬗ᭄ᬤᬾᬓᬂᬲᬕᬾᬢ᭄ᬓᬳᬶᬕᬸᬦ᭄ᬢᬂᬢ᭄ᬭᬸᬲ᭄‌ᬓ᭄ᬜᬶᬂᬳᬧᬳᬤᬵᬳᭀᬋᬕ᭄ᬚᬸᬳᬸᬕ᭄‌ᬳᬶᬩᬸᬫ᭄ᬩᬂᬫᬜᬤᬸᬯᬂᬧᬤᬵᬮ᭄ᬕᬗ᭄ᬤᬾᬓᬂᬫᬢ᭄ᬭᬸᬄᬳᬶᬢ᭄ᬭᬸᬧ᭄‌ᬮᬳᬸᬢ᭄ᬜᭂᬩᬾᬭᬂᬳᬭᬄᬩᬳᬸᬤ᭄ᬕᬢᬶᬕᬢᬶ᭟ᬫᬃᬕ᭄ᬕᬾᬶᬓᬾ ᬚᬦᬶ
[᭑᭐᭒ 102 A]
ᬗᬚᬗᬂᬚ᭄ᬦᭂᬂᬢᬬᬸᬩ᭄‌ᬦᬲᬶᬢ᭄ᬓᬳᬶᬢᬸᬦᬶᬓᭀᬭᬢᬸᬓ᭄ᬜᭂᬫᬲᬳᬸᬢ᭄‌ᬳᬶᬧᬦᬫᬸᬦ᭄ᬢᬸᬦ᭄ᬤᬾᬦᬂᬫ᭄ᬮᬶᬳ᭄ᬩᬾᬳᬶᬓᬘᬶᬬᬮ᭄ᬫᭂᬧᭂᬲ᭄ᬫᬢᬸᬃᬭᬢᬸᬢᬶᬢ᭄ᬬᬂᬫ᭄ᬭᬲᬗ᭄ᬕᬵᬬᬂᬦᬾ ᬫᬗ᭄ᬓᬶᬦ᭄ᬚᬕᬵᬫᬧᬫᬶᬢ᭄᭟ᬓᭀᬭᬢᬸᬓ᭄ᬜᭂᬫ᭄‌ᬗᬦ᭄ᬤᭂᬕᬂᬦ᭄ᬤᬾᬦ᭄ᬚᬫᬮᬸᬲᬶᬓᭀᬘᬧᬸᬶᬳᬶ
ᬫᬗ᭄ᬯᬶᬓᭀᬦᬶᬦ᭄‌ᬳᬢᬸᬭᬂᬩ᭄ᬮᬶᬓᬢᭂᬧᬸᬓ᭄‌ᬧᬸᬳ᭄ᬦᭂᬲ᭄ᬢᬓᬸᬢ᭄‌ᬗᬶᬗ᭄ᬲᬦᬂᬓᬮᬶᬳᬜᬘᬳᬶᬦᬵᬫ᭄ᬧᬓᭀᬦ᭄ᬢ᭄ᬭᬓ᭄‌ᬧᬘᬸᬅ᭄‌ᬜᬦᬦ᭄ᬱᬶᬜᬓᬢᬓᬾᬦᬦ᭄‌ᬳᬢᬸᬭᬂᬳᭀᬜᬗᬂᬢᬶ᭟ᬲᬂᬢᬕᬵᬗᬸᬫ᭄ᬩᬸᬓ᭄ᬳᬸᬫ᭄ᬩᬸᬮᬂᬲᬤᬓᭂᬦ᭄ᬤᭂᬮ᭄‌ᬜᬸᬯᬓᬂᬧᬸᬶᬮᬸᬢ᭄ᬫᬫᬸᬜᬶ
ᬢ᭄ᬯᬶᬢ᭄ᬯᬄᬳᬸᬧᬬᬦ᭄ᬭᬶᬱ᭄ᬡᬸᬢ᭄ᬯᬭᬩᬓᬢ᭄‌ᬓ᭄ᬦᭂᬳᬂᬓᬾᬦ᭄ᬓᬾᬦ᭄ᬘᬶᬬᬮ᭄‌ᬳ᭄ᬜᬓᬾᬧᬘᬂᬲᬫᬳᬸᬢ᭄‌ᬳᬶᬓᬘᬶᬬᬮ᭄ᬫᬗ᭄ᬤᬾᬓᬂᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄᭟ᬦᬲᬶᬦᬾᬢᬸᬦ᭄ᬤᬾᬦᬂᬜ᭄ᬫᬓ᭄‌ᬲᬸᬩᬢ᭄ᬓᬗᬚᭂᬗᬂᬲᬋᬂᬲᬫᬶᬳᬶᬓᬘᬶᬬᬮ᭄‌ᬗᬫᬄᬤᬶᬢᬸ
ᬓᭀᬭᬢᬸᬲᬸᬩᬳᬸᬲᬦ᭄‌ᬮᬳᬸᬢ᭄ᬗᬶᬧᬶᬳᬶᬓᬘᬶᬬᬮ᭄‌ᬩᬸᬤᬮ᭄ᬲᬫ᭄ᬧᬸᬦ᭄‌ᬫᬚᬮᬦ᭄ᬫᬕᬕᬗ᭄ᬲᬭᬦ᭄‌ᬢ᭄ᬓᬤᬶᬓᬫᬦ᭄ᬢ᭄ᬭ᭄ᬬᬦ᭄‌ᬕ᭄ᬮᬶᬲ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬗᬤᭂᬕ᭄‌ᬤᬶᬳᬫ᭄ᬩᬾᬦᬾᬲᬃᬯ᭄ᬯᬶᬫᬗᬓ᭄ᬱᬶᬋᬗᬸᬋᬗᬸᬳᬦ᭄ᬤᬦᬶᬓᬸᬂᬳᬲᬶᬦ᭄ᬓᬭᭀ