Kaca:Bali-lontar-gaguritan-cilinaya-02-400ppi.pdf/8

Saking Wikisource
Kaca puniki sampun kauji-wacén

[᭗ 7B]

ᬚᬶᬦᬄᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄᭞ᬓᬶᬚᬮᬓᬸᬫᬩ᭄ᬮᬜ᭄ᬚ᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄‌ᬦᬕᬶᬄᬳᬚᭂᬗᬦ᭄᭟ᬦᬗᬶᬲ᭄ᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬧᬸᬢ᭄ᬭᬦᬾᬲᬳᬸᬧ᭄ᬓᬳ
ᬩᬶᬦ᭄᭞ᬤᬸᬄᬫᬵᬲ᭄ᬫᬶᬭᬄᬫᬡᬶᬓᬶᬗ᭄ᬯᬂ᭞ᬲᬸᬳᬸᬤ᭄‌ᬦᬗᬶᬲ᭄ᬭᬢᬸᬳᬕᬸᬂ᭞ᬤ᭄ᬚᬩ᭄ᬬᬂᬗᬮᬶᬄᬤᬳᬃ᭞ᬜᬾᬦᬕᬶᬳᬶᬦ᭄‌ᬮᬘᬸᬃᬫᬓᬸᬢᬂᬤᬶᬳᬮᬲ᭄‌ᬫᬦ
ᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬲᬵᬃᬯ᭄ᬯᬗᭂᬫ᭄ᬩᬦ᭄ᬭᬤᬾᬦ᭄ᬤᬾᬯᬶ᭞ᬚᬕᬶᬦᬧᬶᬢ᭄ᬬᬂᬉᬭᬶᬧᬂ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬮᬫ᭄ᬧᬸᬲ᭄‌ᬳᬶᬭᬶᬓᬵᬧᬤ᭄ᬫᬢᬶᬢ᭄ᬬᬂ᭞ᬕ᭄ᬮᬶᬲ᭄ᬕᭂᬮᬶ
ᬲ᭄᭞ᬗᬸᬤᬵᬢᬶᬢ᭄ᬬᬂᬮᬭᬮᬭᬵ᭟ᬦᬗᬶᬲ᭄ᬫᬶᬢᬸᬢᬸᬭᬶᬦ᭄ᬧᬸᬢ᭄ᬭ᭞᭠ᬫᬸᬧᬸᬢ᭄ᬲᬮᬘᬸᬃᬳᬶᬫᬡᬶᬓ᭄᭞ᬲᬶᬗ᭄ᬕᬶᬄᬳ᭄ᬬᬂᬯᬶᬥᬶᬲᬫ᭄ᬬᬦ᭄᭞ᬧᬥᭂᬫᬃᬓᬾ
[᭘ 8A]
ᬢᬶᬢ᭄ᬬᬂᬭᬢᬸ᭞ᬳᬧᬂᬩᬋᬂᬧ᭄ᬬᬦᬓ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄ᬦᬳᬶᬄᬳᬚᭂᬗᬦ᭄᭟ᬓᬳᬮᬶᬳᬂᬩ᭄ᬯᬄᬓᬱᬵᬩ᭄ᬯᬄᬓᭂᬫ᭄ᬮᬦ᭄‌ᬍᬫ᭄ᬧ᭄ᬦᬶ᭞ᬩ᭄ᬯᬄᬕ
ᬳᬸᬗ᭄ᬕᬸᬗᬾᬧᬥ᭞ᬧᬚᭂᬗᬶᬦ᭄ᬧᬸᬢ᭄ᬭᬦᬾᬤᬶᬢᬸ᭞ᬓᬳᬚᭂᬗᬂᬲᬋᬂᬩ᭄ᬬᬂ᭞ᬲ᭄ᬤᬶᬄᬓᬶᬂᬓᬶᬂ᭞ᬬᬾᬘᬶᬗᬓᬾᬤᬺᬱ᭄‌ᬳᭂᬤᬮ᭄᭟ᬲᬳᬶᬗᬮᬶᬄᬯᭀᬄᬯᭀᬳᬦ᭄
᭞ᬤᬸᬭᬾᬦ᭄ᬲᬮᬓ᭄ᬮᬜ᭄ᬘᬭᬸᬭᬶᬂ᭞ᬦᬗ᭄ᬓᬯᬶᬦᬶᬮᬦ᭄ᬓᬮᬫ᭄ᬧ᭄ᬯᬓ᭄᭞ᬢ᭄ᬯᬭᬵ᭠ᬓ᭄ᬯᬂᬩ᭄ᬯᬄᬓᬬᬸ᭞ᬜᬩ᭄ᬭᬦ᭄ᬗᬚ᭄ᬗᬂᬯᭀᬄᬯᭀᬳᬦ᭄᭞ᬧ᭄ᬭᬫᬶᬰ᭄ᬯᬭᬷ᭞ᬓᬮᬯᬦ᭄ᬭ
ᬤᬾᬦᬵᬤ᭄ᬯᬵᬯ᭄ᬬ᭟ᬢᬶᬢ᭄ᬬᬸᬶᬢᬄᬲᬦ᭄ᬳ᭄ᬬᬂᬯᬶᬤ᭄ᬥᬷᬯᬱᬵᬢ᭄ᬯᬭᬓᭀᬤᬤᬶᬓ᭄ᬮᬶᬤᬶᬦ᭄᭞ᬧ᭄ᬭᬫᬶᬰ᭄ᬯᬭᬷᬲᬸᬗ᭄ᬓᬦ᭄‌ᬯ᭄ᬢᭂᬂ᭞ᬳᬗ᭄ᬕᬵᬧᬦᭂᬲ᭄‌ᬧ᭄ᬲᬸᬧᭂᬮᬸᬄ᭞ᬫᬗ᭄ᬭᬭᬶᬲ᭄ᬳᬶ