[᭔ 4B]
᭔
ᬚᬭᬦ᭄ᬭᬶᬂᬰᬵᬲ᭄ᬢ᭄ᬭ᭟᭒᭗᭟ᬦᬾᬳᬮᬲ᭄ᬥᭂᬂᬓᬯᭀᬦᬂ᭞ᬦᬾᬳᬬᬸᬇᬓᬧᬸᬧᭀᬦᬶᬦ᭄᭞ᬳᬮᬦᬾᬧᬵᬯᬓᬦ᭄ᬪᬹᬢ᭞ᬳᬬᬸᬦᬾᬫᬭᬕᬯᬶᬱ᭄ᬡᬸ᭞ᬬ᭄ᬯᬤᬶᬦ᭄ᬳᬗᬦᬾᬲᬦᬸᬗ᭄ᬕᬮ᭄᭞ᬳᬗ᭄ᬤᬾᬧ᭄ᬮᬶᬄ᭞ᬕ᭄ᬮᬶᬲᬂᬭᬢᬸᬓᬯᭀᬦᬂ᭟᭒᭘᭟ᬲᬂ
ᬧ᭄ᬭᬪᬸᬢᬦ᭄ᬓᬯᬰᬫᭀᬚᬃ᭞ᬫᬶᬯᬄᬇᬩᬸᬧ᭄ᬭᬫᬶᬰ᭄ᬯᬭᬷ᭞ᬓᬤᬶᬢᬸᬜ᭄ᬚᬸᬂᬢᬦ᭄ᬧᬢᭀᬬ᭞ᬯᬤᬦᬦᬾᬮᬬᬸᬤᬸᬤᬸᬲ᭄᭞ᬍᬲᬸᬭᬲᬢᬦ᭄ᬧᬚᬶᬯ᭞ᬓ᭄ᬘᬸᬤ᭄ᬓᬸᬦᬶᬂ᭞ᬯᬱ᭄ᬧᬦᬾᬗᭂᬫ᭄ᬩᭂᬂᬭᬶᬂᬢᬶᬗ᭄ᬳᬮ᭄᭟᭒᭙᭟ᬲᬸᬯᬾᬢᬦ᭄ᬳᬦᬳᬗᬸ
ᬘᬧ᭄᭞ᬲᬂᬳᬬᬸᬫᬳᬢᬸᬃᬳᬭᬶᬲ᭄᭞ᬳᬤᬸᬄᬩ᭄ᬮᬶᬯᬶᬭᬦᬵᬣ᭞ᬲᬵᬫ᭄ᬧᬸᬦ᭄ᬩ᭄ᬮᬶᬜᬮᬶᬢ᭄ᬓᬳ᭄ᬬᬸᬦ᭄᭞ᬬᬦᬶᬂᬩ᭄ᬮᬶᬓᬭᬶᬲ᭄ᬯᬾᬘ᭄ᬙᬵ᭞ᬢᬶᬢ᭄ᬬᬂᬧᬫᬶᬢ᭄᭞ᬓᬓᬸᬢᬂᬢ᭄ᬗᬳᬶᬗᬮᬲ᭄᭟᭓᭐᭟ᬧᬶᬲᬦ᭄ᬳᬶᬭᬶᬓᬶᬧᬸᬧᬸᬢᬂ᭞ᬲᬸᬓᬢᬶ
ᬢ᭄ᬬᬂᬗ᭄ᬫᬲᬶᬦ᭄ᬫᬢᬶ᭞ᬳᬶᬘ᭄ᬙᬵᬩ᭄ᬮᬶᬤᬶᬢᬸᬜᬶᬗᬓ᭄᭞ᬯᬢᬗᬦ᭄ᬢᬶᬢ᭄ᬬᬗᬾᬭᬢᬸ᭞ᬩᬶᬮᬶᬄᬯᬾᬦ᭄ᬢᭂᬦ᭄ᬩ᭄ᬭᬬᬲᬸᬓ᭞ᬫᬗᬸᬭᬸᬕᬶᬦ᭄᭞ᬫ᭄ᬓᭂᬮᬶᬦ᭄ᬢᬦᬄᬳᬭᬶᬫ᭄ᬩᬕ᭄᭟᭓᭑᭟ᬧᬸᬦᬶᬓᬧᬫᬶᬢᬂᬢᬶᬢ᭄ᬬᬂ᭞ᬓ᭄ᬭᬶᬲᬾᬦᬾᬲᬸᬗ᭄ᬓᭂᬮᬶᬢ᭄ᬩ᭄ᬮᬶ᭞
[᭕ 5A]
᭕
ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬫᬸᬧᬸᬢᬂ᭞ᬳᬧᬂᬢᬶᬢ᭄ᬬᬂᬕ᭄ᬮᬶᬲ᭄ᬮᬫ᭄ᬧᬸᬲ᭄᭞ᬬᬾᬦᬶᬂᬳᬦ᭄ᬤᬶᬄᬭᬳᬾᬫ᭄ᬤᬮ᭄᭞ᬳᬮᬬᬸᬓ᭄ᬢᬶ᭞ᬘᬶᬭᬶᬦ᭄ᬗᬍᬢᭂᬳᬶᬦ᭄ᬚᬕᬢ᭄᭟᭓᭒᭟ᬬᬦ᭄ᬲᬶᬄᬫᬶᬬᬶᬓ᭄ᬭᬳᬾᬫ᭄ᬤᬮ᭄᭞ᬫᬗᬮᬸᬩ᭄ᬗ᭄ᬩᭂᬓᬶᬦ᭄ᬕᬸᬫᬶ᭞ᬫᬶᬯᬄᬲᬹᬃᬬ᭄ᬬ
