[᭘ 8B]
᭘
ᬳᬲᬸᬂ᭞ᬯ᭄ᬬᬤᬶᬦ᭄ᬢᬶᬢ᭄ᬬᬂᬧᬘᬂᬭᬸᬲᬓ᭄᭞ᬳᬮᬩ᭄ᬘᬶᬓ᭄᭞ᬲᬸᬓᬤᬸᬄᬓᬦᬾᬭᬶᬗᬮᬲ᭄᭟᭖᭒᭟ᬢᬶᬗ᭄ᬓᬳᬾᬤᬸᬫᬤᬶᬚᬦ᭄ᬫ᭞ᬦᭀᬭᬮ᭄ᬬᬦᬾᬧᬶᬦᬗ᭄ᬕᬶᬄ᭞ᬯ᭄ᬬᬤᬶᬦ᭄ᬦ᭄ᬫᬸᬲᬸᬓᬤᬸᬓ᭞ᬫᬭᬶᬂᬳᬸᬭᬶᬧᬾᬓᬢ᭄ᬫᬸ᭞ᬲᬭᬯᬶᬥᬶᬦᬾᬦᬸᬤᬸ
ᬳᬂ᭞ᬯ᭄ᬬᬤᬶᬦ᭄ᬫᬢᬶ᭞ᬳᬧᬂᬢᬶᬢ᭄ᬬᬂᬲᬶᬦᬋᬗᬦ᭄᭟᭖᭓᭟ᬳᬶᬘᬦ᭄ᬤ᭄ᬭᬯᬢᬶᬗᬦ᭄ᬤᬶᬓ᭞ᬯᬘᬦᬦᬾᬜᬸᬜᬸᬃᬫᬦᬶᬲ᭄᭞ᬫᬲᭂᬮ᭄ᬲᭂᬮᬦ᭄ᬢᬦᬶᬪᬕ᭄ᬬ᭞ᬢᬦ᭄ᬲᬄᬦᬸᬮᬫᬾᬳᬶᬭᬢᬸ᭞ᬯᬶᬭᬾᬄᬳᬶᬤᬗᬯᬾᬭᬸᬲᬓ᭄᭞ᬓ
ᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦ᭄ᬫᬸᬲᬗ᭄ᬓᬮ᭟᭖᭔᭟ᬤᬸᬄᬭᬢᬸᬲᬂᬳ᭄ᬬᬂᬲ᭄ᬫᬭ᭞ᬳᬶᬤᬾᬯᬫᬭᬕᬍᬯᬶᬄ᭞ᬩᬕᬸᬲᬾᬫᬗᭀᬜᬗᭀᬜᬂ᭞ᬭᬶᬂᬲ᭄ᬯᬃᬕ᭄ᬕᬦ᭄ᬢᬦ᭄ᬳᬦᬫᬦ᭄ᬤᬸᬂ᭞ᬫᬶᬯᬄᬲᬲᭀᬭᬶᬗᬓᬰ᭞ᬮᬸᬳᬸᬃᬯᬶᬸᬧᬺᬣᬶᬯᬶ᭞ᬯᬦ᭄ᬢᬄ
ᬳᬶᬤᬾᬯᬓᬳᬸᬘᬧ᭄᭟᭖᭕᭟ᬩᭀᬬᬘᬶᬗᬓ᭄ᬢᬶᬢ᭄ᬬᬂᬤᬾᬯ᭞ᬳᬶᬘᬦ᭄ᬤ᭄ᬭᬯᬢᬶᬧᬸᬦᬶᬓᬶ᭞ᬓᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬭᬳᬶᬦᬯ᭄ᬗᬶᬢᬦ᭄ᬢᬸᬭᬸ᭞ᬓᭀᬘᬧ᭄ᬗᬍᬢᭂᬳᬶᬜ᭄ᬚᬕᬢ᭄᭞ᬯᬶᬭᬾᬄᬳᬶᬲ᭄ᬢ᭄ᬭᬶ᭞ᬤᬾᬭᬾᬂᬫᬦ᭄ᬫᬸᬤᬶᬓᬃ
[᭙ 9A]
᭙
