[᭒᭑ 21B]
᭒᭑
ᬦ᭄ᬢᬂᬧ᭄ᬓᬶᬓ᭄ᬮᬾᬤᬂᬓᬳ᭄ᬬᬸᬦ᭄ᬭᬤᬾᬦᬵᬫᬦ᭄ᬢ᭄ᬭᬶᬜᬶᬗᬓᭀᬓᬍᬗᬓ᭄ᬦᬵᬭᬳᬤ᭄ᬬᬦ᭄᭞ᬓᭀᬘᬧᬂᬧ᭄ᬭᬳᬸᬮᬶᬦ᭄ᬲᬶᬃ᭞ᬤᬯᬸᬄᬓᬮᬶᬄᬲᬵᬫ᭄ᬧᬸᬦ᭄ᬳᬳ᭄ᬬ
ᬲ᭄᭞ᬭᬭᬶᬲ᭄ᬓᬩᬜ᭄ᬘᬶᬗᬄᬕ᭄ᬮᬶᬲ᭄ᬧᬳᭂᬓᬦ᭄ᬲᬫᬶᬗᬶᬃᬂ᭞ᬲᬶᬭᬧᬢᬶᬄᬤ᭄ᬫᬂᬤ᭄ᬫᬸᬂ᭞ᬫᬶᬯᬄᬢᬦ᭄ᬤᬫᬦ᭄ᬢ᭄ᬭᬷᬗᬫ᭄ᬩ᭄ᬬᬃ᭞ᬓᬦᬸᬭᬸᬯᬦ᭄ᬫᬶᬯᬄᬋᬱᬶ᭞ᬧᬥᬦᬗ᭄ᬓᬶᬮ᭄ᬲᬂ
ᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭟ᬳ᭄ᬦᬄᬢᬾᬧᬥᬓ᭄ᬦᭂᬳᬂ᭞ᬧᬸᬧᬸᬢ᭄ᬮᬘᬸᬃᬦᬶᬭᬚᬦᬶ᭞ᬓᭀᬘᬧᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬᬵ᭞ᬚ᭄ᬦᭂᬓ᭄ᬤᬶᬢᬫᬦ᭄ᬫᬮᬶᬗ᭄ᬕᬶᬄ᭞ᬢᭀᬂᬢ
ᬳᬾᬦ᭄ᬗᭂᬦᬄᬫᬸᬮᬶᬄ᭞ᬓᬵᬮᬶᬄᬤᬶᬢᬫᬦ᭄ᬫᬗᬸᬗ᭄ᬓᬸᬂ᭞ᬕ᭄ᬮᬄᬩᬩᬾᬤᬦ᭄ᬓᬸᬢᬸᬦ᭄ᬳᬮᬲ᭄ᬤᬸᬯᬸᬓᬦ᭄ᬳᬶᬤᬸᬓᬸᬄᬳᬶᬲ᭄ᬢ᭄ᬭᬷ᭞ᬩᬲ᭄ᬓᬤᬸᬭᬸᬲ᭄ᬮᬘᬸᬃᬦᬶᬭᬗ᭄ᬮᬄ
[᭒᭒ 22A]
ᬧ᭄ᬬᬦᬓ᭄᭟ᬢᭀᬂᬓᬮᬸᬕᬸᬗᬮᬶᬄᬲᬵᬳᭀᬫᬄ᭞ᬓᬮᬸᬤ᭄ᬫᬳᬦ᭄ᬲᭀᬫᬄᬳ᭄ᬯᬶᬮ᭄᭞ᬩᬲ᭄ᬫᬗᬯᬾᬳᬸᬘᬧ᭄ᬚᬕᬢ᭄᭞ᬬᬦᬶᬂᬓ᭄ᬦᭂᬄᬦᬶᬭᬚᬦᬶ᭞ᬕᬧᬸᬰᬶᬦᬦᬓ᭄ᬫᬦ᭄ᬢ᭄ᬭᬷ᭞
ᬦᬾᬳᬶᬤ᭄ᬫᬂᬓ᭄ᬫᬵᬗᬧᬸᬲ᭄᭞ᬓᬮᬶᬄᬳ᭄ᬦᬾ ᬩᬳᬂᬲᬸᬳᬵᬢ᭄᭞ᬓᬾᬢᭀᬓ᭄ᬦᭂᬄᬦᬶᬭᬚᬦᬶ᭞ᬲᬫᬶᬫᬫᬢᬹᬢ᭄ᬩᭂᬘᬶᬓ᭄᭟ᬬᬾᬦ᭄ᬲᬸᬩᬳᬶᬤᬫᬚᬮ
ᬦ᭄᭞ᬳᬶᬧᬢᬶᬄᬢᬸᬦ᭄ᬤᬾᬦᬕ᭄ᬚᬦᬶ᭞ᬫᬗ᭄ᬭᬸᬲᬓ᭄ᬦᬶᬘᬶᬮᬶᬦᬬᬵ᭞ᬓ᭄ᬢᭀᬓ᭄ᬦᭂᬄᬦᬶᬭᬚᬦᬶᬲᬫᬶᬫᬫᬢᬹᬢ᭄ᬩᭂᬘᬶᬓ᭄᭞ᬧᬢᬶᬄᬤᬶᬦᬵᬱᬵᬓᬳᬸᬢᬸᬲ᭄
᭞ᬓᬢᬫᬦ᭄ᬧᬘᬂᬗ᭄ᬭᬸᬲᬓ᭄᭞ᬲᬶᬲᬶᬦ᭄ᬩᬗᬯᬦᬾ᭞ᬬᬫᬢ᭄ᬬᬂᬫᬳᬤᬦ᭄ᬤᬶᬧᬦ᭄ᬤᬦ᭄ᬲ᭄ᬓᬃ᭞ᬢᬦ᭄ᬓᭀᬘᬧᬢᬲᬂᬦᬵᬣ᭞ᬓᭀᬘᬧ᭄ᬦᬾᬗᬢᬸ
Kaca:Bali-lontar-gaguritan-cilinaya-02-400ppi.pdf/22
Kaca puniki sampun kauji-wacén