ᬫᬓᬮᬗᬦ᭄᭞ᬢᬸᬯᬶᬢᬶᬢ᭄ᬬᬂᬢᬸᬳᬸᬲᬵᬥᬸ᭞ᬯ᭄ᬬᬤᬶᬦ᭄ᬢᬦᭂᬫ᭄ᬢᬦ᭄ᬧᬢᭀᬬ᭞ᬚᬢᬶᬳ᭄ᬦᬶᬂ᭞ᬫᬗᬸᬗ᭄ᬲᬶᬲ᭄ᬯᬃᬕ᭄ᬕᬪᬸᬯᬦ᭟᭓᭓᭟ᬳᬶᬯᬶᬭᬦᬵᬣᬵᬲ᭄ᬫᬸᬯᬶᬭᬂ᭞ᬧ᭄ᬤᬶᬄᬳᬗ᭄ᬕᭀᬦ᭄ᬫᬜᬯᬸᬭᬶᬦ᭄᭞ᬩ᭄ᬮᬶᬢ᭄ᬯᬭᬮ᭄ᬬᬸᬭᬯᭀᬲ᭄᭞ᬚᬦᬶ
ᬨᬮᬦᬾᬓᬢ᭄ᬫᬸ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬩᬸᬤᬮ᭄᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬳᬶᬧᬢᬶᬄᬧ᭄ᬭᬬᬫ᭄ᬩᬸᬯᬢᬂ᭟᭓᭔᭟ᬢᬸᬫᬸᬮᬶᬭᬭᬶᬲ᭄ᬳᬦᭂᬫ᭄ᬩᬄ᭞ᬧᬸᬓᬸᬮᬸᬦ᭄ᬰ᭄ᬭᬷᬫᬳᬵᬤᬾᬯᬷ᭞ᬳᬶᬭᬓᬫᬗᬸᬢᬸᬲ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬭᬢᬸᬜᬮᬶᬢ᭄ᬓᬳ᭄ᬬᬸ
ᬦ᭄᭞ᬧᬫᬶᬤᬸᬓᬦᬾᬭᬶᬂᬢᬶᬢ᭄ᬬᬂ᭞ᬮ᭄ᬯᬶᬃᬲᬲᬯᬶ᭞ᬮᬗ᭄ᬖ᭄ᬬᬭᬶᬂᬳᬶᬦᬵᬕᬧᬸᬱ᭄ᬧ᭟᭓᭕᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬸᬦᬶᬗᬂ᭞ᬳᬶᬭᬢᬸᬓᬵᬢᬸᬭᬶᬦ᭄ᬫᬗ᭄ᬓᬶᬦ᭄᭞ᬫᬫᬃᬕ᭄ᬕᬶᬓᬳᬮᬲ᭄ᬯᬬᬄ᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬳᬶᬘᬦ᭄ᬤ᭄ᬭ