ᬫ᭄ᬫ᭟᭖᭖᭟ᬳᬶᬤᬾᬯᬫᬓ᭄ᬭᬡᬢᬶᬢ᭄ᬬᬂ᭞ᬫᬗ᭄ᬕᬶᬄᬮᬭᬓᬧ᭄ᬭᬶᬳᬢᬶ᭞ᬧᬦᭂᬲ᭄ᬩᬭᬗᭂᬦ᭄ᬢᬓᭂᬦ᭄ᬢᬓ᭄᭞ᬫᬗ᭄ᬤᬾᬕ᭄ᬮᬶᬲ᭄ᬭᬢᬸᬭᬯᬸᬄ᭞ᬫᬘᬘᬶᬗᬓ᭄ᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬫᬗᬓ᭄ᬱᬶᬦᬶᬦ᭄᭞ᬭᬶᬂᬚᬕᬢ᭄ᬮᬭᬓᬳᬸᬘᬧ᭄᭟᭖᭗᭟
ᬦᬾᬫᬮᬸᬳᬧᬓ᭄ᬭᬡ᭞ᬳᬶᬭᬢᬸᬳᬃᬱᬦᬸᬭᭀᬦᬶᬦ᭄᭞ᬜᬫᬄᬢᬶᬢ᭄ᬬᬂᬭᬶᬂᬲᬬᬦ᭞ᬗᬸᬤᬮᬮᬶᬲᬦ᭄ᬳᬶᬭᬢᬸ᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬚᬦ᭄ᬫᬓᬯᭀᬦ᭄᭞ᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞ᬓᬾᬯᬮᬳᬃᬱᬜᬓ᭄ᬱ᭄ᬬᬂ᭟᭖᭘᭟ᬢᬦ᭄ᬯᬦᭂᬄᬳᬶᬘ
ᬦ᭄ᬤ᭄ᬭᬯᬢ᭄ᬬ᭞ᬭᬶᬗᬮᬲ᭄ᬳᬗᬲᬶᬳᬲᬶᬄ᭞ᬓᬯᬃᬡ᭄ᬦᬳᬶᬤᬲᬂᬳ᭄ᬬᬂᬲ᭄ᬫᬭ᭞ᬭᬶᬂᬲ᭄ᬯᬃᬕ᭄ᬕᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬜᬧ᭄ᬜᬧ᭄ᬳᬶᬤᬭᬶᬂᬧᬫᬺᬫᬦ᭄᭞ᬤᬤᬶᬳᬾᬮᬶᬂ᭞ᬳᬤᬺᬯᬾᬩᭀᬩᭀᬢ᭄ᬭᬶᬂᬮ᭄ᬫᬄ᭟᭖᭙᭟ᬳᭀᬲᭂᬓ᭄ᬳᬶᬤᬭᬶᬂᬧᬫᬺᬫ
ᬦ᭄᭞ᬓᬤᬶᬫᬗ᭄ᬮᬭᬶᬂᬧ᭄ᬭᬶᬳᬢᬶ᭞ᬓᬾᬦ᭄ᬓᬾᬜ᭄ᬚᬦᬶᬩᬵᬦ᭄ᬗᭂᬦᭂᬳᬂ᭞ᬤᬾᬦᬶᬂᬤ᭄ᬫᭂᬦᬾᬓᬤᬸᬭᬸᬲ᭄᭞ᬬᬾᬦ᭄ᬳᬤ᭄ᬯᬤᬤᬶᬪᬝᬵᬭ᭞ᬯᬲ᭄ᬢᬸᬧ᭄ᬮᬶᬄ᭞ᬳᬶᬤᬳ᭄ᬬᬂᬰᬶᬯᬫᬶᬤᬸᬓ᭟᭗᭐᭟ᬳᬶᬘᬦ᭄ᬤ᭄ᬭᬯᬢᬶᬳᬗᬸᬘᬧ᭄᭞ᬧ᭄ᬭᬚ᭄ᬜᬦ᭄ᬗ᭄ᬮ
