Kaca:Bali-lontar-gaguritan-candrakirana-300ppi.pdf/41

Saking Wikisource
Kaca puniki sampun kauji-wacén

[᭔᭐ 40B]
᭔᭐
ᬦᬶᬓᬶᬧᬸᬢ᭄ᬭᬶᬫᭂᬦ᭄ᬢᬯᬦ᭄᭞ᬳᬚᬶᬦ᭄ᬤᬦᬾᬳᬶᬭᬶᬓᬫᬜᭂᬡᬂᬧ᭄ᬭᬪᬸ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬳᬶᬘᬾᬦ᭄ᬳᬶᬤ᭞ᬧᬘᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬰ᭄ᬯᬫᬷ᭟ᬧᬧᬲᬶᬄᬳᬶᬤᬦᬾᬲᬂᬦᬵᬣ᭞ᬦᬾᬟᬸᬳᬸᬭᬦ᭄ᬳᬶᬤᬾᬯ
ᬫᬺᬢ᭄ᬣᬰᬭᬷ᭞ᬫᬺᬢ᭄ᬣᬯᬢᬶᬦᬾᬳᬮᬶᬢᬦ᭄ᬭᬢᬸ᭞ᬧᬸᬢ᭄ᬭᬶᬦᬾᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬳᬫ᭄ᬧᬸᬭᬢᬶᬢ᭄ᬬᬂᬳᬶᬤᬸᬲᬸᬦ᭄᭞ᬢᬶᬢ᭄ᬬᬂᬦᬶᬲ᭄ᬢᭂᬢᬦ᭄ᬧᭂᬓᬭᬢ᭄᭞ᬫᭂᬫᬋᬓᬦ᭄ᬓᬵᬤᬶ
ᬫᬵᬗ᭄ᬓᬶᬦ᭄᭟ᬧ᭄ᬭᬫᬷᬰ᭄ᬯᬭᬷᬫᭂᬗᬦ᭄ᬤᬶᬓ᭞ᬲᬵᬫ᭄ᬧᬸᬦ᭄ᬧᬜ᭄ᬚᬂᬫᬳᬶᬤᬶᬦᬶᬫᬮᬶᬗ᭄ᬕᬶᬄ᭞ᬫᭂᬯᬲ᭄ᬢᭂᬧᬢᬸᬭᬸᬮᬘᬸᬃ᭞ᬭᬭᬶᬲ᭄ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬯᬦ᭄᭞ᬢᬦᬸᬘᬧᭂᬲᬗ᭄ᬳ᭄ᬬᬂᬲᬸᬃᬬ᭄ᬬᬲᬵᬫ᭄ᬧᬸᬦ᭄ᬲᬸᬭᬸᬧ᭄᭞
ᬫᬩᬺᬤ᭄ᬭᬯᬸᬄᬳᬬᬸᬦᬦ᭄᭞ᬦᬄᬗᬬᬸᬦᬂᬱᬋᬂᬲᬵᬫᬶ᭟ᬫᬩ᭄ᬭᬶᬬᬸᬓ᭄ᬧᬟᬗᬬᬸᬦᬂ᭞ᬮᬶᬦ᭄ᬢᬂᬲᬸᬓᬓᬬᬸᬦᬾᬱᬋᬂᬲᬵᬫᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬳᬶᬤᬜᭂᬓᬸᬮ᭄᭞ᬢᭀᬕᭀᬕᬾᬚᬦᬶᬘᬂᬓ᭄ᬭᬶᬫᬂ

[᭔᭑ 41B]
᭔᭑
᭞ᬲᬮᬶᬂᬢᬶᬫ᭄ᬩᬮ᭄ᬫᭂᬜᬗ᭄ᬓᭀᬂᬤᬶᬚ᭄ᬭᭀᬦᬶᬂᬓᬲᬸᬃ᭞ᬮᬶᬬᬸᬢᬶᬗ᭄ᬓᬄᬤᬶᬧᬫᬺᬫᬦ᭄᭞ᬲᭀᬮᬳᬾᬧᬲᬶᬮᬶᬳᬰᬶᬄ᭟᭜᭟ᬧᬸᬧᬸᬄᬥᬹᬃᬫ᭄ᬫ᭟᭜᭟ᬲᬦᬾᬫᬵᬗ᭄ᬓᬶᬦ᭄‌‌ᬓᬘ᭄ᬭᬶᬢ᭄ᬣᬳᬶᬤᬲᬂᬧᬸᬢᬻ᭞
ᬫᬭᬶᬂᬓᭀᬭᬶᬧᬦ᭄‌‌ᬦᬕᬭᬶ᭞ᬦᬩ᭄ᬤᬩ᭄ᬲᬸᬧᬘᬭ᭞ᬧᬘᬂᬫᬩᬸᬜ᭄ᬘᬶᬂᬓᭂᬤᬳ᭞ᬳᬶᬧᬢᬶᬄᬓᬳᬸᬢᬸᬲ᭄ᬫᬵᬗ᭄ᬓᬶᬦ᭄᭞ᬧᬘᬂᬗᬾᬦ᭄ᬢᭂᬭᬂ᭞ᬲᬳᬸᬧᬘᬭᬦᬾᬲᬵᬫᬶ᭟ᬮᬾᬦ᭄ᬳᬶᬧᬸᬦ᭄ᬢᭂᬗᬾᬦ᭄ᬢᭂᬭᬂᬤᬶᬢᬸ
ᬤᬶᬫᬃᬕ᭄ᬕᬵ᭞ᬫᭂᬧᬫᬶᬢ᭄ᬭᬭᬶᬲ᭄ᬲᬵᬫᬶ᭞ᬧᬟᬦᬸᬗ᭄ᬕᬂᬓᬸᬤ᭞ᬧᬗᬗ᭄ᬕᬾᬦᬾᬫᬵᬲ᭄ᬫᬲᭀᬘ᭞ᬭᬸᬧᬦᬾᬫᬗᬺᬲᬂᬳᬢᬶ᭞ᬮᬵᬫ᭄ᬧᬳᬾᬕᬜ᭄ᬘᬂ᭞ᬲᬵᬫ᭄ᬧᬸᬦ᭄ᬳᭂᬤᭀᬬᭂᬫᬫᬃᬕ᭄ᬕᬶ᭟ᬢᬦᬸᬘᬧᬂᬳᬶᬧ
ᬜ᭄ᬚᬶᬚᬦᬶᬳᬸᬘᬧᬂ᭞ᬗᬵᬦ᭄ᬤᬶᬓᭂᬭᬶᬂᬧᬢᬶᬄᬓᬮᬶᬄ᭞ᬚᬦᬶᬩ᭄ᬯᬶᬦ᭄ᬫᭂᬚᬕ᭞ᬚᬯᬦᬶᬂᬭᭀᬯᬂᬫᭂᬦ᭄ᬢᬯᬦ᭄᭞ᬮᬯᬸᬢᬂᬲᬸᬩᭂᬩᬾᬕᬮᬶᬦ᭄᭞ᬬᬾᬦ᭄ᬩᬦᬶᬗ᭄ᬮᬯᬦ᭄᭞ᬩᭂᬩᬦ᭄ᬤᬭᬦ᭄ᬜᬵᬦᬾᬳᬫ᭄ᬩᬶᬮ᭄᭟